San Juan 2:10 - Kaqchikel Santo Domingo (Xenacoj)

¹⁰ Y xubꞌij chare: Atoq ndibꞌan jun nimaqꞌij, konojel wineq ja ri utzulej vino ndikipej nabꞌey, y atoq esikirneq chik ri wineq, kꞌateriꞌ ndikipej ri vino ma más ta utz, pero rat ma ke ta riꞌ xabꞌen, rat ayakon kan ri utzulej vino y kꞌaja xbꞌaꞌawelesaj pe.

Tuilleadh tionndaidhean

Kaqchikel Santa Maria de Jesus

¹⁰ y xuꞌej cha: Antok cꞌo jun namakꞌej quireꞌ, quinojiel vinak ja ri vino ri más otz niquiyaꞌ naꞌay, y antok ri icꞌo pa namakꞌej quikumun qꞌuiy chic vino, jareꞌ antok niquiyaꞌ ri vino ri man can ta otz. Pero atreꞌ xa man quireꞌ ta xaꞌan. Atreꞌ xa cꞌajaꞌ xavalasaj-pa ri vino ri más otz, xchaꞌ ri encargado.

Kaqchiquel Bible

¹⁰ Toq ri achijlonel xapon, ri pa'el chuwech ri nimaq'ij richin ri k'ulubik ri' xubij k'a chire: Toq k'o jun nimaq'ij kere', konojel k'a winaqi' ja ri vino ri utz nikiya' nabey, y toq ri winaqi' k'iy chik ri kiqumun, nikiya' k'a jun vino ri man kan ta utz. Jak'a rat xa man keri' ta xaben. Rat xa k'a ri' xabewelesaj-pe ri vino utz, xcha'.

Kaqchikel Central Guatemala

¹⁰ Y tok ri achijlonel xapon c'a, ri pa'el chuvech ri nimak'ij richin ri c'ulubic ri' xubij c'a chire: Tok c'o jun nimak'ij quere', conojel c'a vinek ja ri ruya'al-uva ri utz niquiya' nabey, y tok xa yojtajinek chic ri pa quichi' ri ec'o pa nimak'ij, roma q'uiy chic ri quikumun, niquiya' c'a jun ruya'al-uva ri man can ta utz. Pero rat xa man que ta ri' xaben. Rat xa c'a ri' xabevelesaj-pe ri ruya'al-uva ri utz, xcha'.

Re C'ac'a Testamento pa Kach'abal

¹⁰ Y tak xapon re ala' re xc'ule', re ache pa'al chij re namak'ij chin re c'ulubic xubij cha: Tak c'o jun namak'ij quire', conojel vinak ja re ruyi'al-uva re otz jare' re niquiya' nabey, y tak re jec'o pa namak'ij q'uiy chic quikumun, c'are' niquiya' re jun ruyi'al-uva re man can-ta otz. Pero rat xa man quire-ta xaban. Rat xa c'aja xbalisaj-pa re utzulaj ruyi'al-uva, xcha'.

Kaqchikel Western Solola

¹⁰ Y tek ri c'ajol ri xc'ule' xapon c'a, ri achi ri nisamej chrij ri c'ulanen ri' xubij c'a chare: Tek c'o jun nimak'ij quere', quinojel c'a winek ya ri ruya'al uva ri utz niquiya' nabey mul, y tek q'uiy chic ri quikumun, niquiya' c'a jun ruya'al uva ri ma can ta utz. Pero riyit xa ma que ta ri' xaben. Riyit xa c'ac'ari' xbe'awelesaj pe ri ruya'al uva ri más utz, xcha'.

San Juan 2:10 Iomraidhean Croise

San Mateo 24:49

y xa ndutzꞌen kichꞌeyik ri chꞌaqa chik samajelaꞌ, xe waꞌin nduyal y ndutij yaꞌ kikꞌin qꞌabꞌarelaꞌ,

San Lucas 12:45

Pero si ri samajel riꞌ ndubꞌij qa pa ránima chi ri rajaw ma nduqaqa yan ta, y xa ndutzꞌen kichꞌeyik ri chꞌaqa chik samajelaꞌ chi achiꞌaꞌ chi ixoqiꞌ, y xe waꞌin nduyal, ndutij yaꞌ y ndiqꞌabꞌer,

San Lucas 16:25

Pero ri Abraham xubꞌij chare: Walkꞌuaꞌl, tuqaqa chiꞌakꞌuꞌx chi rat jabꞌel abꞌeyomal xkꞌojeꞌ chochꞌulew, y re Lázaro santienta qꞌaxomal xuqꞌasaj, pero wokami rijaꞌ jabꞌel rukꞌaslen xurilaꞌ waweꞌ, y rat xa pa qꞌaxomal ratkꞌo wokami.

Hechos 2:15

Ri wineq ngeꞌitzꞌet waweꞌ, ma kitijon ta yaꞌ achel ndinojij rix, porque kꞌaja ok bꞌelejeꞌ hora chin tisaqer, y nixta jun nduqꞌabꞌarisaj riꞌ re hora reꞌ.

1 Corintios 11:21

Porque chiꞌijununal nabꞌey paqiꞌ ndikꞌux ri ikꞌuan apu y ma ngeꞌiwoyobꞌej ta ri chꞌaqa chik chin ta ndisipaj jubꞌaꞌ chake, y romariꞌ kꞌo ngekanej kan chi wayijal, mientras chꞌaqa chiwech hasta ngixqꞌabꞌer.

Efesios 5:18

Ma tiqꞌabꞌarisaj iwiꞌ, porque riꞌ ndubꞌen chiwa chi ma ngixtiker ta ndiqꞌet iwiꞌ chuwech ri itzel teq achike. Pa rukꞌexel riꞌ, tiyaꞌ qꞌij chare ri Espíritu Santo chi ndunojisaj ri iwánima,

1 Tesalonicenses 5:7

Porque ri ngewer, chaqꞌaꞌ ngewer, y ri ndikiqꞌabꞌarisaj kiꞌ, chaqꞌaꞌ ndikiqꞌabꞌarisaj kiꞌ.

Apocalipsis 17:2

Rikꞌin rijaꞌ xkikꞌamalaꞌ qa kiꞌ ri reyes chin ri rochꞌulew chin xkibꞌen mak, y ri wineq ekꞌo chochꞌulew xkiqꞌabꞌarisalaꞌ kiꞌ rikꞌin rumak ri ixaq ri xa achoq na ikꞌin ndubꞌanalaꞌ.

Apocalipsis 17:6

Y xintzꞌet chi ri ixaq riꞌ ruqꞌabꞌarisan riꞌ rikꞌin ri kikikꞌel ri loqꞌolej ralkꞌuaꞌl ri Dios y rikꞌin ri kikikꞌel ri ekamisan roma xkiyaꞌ rutzijol ri rubꞌiꞌin kan ri Jesús. Y atoq xintzꞌet ri ixaq riꞌ, santienta xsach nukꞌuꞌx.