San Juan 18:4 - Kaqchikel Santo Domingo (Xenacoj)

⁴ Ri Jesús roma retaman nojel ri nderuqꞌasaj pa rukꞌaslen, xel pe chikikꞌulik y xubꞌij chake: ¿Achike kꞌa wineq ndikanoj?

Tuilleadh tionndaidhean

Kaqchikel Santa Maria de Jesus

⁴ Y ri Jesús rataꞌn chic cꞌa nojiel ri chica xtukꞌasaj. Rumareꞌ xaꞌbꞌarucꞌuluꞌ ri i-patanak y xucꞌutuj chica: ¿Chica nticanuj? xchaꞌ chica.

Kaqchiquel Bible

⁴ Ri Jesús kan retaman k'a achike ri peteneq chirij y achike ri xtuk'uluwachij. Roma ri' toq kan xbe k'a chikik'ulik ri e peteneq chapoy richin y xuk'utuj chike: ¿Achike k'a ri nikanoj?, xcha' chike.

Kaqchikel Central Guatemala

⁴ Y ri Jesús can retaman c'a achique ri petenek chirij y achique ri xtuc'ulvachij. Romari' tok can xbe c'a chiquic'ulic ri e petenek chapoy richin y xuc'utuj c'a chique: ¿Achique c'a ri nicanoj? xcha' chique.

Re C'ac'a Testamento pa Kach'abal

⁴ Y re Jesús can rutaman andex re pitinak chij y andex re xtuc'alvachij. Mare' tak xba chiquic'ulic re je'pitinak tz'amoy richin y xuc'utuj chique: ¿Anchique nicanoj?

Kaqchikel Western Solola

⁴ Y ri Jesús retaman chic c'a ronojel achique ri xqueruc'ulwachij. Rumari' tek Riya' can xbe c'a chiquic'ulic ri ye chapoy riche (rixin) y xuc'utuj c'a chique: ¿Achique c'a ri nicanoj? xcha' chique.

San Juan 18:4 Iomraidhean Croise

San Mateo 16:21

Y xe jampeꞌ ri qꞌij riꞌ, ri Jesús xutzꞌuk rubꞌixik chake ri ru-discípulos, chi ndikꞌatzin ndibꞌa pa tinamit Jerusalén apeꞌ nduqꞌasaj santienta kꞌayew pa kiqꞌaꞌ ri intéra teq achiꞌaꞌ kꞌo kiqꞌij, pa kiqꞌaꞌ ri sacerdotes israelitas más kꞌo ruchuqꞌaꞌ kitzij, y pa kiqꞌaꞌ ri tijonelaꞌ chin ri ley xyoꞌox chare ri Moisés, y ndikamisex, pero pa rox qꞌij ndikꞌastajbꞌex pe chikikajal ri animaꞌiꞌ.

San Mateo 26:2

Rix iwetaman chi xe chik kaꞌiꞌ qꞌij ndirajoꞌ chin nduqaqa ri nimaqꞌij rubꞌiniꞌan Pascua. Y riyin ri aj chikaj ri xinuꞌalex chiꞌikajal ngijach pa kiqꞌaꞌ ri wineq chin ngibꞌan crucificar, xchajeꞌ.

San Mateo 26:21

Y atoq ngewaꞌ, ri Jesús xubꞌij: Kin qetzij nibꞌij chiwa chi jun chiꞌikajal rix ngijacho e pa kiqꞌaꞌ ri itzel ngetzꞌeto wichin.

San Mateo 26:31

Ja atoq riꞌ ri Jesús xubꞌij chake: Chupan re jun aqꞌaꞌ reꞌ, rix iwonojel kin xtiwil jun roma chin nginiyaꞌ kan, porque ri Dios kereꞌ rubꞌiꞌin kan chupan ri rutzij tzꞌibꞌan kan: Niyaꞌ qꞌij chi ndikamisex ri Yuqꞌunel, y ri bꞌotzaj karneꞌl nditalux e kiwech. Keriꞌ tzꞌibꞌan kan.

San Lucas 24:44

Y xubꞌij chake: Atoq kꞌa yinkꞌo iwikꞌin pa nabꞌey, nubꞌiꞌin wi pe chiwa, chi kin ndikꞌatzin chi ndibꞌanatej ri tzꞌibꞌan kan chupan ri ley xyoꞌox chare ri Moisés, ri tzꞌibꞌan kan koma ri profetas, y ri tzꞌibꞌan kan chupan ri Salmos pa nuwiꞌ.

San Juan 13:1

Atoq jubꞌaꞌ chik qꞌij ndirajoꞌ chin nduqaqa ri kinimaqꞌij ri israelitas rubꞌiniꞌan Pascua, ri itzel ruyoꞌon chik pa ránima ri Judas, rukꞌajol jun achi rubꞌiniꞌan Simón Iscariote, chi ndujech ri Jesús pa kiqꞌaꞌ ri wineq. Ri Jesús retaman chi ja nduqaqa ri qꞌij chin ndel e chochꞌulew y nditzolij e chikaj apeꞌ kꞌo ri Tataꞌaj Dios. Retaman chuqaꞌ chi nojel jachon pa ruqꞌaꞌ roma ri Tataꞌaj Dios, y chi eleneq pe apeꞌ kꞌo ri Dios y chiriꞌ chik nditzolij e. Ri Jesús kin jumul xerajoꞌ ri erichin ri ekꞌo chochꞌulew, y chi jun rukꞌaslen xerajoꞌ. Romariꞌ pa jun tokoqꞌaꞌ, atoq ndiwaꞌ kikꞌin ri ru-discípulos, xyakatej pe ri apeꞌ ndiwaꞌ, xuchꞌil kan ri kꞌul ruqꞌuꞌun chirij, xutzꞌen jun toalla y xuxim chirupan.

San Juan 13:11

Ri Jesús keriꞌ xubꞌij, roma retaman achike ndijacho e richin, romariꞌ xubꞌij chi ma echꞌajchꞌaj ta konojel.

San Juan 18:5

Rejeꞌ xkibꞌij chare: Roj ndiqakanoj ri Jesús aj Nazaret. Ri Jesús xubꞌij chake: Ja riyin, xchajeꞌ. Y chikikajal ri etaqon, kꞌo apu ri Judas Iscariote ri ndijacho e ri Jesús pa kiqꞌaꞌ.

San Juan 18:7

Jumbꞌey chik ri Jesús xubꞌij chake: ¿Achike kꞌa wineq ndikanoj? Y rejeꞌ xkibꞌij chare: Ndiqakanoj ri Jesús aj Nazaret.

San Juan 19:28

Atoq xbꞌanatej yan reꞌ, ri Jesús roma retaman chi xukꞌis yan rubꞌanik ri samaj yoꞌon pe pa ruqꞌaꞌ y chin ndibꞌanatej ri tzꞌibꞌan kan chupan ri rutzij ri Dios, xubꞌij: Ndichaqiꞌj nuchiꞌ.

San Juan 6:64

Pero ekꞌo jujun chiꞌikajal rix ri ma nginikitaqij ta. Keriꞌ xubꞌij ri Jesús chake, porque xe jampeꞌ pa nabꞌey retaman achike ri ma ngetaqin ta richin y ri ndijacho e richin pa kiqꞌaꞌ ri wineq.

Hechos 2:28

Abꞌiꞌin chuwa chi ndayaꞌ chik nukꞌaslen, Y roma jumul ratkꞌo wikꞌin, ri wánima tzꞌan ndikikot. Keriꞌ rutzij ri Jesús rubꞌiꞌin kan ri David.

1 Pedro 4:1

Roma kꞌa riꞌ, achel ri Cristo xuqꞌasaj kꞌayew pa ru-cuerpo, rix tiyaꞌ pa iwánima chi keriꞌ ndikꞌatzin ndiqꞌasaj chuqaꞌ, porque si jun hermano nduqꞌasaj kꞌayew pa ru-cuerpo roma rutaqin ri Cristo, maneq chik más ruchuqꞌaꞌ ri mak pa rukꞌaslen.