San Juan 21:15 - Kaqchikel Santo Domingo (Xenacoj)

¹⁵ Atoq xekolaj yan konojel, ri Jesús xubꞌij chare ri Simón Pedro: Rat Simón ri rukꞌajol ri Juan, ¿nganawojoꞌ más ke chikiwech konojel reꞌ? Y ri Pedro xubꞌij: Jaꞌn, Ajaw, rat awetaman chi ngatinwojoꞌ. Y ri Jesús xubꞌij chare: Kaꞌayuqꞌuj ri alaj teq nukarneꞌl.

Tuilleadh tionndaidhean

Kaqchikel Santa Maria de Jesus

¹⁵ Y antok ya xaꞌvaꞌ quinojiel, ri Jesús xucꞌutuj cha ri Simón Pedro: Atreꞌ Simón ri at rucꞌajuol ri Jonás, ¿nquinavajoꞌ came más que chiquivach quinojiel la? xchaꞌ cha. Y ri Simón Pedro xuꞌej: Ajaf, quireꞌ. Atreꞌ avataꞌn chi ncanvajoꞌ. Y ri Jesús xuꞌej cha: Xa nquinavajoꞌ, caꞌchajij cꞌa ri alaj tak nu-ovejas.

Kaqchiquel Bible

¹⁵ Toq xekolaj yan konojel, ri Jesús xyakatej-el y xuk'utuj chire ri Pedro: Rat Simón ri ruk'ajol ri Juan, ¿yinawajo' kami más ke chuwech ri yinkajo' rije'?, xcha' chire. Y ri Pedro xubij: Wajaw, kan keri' wi. Rat awetaman chi yatinwajo'. Ri Jesús xubij k'a chire: Kan ke'ayuq'uj y ke'achajij k'a ri taq nukarne'l, xcha'.

Kaqchikel Central Guatemala

¹⁵ Y tok xecolaj yan conojel, ri Jesús xuc'utuj chire ri Simón Pedro: Rat Simón ri ruc'ajol ri Jonás, ¿yinavajo' cami más que chiquivech conojel re'? xcha' chire. Y ri Simón Pedro xubij c'a: Ajaf, can queri' vi. Rat avetaman chi yatinvajo'. Y ri Jesús xubij chire: Vi can yinavajo', can que'ayuk'uj y que'achajij c'a ri tak nucarne'l, xcha'.

Re C'ac'a Testamento pa Kach'abal

¹⁵ Y tak xojva-yan konojel, re Jesús xuc'utuj cha re Simón Pedro: Rat Simón re ruc'ajol re Jonás, ¿yinajo' como más que chiquivach conojel re'? xcha' cha. Y re Simón Pedro xubij: Ajaf, can quire-va. Rat ataman che yatinjo'. Y re Jesús xubij cha: Vo xa can yinajo', can ca'chajij c'a ch'utak nu-ovejas, xcha'.

Kaqchikel Western Solola

¹⁵ Y tek xec'achoj chare ri wa'in quinojel, ri Jesús xuc'utuj chare ri Simón Pedro: Riyit Simón ri yit ruc'ajol ri Jonás, ¿la yinawajo' cami más que chiquiwech quinojel re'? xcha' chare. Y ri Simón Pedro xubij c'a: Ja' (je), can queri' wi, Ajaf. Riyit awetaman chi yatinwajo'. Y ri Jesús xubij chare: Wi can yinawajo', can que'ayuk'uj c'a ri alaj tak nucarne'l, xcha'.

San Juan 21:15 Iomraidhean Croise

San Mateo 10:37

Ri más ngerajoꞌ rute-rutataꞌ ke chuwech ngirajoꞌ riyin, ma rukꞌulun ta chi ndok wichin yin. Keriꞌ chuqaꞌ ri teꞌej-tataꞌatz ri más ngekajoꞌ ri kalkꞌuaꞌl ke chuwech nginikajoꞌ riyin, ma rukꞌulun ta chi ngeꞌok wichin yin.

San Mateo 16:17

Y ri Jesús xubꞌij chare: Kin jabꞌel roꞌaqꞌij, rat Simón rukꞌajol ri Jonás, porque ma jun ta wineq xqꞌalajrisan chawa ri xabꞌij, xa kin ja ri Nataꞌ kꞌo chikaj ri xqꞌalajrisan pe chawa.

San Mateo 18:10

Titijaꞌ iqꞌij chi ma tibꞌen chake re chꞌuteq wíta re yin kitaqin chi nixta jun keqalen. Porque nibꞌij chiwa chi ri ki-ángeles rejeꞌ jumul ekꞌo apu chuwech ri Nataꞌ chikaj.

San Mateo 26:33

Pero ri Pedro xubꞌij chare ri Jesús: Maske konojel xtikil jun roma chin xkatikiyaꞌ kan, riyin kin ma jubꞌaꞌ xkatinyaꞌ kan.

San Mateo 26:35

Ri Pedro xubꞌij chare: Maske xtikꞌatzin chi ngiken junan awikꞌin, pero ma jubꞌaꞌ xtinbꞌij chi ma wetaman ta awech, xchajeꞌ. Y keriꞌ chuqaꞌ xkibꞌij konojel ri discípulos.

Marcos 14:29

Pero ri Pedro xubꞌij chare ri Jesús: Maske konojel xtikil jun roma chin xkatikiyaꞌ kan, riyin kin ma xkatinyaꞌ ta kan.

San Lucas 12:32

Rix ri rix achel jun chꞌuti bꞌotzaj karneꞌl, ma tixibꞌij iwiꞌ, porque ri Itataꞌ Dios kin ndiqaꞌ chuwech chi rix ndibꞌen reinar junan rikꞌin.

San Lucas 22:32

Pero yin xinbꞌen yan orar awoma, chin keriꞌ ma tikꞌis qa chi kuqul akꞌuꞌx wikꞌin, y keriꞌ atoq tzolijneq chi pe ri awánima wikꞌin, tayaꞌ ruchuqꞌaꞌ kánima ri chꞌaqa chik nu-discípulos.

San Juan 1:42

Y ri Andrés xukꞌuaj ri Simón chuwech ri Jesús, y atoq ri Jesús xutzꞌet ri Simón, xubꞌij chare: Rat, rat Simón rukꞌajol ri Juan, pero wokami Cefas ndabꞌiniꞌaj, xchajeꞌ. Y ri bꞌiꞌaj Cefas ndubꞌij tzij, Pedro.

San Juan 13:37

Y ri Pedro xubꞌij chare: Ajaw, ¿achike roma ma ngitiker ta ngatinwoqaj wokami? ¡Riyin nuyoꞌon pa wánima chi niyaꞌ ri nukꞌaslen pa kamik awoma!

San Juan 16:27

Porque ri Tataꞌaj Dios santienta ngixrajoꞌ, roma yin iwojowan pe, y itaqin pe chuqaꞌ chi ja ri apeꞌ kꞌo rijaꞌ yin eleneq wi pe.

San Juan 21:12

Ri Jesús xubꞌij chake: Kixámpe y kixwaꞌ. Y nixta jun chikikajal ri discípulos xukowij riꞌ chin ta xukꞌutuj razón chare achike rijaꞌ, porque ketaman chi ja ri Ajaw.

San Juan 21:7

Ja atoq riꞌ ri jun discípulo ri santienta ndojowex roma ri Jesús xubꞌij chare ri Pedro: ¡La ndichꞌaꞌa pe chaqe ja ri Ajaw! Y ri Simón Pedro xe xrakꞌaxaj chi ja ri Ajaw, kin ja paqiꞌ xukusaj ri rutziaq ruchꞌilon kan chirij y xuroqij pe riꞌ pa yaꞌ y xpuꞌun.

San Juan 8:42

Ri Jesús xubꞌij chake: Xa ta qetzij chi ja ri Dios ri Itataꞌ, nginiwojoꞌ ta yin, porque riyin apeꞌ kꞌo ri Dios yin eleneq wi pe y yin qajneq pe chireꞌ. Riyin ma nuyon ta chinuwech yin pataneq, xa kin ja rijaꞌ ri taqayon pe wichin.

Hechos 20:28

Tichajij utz-utz ri ikꞌaslen, y keꞌichajij chuqaꞌ ri eralkꞌuaꞌl ri Dios, porque rejeꞌ eꞌachel jun bꞌotzaj karneꞌl ri xerulaqꞌ ri Ajaw rikꞌin ri rukikꞌel, y ri Espíritu Santo rix ruyoꞌon pa kiwiꞌ chin ngeꞌiyuqꞌuj utz-utz.

Hechos 20:29

Riyin wetaman chi atoq ma yinkꞌo chi ta chiꞌikajal, ngetuqaqa wineq chiꞌikajal ri eꞌachel utiwaꞌ, ri ma ngekipoqonaj ta kiwech ri hermanos ri eꞌachel karneꞌl chin ri Dios.

Romanos 14:1

Tikꞌamaꞌ apu kiwech ri hermanos ri kꞌa maneq ok ruchuqꞌaꞌ kánima rikꞌin ri Ajaw, pero ma chin ta ndichuquchaꞌ iwiꞌ chi tzij kikꞌin roma ma junan ta ndinojij pa ruwiꞌ jun achike.

Romanos 15:1

Romariꞌ, roj ri kꞌo ruchuqꞌaꞌ qánima rikꞌin ri Ajaw, keqakochꞌoꞌ ri hermanos kꞌa maneq ok ruchuqꞌaꞌ kánima, y ma tiqabꞌen xaxe ri ndiqaꞌ chiqawech roj.

1 Corintios 8:11

Y keriꞌ rat roma awetaman chi ma jun ndubꞌen ndakꞌux ri tiꞌij sujun chikiwech tiox, ndabꞌen chare ri hermano ri kꞌajani ok ruchuqꞌaꞌ ránima chi nduyaꞌ kan ri Dios, jun hermano ri achoq roma xken ri Cristo.

Gálatas 5:6

Porque rat ri xe jun abꞌanun rikꞌin ri Cristo Jesús, ma jun reqalen si abꞌanun circuncidar awiꞌ o naq. Ri kꞌo reqalen ja ri ataqin ri Cristo, y chi romariꞌ ndabꞌen ri utz porque ngatojowan.

Efesios 4:14

Chin keriꞌ, ma roj chi ta achel ri ma ekꞌiyineq ta pa kikꞌaslen chiraqen ri Dios. Porque rejeꞌ xa achike na ndikitaqij, y ngeꞌukꞌuꞌex roma jalajaj teq tijonik ri ma eqetzij ta ri ngekiyaꞌ achiꞌaꞌ ri kin ketaman ndikikanoj rubꞌeyal chin ngechꞌakatin.

Efesios 6:24

Kin ta xtikꞌojeꞌ ri favor nduyaꞌ ri Dios pa iwiꞌ iwonojel rix ri ndiwojoꞌ ri Qajaw Jesucristo rikꞌin nojel iwánima.

Hebreos 13:20

Ri Dios ri ndiyoꞌon uxlanen pa qánima, ja rijaꞌ ri xkꞌastajbꞌan pe chikikajal ri animaꞌiꞌ ri Nimalej Qayuqꞌunel ri roj rukarneꞌl, y riꞌ ja ri Qajaw Jesús ri xbꞌiyin rukikꞌel chin xkꞌachaj ri pacto ri kin chin jumul.

Hebreos 4:13

Y nixta jun chikikajal ri ebꞌanun ri nditiker ta ndirewaj riꞌ chuwech ri Dios, nojel ri ebꞌanun roma rijaꞌ kin ngeqꞌalajin wi chuwech, y chuwech rijaꞌ ndeqabꞌij nojel ri qabꞌanun pa qakꞌaslen.

1 Pedro 1:8

Rix kin ndiwojoꞌ rijaꞌ maske ma itzꞌeton ta ruwech, y wokami itaqin maske ma nditzꞌet yan ta. Y roma santienta ngixkikot, hasta ma ndiwil ta tzij chin ndibꞌij ri ndinaꞌ, xa kin ngixkikot achel ngekikot ri ekꞌo chikaj.

1 Pedro 2:2

Achel ri chꞌuteq akꞌolaꞌ ri kꞌa tzꞌun kipan tzꞌan ndikirayij ngetzꞌuman, keriꞌ tibꞌanaꞌ rix. Kin tirayij tikanoj rukꞌiyilen ri ikꞌaslen rikꞌin ri qetzij rutzij ri Dios, chin ngixkꞌiy pa ikꞌaslen, hasta kꞌa kixkolotej na e chin jumul,

1 Pedro 2:25

Porque rix jumbꞌey kan, rix achel karneꞌl sachineq bꞌey chikiwech, pero wokami xtzolij pe iwánima rikꞌin ri Cristo ri Yuqꞌunel y Chajinel chin ri iwánima.

1 Juan 4:19

Roj ngojojowan, porque ri Dios xojrajoꞌ nabꞌey.

1 Juan 5:1

Konojel ri ndikitaqij chi ri Jesús jariꞌ ri Jun taqon pe roma ri Dios chukolik ri rutinamit, kikꞌuan chik ri kꞌakꞌakꞌ alaxik nduyaꞌ ri Dios. Y konojel ri ndikajoꞌ jun tataꞌatz, ndikajoꞌ chuqaꞌ ri ralkꞌuaꞌl ri tataꞌatz riꞌ.

Apocalipsis 2:23

Y pa kikꞌaslen ral ri ixaq riꞌ niyaꞌ jun yabꞌil chin kamik; y keriꞌ konojel bꞌotzaj ralkꞌuaꞌl ri Dios ndiketamaj chi ja riyin ri etamayon ri kꞌo pa kánima konojel y ri achike ndikinojij, y chikijununal niyaꞌ rukꞌexel chake achel rukꞌulun chi niyaꞌ roma ri ngekibꞌanalaꞌ.