San Lucas 1:41 - Kaqchikel Santo Domingo (Xenacoj)

⁴¹ Atoq ri Elisabet xrakꞌaxaj ri ruxunaqil ruwech xuyaꞌ ri María, xunaꞌ chi ri chꞌuti akꞌual ri kꞌo chupan xropin. Y ri Elisabet xnoj ránima rikꞌin ri Espíritu Santo.

Tuilleadh tionndaidhean

Kaqchikel Santa Maria de Jesus

⁴¹ Antok ri Elisabet xraꞌxaj ri ru-saludo ri María, can xsiluon ri ral xunaꞌ. Y ri Elisabet xnuoj ránima riqꞌuin ri Espíritu Santo,

Kaqchiquel Bible

⁴¹ Toq ri Elisabet xrak'axaj ri ruq'ejelonik ri María, jari' toq ri ak'ual xropin janila, xuna' rija'. Ri Elisabet xnoj ri ránima rik'in ri Loq'olej Espíritu,

Kaqchikel Central Guatemala

⁴¹ Tok ri Elisabet xrac'axaj ri ruk'ejelonic (ruk'ijalonic) ri María, can xropin janíla ri ac'ual ri royoben, xuna' rija'. Y tok ri Elisabet nojinek chic ránima riq'uin ri Lok'olej Espíritu,

Re C'ac'a Testamento pa Kach'abal

⁴¹ Tak re Elisabet xuc'axaj re ruxnokil-rach re xuya' re María, reja' xuna' che can xsilon re ac'ual chupan. Y tak re Elisabet nojnak chic ránma riq'uin re Espíritu Santo,

Kaqchikel Western Solola

⁴¹ Tek ri Elisabet xrac'axaj ri rutzil ruwech ri xya'ox (xya') ruma ri María, can sibilaj xropin ri ac'al ri royoben xuna' riya'. Y ri Elisabet xnoj ránima riq'ui ri Lok'olaj Espíritu,

San Lucas 1:41 Iomraidhean Croise

San Lucas 1:15

Porque ri akꞌual riꞌ nim ruqꞌij chuwech ri Dios. Ma jumbꞌey xtutij vino y nixta jun ruwech yaꞌ ri ndiqꞌabꞌarisan, y kꞌajani talex, ja nojneq chik ránima rikꞌin ri Espíritu Santo.

San Lucas 1:40

Y atoq xbꞌeqaqa pa tinamit, ri María xok apu pa rachoch ri Zacarías y xuyaꞌ ruxunaqil ruwech ri Elisabet.

San Lucas 1:42

Ja atoq riꞌ ri Elisabet kaw xchꞌaꞌa y kereꞌ xubꞌij chare ri María: ¡Kin jabꞌel roꞌaqꞌij chikikajal ri ixoqiꞌ y kin jabꞌel roruqꞌij ri awal ri ndalex!

San Lucas 1:44

Porque xe xinwakꞌaxaj ri ruxunaqil nuwech xayaꞌ, ja xropin chinupan ri wal woyobꞌen roma ndikikot.

San Lucas 1:67

Ri Zacarías, ri rutataꞌ ri akꞌual, kin xnoj ránima rikꞌin ri Espíritu Santo, y xuqꞌalajrisaj ri xubꞌij pe ri Dios pa ránima y xubꞌij:

San Lucas 4:1

Ri Jesús nojneq ránima rikꞌin ri Espíritu Santo, xuyaꞌ kan ri raqen yaꞌ Jordán, y ukꞌuan roma ri Espíritu pa chaqiꞌj y tzꞌiran ulew.

Hechos 2:4

Konojel xnoj kánima rikꞌin ri Espíritu Santo, y xkitzꞌuk ngechꞌaꞌa pa jalajaj teq chꞌabꞌel ri ma kitijon ta kiꞌ rikꞌin, chꞌabꞌel ri xuyaꞌ ri Espíritu Santo chake.

Hechos 4:8

Y ri Pedro nojneq ránima rikꞌin ri Espíritu Santo, kereꞌ xubꞌij chake: Nimalej teq achiꞌaꞌ ri kꞌo uchuqꞌaꞌ pa iqꞌaꞌ, y rix intéra teq achiꞌaꞌ ri kꞌo iqꞌij, nibꞌij chiwa:

Hechos 6:3

Romariꞌ hermanos, keꞌikanoj rix wuquꞌ achiꞌaꞌ chiꞌikajal, ri ngetzꞌetetej chi chojmilej kikꞌaslen, nojneq kánima rikꞌin ri Espíritu Santo y rikꞌin ri nojibꞌel pataneq rikꞌin ri Dios, chin ndiqayaꞌ ri samaj riꞌ pa kiqꞌaꞌ.

Hechos 7:55

Pero ri Esteban nojneq ránima rikꞌin ri Espíritu Santo, xtzuꞌun e chikaj, xutzꞌet ri nimalej ruqꞌij ri Dios, y xutzꞌet chuqaꞌ chi ri Jesús peꞌel pa rikiqꞌaꞌ ri Dios.

Hechos 9:17

Ri Ananías xbꞌa, y xok apu pa achoch apeꞌ kꞌo ri Saulo. Atoq xuyaꞌ ruqꞌaꞌ pa ruwiꞌ ri Saulo, kereꞌ xubꞌij chare: Hermano Saulo, ri Ajaw Jesús ri xukꞌut riꞌ chawech atoq rat pataneq pa bꞌey, xiruteq pe chiꞌatzꞌetik chin ngatzuꞌun chik jumbꞌey, y chin ndinoj awánima rikꞌin ri Espíritu Santo, xchajeꞌ ri Ananías.

Efesios 5:18

Ma tiqꞌabꞌarisaj iwiꞌ, porque riꞌ ndubꞌen chiwa chi ma ngixtiker ta ndiqꞌet iwiꞌ chuwech ri itzel teq achike. Pa rukꞌexel riꞌ, tiyaꞌ qꞌij chare ri Espíritu Santo chi ndunojisaj ri iwánima,

Apocalipsis 1:10

Pa jun domingo, qꞌij ri ndibꞌix chin ri Ajaw chare, xikꞌojeꞌ chuxeꞌ ruchuqꞌaꞌ ri Espíritu Santo y xinwakꞌaxaj jun chꞌabꞌel chuwij ri kaw xchꞌaꞌa pe, y ri chꞌabꞌel riꞌ achel ndiqꞌajan jun trompeta.