San Juan 8:12 - Kaqchikel Santo Domingo (Xenacoj)

¹² Jumbꞌey chik ri Jesús xchꞌaꞌa chake ri wineq y xubꞌij: Ja riyin ri ngiyikꞌan kikꞌaslen ri wineq. Ri ndoqan wichin, ndikꞌojeꞌ pa ránima ri luz chin ri kꞌaslen ma ndikꞌis ta, y ri wineq riꞌ ma ndikꞌojeꞌ chi ta pa qꞌequꞌ.

Tuilleadh tionndaidhean

Kaqchikel Santa Maria de Jesus

¹² Antok ri Jesús xchꞌoꞌ chic jun bꞌay chiquivach ri vinak, xuꞌej: Inreꞌ ri Sakil richin nojiel ri roch-ulief. Ri niꞌa chuvij, can xtiril ri sakil richin ri rucꞌaslien viqꞌuin. Y man chic xtiꞌin ta pa kꞌakuꞌn.

Kaqchiquel Bible

¹² Ri Jesús xch'on chik k'a jun bey kik'in ri fariseo, y xubij: Ja yin ri yisaqirisan kik'aslen ri winaqi' ri ek'o chuwech re ruwach'ulew. Ri nitzeqeliben wichin, kan xtinsaqirisaj k'a y xtril ruk'aslen wik'in. Y rija' man chik k'a xtibiyin ta pa q'equ'm, xcha'.

Kaqchikel Central Guatemala

¹² Tok ri Jesús xch'on chic c'a jun bey chiquivech ri vinek, xubij c'a: Ja yin ri yisakirisan quic'aslen ri vinek ri ec'o chuvech re ruvach'ulef. Ri nitzekelben c'a vichin, can xtinsakirisaj c'a y xtril ruc'aslen viq'uin. Y rija' man chic c'a xtibiyin ta pa k'eku'n.

Re C'ac'a Testamento pa Kach'abal

¹² Tak re Jesús xch'o chic jun bey chiquivach re vinak, xubij: Ja yen re sakil quichin conojel re vinak re jec'o chach re ruch'ulef. Re nitzekelben vichin, can xtic'ue' re sakil riq'uin y xtuvel ruc'aslen viq'uin. Y reja' man chic xtibiyin-ta pa k'oko'm.

Kaqchikel Western Solola

¹² Tek ri Jesús xch'o chic c'a jun bey chique ri winek, xubij c'a: Yin c'a riyin ri yisakirisan quic'aslen ri winek ri yec'o chuwech re ruwach'ulef. Ri nitzekelben wuche (wixin), can xtril ri sakil riche (rixin) ri ruc'aslen wuq'ui. Y riya' man chic c'a xtibiyin ta pa k'eku'm.

San Juan 8:12 Iomraidhean Croise

San Mateo 5:14

Ri ikꞌaslen rix achel chuqaꞌ luz ri nduyikꞌaj kikꞌaslen ri wineq. Jun tinamit ri kꞌo pariꞌ jun juyuꞌ, maneq cheꞌel man ta nditzꞌetetej.

San Lucas 2:32

Rijaꞌ kin xtuyikꞌaj kikꞌaslen ri ma israelitas ta, Y roma rijaꞌ ndikꞌojeꞌ qaqꞌij roj israelitas, xchajeꞌ ri Simeón.

San Juan 12:35

Ri Jesús xubꞌij chake: Riyin ri ngiyikꞌan rubꞌey ri ikꞌaslen, kꞌa ngikꞌojeꞌ jubꞌaꞌ chiꞌikajal, romariꞌ, kixbꞌiyin chupan re yikꞌinik niyaꞌ riyin, utz kꞌa yinkꞌo chireꞌ, ma kꞌateꞌ tiqaqa qꞌequꞌ pa iwiꞌ. Porque ri ndibꞌiyin pa qꞌequꞌ, ndisach ri bꞌey chuwech.

San Juan 12:36

Pero utz kꞌa kꞌo re yikꞌinik reꞌ iwikꞌin, titaqij, chin keriꞌ ngixok wineq ri ngixyikꞌan pa ikꞌaslen achel riyin. Atoq rubꞌiꞌin chik keriꞌ ri Jesús, xeruyaꞌ kan ri wineq y xsacho riꞌ chikiwech.

San Juan 12:46

Ja riyin ri luz ri xinuqaqa chochꞌulew, chin keriꞌ ri nditaqin wichin, ma ndikanej ta pa qꞌequꞌ.

San Juan 14:6

Y ri Jesús xubꞌij: Ja riyin ri bꞌey, ja riyin ri qetzij y ja riyin ri kꞌaslen, nixta jun nditiker ndeqaqa apeꞌ kꞌo ri Tataꞌaj Dios, si ma ngirutaqij ta riyin.

San Juan 3:19

Ri achike roma ri Dios nduyaꞌ castigo pa kiwiꞌ ri wineq, jareꞌ: Ri Jun ri ndiyikꞌan kikꞌaslen ri wineq xuqaqa chochꞌulew, pero ri wineq más xkajoꞌ xekꞌojeꞌ pa qꞌequꞌ, porque xa kin itzel wi ri ngetajin rikꞌin.

San Juan 7:17

Si kꞌo jun ndirajoꞌ ndubꞌen ri rurayibꞌel ri Dios, ndukꞌoxomaj si ri tijonik niyaꞌ riyin kin rikꞌin ri Dios pataneq o xa riyin tzꞌukuyun qa.

San Juan 9:5

Ri janipeꞌ qꞌij ri kꞌa yinkꞌo na chochꞌulew, ja riyin ri ngiyikꞌan kikꞌaslen ri wineq.

Hechos 13:47

Porque kereꞌ rubꞌiꞌin kan ri Ajaw Dios chaqe: Riyin rat nuyoꞌon achel jun luz chake ri ma israelitas ta, Chin keriꞌ ngatok ukꞌuey rutzijol ri kolotajik niyaꞌ Chake ri wineq ekꞌo chi nej chi naqaj pa ruwiꞌ ri rochꞌulew. Keriꞌ rubꞌiꞌin kan ri Ajaw Dios.

Hechos 26:23

Ri Jun ri nditaq pe roma ri Dios chukolik ri rutinamit, kin xtiyoꞌox pa kꞌayew y ndikamisex, y ja rijaꞌ ri nabꞌey ndikꞌastajbꞌex pe chikikajal ri animaꞌiꞌ chin ma ndiken chi ta, y ja rijaꞌ ndikꞌamo pe rutzijol ri kolotajik chake ri israelitas y ri ma israelitas ta. Keriꞌ kibꞌiꞌin kan y jariꞌ ri nitzijoj riyin chi xbꞌanatej, xchajeꞌ ri Pablo.

2 Pedro 2:17

Ri itzel teq tijonelaꞌ riꞌ, xa eꞌachel alaxbꞌel teq yaꞌ ri xechaqiꞌj yan, y eꞌachel teq nubes ri maneq jabꞌ kikꞌuan, eꞌukꞌuan roma ruchuqꞌaꞌ ri kaqiqꞌ. Chake rejeꞌ bꞌanun chik rukꞌojlen jun lugar ri kin qꞌequ-qꞌequꞌ rupan.

2 Pedro 2:4

Porque ri Dios nixta ri ángeles ri xkibꞌen mak xerukuy, xa xerutorij qa chupan ri qꞌarachꞌaraj siwan apeꞌ etzꞌapel koyobꞌen ri qꞌij chi ndiyoꞌox castigo chake.

1 Juan 1:6

Si ndiqabꞌij chi xe jun qabꞌanun rikꞌin ri Dios, pero xa qakꞌuan ri qakꞌaslen pa qꞌequꞌ, xa ngojreqꞌon, y ma ndiqabꞌen ta ri qetzij pa qakꞌaslen.

Judas 1:13

Xa eꞌachel bꞌoloj teq yaꞌ pa mar, ri nixta jun ndiqꞌato kichin, y ri kꞌixbꞌel teq achike ngekibꞌanalaꞌ kin achel ri bꞌoloj teq yaꞌ ndiwaqa ruwiꞌ. Eꞌachel chꞌumil ri xetal keriꞌ ebꞌaneq. Pero rejeꞌ kin qꞌaton chik pa kiwiꞌ chin ngetaq chupan ri qꞌarachꞌaraj qꞌequꞌ chin jumul.

Judas 1:6

Keriꞌ chuqaꞌ niwojoꞌ nikꞌuxlaꞌaj chiwa ri xbꞌanatej kikꞌin ri ángeles ri xkiyaꞌ kan ri uchuqꞌaꞌ yoꞌon pa kiqꞌaꞌ y xkiyaꞌ kan chuqaꞌ ri lugar apeꞌ eruyoꞌon ri Dios chikaj. Ri Dios erutzꞌapin pa jun qꞌarachꞌaraj lugar, apeꞌ maneq cheꞌel chi ngeꞌel kꞌa terilaꞌ na ri qꞌij atoq ndiqꞌat tzij pa kiwiꞌ.

Apocalipsis 21:24

Ri jalajaj kiwech wineq ekꞌo chochꞌulew kin xkebꞌiyaj pa ruyikꞌinik ri tinamit riꞌ. Y ri reyes chin ri rochꞌulew kin xtekijachaꞌ ri kibꞌeyomal chiriꞌ.