San Juan 19:11 - Kaqchikel Santo Domingo (Xenacoj)

¹¹ Ri Jesús xubꞌij chare: Ma jun ta uchuqꞌaꞌ kꞌo pa aqꞌaꞌ pa nuwiꞌ, si man ta ri Dios yoyon pe chawa. Y romariꞌ, ri jun ri xijacho pa aqꞌaꞌ, más nim rumak ke chuwech ri amak rat.

Tuilleadh tionndaidhean

Kaqchikel Santa Maria de Jesus

¹¹ Y ri Jesús xuꞌej: Man jun ta av-autoridad panoꞌ, xa man ta ri Dios ri cꞌo chila chicaj ri yaꞌyuon-pa chava. Ruma cꞌa reꞌ, más nem ru-pecado ri xjacho vichin pan akꞌaꞌ, xchaꞌ ri Jesús.

Kaqchiquel Bible

¹¹ Y ri Jesús xubij: Man jun ta aq'atbel-tzij pa nuwi', wi man ta roma ri Dios. Roma k'a kan ja rija' yoyon-pe q'atbel-tzij pan aq'a', roma ri' k'o aq'a' chuwe. Y wi xkinateq pa kamik, kan k'o k'a amak, jak'a ri más nim kimak ja ri xijacho pan aq'a', xcha' ri Jesús.

Kaqchikel Central Guatemala

¹¹ Y ri Jesús xubij: Man jun ta ak'atbel-tzij pa nuvi', vi ta man roma ri Dios ri c'o chila' chicaj. Roma c'a can ja rija' yoyon-pe k'atbel-tzij pan ak'a', romari' c'o ak'a' chuve. Y vi xquinatek pa camic, can c'o c'a amac, pero ri más nim rumac ja ri xijachon pan ak'a', xcha' ri Jesús.

Re C'ac'a Testamento pa Kach'abal

¹¹ Y re Jesús xubij: Rat man jun a-autoridad c'o pa nue' yen, xe-ta man-ta ja re Dios re c'o chila' chicaj re ya'yon chava. Roma can ja reja' ya'yom-pa autoridad pan ak'a'. Y vo xa xtatak nuquimisasic, can c'o amac, pero re más c'o rumac ja re xinjacho pan ak'a', xcha' re Jesús.

Kaqchikel Western Solola

¹¹ Y ri Jesús xubij: Man ta jun ak'atbel tzij pa nuwi', wi man ta ruma ri Dios ri c'o chila' chicaj. Ruma can ya Riya' ri yayon pe k'atbel tzij pan ak'a', y rumari' tek c'o ak'atbel tzij pa nuwi'. Y wi xquinatek pa camic, can c'o c'a amac, pero ri más c'o rumac ya ri xijacho pan ak'a', xcha' ri Jesús.

San Juan 19:11 Iomraidhean Croise

San Mateo 26:65

Ja atoq riꞌ ri más nimalej ruqꞌij sacerdote, roma royowal xureqij qa ri rutziaq, y xubꞌij: ¡Re achi reꞌ xuyaqꞌ ri Dios roma ri xubꞌij! ¿Achike más testigo ndikꞌatzin chaqe? Rix xiwakꞌaxaj ri yoqꞌonik teq tzij xubꞌij chirij ri Dios.

San Mateo 27:2

Xkiyut, xkikꞌuaj y xbꞌekijachaꞌ pa ruqꞌaꞌ ri Pilato, ri ndubꞌen gobernar pa rubꞌiꞌ ri rey aj Roma.

San Mateo 6:13

Y ma ndayaꞌ qꞌij chi ngojtaqchiꞌix chin ngojtzaq pa mak, Xa kin qojatoꞌ chin ma ngojqaqa pa ruqꞌaꞌ ri itzel.

Marcos 14:44

Ri Judas ri ndijacho e ri Jesús, rubꞌiꞌin pe chake ri wineq ri etal nduyaꞌ chin ndukꞌut ri Jesús chikiwech. Y kereꞌ rubꞌiꞌin pe chake: Ri xtintzꞌubꞌaj ruqꞌoꞌtz jariꞌ, tiyutuꞌ e utz-utz y tikꞌuaj.

San Lucas 22:53

Qꞌij-qꞌij xikꞌojeꞌ chiꞌikajal pa rachoch ri Dios, y ma xijelesaj ta iqꞌaꞌ chuwij chin xinitzꞌen, pero ja hora reꞌ ri yoꞌon qꞌij chiwa chi ndibꞌen kereꞌ, y ja chuqaꞌ hora reꞌ ndikꞌojeꞌ pe ruchuqꞌaꞌ rajawal ri qꞌequꞌ.

San Juan 18:13

Y nabꞌey xkikꞌuaj chuwech ri Anás, porque ja ri Anás rujinan ri Caifás, ri más nimalej ruqꞌij sacerdote ri junaꞌ riꞌ.

San Juan 18:3

Romariꞌ ri Judas xbꞌeqaqa chiriꞌ, junan kikꞌin jun bꞌotzaj soldados, y kikꞌin chuqaꞌ ri ngechajin rachoch ri Dios, kikꞌuan espadas y lanzas, kitzijon antorchas y lámparas. Konojel rejeꞌ etaqon e koma ri sacerdotes israelitas más kꞌo ruchuqꞌaꞌ kitzij y koma chuqaꞌ ri fariseos.

San Juan 19:10

Romariꞌ ri Pilato xubꞌij chare: ¿Ma jun achike ndabꞌij chuwa pa ruwiꞌ reꞌ? ¿Ma awetaman ta kꞌa chi kꞌo uchuqꞌaꞌ pa nuqꞌaꞌ chin nibꞌij chi kasoqꞌopix e o chi kabꞌajix cho cruz?

San Juan 3:27

Ri Juan xubꞌij chake ri ru-discípulos: Ma jun achike nditiker ndubꞌen jun wineq, si ma ja ta ri Dios ndiyoꞌon qꞌij chare chi ndubꞌen.

San Juan 7:30

Y roma ri Jesús keriꞌ xubꞌij, ekꞌo xkajoꞌ xkitzꞌen e, pero nixta jun xtzꞌamo e richin, porque kꞌajani tiril ri qꞌij chin nditzꞌan.

San Juan 9:41

Ri Jesús xubꞌij chake: Si rix, rix ta soqꞌ, man ta kꞌo imak iweqalen, pero wokami roma ndibꞌij chi ngixtzuꞌun, kin kꞌo mak iweqalen chuwech ri Dios.

Hechos 2:23

Y ri Jesús xjach pa kiqꞌaꞌ ma israelitas ta ri maneq Dios pa kiwech, kin achel runojin pe ri Dios chi ndibꞌanatej, y ja rix ri xixyoꞌon tzij pa kixikin ri wineq riꞌ chin xkikamisaj ri Jesús cho cruz.

Hechos 3:13

Ri Dios ri xkiyaꞌ ruqꞌij ri Abraham, ri Isaac, ri Jacob, y ri ojer teq qatit-qamamaꞌ, jariꞌ ri xbꞌanun chi ri Loqꞌolej rusamajel Jesús xkꞌojeꞌ chik nimalej ruqꞌij. Ja Jesús riꞌ ri xijech rix pa ruqꞌaꞌ ri Pilato chin xkamisex. Y xibꞌij chuwech ri Pilato chi ma xiwojoꞌ ta chi ri Jesús ndubꞌen reinar pa iwiꞌ, maske ri Pilato rubꞌiꞌin chik chi ndusoqꞌopij e.

Hechos 4:28

Y rikꞌin ri xeyakatej chirij, xkibꞌen ri xayaꞌ qꞌij rat chi xbꞌanatej, porque kin abꞌanun chik ruwech chi keriꞌ ndibꞌanatej.

Romanos 11:36

Porque nojel ri ebꞌanun, ja rijaꞌ ri bꞌanayon kichin, ja rijaꞌ ri tzꞌamayon kichin, y chin ndikiyaꞌ ruqꞌij rijaꞌ erubꞌanun. ¡Kin ta jumul xtiyoꞌox ruqꞌij! Amén.

Romanos 13:1

Tinimaj kitzij ri kꞌo uchuqꞌaꞌ pa kiqꞌaꞌ pa ruwiꞌ ri itinamit, porque nixta jun ri kꞌo uchuqꞌaꞌ pa ruqꞌaꞌ ri man ta ja ri Dios yoyon, y konojel ri ekꞌo, ja ri Dios yoyon ri uchuqꞌaꞌ pa kiqꞌaꞌ.

Santiago 1:17

Chikaj rikꞌin ri Dios pataneq nojel ri utzulej teq achike y nojel ri loqꞌolej teq sipanik. Ja rijaꞌ bꞌanayon kichin nojel ri chꞌumilaꞌ ri ndujalalaꞌ riꞌ ri luz ndikiyaꞌ, pero rijaꞌ ma jumbꞌey ndijalatej ruwech y maneq qꞌequꞌ rikꞌin.

Santiago 4:17

Porque si jun retaman ndubꞌen ri utz, y ma ndubꞌen ta, xa mak ri ndajin rikꞌin.