San Juan 4:42 - Kaqchikel Santo Domingo (Xenacoj)

⁴² Y ndikibꞌilaꞌ chare ri ixaq: Wokami roj qetaman chi ja rijaꞌ ri Kolonel kichin ri wineq chochꞌulew y ndiqataqij roma xqakꞌaxaj ri ndubꞌij rijaꞌ, y ma xe ta roma ri xabꞌij rat chaqe, xechajeꞌ.

Tuilleadh tionndaidhean

Kaqchikel Santa Maria de Jesus

⁴² Ri vinak reꞌ niquiꞌej cha ri ixok: Vacame nakanimaj man joꞌc ta ruma ri xaꞌej atreꞌ chika, xa nakanimaj ruma ri xkaxaj ojreꞌ mismo. Xkatamaj chi ketzij chi jajaꞌ ri Cristo, ri nicalo quichin quinojiel vinak ri icꞌo choch-ulief.

Kaqchiquel Bible

⁴² Re winaqi' k'a re' nikibila' k'a chire ri ixoq ri xbeya'on rutzijol chike: Wakami kan qetaman chik k'a y niqanimaj chuqa', man xaxe ta roma ri xabij rat chiqe, xa kan niqanimaj chuqa' roma ri xqak'axaj roj. Xqetamaj k'a chi kan qitzij wi chi ja rija' ri Cristo, ri kolonel kichin konojel winaqi' ri ek'o chuwech re ruwach'ulew, yecha'.

Kaqchikel Central Guatemala

⁴² Re vinek c'a re' niquibila' c'a chire ri ixok ri xbeyo'on rutzijol chique: Vacami can ketaman chic c'a y nikanimaj chuka', man xe ta roma ri xabij rat chike, xa can nikanimaj chuka' roma ri xkac'axaj roj mismo. Xketamaj c'a chi can kitzij vi chi ja rija' ri Cristo, ri Colonel quichin conojel vinek ri ec'o chuvech re ruvach'ulef.

Re C'ac'a Testamento pa Kach'abal

⁴² Re vinak re' niquibila' cha re ixok re xbeyi'o rutzijol chique: Vocame can kataman chic y nakanimaj chuka', man xe-ta roma re xabij rat chaka, xa can nakanimaj chuka' roma xkac'axaj yoj mismo. Xkatamaj che can katzij-va che ja reja' re Cristo re bin che nitak-pa roma re Dios, re nicola quichin conojel vinak re jec'o chach re ruch'ulef.

Kaqchikel Western Solola

⁴² Ri winek ri' niquibila' c'a chare ri ixok ri xbeya'o rutzijol chique: Wacami ketaman chic y nikanimaj chuka', pero ma xaxu (xe) ta wi ruma ri xabij riyit chake, xa can nikanimaj chuka' ruma ri xkac'axaj riyoj y xketamaj c'a chi kas kitzij wi chi ya Riya' ri Cristo, ri Colonel quiche (quixin) quinojel winek ri yec'o chuwech re ruwach'ulef.

San Juan 4:42 Iomraidhean Croise

San Mateo 1:21

Y jun chꞌuti ral alaꞌ xtalex, y Jesús ndabꞌen chare ri rubꞌiꞌ, porque rijaꞌ ngerukal ri aj rutinamit chuwech ri kimak.

San Lucas 2:32

Rijaꞌ kin xtuyikꞌaj kikꞌaslen ri ma israelitas ta, Y roma rijaꞌ ndikꞌojeꞌ qaqꞌij roj israelitas, xchajeꞌ ri Simeón.

San Juan 1:29

Chukan qꞌij, ri Juan xutzꞌet chi ri Jesús tzalan apu apeꞌ kꞌo rijaꞌ, y xubꞌij: ¡Titzꞌetaꞌ kꞌa, chiwech rix kꞌo ri Alaj Karneꞌl taqon pe roma ri Dios chin ndirelesaj ri mak keqalen konojel wineq!

San Juan 11:17

Atoq xbꞌeqaqa ri Jesús pa aldea Betania, ja kajiꞌ qꞌij teqꞌax chi ri Lázaro xmuq.

San Juan 17:8

Porque ri tzij ri abꞌiꞌin pe chuwa, xintzijoj yan chake, y rejeꞌ xkikꞌen qa pa kánima y qetzij xkikꞌoxomaj chi ja ri apeꞌ ratkꞌo, yin eleneq wi pe, xkitaqij chuqaꞌ chi ja rat taqayon pe wichin.

San Juan 4:29

Kixámpe, teqatzꞌetaꞌ jun achi ri xubꞌij chuwa nojel ri nubꞌanaloꞌon pa nukꞌaslen. ¿Ma ja ta kami rijaꞌ ri Cristo ri ndibꞌix chi nditaq pe roma ri Dios chukolik ri rutinamit?

San Juan 4:41

Y santienta más wineq xkitaqij ri Jesús atoq xkakꞌaxaj ri xubꞌij chake.

Hechos 13:23

Y chikikajal ri riy-rumam kan ri rey David, ri Dios xuyek jun Qakolonel roj israelitas, achel rusujun kan chaqe ojer, y ri Jun riꞌ ja ri Jesús.

Hechos 4:12

Y xa kin xe rikꞌin ri Jesús ndilitej kolotajik, porque maneq chik jun ri taqon pe roma ri Dios chochꞌulew chin ngerukal ri wineq, xa kin xe ri Jesús, xchajeꞌ ri Pedro.

Hechos 5:31

Ri Dios xubꞌen chi pa rikiqꞌaꞌ rijaꞌ xbꞌekꞌojeꞌ ri Jesús rikꞌin nimalej ruqꞌij, y xubꞌen chare chi ndubꞌen mandar pa ruwiꞌ nojel y chi ja rijaꞌ ri Kolonel, chin keriꞌ roj israelitas nditzolij qánima rikꞌin ri Dios y ndikuyutej qamak.

2 Corintios 5:19

Reꞌ ndubꞌij tzij, chi atoq xken ri Cristo, ja kamik riꞌ xukusaj ri Dios chin xrelesaj ri mak jachayon qawech roj wineq rikꞌin rijaꞌ, y ma xuyaꞌ chi ta pa cuenta ri mak qabꞌanun chin xukꞌen apu qawech. Y pa qaqꞌaꞌ roj xuyaꞌ chi ndiqayaꞌ rutzijol ri achike xubꞌen ri Dios chin keriꞌ ndelesex chuqaꞌ ri mak jachayon kiwech ri wineq rikꞌin rijaꞌ.

1 Timoteo 4:10

Romariꞌ ndiqatij qaqꞌij y ndiqakosisaj qiꞌ chin ndiqabꞌen rusamaj ri Dios. Porque qakuqubꞌan qakꞌuꞌx rikꞌin ri Kꞌaslik Dios chi nduyaꞌ chaqe ri qoyobꞌen. Xe wi rijaꞌ ri ndikolo kichin konojel wineq, y ja ri ngetaqin richin ri ngerukal.

1 Juan 2:2

Rijaꞌ xujech rukꞌaslen pa kamik pa qakꞌexel chin xkꞌis royowal ri Dios pa qawiꞌ roma ri qamak, y ma xe ta roma ri qamak roj, xa kin roma chuqaꞌ kimak konojel wineq chochꞌulew.

1 Juan 4:14

Y roj rikꞌin qawech qatzꞌeton ri Rukꞌajol ri Dios y ndiqatzijoj chi ja ri Tataꞌaj Dios taqayon pe chin xuꞌok Kolonel qichin roj wineq.

1 Juan 5:20

Qetaman chuqaꞌ chi ri Rukꞌajol ri Dios xuqaqa chochꞌulew, y xuyaꞌ etamabꞌel chaqe chin ndiqetamaj runoꞌoj ri qetzij Dios. Y roj xe jun qabꞌanun rikꞌin ri qetzij Dios, porque xe jun qabꞌanun rikꞌin ri Jesucristo ri Rukꞌajol. Ja rijaꞌ ri qetzij Dios, y ja rijaꞌ ri ndiyoꞌon ri kꞌaslen ma ndikꞌis ta.