San Juan 5:45 - Kaqchikel Santo Domingo (Xenacoj)

⁴⁵ Pero ma tinojij chi ja riyin ri xkisujun iwichin chuwech ri Nataꞌ Dios. Ri xtisujun iwichin, ja ri Moisés, maske iwoyobꞌen chi ja ri rutzꞌibꞌan rijaꞌ xtitoꞌon iwichin.

Tuilleadh tionndaidhean

Kaqchikel Santa Maria de Jesus

⁴⁵ Y man tiꞌan pensar chi inreꞌ ri xquibꞌano acusar ivichin choch ri Nataꞌ Dios. Ri xtibꞌano acusar ivichin choch ri Dios ja ri Moisés; ri choj-iqꞌuin iyoꞌn-ve ivánima.

Kaqchiquel Bible

⁴⁵ Y man k'a tich'ob ri pa taq iwánima chi ja yin ri xkisujun chiwij chuwech ri nata' Dios. Ri xtisujun k'a chiwij, ja ri Moisés ri achoq ik'in nibij-wi rix chi kan ikuquban-apo ik'u'x.

Kaqchikel Central Guatemala

⁴⁵ Y man c'a tich'ob ri pa tak ivánima chi ja yin ri xquisujun chivij chuvech ri Nata' Dios. Man que ta ri'. Ri xtisujun c'a ivichin chuvech ri Dios roma man ja ta ri niben, ja ri Moisés; ri achok iq'uin nibij-vi rix chi can icukuban-apo ic'u'x.

Re C'ac'a Testamento pa Kach'abal

⁴⁵ Y man tinojij pa tak ivánma che ja yen re xquinsujun chivij chach re Nata' Dios. Re xtisujun ivichin chach re Dios ja re Moisés roma mana-ta re yixtajin chubanic, y nibij che can c'o i-esperanza riq'uin re ru-ley.

Kaqchikel Western Solola

⁴⁵ Y man c'a tich'ob ta ri pa tak iwánima chi riyin xquitzujun (xquisujun) chiwij chuwech ri Nata' Dios. Ma que ta ri'. Ri xtitzujun (xtisujun) c'a chiwij chuwech ri Dios, ya ri Moisés; ri achoj riq'ui nibij chi can icukuban wi apo ic'u'x.

San Juan 5:45 Iomraidhean Croise

San Lucas 16:29

Pero ri Abraham xubꞌij chare: Ri ndikꞌatzin chi ndikibꞌen rejeꞌ, ja ri tikakꞌaxaj ri ley xyoꞌox chare ri Moisés y ri kitzꞌibꞌan kan ri profetas.

San Juan 12:48

Y ri nduyaꞌ kan roracheq chinuwech y ma ndunimaj ta ri tzij nibꞌij, kꞌo ndiqꞌato tzij pa ruwiꞌ, y riꞌ ja ri tzij enubꞌiꞌin ri ndikusex chirij chin ndiqꞌat tzij pa ruwiꞌ pa rukꞌisibꞌel qꞌij.

San Juan 7:19

Ri Moisés chiwa rix ruyoꞌon kan ri ley, pero nixta jun chiꞌikajal ndubꞌen ri ndubꞌij ri ley riꞌ, porque xa niwojoꞌ nginikamisaj.

San Juan 8:9

Atoq xkakꞌaxaj ri xubꞌij ri Jesús, ri eꞌukꞌuayon apu ri ixaq chi jujun chi jujun xebꞌa. Y ri nabꞌey xebꞌa ja ri más erijilej chik. Atoq xaxe chik ri Jesús y ri ixaq xekanej kan chiriꞌ,

Romanos 2:12

Konojel ri ma xketamaj ta ruchojmil ri ley xyoꞌox chare ri Moisés y xkibꞌen mak, ma ja ta ri ley riꞌ ndikusex chikij atoq ndiqꞌat tzij pa kiwiꞌ chin ndiyoꞌox ri castigo chin jumul chake. Jakꞌa ri xkibꞌen mak y ketaman ruchojmil ri ley, ja ri ley ndikusex chikij chin ndiqꞌat tzij pa kiwiꞌ.

Gálatas 3:10

Keriꞌ nibꞌij chiwa porque konojel ri ndikajoꞌ chi ma jun kimak ndikeqalej chuwech ri Dios xaxe rikꞌin ndikibꞌen ri ndubꞌij ri ley ri xyoꞌox chare ri Moisés, qꞌaton chik castigo pa kiwiꞌ. Porque chupan ri rutzij ri Dios, kereꞌ ndubꞌij: Ri ma ndubꞌen ta nojel ri ndubꞌij ri ley, kin ndiqaqa pa ruwiꞌ ri castigo nduyaꞌ ri Dios.