San Juan 5:44 - Kaqchikel Santo Domingo (Xenacoj)

⁴⁴ ¿Achike modo xkinitaqij rix? Porque xa ndiwojoꞌ chi ndinimrisex ibꞌiꞌ koma ri wineq, y ma ndikanoj ta chi ndinimrisex ibꞌiꞌ roma ri qetzij Dios ri kin xe wi jun.

Tuilleadh tionndaidhean

Kaqchikel Santa Maria de Jesus

⁴⁴ Ixreꞌ man nticanuj ta ikꞌij riqꞌuin ri ketzij Dios; xa chiꞌicajol-ka ixreꞌ mismo nticanuj-ka ikꞌij, rumareꞌ man ntiyaꞌ ta ivánima viqꞌuin inreꞌ.

Kaqchiquel Bible

⁴⁴ Rix xa man nikanoj ta iq'ij rik'in ri qitzij Dios, y xa kik'in winaqi' nikanola-wi. Roma ri' man yixtikir ta nikuquba' ik'u'x wik'in yin.

Kaqchikel Central Guatemala

⁴⁴ Rix c'a ri xa man nicanoj ta ik'ij riq'uin ri kitzij Dios, y xa quiq'uin vinek nicanola-vi, can man c'a xticukuba' ta ic'u'x viq'uin yin.

Re C'ac'a Testamento pa Kach'abal

⁴⁴ Yex xa man nicanoj-ta ik'ij riq'uin re katzij Dios, xa ja quiq'uin re vinak nicanola-va ik'ij, mare' manak modo xquininimaj yen.

Kaqchikel Western Solola

⁴⁴ Riyix xa ma riq'ui ta ri kitzij Dios nicanoj wi ik'ij, xa chicojol ka riyix mismo nicanoj wi ka ik'ij, y rumari' tek ma nicukuba' ta ic'u'x wuq'ui riyin.

San Juan 5:44 Iomraidhean Croise

San Mateo 23:5

Nojel ri ndikibꞌen, xaxe chin ngetzꞌat koma ri wineq. Ndikiyalaꞌ nimaꞌq teq retzꞌabꞌal ruchiꞌ ri kikꞌul ndikiqꞌuꞌuj, y pa runikꞌajal teq kiwech y chikiqꞌaꞌ ndikiyalaꞌ chꞌuteq yakbꞌel kibꞌiniꞌan filacterias apeꞌ kitzꞌibꞌan jubꞌaꞌ rutzij ri Dios, xe chin ngetzꞌat.

San Lucas 19:17

Y ri rey xubꞌij chare: Utz xabꞌen, utzulej samajel. Rat roma utz xasamajij ri jubꞌaꞌ méra nujachon pa aqꞌaꞌ, romariꞌ niyaꞌ uchuqꞌaꞌ pa aqꞌaꞌ pa kiwiꞌ lajuj tinamit.

San Juan 12:43

Porque más ndikirayij chi ndinimrisex kibꞌiꞌ koma ri wineq ke chuwech ndinimrisex kibꞌiꞌ roma ri Dios.

San Juan 17:3

Y ri kꞌaslen ma ndikꞌis ta kereꞌ rubꞌeyal: Tiketamaj anoꞌoj rat ri qetzij Dios ri kin xe wi rat jun, y tiketamaj nunoꞌoj riyin ri Jun taqon pe awoma rat chukolik ri atinamit.

San Juan 3:20

Porque konojel ri ngekibꞌanalaꞌ itzel teq achike, ma ndikajoꞌ ta ndiyikꞌex kikꞌaslen y ma ngejel ta apu rikꞌin ri Jun ri ndiyikꞌan kikꞌaslen, chin ma tiqꞌalajin pe ri itzel teq achike ngekibꞌanalaꞌ.

San Juan 5:41

Rikꞌin re nibꞌij chiwa, ma tinojij chi yin nikanoj chi ri wineq ndikiyaꞌ nuqꞌij.

San Juan 8:43

¿Achike roma ma ndikꞌoxomaj ta ri nibꞌij chiwa? Rix ma nginikꞌoxomaj ta, porque ma ndiwojoꞌ ta ndiwakꞌaxaj ri nibꞌij chiwa.

Romanos 2:10

Pero ri ngekibꞌanalaꞌ ri utz, kin xtikꞌojeꞌ kiqꞌij rikꞌin ri Dios, y ri Dios ndunimrisaj kibꞌiꞌ y nduyaꞌ uxlanen pa kánima. Keriꞌ ndibꞌan nabꞌey chake ri israelitas, y keriꞌ chuqaꞌ chake ri ma israelitas ta.

Romanos 2:29

Ri qetzij israelita chuwech ri Dios, ja ri ruchꞌajchꞌojrisan ránima, y ri qetzij circuncisión ja ri samaj ndubꞌen ri Espíritu Santo pa ránima jun wineq, ma ja ta ri circuncisión ri ndubꞌij ri ley xyoꞌox chare ri Moisés. Ri chꞌajchꞌojrisan ránima roma ri Espíritu Santo, maske ma ndinimrisex ta rubꞌiꞌ koma ri wineq, xa kin ja ri Dios ndinimrisan rubꞌiꞌ.

Romanos 2:7

Kin xtuyaꞌ ri kꞌaslen ma ndikꞌis ta chake ri jumul ndikitij kiqꞌij chi ngekibꞌanalaꞌ ri utz. Rejeꞌ ndikibꞌen ri utz porque ndikajoꞌ chi ndikꞌojeꞌ kiqꞌij, ndinimrisex kibꞌiꞌ y ndikil ri kꞌaslen ri maneq ruqꞌaꞌ ri kamik chare.

1 Corintios 4:5

Romariꞌ, rix ma xetal tibꞌij chi jun rusamajel ri Cristo utz ndubꞌen chare ri samaj y jun chik ma utz ta. Atoq nduqaqa ri Ajaw, ja rijaꞌ ndiqꞌalajrisan nojel ri kꞌo pa qꞌequꞌ y nduruqꞌalajrisaj chuqaꞌ achike xnimo richin jun samajel chin xubꞌen ri samaj xjach pa ruqꞌaꞌ. Chupan ri qꞌij riꞌ, kꞌaja na ri Dios xtibꞌiꞌin chaqe chiqajununal achike ri utz xqabꞌen.

2 Corintios 10:18

Porque ma ja ta ri ruyon chuwech ndubꞌij qa chi utz ndubꞌen chare ri samaj, ja ta riꞌ ri utz, xa kin xe wi ri achoq chirij ndubꞌij ri Ajaw chi utz rubꞌanun chare ri samaj, jariꞌ ri utz ndubꞌen chare ri samaj.

Filipenses 2:3

Atoq ndibꞌen jun achike, ma tibꞌen xe chin ndiwojoꞌ ngixqꞌalajin chi más kꞌo iqꞌij ke chuwech jun chik, nixta tibꞌen xe roma nim ndinaꞌ chare, xa kin tiqasaj iwiꞌ. Chiꞌijununal tinaꞌ pa iwánima chi más kꞌo keqalen ri chꞌaqa chik.

1 Tesalonicenses 2:6

Nixta ndiqakanoj chi ri wineq utz ngechꞌaꞌa chiqij; nixta rix, nixta chꞌaqa chik.

1 Timoteo 1:17

Romariꞌ, ¡kin ta jumul xtiyoꞌox ruqꞌij ri Dios ri kin Rey wi chin jumul. Rijaꞌ ma nditzꞌetetej ta y jumul kꞌo rukꞌaslen y kin xe wi rijaꞌ Dios! Amén.

Hebreos 3:12

Rix hermanos, wokami ndikꞌatzin chi ndichajij ri ikꞌaslen, ma kꞌateꞌ kꞌo jun chiwech rix ri itzel xtubꞌen qa ránima y ma xtutaqij chi ta ri ndubꞌij ri Kꞌaslik Dios, y romariꞌ xtuyaꞌ kan.

Santiago 2:1

Nu-hermanos, rix ri itaqin ri Qajaw Jesucristo ri kin nimalej ruqꞌij, nibꞌij chiwa chi ma utz ta chi ngeꞌichaꞌ kiwech wineq.

1 Pedro 1:7

Ri kꞌayew xa chin ndiqꞌalajin chi qetzij kuqul ikꞌuꞌx rikꞌin ri Dios, y más kꞌo reqalen chi kuqul ikꞌuꞌx ke chuwech ri qꞌanapueq ri xa ndikꞌis. Ri qꞌanapueq ndikꞌatzin ndiqꞌasex pa qꞌaqꞌ chin ndikanej kan ri qetzij qꞌusqꞌuj qꞌanapueq. Keriꞌ kꞌa chuqaꞌ rix, ndikꞌatzin ngixqꞌax pa kꞌayew, chin keriꞌ atoq iqꞌasan chik ri kꞌayew y ndiqꞌalajin chi kuqul ikꞌuꞌx, riꞌ kin ndukꞌen wi pe chiwa chi ndiyoꞌox iqꞌij y ndinimrisex ibꞌiꞌ chupan ri qꞌij atoq nduruqꞌalajrisaj chik riꞌ ri Jesucristo.

Judas 1:25

Chupan ri janipeꞌ tiempo qꞌaxneq kan, keriꞌ chuqaꞌ wokami y ri más chiqawech apu, kin xe wi rijaꞌ ri kꞌo nimalej ruqꞌij, ja rijaꞌ ri nojel nditiker ndubꞌen y ja rijaꞌ ri kꞌo uchuqꞌaꞌ pa ruqꞌaꞌ pa ruwiꞌ nojel. Xe wi rijaꞌ Dios ri Qakolonel roma ri nimalej samaj xurubꞌanaꞌ ri Qajaw Jesucristo. Amén.