San Juan 5:18 - Kaqchikel Santo Domingo (Xenacoj)

¹⁸ Roma kꞌa riꞌ, ri achiꞌaꞌ israelitas kꞌo uchuqꞌaꞌ pa kiqꞌaꞌ ndikajoꞌ ndikikamisaj ri Jesús, porque pa kiwech rejeꞌ xajan ri ngerubꞌanalaꞌ chupan ri uxlanibꞌel qꞌij, y ma xe ta riꞌ ndubꞌen, xa ndujunumaj riꞌ rikꞌin ri Dios roma ndubꞌij chi ja ri Dios ri Rutataꞌ.

Tuilleadh tionndaidhean

Kaqchikel Santa Maria de Jesus

¹⁸ Y ja antok ri achiꞌaꞌ ri cꞌo quikꞌij chiquicajol ri israelitas, más xquiꞌan pensar chirij chica niquiꞌan chi niquiquimisaj ri Jesús; ruma chiquivach ijejeꞌ, xajan ri ncaꞌruꞌon chupan ri kꞌij richin uxlanien. Y man joꞌc ta rumareꞌ, xa ruma jeꞌ ri Jesús nuꞌej Rutataꞌ cha ri Dios y nuꞌon chi jajaꞌ junan riqꞌuin ri Dios.

Kaqchiquel Bible

¹⁸ Jari' k'a toq ri achi'a' ri kan k'o-wi kiq'ij chikikojol ri judío, más xkich'ob rij richin chi achike ta rubanik nikiben richin nikikamisaj ri Jesús, roma chikiwech rije', xajan ri yerubanala' chupan ri q'ij richin uxlanen. Y chuqa' man xaxe ta k'a roma ri', xa kan roma k'a chuqa' ri Jesús nubij rutata' chire ri Dios. Y rik'in ri', ri Jesús kan nuben chi rija' junan rik'in ri Dios.

Kaqchikel Central Guatemala

¹⁸ Y jac'ari' tok ri achi'a' ri can c'o-vi quik'ij chiquicojol ri israelitas, más xquich'ob rij richin chi achique ta rubanic niquiben richin niquicamisaj ri Jesús; roma chiquivech rije', xajan ri yerubanala' chupan ri k'ij richin uxlanen. Y chuka' man xe ta c'a romari', xa can roma c'a chuka' ri Jesús nubij Rutata' chire ri Dios, roma chiquivech rije', ri Jesús can nuben chi rija' junan riq'uin ri Dios.

Re C'ac'a Testamento pa Kach'abal

¹⁸ Y jare' tak re achi'a' re c'o quik'ij chakacojol yoj re yoj israelitas, más xquinojij andex niquiban chin niquiquimisaj re Jesús, roma chiquivach reje', xajan re ye'rubanala' chupan re k'ij chin uxlanen. Y chuka' man xe-ta roma re', xa roma chuka' re Jesús nubij Rutota' cha re Dios, roma chiquivach reje', re Jesús can nuban che reja' junan riq'uin re Dios.

Kaqchikel Western Solola

¹⁸ Y rumac'ari' tek ri achi'a' israelitas ri c'o quik'ij, xa más xquichop ruch'obic chi achique ta rubanic niquiben riche (rixin) chi niquicamisaj ri Jesús; ruma chiquiwech riye', xajan ri yerubanala' chupan ri uxlanibel k'ij. Y chuka' ma xu (xe) ta c'a rumari', xa can ruma c'a chuka' chi ri Jesús nubij Rutata' chare ri Dios; can nuben chi Riya' can junan riq'ui ri Dios.

San Juan 5:18 Iomraidhean Croise

San Mateo 12:5

¿Ma ibꞌanun ta kami leer chuqaꞌ chupan ri ley ri xyoꞌox chare ri Moisés pa ruwiꞌ ri uxlanibꞌel qꞌij? Chiriꞌ ndubꞌij chi ri sacerdotes ngesamej pa rachoch ri Dios pa teq uxlanibꞌel qꞌij y ma xajan ta chuwech ri Dios ri keriꞌ ndikibꞌen.

San Juan 1:19

Ri achiꞌaꞌ israelitas kꞌo uchuqꞌaꞌ pa kiqꞌaꞌ chiriꞌ pa tinamit Jerusalén, xekiteq jujun sacerdotes israelitas y jujun levitas apeꞌ kꞌo ri Juan, chin ndekikꞌutuj razón chare y xkibꞌij: ¿Achike kꞌa rat? ¿Ja rat ri Jun ri nduteq pe ri Dios chukolik ri rutinamit?

San Juan 10:30

Riyin y ri Tataꞌaj Dios, xe jun rubꞌanun ri qánima.

San Juan 10:33

Y ri israelitas xkibꞌij: Roj ma ngatiqakꞌeq ta chi abꞌej roma ri utzulej teq achike eꞌabꞌanun pe. Roj ngatiqakꞌeq porque xa rat relik ok achi, y ndajunumaj awiꞌ rikꞌin ri Dios, y riꞌ ndubꞌij tzij chi itzel ngachꞌaꞌa chirij ri Dios.

San Juan 14:23

Y ri Jesús xubꞌij chare: Si jun wineq qetzij ngirajoꞌ, ndubꞌen ri nubꞌiꞌin kan y ndojowex roma ri Nataꞌ. Y ri Nataꞌ y riyin ngojuqaqa chin ndiqabꞌen qachoch chare ri ránima.

San Juan 14:9

Y ri Jesús xubꞌij: Felipe, riyin santienta chik qꞌij kikꞌojeꞌ iwikꞌin, ¿y kꞌajani tawetamaj achike riyin? Ri yin rutzꞌeton riyin, rutzꞌeton chuqaꞌ ruwech ri Tataꞌaj Dios. ¿Achike roma ndabꞌij chi ndawojoꞌ nikꞌut ri Tataꞌaj Dios chiwech?

San Juan 19:7

Pero ri achiꞌaꞌ israelitas kꞌo uchuqꞌaꞌ pa kiqꞌaꞌ xkibꞌij chare ri Pilato: Roj kꞌo jun qa-ley, y ri ley riꞌ ndubꞌij chi tikamisex, porque rijaꞌ nduqꞌabꞌaj riꞌ chi Rukꞌajol ri Dios.

San Juan 5:15

Ri achi xbꞌa y xbꞌerutzijoj chake ri achiꞌaꞌ israelitas kꞌo uchuqꞌaꞌ pa kiqꞌaꞌ chi ja ri Jesús ri xkꞌachojrisan richin.

San Juan 5:16

Romariꞌ ri achiꞌaꞌ riꞌ kitzeqlebꞌen ri Jesús chin ndikibꞌen itzel chare, porque jajun pa uxlanibꞌel qꞌij ngerubꞌanalaꞌ milagros.

San Juan 5:17

Pero ri Jesús xubꞌij chake: Ri Nataꞌ Dios ndisamej re qꞌij reꞌ, y keriꞌ chuqaꞌ riyin ngisamej, xchajeꞌ.

San Juan 5:23

chin keriꞌ, konojel wineq ndikiyaꞌ nuqꞌij riyin ri Rukꞌajol, achel ndikiyaꞌ ruqꞌij ri Nataꞌ. Y ri ma nduyaꞌ ta nuqꞌij riyin, ma nduyaꞌ ta chuqaꞌ ruqꞌij ri Nataꞌ ri taqayon pe wichin.

San Juan 7:1

Jun chik qꞌij, ri Jesús ndibꞌiyaj pa teq tinamit chin ri rochꞌulew Galilea. Ma rojowan ta bꞌaneq pa teq tinamit chin ri rochꞌulew Judea, porque ri achiꞌaꞌ israelitas kꞌo uchuqꞌaꞌ pa kiqꞌaꞌ ndikitij kiqꞌij chin ndikikamisaj.

San Juan 7:19

Ri Moisés chiwa rix ruyoꞌon kan ri ley, pero nixta jun chiꞌikajal ndubꞌen ri ndubꞌij ri ley riꞌ, porque xa niwojoꞌ nginikamisaj.

San Juan 8:54

Ri Jesús xubꞌij chake: Si riyin nuyon ta chinuwech niyaꞌ nuqꞌij, xa maneq wi reqalen, pero ri ndiyoꞌon nuqꞌij riyin, ja ri Nataꞌ ri ndibꞌij i-Dios chare rix.

San Juan 8:58

Ri Jesús xubꞌij chake: Kin qetzij nibꞌij chiwa chi riyin kin yinkꞌo wi atoq kꞌajani talex ri Abraham.

Filipenses 2:6

Porque rijaꞌ kin Dios wi, pero ma rikꞌin ta riꞌ, Xa kin xubꞌen achel man ta Dios y xuyaꞌ kan jubꞌaꞌ chi junan ruqꞌij rikꞌin ri Dios,

Apocalipsis 22:1

Atoq nutzꞌeton chik reꞌ, ri ángel ri ukꞌuayon wichin xukꞌut chinuwech jun raqen yaꞌ ri ndiyoꞌon ri kꞌaslen ma ndikꞌis ta. Ri raqen yaꞌ riꞌ, achel vidrio nditzuꞌun y ndalex pe apeꞌ kꞌo ki-trono ri Dios y ri Alaj Karneꞌl.

Apocalipsis 22:3

Y chiriꞌ pa tinamit nixta jun ndikꞌojeꞌ chuxeꞌ ruchuqꞌaꞌ royowal ri Dios. Ri ki-trono ri Dios y ri Alaj Karneꞌl ndikꞌojeꞌ pa tinamit, y ri rusamajelaꞌ ri Dios ndikiyaꞌ ruqꞌij rijaꞌ,