San Lucas 12:2 - Kaqchikel Santo Domingo (Xenacoj)

² Porque ma jun achike ri bꞌanun chilaqꞌel ri man ta xtiqꞌalajrisex, y ma jun achike ri ewan ri man ta xtetamex.

Tuilleadh tionndaidhean

Kaqchikel Santa Maria de Jesus

² Ruma man jun kax ri man kꞌalaj ta, ri man ta xtibꞌakꞌalajin-pa. Y man jun kax ri avan-can, ri man ta xtinaꞌax.

Kaqchiquel Bible

² Ronojel ri man q'alajirisan ta xtibeq'alajin-pe. Y ronojel ri tz'apel kan rij, xtel k'a pe chuwa saqil.

Kaqchikel Central Guatemala

² Y ronojel ri man k'alajirisan ta xtik'alajin-pe. Y ronojel ri tz'apel can rij, xtel c'a pe pa sakil, y conojel c'a xque'etaman, y conojel chuka' xquetz'eton.

Re C'ac'a Testamento pa Kach'abal

² Y ronojel re man can-ta sekresam-pa, can xtisekresas, y ronojel re tz'apin rij, can xtel pa sakil, mare' can conojel c'a xque'taman, y conojel chuka' xque'tz'eto.

Kaqchikel Western Solola

² Y ronojel ri ma k'alajsan ta, xtik'alajin pe. Y ronojel ri tz'apel ca rij, xtel c'a pe chuwasakil.

San Lucas 12:2 Iomraidhean Croise

Marcos 4:22

Porque ma jun achike ri ma ndiqꞌalajin ta wokami ri man ta xtiqꞌalajin, y nixta jun ri ewan ri man ta xtel cho luz.

San Lucas 8:17

Porque ma jun achike ri ma ndiqꞌalajin ta wokami ri man ta xtiqꞌalajin, y nixta jun ri ewan ri man ta xtel cho luz, xa kin nojel xtiqꞌalajin pe.

Romanos 2:16

Y ri Dios ja ri Cristo Jesús ndukusaj chin nduqꞌet tzij pa kiwiꞌ ri wineq roma ri itzel teq achike kewan pa kánima, y pa ruqꞌaꞌ ri Cristo Jesús rujachon chin nduyaꞌ rukꞌexel chake. Keriꞌ ndubꞌij ri utzulej teq tzij chin kolotajik ri niyaꞌ rutzijol riyin.

1 Corintios 4:5

Romariꞌ, rix ma xetal tibꞌij chi jun rusamajel ri Cristo utz ndubꞌen chare ri samaj y jun chik ma utz ta. Atoq nduqaqa ri Ajaw, ja rijaꞌ ndiqꞌalajrisan nojel ri kꞌo pa qꞌequꞌ y nduruqꞌalajrisaj chuqaꞌ achike xnimo richin jun samajel chin xubꞌen ri samaj xjach pa ruqꞌaꞌ. Chupan ri qꞌij riꞌ, kꞌaja na ri Dios xtibꞌiꞌin chaqe chiqajununal achike ri utz xqabꞌen.

2 Corintios 5:10

Porque roj qonojel, kꞌo jun qꞌij ngojbꞌeqaqa chuwech ri Cristo apeꞌ nduqꞌet tzij, chin ndiyoꞌox rukꞌexel chaqe chiqajununal ri xqabꞌen pa qakꞌaslen chupan ri aj rochꞌulew qa-cuerpo. Y kin achel ri utz o ma utz ta xqabꞌen, keriꞌ rukꞌexel ndiyoꞌox chaqe.