San Juan 4:1 - Kaqchikel Santo Domingo (Xenacoj)

¹ Ri Jesús xuyaꞌ cuenta chare chi ri fariseos kakꞌaxan chi rijaꞌ más santienta wineq ngeꞌoqan richin y más santienta wineq ngerubꞌen bautizar ke chuwech ri Juan ri Bautista.

Tuilleadh tionndaidhean

Kaqchikel Santa Maria de Jesus

¹ Ri Ajaf Jesús xunaꞌiej chi ri achiꞌaꞌ fariseos caxan chi jajaꞌ más iqꞌuiy vinak ri ncaꞌruꞌon bautizar y más iqꞌuiy ri ru-discípulos que choch ri Juan el Bautista.

Kaqchiquel Bible

¹ Ri fariseo kak'axan k'a chi ri Jesús kan e k'iy nuqasaj ya' pa kiwi' y janila e k'iy ri yeruch'ek richin yetzeqeliben richin, kan más chuwech ri yetzeqeliben richin ri Juan,

Kaqchikel Central Guatemala

¹ Ri achi'a' fariseos cac'axan c'a chi ri Jesús más vinek ri yeruben bautizar y más e q'uiy ri yetzekelben richin, que chiquivech ri vinek ri yeban bautizar y ri yetzekelben richin ri Juan ri Bautista. Y ri Ajaf Jesús xretamaj c'a ronojel re'.

Re C'ac'a Testamento pa Kach'abal

¹ Re achi'a' fariseos quic'axan che re Jesús c'o más q'uiy vinak re ye'ruban bautizar y más je q'uiy ye'tzake' chij, que chiquivach re vinak re ye'ban bautizar y re ye'tzake' chij re Juan Bautista. Y re Ajaf Jesús xunabej ronojel re'.

Kaqchikel Western Solola

¹ Ri Ajaf Jesús xretamaj c'a chi ri achi'a' fariseos quic'axan chic chi Riya' más ye q'uiy winek ri yeruben bautizar y más ye q'uiy ri yetzekelben riche (rixin), que chiquiwech ri winek ri yeruben bautizar ri Juan ri Bautista y ri yetzekelben riche (rixin).

San Juan 4:1 Iomraidhean Croise

San Lucas 1:76

Y rat chꞌuti nukꞌajol, Kin xtibꞌix pa awiꞌ chi rat profeta chin ri nimalej ruqꞌij Dios, Roma ndanabꞌaꞌ apu kánima ri wineq nabꞌey chi ri Ajaw ndutzꞌen samaj.

San Lucas 19:31

Y si kꞌo jun xtikꞌutun razón chiwa achike roma ndikir, rix kereꞌ tibꞌij chare: Ndikꞌatzin re awej reꞌ chare ri Ajaw, kixchajeꞌ.

San Lucas 19:34

Y rejeꞌ xkibꞌij: Ndiqakir porque ndikꞌatzin chare ri Ajaw.

San Lucas 2:11

Porque chupan re qꞌij reꞌ, pa rutinamit ri rey David, xalex jun Kolonel, y riꞌ ja ri Ajaw ri taqon pe roma ri Dios chukolik ri rutinamit.

San Lucas 7:13

Atoq ri Ajaw Jesús xutzꞌet ri ixaq, xujoyowaj ruwech y xubꞌij chare: Ma ngatoqꞌ.

San Lucas 7:19

y xeruteq apeꞌ kꞌo ri Ajaw Jesús, chin ndekikꞌutuj razón kereꞌ chare: ¿Ja rat ri Jun bꞌiꞌin kan chi nduqaqa o ndiqoyobꞌej chik jun?

San Juan 3:22

Atoq xbꞌanatej yan nojel reꞌ, ri Jesús junan kikꞌin ri ru-discípulos xebꞌa pa rochꞌulew Judea, y chiriꞌ xuqꞌasaj jun tiempo kikꞌin, y ngerubꞌen bautizar ri wineq.

San Juan 3:26

Rejeꞌ xebꞌa apeꞌ kꞌo ri Juan ri Bautista y xkibꞌij chare: Tijonel, ri jun achi ri xchꞌaꞌa awikꞌin ri jukꞌan chik apu ruchiꞌ ri raqen yaꞌ Jordán, ri achoq pa ruwiꞌ rat kin utz xachꞌaꞌa wi, wokami ndubꞌen bautizar y konojel ri wineq ngebꞌa apu apeꞌ kꞌo rijaꞌ.

Hechos 10:36

Ri Dios xuteq rubꞌixik chaqe roj israelitas ri utzulej teq tzij ri nduyaꞌ uxlanen pa qánima, uxlanen ri xukꞌen pe ri Jesucristo, ri Ajaw pa kiwiꞌ konojel wineq.

1 Corintios 1:17

Porque ma yin rutaqon ta ri Cristo chin ngenbꞌen bautizar wineq; yin rutaqon chin nitzijoj ri utzulej teq tzij chin kolotajik. Y atoq ngichꞌaꞌa, ma ngichꞌaꞌa ta rikꞌin aj rochꞌulew nojibꞌel, ma kꞌateꞌ tinbꞌen chare rukamik ri Cristo cho cruz chi ma jun reqalen.

1 Corintios 15:47

Ri nabꞌey achi Adán, rikꞌin ulew xbꞌan, romariꞌ kin aj rochꞌulew. Pero ri rukan Adán, kin aj chikaj, y riꞌ ja ri Jesucristo.

1 Corintios 2:8

Re nojibꞌel reꞌ, nixta jun chikikajal ri kꞌo uchuqꞌaꞌ pa kiqꞌaꞌ chochꞌulew xketamaj rubꞌeyal. Porque xa ta xketamaj, man ta xkikamisaj cho cruz ri Ajaw ri kin nimalej ruqꞌij.

2 Corintios 4:5

Porque atoq ngeqatijoj ri wineq, ma ja ta ri qakꞌaslen roj ndiqatzijoj. Ri ndiqatzijoj, ja ri Jesucristo ri Ajaw pa ruwiꞌ nojel. Roj xa roj ok samajelaꞌ iwichin rix, roma ndiqabꞌen rusamaj ri Jesús chiꞌikajal.

Santiago 2:1

Nu-hermanos, rix ri itaqin ri Qajaw Jesucristo ri kin nimalej ruqꞌij, nibꞌij chiwa chi ma utz ta chi ngeꞌichaꞌ kiwech wineq.

Apocalipsis 19:16

Chirij ri rutziaq y chirij ri raꞌ tzꞌibꞌan jun bꞌiꞌaj ri ndubꞌij: Rey pa kiwiꞌ konojel reyes, y Ajaw pa kiwiꞌ konojel ajaw.