San Lucas 10:3 - Kaqchikel Santo Domingo (Xenacoj)

³ Wokami kixbꞌiyin kꞌa, riyin ngixinteq achel alaj teq karneꞌl chikikajal wineq ri eꞌachel salilej teq utiwaꞌ ri ndiyakatej koyowal chiwij.

Tuilleadh tionndaidhean

Kaqchikel Santa Maria de Jesus

³ Y vacame nquixtak-el, xa ix incheꞌl ovejas ri nquixbꞌaka chiquicajol vinak ri incheꞌl utif.

Kaqchiquel Bible

³ ¡Kixbiyin k'a! Yin xkixinteq-el achi'el taq karne'l chikikojol ri winaqi' ri e achi'el utiwa'.

Kaqchikel Central Guatemala

³ Y vacami quixbiyin c'a. Ivetaman c'a ri' chi rix xa achi'el tak carne'l ri yixintek-el chiquicojol ri vinek e achi'el utiva'.

Re C'ac'a Testamento pa Kach'abal

³ Y vocame quixbiyin. Y titamaj che yex xa yix ancha'l ch'utak ovejas re yixintak-a chiquicojol re vinak je ancha'l utif.

Kaqchikel Western Solola

³ Y wacami quixbiyin c'a. Y riyix iwetaman chi xa yix achi'el tak carne'l ri yixbeka chiquicojol ri winek ri ye achi'el utiwa' (coyotes).

San Lucas 10:3 Iomraidhean Croise

San Mateo 10:16

Wokami ngixinteq achel karneꞌl chikikajal wineq ri eꞌachel salilej teq utiwaꞌ, ri kin xtiyakatej koyowal chiwij. Romariꞌ kꞌes inoꞌoj tibꞌanaꞌ, achel kumetz ri ndikijekꞌ kiꞌ atoq ndikinabꞌej chi ndibꞌan jun achike chake, y achel palomas ri maneq itzel ndikibꞌen.

San Mateo 10:22

Y roma yin itaqin, kin itzel xkixtzꞌat koma konojel wineq, pero ri jumul ndukachꞌ ruwech hasta pa rukꞌisibꞌel, kin ndikolotej.

San Mateo 7:15

Rix tichajij iwiꞌ chikiwech ri ndikiqꞌabꞌaj kiꞌ chi e-profetas chin ri Dios, porque atoq ngebꞌeqaqa chiꞌikajal, eꞌachel teq karneꞌl ri nixta jun kimak ndikibꞌen, pero pa kánima ri itzel teq wineq riꞌ eꞌachel kꞌuxunel teq utiwaꞌ, porque ndikajoꞌ ngixkikꞌis.

San Lucas 10:4

Ma tikꞌuaj koxtar, nixta méra, nixta jun par chik xajabꞌ, y ma kixpeꞌeꞌ layaj pa bꞌey chin ndiyaꞌ ruxunaqil kiwech wineq.

San Juan 10:12

Jakꞌa ri samajel ri xaxe roma tojon ngeruyuqꞌuj ri karneꞌl, ma ja ta rijaꞌ ri yuqꞌunel y ma erichin ta ri karneꞌl. Romariꞌ ri samajel riꞌ atoq ndutzꞌet chi ndeqaqa jun utiw apeꞌ ekꞌo ri karneꞌl, ndanimej e y ngeruyaꞌ kan kiyon. Y ri utiw kꞌo karneꞌl ngeruxil, ngerukayej ngerukꞌuaj y ri chꞌaqa chik ndikikiraj e kiꞌ.

San Juan 15:20

Tikꞌuxlaꞌaj ri tzij nubꞌiꞌin kan chiwa: Ma jun samajel más ta kꞌo ruqꞌij ke chuwech ri rajaw. Romariꞌ, si ri wineq yin kitzeqlebꞌen chin ndikibꞌen itzel chuwa, keriꞌ chuqaꞌ xtikibꞌen chiwa rix. Pero si xtikinimaj nutzij riyin, kin xtikinimaj chuqaꞌ itzij rix.

San Juan 16:2

Rix kin xkixoqotex pe pa teq sinagogas, y nduqaqa ri qꞌij atoq xa achike na jun ri xkixkamisan, pa rutzij rijaꞌ rusamaj ri Dios ndajin rikꞌin.

Hechos 20:29

Riyin wetaman chi atoq ma yinkꞌo chi ta chiꞌikajal, ngetuqaqa wineq chiꞌikajal ri eꞌachel utiwaꞌ, ri ma ngekipoqonaj ta kiwech ri hermanos ri eꞌachel karneꞌl chin ri Dios.

Hechos 9:16

Y riyin nikꞌut chuwech janipeꞌ kꞌayew nderuqꞌasaj roma nderuyaꞌ utzulej nutzijol, xchajeꞌ.

Hechos 9:2

y xukꞌutuj chare chi ketzꞌibꞌex e wuj chake ri eꞌukꞌuey bꞌey chikiwech ri ndikimal kiꞌ pa teq sinagoga pa tinamit Damasco chin tikitoꞌ chikikanoxik ri koqan ri kꞌakꞌakꞌ Bꞌey xukꞌut kan ri Jesús. Y keriꞌ, chi achiꞌaꞌ chi ixoqiꞌ xkerutzꞌen, xkeruxim y ngerukꞌuaj pa tinamit Jerusalén chin ndiqꞌat tzij pa kiwiꞌ.