San Juan 3:13 - Kaqchikel Santo Domingo (Xenacoj)

¹³ Ma jun wineq chochꞌulew ri bꞌaneq ta e chikaj apeꞌ kꞌo ri Dios, chin ta ndurubꞌij achike rubꞌeyal nojel chiriꞌ, xa kin xe ri jun qajneq pe, y riꞌ ja riyin ri aj chikaj ri xinuꞌalex chiꞌikajal.

Tuilleadh tionndaidhean

Kaqchikel Santa Maria de Jesus

¹³ Y chicaj man jun bꞌanak, xa joꞌc ri Jun ri Xtak-pa chicaj chi xalax chiꞌicajol y can riqꞌuin ri Dios cꞌo-ve.

Kaqchiquel Bible

¹³ Man jun k'a ri apowineq ta ri chila' chikaj, xa kan xaxe k'a ri jun qajineq-pe. Kan xaxe ri jun ri xqaqa-pe achi'el wineq chiqakojol, ri chila' chikaj rik'in ri Dios k'o-wi rachoch.

Kaqchikel Central Guatemala

¹³ Ri chila' chicaj man jun chic c'a ri apovinek ta, xa can xe c'a ri Jun kajinek-pe chila'. Can xe rija' ri apovinek. Xa can xe ri Jun ri xalex chi'icojol y chila' chicaj riq'uin ri Dios c'o-vi rachoch.

Re C'ac'a Testamento pa Kach'abal

¹³ Re chila' chicaj man jun re aponak-ta, xa can xe re Jun re kejnak-pa chila'. Can xe reja' re aponak. Xaxe re Jun re xalax chi'icojol y chila' chicaj riq'uin re Dios pitinak-va.

Kaqchikel Western Solola

¹³ Majun chic c'a jun ri aponak ta chila' chicaj, xa can xu (xe wi) c'a ri C'ajolaxel kajnek pe chila' chicaj. Ri C'ajolaxel ri xalex chicojol ri can c'o wi chila' chicaj riq'ui ri Dios.

San Juan 3:13 Iomraidhean Croise

San Mateo 28:20

Keꞌitijoj chin ndikinimaj nojel ri nu-mandamientos, y kin qetzij nibꞌij chiwa, chi riyin qꞌij-qꞌij yinkꞌo iwikꞌin, hasta pa rukꞌisibꞌel qꞌij chin re tiempo rojkꞌo.

San Mateo 8:20

Pero ri Jesús xubꞌij chare: Ri xiwan kꞌo kijul y ri aj xikꞌ teq chikap kꞌo kisok, pero riyin ri aj chikaj ri xinuꞌalex chiꞌikajal, maneq jun lugar chin ta nginuxlan.

San Juan 1:18

Ma jun wineq tzꞌeteyon richin ri Dios, xaxe ri junayon Rukꞌajol ri achoq ikꞌin jun ránima rubꞌanun tzꞌeteyon richin, y ja rijaꞌ ri qꞌalajrisayon chiqawech runoꞌoj ri Tataꞌaj Dios.

San Juan 17:5

Wokami, Nataꞌ, tabꞌanaꞌ chi ndikꞌojeꞌ chik nuqꞌij jumbꞌey, achel ri nuqꞌij xkꞌojeꞌ awikꞌin atoq kꞌajani tikꞌojeꞌ ri rochꞌulew.

San Juan 3:12

Riyin ja ri achike ngebꞌanatej chochꞌulew ri nutzijon pe chiwa y ma nginitaqij ta. ¿Achike modo xkinitaqij si nitzijoj ta chiwa ri ngebꞌanatej chikaj?

San Juan 3:31

Ri Jun ri qajneq pe chikaj más nimalej ruqꞌij ke chikiwech konojel wineq, y aj chikaj nojibꞌel ndurutzijoj chiqakajal. Jakꞌa ri rusamajel ri kꞌo chochꞌulew, kin aj rochꞌulew wi, y xaxe ok ri achike kꞌutun chuwech ndutzijoj. Ri Jun ri qajneq pe chikaj más nimalej ruqꞌij ke chikiwech konojel.

San Juan 6:33

Porque ri kaxlan wey ri nduyaꞌ ri Dios, ja ri jun ri qajneq pe chikaj, ri ndiyoꞌon kikꞌaslen ri wineq.

San Juan 6:38

Porque riyin ri yin qajneq pe chikaj, ma xinuqaqa ta chin nibꞌen ri nurayibꞌel riyin, xinuqaqa chin nibꞌen ri rurayibꞌel ri taqayon pe wichin.

San Juan 6:42

Y kereꞌ ndikibꞌilaꞌ: ¿Ma ja ta laꞌ ri Jesús, rukꞌajol ri José? Roj xa qetaman kiwech ri rute-rutataꞌ. ¿Y xa ndubꞌij chi qajneq pe chikaj?

San Juan 6:46

Riꞌ ma ndubꞌij ta tzij chi kꞌo jun tzꞌeteyon ruwech ri Tataꞌaj Dios. Xa kin xe ri qajneq pe chikaj ri tzꞌeteyon ruwech, y riꞌ ja riyin.

San Juan 6:51

Ja riyin ri kꞌaslik kaxlan wey ri qajneq pe chikaj. Ri ndikꞌuxu re kaxlan wey reꞌ, ndikꞌojeꞌ rukꞌaslen chin jumul. Y ri kaxlan wey ri nibꞌij chiwa, ja ri nu-cuerpo, ri nijech pa kamik chin ndukꞌen pe kꞌaslen ma ndikꞌis ta chake ri wineq.

San Juan 6:62

¿Achike ta kꞌa ndinaꞌ rix chare, xa ta nginitzꞌet riyin ri aj chikaj ri xinuꞌalex chiꞌikajal chi ngibꞌa e chikaj apeꞌ yinkꞌo pa nabꞌey?

San Juan 8:42

Ri Jesús xubꞌij chake: Xa ta qetzij chi ja ri Dios ri Itataꞌ, nginiwojoꞌ ta yin, porque riyin apeꞌ kꞌo ri Dios yin eleneq wi pe y yin qajneq pe chireꞌ. Riyin ma nuyon ta chinuwech yin pataneq, xa kin ja rijaꞌ ri taqayon pe wichin.

Hechos 2:34

Porque ma ja ta ri David ri xukꞌuꞌex e chikaj, romariꞌ qetaman chi pa ruwiꞌ ri Jun ri nduteq pe ri Dios chukolik rutinamit xchꞌaꞌa wi atoq xubꞌij: Ri Ajaw Dios xubꞌij chare ri Wajaw: Katzꞌuyeꞌ pa wikiqꞌaꞌ, y chireꞌ kakꞌojeꞌ

Hechos 20:28

Tichajij utz-utz ri ikꞌaslen, y keꞌichajij chuqaꞌ ri eralkꞌuaꞌl ri Dios, porque rejeꞌ eꞌachel jun bꞌotzaj karneꞌl ri xerulaqꞌ ri Ajaw rikꞌin ri rukikꞌel, y ri Espíritu Santo rix ruyoꞌon pa kiwiꞌ chin ngeꞌiyuqꞌuj utz-utz.

Romanos 10:6

Pero chupan chuqaꞌ ri ley, ndukꞌut ri kꞌakꞌakꞌ rubꞌeyal chin nixta jun mak ndireqalej jun wineq chuwech ri Dios, y riꞌ roma ndutaqij ri Jesucristo. Porque ri ley tzꞌibꞌan kan ndubꞌij chuqaꞌ: Ma tabꞌij pa awánima: ¿Achike jun wineq xtibꞌa e chikaj? Keriꞌ ndubꞌij chupan ri ley chi ma tiqabꞌij. Porque ri keriꞌ ndabꞌij, ndubꞌij tzij chi ndawojoꞌ ndabꞌen ri xe ri Dios nditiker ndubꞌen, porque ndawojoꞌ ndabꞌen chi ndiqaqa chi pe ri Cristo chochꞌulew.

1 Corintios 15:47

Ri nabꞌey achi Adán, rikꞌin ulew xbꞌan, romariꞌ kin aj rochꞌulew. Pero ri rukan Adán, kin aj chikaj, y riꞌ ja ri Jesucristo.

Efesios 1:23

Rejeꞌ eꞌokuneq ruqꞌa-raqen ri Cristo, y chupan ri cuerpo riꞌ nditzꞌaqatisex kikꞌaslen roma ri Cristo, ri nditzꞌaqatisan nojel.