San Juan 20:17 - Kaqchikel Santo Domingo (Xenacoj)

¹⁷ Y ri Jesús xubꞌij chare: Ma kanatzꞌen pe, porque kꞌajani kibꞌa e chikaj apeꞌ kꞌo ri Tataꞌaj Dios. Kabꞌiyin apeꞌ ekꞌo ri nu-hermanos, tabꞌij chake chi riyin ngibꞌa e apeꞌ kꞌo ri Nataꞌ, ri Itataꞌ chuqaꞌ rix. Rijaꞌ nu-Dios, y i-Dios chuqaꞌ rix.

Tuilleadh tionndaidhean

Kaqchikel Santa Maria de Jesus

¹⁷ Y ri Jesús xuꞌej cha ri María Magdalena: Man quinatzꞌom. Ruma inreꞌ cꞌa majaꞌ quiꞌa riqꞌuin ri Nataꞌ chila chicaj. Pero abꞌej chica ri hermanos chi inreꞌ nquiꞌa riqꞌuin ri Nataꞌ, ri Itataꞌ jeꞌ ixreꞌ. Can nquiꞌa riqꞌuin ri Nu-Dios, ri I-Dios jeꞌ ixreꞌ, xchaꞌ cha.

Kaqchiquel Bible

¹⁷ K'ari' ri Jesús xubij chire ri María: Man kinaq'etej roma man jani kibe rik'in ri nata' ri chila' chikaj. Xa kabiyin chubixik chike ri e nutijoxela', chi yin kan yibe k'a rik'in ri nata', ri kan itata' chuqa' rix. Kan yibe k'a rik'in ri nu-Dios, ri i-Dios chuqa' rix, xcha'.

Kaqchikel Central Guatemala

¹⁷ Y ri Jesús xubij c'a chire ri María Magdalena, roma xrajo' ta xuk'etej: Man quinak'etej. Yin can man jani c'a quibe riq'uin ri Nata', ri chila' chicaj. Xa cabiyin chubixic chique ri can e vach'alal, chi yin can yibe c'a riq'uin ri Nata', ri can Itata' chuka' rix. Can yibe c'a riq'uin ri nu-Dios, ri i-Dios chuka' rix, xcha' chire.

Re C'ac'a Testamento pa Kach'abal

¹⁷ Re María Magdalena xrajo' xuk'etej re Jesús, pero re Jesús xubij cha: Man quinak'etej. Yen c'amaje-na quimba riq'uin re Nata' chila' chicaj. Xa cabiyin chubixic chique re hermanos, che yen can yimba riq'uin re Nata', re can Irta' chuka' yex. Can yimba c'a riq'uin re nu-Dios, re i-Dios chuka' yex, xcha' cha.

Kaqchikel Western Solola

¹⁷ Y ri Jesús xubij c'a chare ri María Magdalena: Ma quinak'etej ta. Riyin can c'a ma jane quibe ta riq'ui ri Nata' chila' chicaj. Xa cabiyin chubixic chique ri can ye wach'alal chic, chi riyin can yibe c'a riq'ui ri Nata', ri can Itata' chuka' riyix. Can yibe c'a riq'ui ri nu-Dios, ri i-Dios chuka' riyix, xcha' chare.

San Juan 20:17 Iomraidhean Croise

San Mateo 12:50

Porque ri ndibꞌanun rurayibꞌel ri Nataꞌ kꞌo chikaj, jariꞌ nchaqꞌ, wanaꞌ y nteꞌ.

San Mateo 25:40

Y riyin ri Rey nibꞌij chake ri ekꞌo pa wikiqꞌaꞌ: Kin qetzij nibꞌij chiwa, chi roma xitoꞌ jun chikikajal re yin kitaqin re maneq ok kiqꞌij, riꞌ kin chuwa riyin xibꞌen wi.

San Mateo 28:7

Kixbꞌiyin paqiꞌ, tibꞌij chake ri ru-discípulos chi rijaꞌ xkꞌastej yan e chikikajal ri animaꞌiꞌ, y wokami ndinabꞌeyaj chiwech pa rochꞌulew Galilea, apeꞌ nditzꞌet ruwech, y kin xtibꞌanatej wi achel ri ngitajin chubꞌixik chiwa, xchajeꞌ ri ángel.

Marcos 12:26

Pero pa ruwiꞌ ri kikꞌastajibꞌel ri animaꞌiꞌ, ¿ma ibꞌanun ta leer chupan ri wuj ri rutzꞌibꞌan kan ri Moisés, atoq ri Dios xchꞌaꞌa pe chare chupan ri zarza ndijina pa qꞌaqꞌ? Rijaꞌ kereꞌ xubꞌij chare ri Moisés: Ja riyin ri ru-Dios ri Abraham, ru-Dios ri Isaac y ru-Dios ri Jacob, xchajeꞌ.

Marcos 16:19

Y atoq ri Ajaw Jesús xukꞌis rubꞌixik nojel ri xrajoꞌ xubꞌij chake ri discípulos, xukꞌuꞌex e chikaj y xbꞌetzꞌuyeꞌ pa rikiqꞌaꞌ ri Dios.

San Lucas 10:4

Ma tikꞌuaj koxtar, nixta méra, nixta jun par chik xajabꞌ, y ma kixpeꞌeꞌ layaj pa bꞌey chin ndiyaꞌ ruxunaqil kiwech wineq.

San Juan 13:1

Atoq jubꞌaꞌ chik qꞌij ndirajoꞌ chin nduqaqa ri kinimaqꞌij ri israelitas rubꞌiniꞌan Pascua, ri itzel ruyoꞌon chik pa ránima ri Judas, rukꞌajol jun achi rubꞌiniꞌan Simón Iscariote, chi ndujech ri Jesús pa kiqꞌaꞌ ri wineq. Ri Jesús retaman chi ja nduqaqa ri qꞌij chin ndel e chochꞌulew y nditzolij e chikaj apeꞌ kꞌo ri Tataꞌaj Dios. Retaman chuqaꞌ chi nojel jachon pa ruqꞌaꞌ roma ri Tataꞌaj Dios, y chi eleneq pe apeꞌ kꞌo ri Dios y chiriꞌ chik nditzolij e. Ri Jesús kin jumul xerajoꞌ ri erichin ri ekꞌo chochꞌulew, y chi jun rukꞌaslen xerajoꞌ. Romariꞌ pa jun tokoqꞌaꞌ, atoq ndiwaꞌ kikꞌin ri ru-discípulos, xyakatej pe ri apeꞌ ndiwaꞌ, xuchꞌil kan ri kꞌul ruqꞌuꞌun chirij, xutzꞌen jun toalla y xuxim chirupan.

San Juan 14:2

Chikaj apeꞌ kꞌo ri Nataꞌ Dios kꞌiy achoch ekꞌo chin ngekꞌojeꞌ ri ngebꞌeqaqa chiriꞌ. Si ma ke ta riꞌ, man ta xinbꞌij chiwa chi ngibꞌa y nebꞌanaꞌ rukꞌojlen apeꞌ ngixbꞌekꞌojeꞌ rix.

San Juan 14:28

Rix xiwakꞌaxaj chi riyin nubꞌiꞌin chiwa chi ngibꞌa, y nginuqaqa chik jumbꞌey iwikꞌin. Xa ta rix nginiwojoꞌ, ngixkikot ta roma xinbꞌij chiwa chi ngibꞌa rikꞌin ri Tataꞌaj Dios, porque rijaꞌ más nimalej ruqꞌij ke chinuwech riyin.

San Juan 14:6

Y ri Jesús xubꞌij: Ja riyin ri bꞌey, ja riyin ri qetzij y ja riyin ri kꞌaslen, nixta jun nditiker ndeqaqa apeꞌ kꞌo ri Tataꞌaj Dios, si ma ngirutaqij ta riyin.

San Juan 16:28

Apeꞌ kꞌo ri Tataꞌaj Dios yin eleneq wi pe, y xinuqaqa chochꞌulew. Y wokami, niyaꞌ kan ri rochꞌulew chin ngitzolij e apeꞌ kꞌo rijaꞌ.

San Juan 17:11

Loqꞌolej Nataꞌ, pa aqꞌaꞌ rat ngenjech kan ri xaꞌayaꞌ chuwa. Kaꞌachajij pa abꞌiꞌ, chin keriꞌ xe jun kánima ndikibꞌen chikiwech achel qabꞌanun roj awikꞌin. Kaꞌachajij kꞌa, porque rejeꞌ kꞌa ngekꞌojeꞌ kan chochꞌulew, y yin ngitzolij yan e chikaj chin ngibꞌekꞌojeꞌ e awikꞌin.

San Juan 17:25

Nataꞌ, rat ri pa ruchojmil ndabꞌen nojel, ri wineq ri ma rat kitaqin ta ma ketaman ta ri anoꞌoj, pero riyin wetaman ri anoꞌoj, y ri eꞌayoꞌon chuwa, ketaman chi ja rat taqayon pe wichin.

San Juan 17:5

Wokami, Nataꞌ, tabꞌanaꞌ chi ndikꞌojeꞌ chik nuqꞌij jumbꞌey, achel ri nuqꞌij xkꞌojeꞌ awikꞌin atoq kꞌajani tikꞌojeꞌ ri rochꞌulew.

San Juan 20:27

Ja atoq riꞌ xubꞌij chare ri Tomás: Tajuꞌ ri ruwiꞌ aqꞌaꞌ chupan re taqꞌel ekꞌo pa nuqꞌaꞌ y kaꞌatzꞌetaꞌ re nuqꞌaꞌ. Tajelesaj pe ri aqꞌaꞌ y tajuꞌ pe apeꞌ kꞌo ri sokotajik xenukꞌalkꞌaꞌx, y ma tabꞌen achel jun ri ma ndutaqij ta chi kꞌo nukꞌaslen, xa kin tataqij pa awánima chi yin kꞌes.

San Juan 7:33

Romariꞌ, ri Jesús xubꞌij: Xe chik jubꞌaꞌ qꞌij ngikꞌojeꞌ chiꞌikajal, kꞌateriꞌ ngitzolij e apeꞌ kꞌo ri taqayon pe wichin.

Romanos 8:29

Porque rijaꞌ xe jampeꞌ pa nabꞌey kin retaman wi pe kiwech ri eruchaꞌon chin ngeꞌok loqꞌolej achel ri Rukꞌajol, chin keriꞌ ja ri Rukꞌajol ri nimalaꞌtz chikiwech ekꞌiy ruchaqꞌ.

2 Corintios 6:18

Y kin xkinok Tataꞌaj pa iwiꞌ, Y rix ngixok nukꞌajol y numiꞌal. Keriꞌ ndubꞌij ri Ajaw ri kꞌo nojel uchuqꞌaꞌ pa ruqꞌaꞌ.

Gálatas 3:26

Keriꞌ nibꞌij chiwa porque rix iwonojel ri itaqin ri Cristo Jesús, rix ralkꞌuaꞌl chik ri Dios.

Hebreos 11:16

Pero xkirayij jun lugar más yalan, y ri lugar riꞌ ja ri kꞌo chikaj. Romariꞌ ri Dios ma ndikꞌix ta ndubꞌij chi rijaꞌ ki-Dios, porque rubꞌanun rukꞌojlen jun kitinamit.

Hebreos 8:10

Romariꞌ nibꞌen jun kꞌakꞌakꞌ pacto kikꞌin ri israelitas, Atoq qꞌaxneq chik ri tiempo chin ri nabꞌey pacto, Y jareꞌ rubꞌeyal, ndichajeꞌ ri Ajaw: Niyaꞌ ri nu-ley pa kinojibꞌal, Y nitzꞌibꞌaj pa kánima, Riyin nginok ri ki-Dios, Y rejeꞌ ngeꞌok nutinamit.

1 Pedro 1:3

Kin ta xtiyoꞌox ruqꞌij ri Dios, ri ru-Dios y Rutataꞌ ri Qajaw Jesucristo, ke roma ri nimalej rujoyowaxik qawech, xubꞌen chi xojalex chik jumbꞌey, roma ri Jesucristo xkꞌastajbꞌex pe chikikajal ri animaꞌiꞌ. Reꞌ ndubꞌen chaqe chi kuqul qakꞌuꞌx qoyobꞌen ri rusujun kan.

1 Juan 3:2

Y nibꞌij chiwa rix ri tzꞌan ngixinwojoꞌ, chi wokami roj ralkꞌuaꞌl chik ri Dios, y maske kꞌajani tiqꞌalajin ri kꞌakꞌakꞌ rubꞌanik qakꞌaslen ndubꞌen ri Dios más apu chiqawech, kin qetaman chi atoq ri Jesucristo nduqaqa chik jumbꞌey, ri rubꞌanik ri qakꞌaslen ndubꞌen qa achel rukꞌaslen rijaꞌ, porque kin xtiqatzꞌet rikꞌin qawech qitz achike rijaꞌ.

Apocalipsis 21:3

Y xinwakꞌaxaj jun chꞌabꞌel xsikꞌin pe apeꞌ kꞌo ru-trono ri Dios ri kereꞌ xubꞌij: ¡Tatzꞌetaꞌ! Ri Dios ndubꞌen rachoch chikikajal ri wineq. Ja rejeꞌ ri rutinamit, y ja rijaꞌ ri ki-Dios y ndikꞌojeꞌ chikikajal.

Apocalipsis 21:7

Chare ri xtitiker ndubꞌen ri nubꞌiꞌin kan, kin niyaꞌ nojel reꞌ chare, y kin xtiqꞌalajin chi ja riyin ri ru-Dios y ja rijaꞌ ri walkꞌuaꞌl.