San Juan 5:17 - Kaqchikel Santo Domingo (Xenacoj)

¹⁷ Pero ri Jesús xubꞌij chake: Ri Nataꞌ Dios ndisamej re qꞌij reꞌ, y keriꞌ chuqaꞌ riyin ngisamej, xchajeꞌ.

Tuilleadh tionndaidhean

Kaqchikel Santa Maria de Jesus

¹⁷ Pero ri Jesús xuꞌej chica: Ri Nataꞌ Dios cꞌa nisamaj vacame, y quireꞌ jeꞌ niꞌan inreꞌ, cꞌa nquisamaj.

Kaqchiquel Bible

¹⁷ Jak'a ri Jesús xubij chike: Ri nata' Dios kan k'a nisamej re q'ij re', y keri' chuqa' yin, k'o chi yisamej, xcha'.

Kaqchikel Central Guatemala

¹⁷ Pero ri Jesús xubij: Ri Nata' Dios can c'a nisamej re k'ij re', y que c'a chuka' ri' yin, yisamej.

Re C'ac'a Testamento pa Kach'abal

¹⁷ Pero re Jesús xubij: Re Nata' Dios can nisamaj-va re k'ij re', y quire' chuka' yen, yinsamaj.

Kaqchikel Western Solola

¹⁷ Pero ri Jesús xubij: Ri Nata' Dios can c'a ntajin na nisamej re wacami, y que c'a chuka' ri' riyin, yisamej, xcha'.

San Juan 5:17 Iomraidhean Croise

San Mateo 10:29

Rix iwetaman chi kaꞌiꞌ chꞌuteq aj xikꞌ teq chikap, xa jubꞌaꞌ ok kajel ndiyoꞌox atoq ngeloqꞌ, pero nixta jun chikiwech ri chikap riꞌ ri xtitzaq pa ulew si ri Tataꞌaj Dios ma nduyaꞌ ta qꞌij chi keriꞌ ndibꞌanatej.

San Juan 10:36

¿achike roma rix ndibꞌij chi niyaqꞌ rubꞌiꞌ ri Dios xe roma xinbꞌij chi yin Rukꞌajol, xu ja rijaꞌ yin chaꞌayon chin xiruteq pe chochꞌulew?

San Juan 14:10

¿Ma ndataqij ta chi riyin jun nubꞌanun rikꞌin ri Tataꞌaj Dios, y rijaꞌ jun rubꞌanun wikꞌin? Ri tzij ri nibꞌij chiwa, ma nuyon ta chinuwech enutzꞌukun qa, y keriꞌ chuqaꞌ ja ri Tataꞌaj Dios ri jun ránima rubꞌanun wikꞌin ri ndikusan wichin chin ngerubꞌen ri nimalej teq achike eꞌitzꞌeton pe.

San Juan 5:16

Romariꞌ ri achiꞌaꞌ riꞌ kitzeqlebꞌen ri Jesús chin ndikibꞌen itzel chare, porque jajun pa uxlanibꞌel qꞌij ngerubꞌanalaꞌ milagros.

San Juan 5:18

Roma kꞌa riꞌ, ri achiꞌaꞌ israelitas kꞌo uchuqꞌaꞌ pa kiqꞌaꞌ ndikajoꞌ ndikikamisaj ri Jesús, porque pa kiwech rejeꞌ xajan ri ngerubꞌanalaꞌ chupan ri uxlanibꞌel qꞌij, y ma xe ta riꞌ ndubꞌen, xa ndujunumaj riꞌ rikꞌin ri Dios roma ndubꞌij chi ja ri Dios ri Rutataꞌ.

San Juan 9:4

Ndikꞌatzin chi ndiqabꞌen rusamaj ri taqayon pe wichin, utz kꞌajani tokoqꞌaꞌ qa, porque atoq ndokoqꞌaꞌ qa, nixta jun nditiker ndisamej.

Hechos 14:17

Pero rijaꞌ ruqꞌalajrisan pe riꞌ chi kin utz runoꞌoj pa kiwiꞌ konojel, porque ja rijaꞌ ndibꞌanun chi ndiqaqa pe ri qatataꞌ, chi ndiwachin ri tikoꞌ, chi kꞌo ndikꞌux y chi ndikikot iwánima chuqaꞌ, xechajeꞌ.

Hechos 17:28

Porque ja ri Dios yoyon ri qakꞌaslen, ja rijaꞌ yoyon quchuqꞌaꞌ chin ngojtiker ngojselon, y roma rijaꞌ rojkꞌo chochꞌulew, achel kibꞌiꞌin jujun poetas chiꞌikajal rix atoq xkibꞌij: ¡Roj kin roj ralkꞌuaꞌl wi ri Dios! echayineq kan.

1 Corintios 12:6

Y kꞌo chuqaꞌ jalajaj teq rubꞌanik ngojtiker ndiqabꞌen chin ndiqabꞌen rusamaj ri Dios, pero ri Dios xa kin xe wi jun, y ja ri ruchuqꞌaꞌ rijaꞌ ri ndisamej pa qánima chin ndiqabꞌen.

Colosenses 1:16

Keriꞌ nibꞌij chiwa, porque nojel ri ebꞌanun roma ri Dios, kin ja ri Cristo xukusaj chin xerubꞌen, achel ri ekꞌo chikaj, ri ekꞌo chochꞌulew, ri ngetzꞌetetej y ri ma ngetzꞌetetej ta. Ja rijaꞌ bꞌanayon kichin ri espíritus ri ndikibꞌen reinar, ri kꞌo uchuqꞌaꞌ pa kiqꞌaꞌ, ri nimalej kiqꞌij chikaj, y ri ukꞌuey kibꞌey ri ángeles. Nojel ebꞌanun roma rijaꞌ y chin ndikiyaꞌ ruqꞌij erubꞌanun.

1 Tesalonicenses 2:13

Rix roma xikꞌen qa pa iwánima ri rutzij ri Dios ri xqatzijoj kan chiwa, romariꞌ roj jutaqil ngojmatioxin chare ri Dios iwoma, porque ma xibꞌij ta chi xa relik kitzij wineq, xa kin xiyaꞌ pa iwánima chi qetzij rutzij ri Dios ri xqatzijoj chiwa. Y kin qetzij chi ri rutzij ri Dios ndubꞌen samaj pa ikꞌaslen rix ri itaqin ri Cristo.

Hebreos 1:3

Rikꞌin ri Rukꞌajol ndiqꞌalajin ri nimalej ruqꞌij ri Dios, y rikꞌin rijaꞌ nditzꞌetetej achike qitz runoꞌoj ri Dios. Ja ri ruchuqꞌaꞌ ri rutzij ri Rukꞌajol tzꞌamayon kichin nojel ri achike ekꞌo, chin keriꞌ ekꞌo pa kikꞌojlibꞌel y ma ngebꞌojbꞌoꞌ ta. Y atoq ri Rukꞌajol xuqꞌasaj yan ri kamik chin ndichꞌajchꞌojir ri qakꞌaslen roj wineq chuwech ri mak, xbꞌetzꞌuyeꞌ e chikaj pa rikiqꞌaꞌ ri nimalej Rey Dios.