San Juan 2:16 - Kaqchikel Santo Domingo (Xenacoj)

¹⁶ Y xubꞌij chake ri ngekꞌayin palomas: Keꞌiwelesaj e waweꞌ re chikap reꞌ, y ma tibꞌen chare rachoch ri Nataꞌ Dios, jun kꞌayibꞌel, xchajeꞌ.

Tuilleadh tionndaidhean

Kaqchikel Santa Maria de Jesus

¹⁶ Y chica ri ncaꞌquicꞌayij paluomix xuꞌej: Quiꞌivalasaj-el reꞌ vaveꞌ. Y man tiꞌan cha ri rachuoch ri Nataꞌ Dios jun qꞌuiyiꞌal, xchaꞌ ri Jesús.

Kaqchiquel Bible

¹⁶ Chike ri k'ayil taq paloma xubij: Ke'iwelesaj-el ronojel re' wawe'. Y man tiben chire ri rachoch ri nata' Dios, jun k'ayibel, xcha'.

Kaqchikel Central Guatemala

¹⁶ Y chique ri c'ayil tak palomas xubij c'a: Que'ivelesaj-el re' vave'. Y man tiben chire ri rachoch ri Nata' Dios, jun c'ayibel, xcha' ri Jesús.

Re C'ac'a Testamento pa Kach'abal

¹⁶ Y xubij chique re ye'c'ayin palomas: Que'ilisaj-a re' vova'. Y man tiban cha re rachoch re Nata' Dios jun q'uiybal, xcha' re Jesús.

Kaqchikel Western Solola

¹⁶ Y chique ri yec'ayin palomax xubij c'a: Que'iwelesaj el re' wawe'. Y ma tiben ta chare ri rachoch ri Nata' Dios, jun c'aybel, xcha' ri Jesús.

San Juan 2:16 Iomraidhean Croise

San Mateo 21:12

Ri Jesús xok apu pa rachoch ri Dios y xeroqotaj pe konojel ri ngekꞌayin y ri ngeloqꞌon chiriꞌ, xutikmayilaꞌ ri ki-mesas ri ejaloy ruwech méra, y ri kichꞌakat ri ngekꞌayin palomas.

San Mateo 21:13

Y kereꞌ xubꞌij chake: Chupan ri rutzij ri Dios tzꞌibꞌan kan ndubꞌij: Ri wachoch kin xtibꞌix chare achoch chin ndibꞌan orar. Keriꞌ tzꞌibꞌan kan. Pero rix xa kikꞌojlibꞌel eleqꞌomaꞌ ibꞌanun chare, xchajeꞌ.

San Mateo 22:5

Pero ri xeꞌoyox pa kꞌulubꞌik ma xkiyaꞌ ta pa cuenta ri taqon e rubꞌixik chake. Ekꞌo jujun xebꞌa pa kulew, jujun chik xebꞌekꞌayin,

Marcos 11:17

Ngerutijoj ri wineq y kereꞌ ndubꞌij chake: Chupan ri rutzij ri Dios tzꞌibꞌan kan ndubꞌij: Ri wachoch kin xtibꞌix chare achoch chin ndikibꞌen orar jalajaj kiwech wineq chin ri rochꞌulew. Keriꞌ tzꞌibꞌan kan. Pero rix xa kikꞌojlibꞌel eleqꞌomaꞌ ibꞌanun chare, xchajeꞌ.

San Lucas 2:49

Ri Jesús xubꞌij chake: ¿Achike roma ngixel chꞌuꞌj chinukanoxik? ¿Ma iwetaman ta kꞌa chi ja ri ndirajoꞌ ri Nataꞌ Dios, ri ndikꞌatzin chi nibꞌen?

San Juan 10:29

Ri eruyoꞌon ri Nataꞌ Dios chuwa, más nim keqalen ke chuwech nojel ri achike ekꞌo chochꞌulew, y nixta jun nditiker ngerumej pa ruqꞌaꞌ chuqaꞌ rijaꞌ.

San Juan 2:15

Y ri Jesús xubꞌen jun chꞌaybꞌel rikꞌin chawen rupan kꞌan y xeroqotaj pe konojel. Xeroqotaj pe chuqaꞌ ri karneꞌl y ri wakx, y xukiraj pa ulew kiméra ri ejaloy ruwech méra y xerutikmayilaꞌ ri ki-mesas.

San Juan 20:17

Y ri Jesús xubꞌij chare: Ma kanatzꞌen pe, porque kꞌajani kibꞌa e chikaj apeꞌ kꞌo ri Tataꞌaj Dios. Kabꞌiyin apeꞌ ekꞌo ri nu-hermanos, tabꞌij chake chi riyin ngibꞌa e apeꞌ kꞌo ri Nataꞌ, ri Itataꞌ chuqaꞌ rix. Rijaꞌ nu-Dios, y i-Dios chuqaꞌ rix.

San Juan 5:17

Pero ri Jesús xubꞌij chake: Ri Nataꞌ Dios ndisamej re qꞌij reꞌ, y keriꞌ chuqaꞌ riyin ngisamej, xchajeꞌ.

San Juan 8:49

Ri Jesús xubꞌij chake: Riyin maneq itzel espíritu pa nukꞌaslen. Riyin ja ri Nataꞌ ninimrisaj ruqꞌij, pero rix xa ma jun nuqꞌij ndibꞌen chuwa.

1 Timoteo 6:5

y ndukꞌen pe chi jutaqil kꞌo oyowal chikikajal wineq. Ri ngekꞌutu jun chik tijonik, xa kin suqꞌurneq kinoꞌoj roma ri itzel ngekinojilaꞌ, y kiyoꞌon kan rokacheq chuwech ri qetzij, y xa ndikinojij chi rikꞌin ri tijonik ndikiyaꞌ, kin kꞌo cheꞌel ndikibꞌen méra chin ngebꞌeyomer.

2 Pedro 2:3

Y roma ngejamem chirij méra, ri itzel teq tijonelaꞌ riꞌ kin xtikikanolaꞌ rubꞌeyal jun tijonik chin ndikelesaj méra chiꞌiqꞌaꞌ. Pero xe jampeꞌ ojer bꞌiꞌin pe pa kiwiꞌ roma ri Dios chi ngebꞌan castigar, y maneq cheꞌel ndikikal kiꞌ chuwech ri castigo riꞌ.