San Juan 7:28 - Kaqchikel Santo Domingo (Xenacoj)

²⁸ Y ri Jesús atoq ngerutijoj ri wineq pa rachoch ri Dios, rikꞌin kaw ruchꞌabꞌel xubꞌij: Rix ndibꞌij chi iwetaman nuwech y ndibꞌij chuqaꞌ chi iwetaman yin aj apeꞌ. Pero riyin ma nuyon ta chinuwech yin pataneq, xa kin pa rubꞌiꞌ ri taqayon pe wichin yin pataneq. Rijaꞌ kin qetzij chi Dios y rix ma iwetaman ta runoꞌoj.

Tuilleadh tionndaidhean

Kaqchikel Santa Maria de Jesus

²⁸ Y ri Jesús nichꞌoꞌ chiquivach ri vinak ri chireꞌ pa templo. Y cof xchꞌoꞌ y xuꞌej: Ixreꞌ ivataꞌn noch y ivataꞌn jeꞌ pacheꞌ xipa-ve. Pero ri takayuon-pa vichin man ivataꞌn ta roch, y jajaꞌ can ketzij. Man nuyuon ta inreꞌ xinꞌan chi xipa choch-ulief.

Kaqchiquel Bible

²⁸ Roma ri' ri Jesús rik'in k'a ruchuq'a' xch'on y xubij: ¿Kan qitzij kami chi iwetaman nuwech y iwetaman chuqa' akuchi kipe-wi? Man nuyon ta yin xinben chi xipe chuwech re ruwach'ulew. Jak'a ri taqayon-pe wichin man iwetaman ta ruwech, y rija' kan qitzij.

Kaqchikel Central Guatemala

²⁸ Y ri Jesús nich'on c'a chiquivech ri vinek ri chiri' pa rachoch ri Dios. Y riq'uin c'a ruchuk'a' xch'on y xubij: Rix can ivetaman-vi nuvech y ivetaman chuka' acuchi quipe-vi. Jac'a ri takayon-pe vichin man c'a ivetaman ta ruvech, y rija' can kitzij. Man c'a nuyon ta yin xinben chi xipe chuvech re ruvach'ulef.

Re C'ac'a Testamento pa Kach'abal

²⁸ Y re Jesús nich'o chiquivach re vinak chire' pa rachoch re Dios. Y jun pa ruchi' xch'o y xubij: Yex can itaman-va noch y itaman chuka' anche' quimpo-va. Jac'a re takayom-pa vichin man itaman-ta rach, y reja' can katzij. Man c'a nayon-ta yen ximbano-ka che ximpa chach re ruch'ulef.

Kaqchikel Western Solola

²⁸ Y ri Jesús nich'o c'a chiquiwech ri winek chiri' pa rachoch ri Dios. Y riq'ui c'a ruchuk'a' xch'o y xubij: Riyix can iwetaman wi nuwech, y chuka' iwetaman acuchi (achique) yipe wi. Pero ma nuyon ta riyin xinben chi xipe chuwech re ruwach'ulef. Ri yin takayon pe ya ri kitzij Dios, xa yac'a chi riyix ma iwetaman ta ruwech.

San Juan 7:28 Iomraidhean Croise

San Mateo 11:27

Y xubꞌij chuqaꞌ: Nojel rujachon ri Nataꞌ Dios pa nuqꞌaꞌ, y nixta jun etamayon achike qitz méra riyin ri Kꞌajolaxel, xa kin xe ri Tataꞌaj Dios, y nixta jun chuqaꞌ etamayon achike qitz méra ri Tataꞌaj Dios, xa kin xe riyin ri Kꞌajolaxel y ri achoq chake niwojoꞌ niqꞌalajrisaj.

San Mateo 2:23

Y atoq xebꞌeqaqa chiriꞌ, xebꞌekꞌojeꞌ pa jun tinamit rubꞌiniꞌan Nazaret, chin keriꞌ xbꞌanatej ri bꞌiꞌin kan koma ri ru-profetas ri Dios, atoq xkibꞌij: Ri akꞌual ndibꞌix aj Nazaret chare.

San Mateo 26:55

Y ja atoq riꞌ ri Jesús xubꞌij chake ri wineq: ¿Achike roma ikꞌamon pe cheꞌ y espadas chuwij chin nginitzꞌen e, achel xa ta chutzꞌamik jun eleqꞌon rix pataneq? Qꞌij-qꞌij xitzꞌuyeꞌ pa rachoch ri Dios chin xixintijoj rikꞌin ri rutzij ri Dios, y rix ma xinitzꞌen ta.

San Lucas 10:22

Y xubꞌij chuqaꞌ: Nojel rujachon ri Nataꞌ Dios pa nuqꞌaꞌ, y nixta jun etamayon achike riyin ri Kꞌajolaxel, xa kin xe ri Tataꞌaj Dios, y nixta jun chuqaꞌ etamayon achike ri Tataꞌaj Dios, xa kin xe riyin ri Kꞌajolaxel, y ri achoq chake niwojoꞌ niqꞌalajrisaj.

San Lucas 2:11

Porque chupan re qꞌij reꞌ, pa rutinamit ri rey David, xalex jun Kolonel, y riꞌ ja ri Ajaw ri taqon pe roma ri Dios chukolik ri rutinamit.

San Lucas 2:39

Atoq ri José y ri María xkichꞌajchꞌojrisaj yan kiꞌ achel ndubꞌij ri ley chin ri Ajaw, xetzolij chikachoch pa tinamit Nazaret ri kꞌo pa rochꞌulew Galilea.

San Lucas 2:4

Y keriꞌ chuqaꞌ xubꞌen jun achi rubꞌiniꞌan José, xel pe pa tinamit Nazaret chin ri rochꞌulew Galilea, y xbꞌa e pa tinamit Belén chin ri rochꞌulew Judea ri rutinamit ri rey David, porque ri José jun riy-rumam kan ri David.

San Lucas 2:51

Ja atoq riꞌ ri Jesús xeroqaj pe ri rute-rutataꞌ y xetzolij qa pa tinamit Nazaret. Y ri Jesús kin ngerunimaj ri rute-rutataꞌ. Y ri María nojel ri ndibꞌanatej rikꞌin ri Jesús, kin nduyek pa ránima.

San Juan 1:46

Y ri Natanael xubꞌij: ¿Kꞌo kami jun achike utz xtel pa tinamit Nazaret? Y ri Felipe xubꞌij chare: Si ma ndataqij ta, joꞌ taꞌatzꞌetaꞌ.

San Juan 10:36

¿achike roma rix ndibꞌij chi niyaqꞌ rubꞌiꞌ ri Dios xe roma xinbꞌij chi yin Rukꞌajol, xu ja rijaꞌ yin chaꞌayon chin xiruteq pe chochꞌulew?

San Juan 12:49

Porque riyin nixta jun tzij ri nuyon ta chinuwech nubꞌiꞌin; ri tzij nubꞌiꞌin pe chiwa, ja ri Nataꞌ ri taqayon pe wichin ri rubꞌanun pe mandar chin nibꞌij y ngixintijoj rikꞌin.

San Juan 14:10

¿Ma ndataqij ta chi riyin jun nubꞌanun rikꞌin ri Tataꞌaj Dios, y rijaꞌ jun rubꞌanun wikꞌin? Ri tzij ri nibꞌij chiwa, ma nuyon ta chinuwech enutzꞌukun qa, y keriꞌ chuqaꞌ ja ri Tataꞌaj Dios ri jun ránima rubꞌanun wikꞌin ri ndikusan wichin chin ngerubꞌen ri nimalej teq achike eꞌitzꞌeton pe.

San Juan 14:31

Pero ndikꞌatzin chi ri wineq ndiketamaj chi riyin niwojoꞌ ri Tataꞌaj Dios, y kin nibꞌen achel rubꞌiꞌin pe chuwa. ¡Kixyakatej, qojel e waweꞌ!

San Juan 16:3

Y keriꞌ ngekibꞌen ri wineq chiwa porque ma xketamaj ta runoꞌoj ri Nataꞌ y nixta nunoꞌoj riyin.

San Juan 17:25

Nataꞌ, rat ri pa ruchojmil ndabꞌen nojel, ri wineq ri ma rat kitaqin ta ma ketaman ta ri anoꞌoj, pero riyin wetaman ri anoꞌoj, y ri eꞌayoꞌon chuwa, ketaman chi ja rat taqayon pe wichin.

San Juan 17:3

Y ri kꞌaslen ma ndikꞌis ta kereꞌ rubꞌeyal: Tiketamaj anoꞌoj rat ri qetzij Dios ri kin xe wi rat jun, y tiketamaj nunoꞌoj riyin ri Jun taqon pe awoma rat chukolik ri atinamit.

San Juan 3:2

Pa jun tokoqꞌaꞌ, xbꞌeqaqa apeꞌ kꞌo ri Jesús y xubꞌij chare: Tijonel, qetaman chi rat jun tijonel taqon pe roma ri Dios, porque ri retal ruchuqꞌaꞌ ri Dios ngaꞌabꞌanalaꞌ, nixta jun wineq nditiker ndubꞌen, si maneq ri Dios rikꞌin.

San Juan 3:33

Jakꞌa atoq jun wineq ndutaqij ri nojibꞌel ndutzijoj ri Jun ri qajneq pe chikaj, rikꞌin riꞌ ndiqꞌalajin chi ri Dios jumul ndubꞌij ri qetzij.

San Juan 5:32

Pero kꞌo chik Jun ri ndiqꞌalajrisan ri achike riyin, y riyin wetaman chi ri ndubꞌij rijaꞌ chuwij, kin qetzij wi.

San Juan 5:43

Riyin xinuqaqa pa rubꞌiꞌ ri Nataꞌ Dios, y rix ma ndikꞌen ta apu nuwech, pero si jun chik nduqaqa ruyon chuwech, kin ndikꞌen paqiꞌ apu ruwech.

San Juan 6:42

Y kereꞌ ndikibꞌilaꞌ: ¿Ma ja ta laꞌ ri Jesús, rukꞌajol ri José? Roj xa qetaman kiwech ri rute-rutataꞌ. ¿Y xa ndubꞌij chi qajneq pe chikaj?

San Juan 7:14

Y atoq xnikꞌajer ri nimaqꞌij, ri Jesús xok apu pa rachoch ri Dios, y xutzꞌuk kitijoxik ri wineq.

San Juan 8:14

Pero ri Jesús xubꞌij chake: Maske ja yin ngibꞌiꞌin ri achike riyin, kin qetzij ri nibꞌij, porque wetaman apeꞌ yin eleneq pe y chiriꞌ ngitzolij e. Pero rix ma iwetaman ta apeꞌ yin eleneq pe nixta apeꞌ ngitzolij e.

San Juan 8:16

Si riyin niqꞌet tzij pa ruwiꞌ jun wineq, kin pa ruchojmil nibꞌen, porque ma nuyon ta nibꞌen qa, xa kin junan rikꞌin ri Nataꞌ ri taqayon pe wichin nibꞌen.

San Juan 8:19

Ja atoq riꞌ ri fariseos xkibꞌij chare ri Jesús: ¿Apeꞌ kꞌo ri Atataꞌ? Y ri Jesús xubꞌij chake: Rix ma iwetaman ta achike riyin, nixta achike ri Nataꞌ. Xa ta iwetaman achike riyin, iwetaman ta chuqaꞌ achike ri Nataꞌ.

San Juan 8:26

Riyin kꞌo kꞌiy achike ngitiker nibꞌij chiwij chin niqꞌet tzij pa iwiꞌ, pero waweꞌ chochꞌulew riyin xe nibꞌij ri wakꞌaxan pe pa ruchiꞌ ri taqayon pe wichin, y rijaꞌ jumul ndubꞌij ri qetzij.

San Juan 8:42

Ri Jesús xubꞌij chake: Xa ta qetzij chi ja ri Dios ri Itataꞌ, nginiwojoꞌ ta yin, porque riyin apeꞌ kꞌo ri Dios yin eleneq wi pe y yin qajneq pe chireꞌ. Riyin ma nuyon ta chinuwech yin pataneq, xa kin ja rijaꞌ ri taqayon pe wichin.

San Juan 9:29

Roj qetaman chi ri Dios xchꞌaꞌa chare ri Moisés, pero ri jun achi riꞌ ma qetaman ta aj apeꞌ.

Hechos 17:23

Porque atoq xineqꞌax y xintzꞌet apeꞌ ndiyaꞌ kiqꞌij ri i-dioses, xintzꞌet jun altar apeꞌ kereꞌ tzꞌibꞌan: Re altar reꞌ chin ri Dios ri ma qetaman ta ruwech. Keriꞌ ri xintzꞌet. Ri Dios riꞌ ri ndiyaꞌ ruqꞌij rix, maske ma iwetaman ta ruwech, jariꞌ ri niyaꞌ rutzijol chiwa wokami.

Romanos 1:28

Y roma xkichaꞌ chi ma ndikiyaꞌ ta pa cuenta ri ketaman pa ruwiꞌ ri Dios, ri Dios xerujech chupan ri itzel teq achike ndikinojilaꞌ chin ndikibꞌanalaꞌ ri ma utz ta chin ndibꞌan.

Romanos 3:4

¡Ma ke ta riꞌ! Ri Dios kin ndubꞌen wi ri rubꞌiꞌin chi ndubꞌen, maske konojel wineq xa etzꞌukuy aqꞌ, achel ndubꞌij chupan ri rutzij ri Dios tzꞌibꞌan kan ri kereꞌ ndubꞌij: Kin ta xtiqꞌalajin chikiwech ri wineq chi kin chojmilej wi ri ndabꞌij, Y kin ta xtikitzꞌet chi pa ruchojmil xabꞌen chi xayaꞌ castigo pa nuwiꞌ. Keriꞌ tzꞌibꞌan kan.

2 Corintios 1:18

Ri Dios ri ma ndujel ta ruwech rutzij retaman chi ri xinbꞌij e chiwa, kin jariꞌ kꞌo pa wánima chin ta xinbꞌen, y ma kaꞌiꞌ ta ruwech nutzij.

2 Corintios 4:6

Porque ri Dios ri kereꞌ xubꞌij: Tiyikꞌiyoꞌ pe luz pa qꞌequꞌ, xubꞌen chuqaꞌ chi xyikꞌiyoꞌ pe luz pa qánima, chin keriꞌ roj rikꞌin ri luz riꞌ, ndiqayikꞌaj kánima chꞌaqa chik, chin ndiketamaj ri nimalej ruqꞌij ri Dios ri ndiyikꞌan chupalej ri Jesucristo.

Tito 1:2

Ri rukꞌuꞌx ri kꞌaslen riꞌ, ja ri ndoyobꞌex ri kꞌaslen ma ndikꞌis ta. Y ja kꞌaslen riꞌ rusujun ri Dios chi nduyaꞌ xe jampeꞌ atoq kꞌajani titzꞌukutej pe ri tiempo ojer kan. Y kin nduyaꞌ wi ri rusujun, porque ri Dios ma ndireqꞌon ta.

Hebreos 6:18

Y rikꞌin ri kꞌo xusuj y ri xubꞌen jurar, ndiqꞌalajin chi ri Dios ma ndireqꞌon ta y ma ndujel ta ruwech rutzij. Keriꞌ xubꞌen chin ndubꞌochiꞌij qánima roj ri qakanon qatoꞌik rikꞌin chin ngojrukal, chin keriꞌ kaw kuqul qakꞌuꞌx chi rijaꞌ kin nduyaꞌ wi ri qoyobꞌen chi nduyaꞌ.

1 Juan 5:10

Ri kitaqin ri Rukꞌajol ri Dios, ndikinaꞌ chi ri ruqꞌalajrisan ri Dios pa ruwiꞌ ri Rukꞌajol kin qetzij wi. Pero ri ma kitaqin ta ri Dios ndikibꞌen chare achel xa jun reqꞌóta keriꞌ, porque ma ndikitaqij ta ri ruqꞌalajrisan pa ruwiꞌ ri Rukꞌajol.