San Lucas 14:26 - Kaqchikel Santo Domingo (Xenacoj)

²⁶ Si kꞌo jun ndirajoꞌ ngiroqaj, pero xa más ndirajoꞌ qa riꞌ rijaꞌ, o más ngerajoꞌ rute-rutataꞌ, rixjayil, eralkꞌuaꞌl, ruchaqꞌ-runimal, o eranaꞌ, ke chuwech ngirajoꞌ riyin, ma rukꞌulun ta chi ndok nu-discípulo.

Tuilleadh tionndaidhean

Kaqchikel Santa Maria de Jesus

²⁶ Xa cꞌo jun ri nrajoꞌ nipa viqꞌuin, nicꞌatzin chi inreꞌ ri más nquirajoꞌ. Ruma xa más ncaꞌrajoꞌ ri rutie-rutataꞌ, ri raxjayil, ri ralcꞌual, ri ruchakꞌ-runimal, ri ranaꞌ o jajaꞌ mismo ri más nrajo-ka-riꞌ, man nucꞌul ta chi ntuoc nu-discípulo.

Kaqchiquel Bible

²⁶ Wi k'o jun ri nipe wik'in richin yirutzeqelibej y xa man yirajo' ta más chuwech ri rute-rutata', chuwech ri rixjayil, ri e ralk'ual, ri e rach'alal o man yirajo' ta más chuwech-qa rija', re wineq re' man ruk'amon ta nok nutijoxel.

Kaqchikel Central Guatemala

²⁶ Vi c'o c'a jun ri nipe viq'uin richin noc nutijoxel, c'o c'a chi ja yin ri más ta yirajo'. Man ruc'amon ta c'a chi ja ta ri rute-rutata' ri más yerajo' que chinuvech yin. Ni man ruc'amon ta c'a chuka' chi ja ta ri rixjayil, ri e ralc'ual, ri e rach'alal o rija' mismo ri más nrajo-ka-ri'. C'o c'a chi ja yin ri más yirajo' ta. Roma vi man que ta ri' ri nuben, man nitiquir ta c'a noc nutijoxel.

Re C'ac'a Testamento pa Kach'abal

²⁶ Vo xa c'o jun nipa viq'uin chin ndoc nu-discípulo, ja-ta c'a yen re más yinrajo'. Man otz-ta che ja-ta re rute-rutota' re más ye'rajo' que chinoch yen. Y man otz-ta chuka' che ja-ta re ruxayil, re rajc'ual, re je ruch'alal o can reja' mismo re más nrajo-ka-ri'. Y can ja-ta c'a yen re más yinrajo'. Roma vo xa man xtuban-ta quire', man nitiquir-ta ndoc nu-discípulo.

Kaqchikel Western Solola

²⁶ Wi c'o c'a jun ri nipe wuq'ui riche (rixin) chi nrajo' yirutzekelbej, c'o c'a chi can yin c'a riyin ri más yirajo'. Man c'a ruc'amon ta c'a chi ya ta ri rute' rutata' ri más yerajo' que chinuwech riyin. Ni ma ruc'amon ta chuka' chi ya ta ri rixjayil, ri ye ralc'ual, ri ye rach'alal ri más yerajo' o xa ya ri ruc'aslen riya' mismo ri más nrajo'. C'o c'a chi can yin c'a riyin ri más yirajo'. Ruma wi ma que ta ri' ri nuben, ma nicowin ta c'a ntoc tzekelbey wuche (wixin).

San Lucas 14:26 Iomraidhean Croise

San Mateo 10:37

Ri más ngerajoꞌ rute-rutataꞌ ke chuwech ngirajoꞌ riyin, ma rukꞌulun ta chi ndok wichin yin. Keriꞌ chuqaꞌ ri teꞌej-tataꞌatz ri más ngekajoꞌ ri kalkꞌuaꞌl ke chuwech nginikajoꞌ riyin, ma rukꞌulun ta chi ngeꞌok wichin yin.

San Lucas 14:20

Y jun chik xubꞌij: Riyin kꞌaja ok xikꞌuleꞌ, romariꞌ maneq cheꞌel ngibꞌewaꞌ rikꞌin.

San Lucas 14:25

Jun chik qꞌij santienta wineq koqan ri Jesús, y rijaꞌ xuyaꞌ vuelta, xubꞌij chake:

San Juan 12:25

Keriꞌ chuqaꞌ, xa achike na jun chiwech rix, ri ja ri aj rochꞌulew rukꞌaslen ndupoqonaj, ma ndiril ta ri kꞌaslen ma ndikꞌis ta, pero xa achike na jun ri ma ndupoqonaj ta ri aj rochꞌulew rukꞌaslen chin nduqꞌasaj kꞌayew roma ngiroqaj, kin ndiril ri kꞌaslen ma ndikꞌis ta.

Hechos 20:24

Pero riyin ma ja ta ri nukꞌaslen ri más kꞌo reqalen chinuwech. Ri kꞌo reqalen, ja ri ndikikot wánima nekꞌisaꞌ ri samaj ruyoꞌon ri Ajaw Jesús pa nuqꞌaꞌ, chi niyaꞌ rutzijol ri utzulej teq tzij chin kolotajik ri ndikꞌutu chiqawech chi roma ru-favor ri Dios ngojkolotej.

Romanos 9:13

Achel ndubꞌij ri rutzij ri Dios tzꞌibꞌan kan: Ja ri Jacob xinchaꞌ chin xok nutinamit, jakꞌa ri Esaú naq.

Filipenses 3:8

Y ma xe ta riꞌ, porque hasta nojel ri nubꞌanaloꞌon pa nukꞌaslen ma jun reqalen chuwa atoq nijunumaj rikꞌin retamaxik ri nimalej runoꞌoj ri Cristo Jesús ri Wajaw. Y roma niwojoꞌ ri kolotajik ri ndusuj rijaꞌ, ma kuqul chi ta nukꞌuꞌx chi ngikolotej roma rubꞌeyal ri nukꞌaslen rubꞌanun kan, xa nubꞌanun achel seqꞌ chare ri ojer kꞌaslen riꞌ, chin keriꞌ ja ri Cristo Rajaw ri nukꞌaslen.

Apocalipsis 12:11

Y ri qa-hermanos riꞌ xetiker chirij ri itzel, Roma rukikꞌel ri Alaj Karneꞌl Y roma chuqaꞌ xkiyaꞌ rutzijol chi kitaqin rijaꞌ. Ma xkipoqonaj ta ri kikꞌaslen, maske xekamisex.