San Lucas 14:15 - Kaqchikel Santo Domingo (Xenacoj)

¹⁵ Atoq xkakꞌaxaj ri xubꞌij ri Jesús, jun chikikajal ri tzꞌuyul chuchiꞌ mesa xubꞌij chare: ¡Kin jabꞌel rokiqꞌij konojel ri xkewaꞌ pa ru-reino ri Dios!

Tuilleadh tionndaidhean

Kaqchikel Santa Maria de Jesus

¹⁵ Y cꞌo jun ri tzꞌuyul chirij ri mesa, antok xraꞌxaj ri tzij ri xuꞌej ri Jesús, xuꞌej cha: Can jaꞌal caꞌquicuot ri xcaꞌcꞌujieꞌ pa ru-reino ri Dios y xcaꞌvaꞌ chireꞌ, xchaꞌ.

Kaqchiquel Bible

¹⁵ K'o k'a jun ri raq'el ri chiri' pa mesa, toq rak'axan chik qa ri xubij ri Jesús, xubij k'a apo chire: Jebel ruwa-kiq'ij ri xkek'oje' pa rajawaren ri Dios, y kan xtikitej kiway chiri', xcha'.

Kaqchikel Central Guatemala

¹⁵ Y c'o c'a jun ri tz'uyul ri chiri' pa mesa, tok rac'axan chic ka ri tzij ri xubij ri Jesús, xubij c'a apo chire: Jebel ruva-quik'ij ri xquec'oje' pa rajavaren o pa ruk'a' ri Dios y can xtiquitej quivay chiri', xcha'.

Re C'ac'a Testamento pa Kach'abal

¹⁵ Y c'o c'a jun re tz'uyul chire' chach mesa, tak ruc'axan chic-ka re tzij re xe'rubij re Jesús, xpa reja' xubij-apo cha re Jesús: Otz-quibanoj re xque'c'ue' pa ruk'a' re Dios y can xque'va' chire', xcha'.

Kaqchikel Western Solola

¹⁵ Y c'o c'a jun achi ri tz'uyul chiri' pa mesa, tek rac'axan chic ka ri tzij ri xubij ri Jesús, xubij c'a apo chare ri Jesús: Jabel ruwaruk'ij ri can xtibewa' pa rajawaren ri Dios, xcha'.

San Lucas 14:15 Iomraidhean Croise

San Mateo 25:10

Y atoq ri ewoꞌoꞌ qꞌopojiꞌ ebꞌaneq chuloqꞌik ri aceite, xuqaqa ri kꞌajol ndikꞌuleꞌ, y ri woꞌoꞌ qꞌopojiꞌ ri kinabꞌan kiꞌ xeꞌok apu junan rikꞌin ri kꞌajol pa nimaqꞌij chin ri kꞌulubꞌik, y xtzꞌapix pe ri puerta chin ri jay.

San Mateo 8:11

Y nibꞌij chiwa chi pa ru-reino ri aj chikaj Dios, ngebꞌeqaqa santienta wineq epataneq pa teq rochꞌulew kelaꞌ apeꞌ ndel pe ri qꞌij y wineq epataneq kelaꞌ apeꞌ ndiqaqa wi y ngebꞌetzꞌuyeꞌ chuchiꞌ mesa junan kikꞌin ri Abraham, ri Isaac, y ri Jacob.

San Lucas 12:37

Jabꞌel rokiqꞌij ri samajelaꞌ ri kin ekꞌes apu koyobꞌen ri kajaw atoq nduqaqa. Kin qetzij nibꞌij chiwa, chi ri kajaw ndubꞌen rukꞌojlen chin ngerilij, ngerutzꞌuyubꞌaꞌ chuchiꞌ ru-mesa y ngerutzuq.

San Lucas 13:29

Pa ru-reino ri Dios ngebꞌeqaqa wineq epataneq pa norte, wineq epataneq pa sur, wineq ri epataneq pa teq rochꞌulew kelaꞌ apeꞌ ndel pe ri qꞌij, y wineq epataneq kelaꞌ apeꞌ ndiqaqa wi, y ngebꞌetzꞌuyeꞌ chuchiꞌ mesa.

San Lucas 22:16

Porque nibꞌij chiwa chi ma xtinkꞌux ta chik, hasta kꞌa tibꞌanatej na chupan ru-reino ri Dios nojel ri ndukꞌut re waꞌin reꞌ.

San Lucas 22:30

chin ngixwaꞌ y nditij iyaꞌ chuchiꞌ mesa wikꞌin pa nu-reino, y niyaꞌ uchuqꞌaꞌ pa iqꞌaꞌ chin ngixbꞌetzꞌuyeꞌ pa tronos, chin ndiqꞌet tzij pa kiwiꞌ ri kiy-kimam kan ri kabꞌlajuj rukꞌajol ri Israel.

Apocalipsis 19:9

Y kereꞌ xubꞌij ri ángel chuwa: Tatzꞌibꞌaj reꞌ: ¡Kin jabꞌel rokiqꞌij ri xeꞌoyox chin ngewaꞌ chupan ri nimaqꞌij chin rukꞌulubꞌik ri Alaj Karneꞌl! Y xubꞌij chuqaꞌ chuwa: Re tzij re xinbꞌij chawa kin eqetzij wi, porque erutzij ri Dios.