San Juan 17:6 - Kaqchikel Santo Domingo (Xenacoj)

⁶ Riyin xinqꞌalajrisaj achike rat chikiwech ri eꞌachaꞌon chikikajal ri wineq. Ri eꞌachaꞌon kin kiniman pe atzij y eꞌawichin rat y rat xaꞌayaꞌ chuwa.

Tuilleadh tionndaidhean

Kaqchikel Santa Maria de Jesus

⁶ Can xincꞌut cꞌa ri abꞌeꞌ chica ri achiꞌaꞌ ri xaꞌyaꞌ chuva, ri i-achoꞌn chic pa atreꞌ chiquicajol ri icꞌo choch-ulief. Ri achiꞌaꞌ reꞌ, can i-avichin atreꞌ, y xaꞌyaꞌ chuva inreꞌ. Y vacame ijejeꞌ niquiꞌan ri nuꞌej ri achꞌabꞌal.

Kaqchiquel Bible

⁶ Rat kan xe'aya' tzeqelibey wichin, y yin kan xinben k'a chi xq'alajin-wi ri abi' chikiwech. Re winaqi' re', kan e awichin rat, jari' ri xe'aya' chuwe yin. Y rije' kan kibanon y kichajin k'a ri ach'abel.

Kaqchikel Central Guatemala

⁶ Roma re achi'a' re can e acha'on chic pe rat chiquicojol ri c'a quicukuban na quic'u'x riq'uin re ruvach'ulef, chuve c'a yin xe'aya-vi re vacami, y yin can xinben c'a chi xk'alajin-vi ri abi' chiquivech. Re achi'a' re', can e avichin rat, romari' xe'aya' c'a chuve yin. Y rije' can quibanon y quichajin c'a ri ach'abel.

Re C'ac'a Testamento pa Kach'abal

⁶ Roma re achi'a' re can je'acha'on chic-pa rat chiquicojol re man yatquiniman-ta, chua yen xa'ya-va vocame, y yen can xinsekresaj re abe' chiquivach. Re achi'a' re' can je avichin rat, y xa'ya' chua yen. Y reje' can quibanon y quichajin re ach'abal.

Kaqchikel Western Solola

⁶ Can xink'alajsaj c'a ri abi' chique ri achi'a' ri xe'aya' chuwe ri ye acha'on chic pe chiquicojol ri winek chuwech re ruwach'ulef, ri can ye awuche (awixin) c'a riyit y wacami riye' can niquiben c'a ri nubij ri ach'abel.

San Juan 17:6 Iomraidhean Croise

San Juan 1:18

Ma jun wineq tzꞌeteyon richin ri Dios, xaxe ri junayon Rukꞌajol ri achoq ikꞌin jun ránima rubꞌanun tzꞌeteyon richin, y ja rijaꞌ ri qꞌalajrisayon chiqawech runoꞌoj ri Tataꞌaj Dios.

San Juan 12:28

Nataꞌ Dios, tabꞌanaꞌ chi ndiqꞌalajin ri nimalej aqꞌij, xchajeꞌ ri Jesús. Ja atoq riꞌ xakꞌaxex jun chꞌabꞌel chikaj ri ndubꞌij: Riyin nuqꞌalajrisan chik nuqꞌij, y niqꞌalajrisaj chik jumbꞌey.

San Juan 15:19

Xa ta rix junan kikꞌin ri wineq ri ma kitaqin ta ri Dios, kin ngixojowex ta koma rejeꞌ. Pero rix ma rix achel ta ri wineq riꞌ, porque rix nuchaꞌon chikikajal, y romariꞌ itzel ngixkitzꞌet.

San Juan 15:3

Y rix xjosqꞌitej yan ri ikꞌaslen roma ri tzij nutzijon chiwa.

San Juan 15:7

Si rix jumul xe jun ibꞌanun wikꞌin, y ri nutzij ndikꞌojeꞌ pa iwánima, tikꞌutuj ri ndiwojoꞌ, y kin ndibꞌanatej wi.

San Juan 17:12

Nojel teq qꞌij ri qachibꞌilan pe qiꞌ kikꞌin chochꞌulew, enuchajin pe pa abꞌiꞌ, y ma jun ri xel ta e pa abꞌey, xa kin xe ri jun ri kin chin wi ma ndikolotej ta, chin ndibꞌanatej ri ndubꞌij ri atzij tzꞌibꞌan kan.

San Juan 17:14

Riyin nutzijon pe ri atzij chake, pero ri wineq ri ma rat kitaqin ta itzel ngekitzꞌet, porque ri eꞌayoꞌon chuwa ma junan ta kinoꞌoj kikꞌin, achel riyin ma junan ta nunoꞌoj kikꞌin ri ma rat kitaqin ta.

San Juan 17:16

Rejeꞌ ma junan ta kinoꞌoj kikꞌin ri ma rat kitaqin ta, achel riyin ma junan ta nunoꞌoj kikꞌin ri ma rat kitaqin ta.

San Juan 17:2

Porque ajachon uchuqꞌaꞌ pa nuqꞌaꞌ chin ngikꞌojeꞌ pa kiwiꞌ konojel wineq, chin keriꞌ niyaꞌ ri kꞌaslen ma ndikꞌis ta chake konojel ri eꞌayoꞌon chuwa.

San Juan 17:24

Nataꞌ, ri eꞌayoꞌon chuwa, niwojoꞌ chi ngekꞌojeꞌ apeꞌ ngikꞌojeꞌ riyin, chin ndikitzꞌet ri nimalej nuqꞌij ayoꞌon, porque yin awojowan pe xe jampeꞌ kꞌajani tibꞌan ri rochꞌulew.

San Juan 17:26

Riyin nuqꞌalajrisan achike rat chikiwech, y kꞌa ngatinqꞌalajrisaj más chikiwech, chin keriꞌ ri ajowabꞌel ri achoq ikꞌin nganawojoꞌ, ndikꞌojeꞌ pa kánima rejeꞌ y riyin chuqaꞌ ngikꞌojeꞌ pa kánima.

San Juan 17:7

Wokami ketaman chi nojel ri ayoꞌon pe chuwa, kin awikꞌin rat pataneq.

San Juan 18:9

Keriꞌ xubꞌij ri Jesús chin ndibꞌanatej ri tzij rubꞌiꞌin pe: Nataꞌ, ri eꞌayoꞌon chuwa ma jun xinsech kan, xchajeꞌ.

San Juan 6:37

Konojel ri ngeruyaꞌ ri Nataꞌ Dios chuwa, ngepuꞌun y ndikiyaꞌ kánima wikꞌin, y riyin ma ngenwoqotaj ta e.

San Juan 6:39

Y ri rurayibꞌel ri taqayon pe wichin, jareꞌ: Konojel ri eruyoꞌon chuwa, nixta jun chikiwech rejeꞌ nisech kan, xa kin xkenkꞌastajbꞌaꞌ e chikikajal ri animaꞌiꞌ pa rukꞌisibꞌel qꞌij.

San Juan 8:51

Kin qetzij nibꞌij chiwa: Xa achike na jun ri ndubꞌen ri nibꞌij riyin, ma ndeqaqa ta chupan ri kamik ri kin chin jumul.

San Juan 8:52

Y ri israelitas xkibꞌij chare ri Jesús: Wokami qetaman chi qetzij kꞌo itzel espíritu pa akꞌaslen, porque ri Abraham xken, y ri profetas chuqaꞌ, y rat ndabꞌij chi ri ndikibꞌen ri ndabꞌij, ma ngebꞌeqaqa ta chupan ri kamik ri kin chin jumul.

Hechos 13:48

Atoq ri ma israelitas ta xkakꞌaxaj keriꞌ, santienta xekikot y ndikiyalaꞌ ruqꞌij ri rutzij ri Dios. Y konojel ri bꞌiꞌin chi pe pa kiwiꞌ chi ndikil ri kꞌaslen ma ndikꞌis ta, xkitaqij ri Ajaw.

Romanos 11:2

Ri Dios xe jampeꞌ pa nabꞌey xeruchaꞌ ri israelitas chin xeꞌok rutinamit, y ma erumalin ta kan. ¿Ma iwetaman ta kꞌa ri ndubꞌij ri rutzij ri Dios pa ruwiꞌ ri profeta Elías, ri xchꞌaꞌa rikꞌin ri Dios chin xerusujuj ri israelitas chuwech?

2 Corintios 4:6

Porque ri Dios ri kereꞌ xubꞌij: Tiyikꞌiyoꞌ pe luz pa qꞌequꞌ, xubꞌen chuqaꞌ chi xyikꞌiyoꞌ pe luz pa qánima, chin keriꞌ roj rikꞌin ri luz riꞌ, ndiqayikꞌaj kánima chꞌaqa chik, chin ndiketamaj ri nimalej ruqꞌij ri Dios ri ndiyikꞌan chupalej ri Jesucristo.

Colosenses 3:16

Kin ta xtinoj ri iwánima rikꞌin ri rutzij ri Cristo, y kin ta xtikꞌojeꞌ jumul chiriꞌ. Kin ta xtikusaj nojel ri utzulej nojibꞌel ri pataneq rikꞌin ri Cristo chin nditijoj y ndipixabꞌaj iwiꞌ chiwech. Rikꞌin nojel iwánima keꞌibꞌixaj salmos, himnos y chꞌaqa chik bꞌix ri nduyaꞌ ri Espíritu Santo chiwa chin ngixmatioxin chare ri Dios.

2 Timoteo 1:13

Y nibꞌij kꞌa chawa rat Timoteo, chi kin achel ri utzulej teq tijonik ri nuyoꞌon chawa, kin keriꞌ rubꞌeyal ri tijonik tayaꞌ chake chꞌaqa chik. Y kin ta kuqul akꞌuꞌx keriꞌ ndabꞌen, y ngatojowan chuqaꞌ roma xe jun abꞌanun rikꞌin ri Cristo Jesús.

Hebreos 2:12

achel ndubꞌij rijaꞌ: Chake ri enchaqꞌ, nitzijoj ri utzulej anoꞌoj, Y chikikajal ri ndikimal kiꞌ chin ndikiyaꞌ aqꞌij, nibꞌixaj ri abꞌiꞌ.

Hebreos 3:6

Jakꞌa ri Cristo ma relik ta ok rusamajel ri Dios achel ri Moisés. Ri Cristo kin Rukꞌajol wi ri Dios, y jumul ndubꞌen nojel ri ndikꞌatzin pa ruwiꞌ rutinamit ri Dios, y ri tinamit riꞌ ja roj, si qetzij ma ndiqayaꞌ ta kan chi kuqul qakꞌuꞌx rikꞌin y ngojkikot ndiqoyobꞌej ri rusujun kan.

1 Pedro 1:1

Riyin Pedro, yin apóstol chin ri Jesucristo. Niteq e ruxunaqil iwech rix, ri rix oqotan e pa itinamit, y wokami rixkꞌo pa teq tinamit ri ekꞌo pa rochꞌulew Ponto, pa rochꞌulew Galacia, pa rochꞌulew Capadocia, pa rochꞌulew Asia y pa rochꞌulew Bitinia.

1 Juan 5:20

Qetaman chuqaꞌ chi ri Rukꞌajol ri Dios xuqaqa chochꞌulew, y xuyaꞌ etamabꞌel chaqe chin ndiqetamaj runoꞌoj ri qetzij Dios. Y roj xe jun qabꞌanun rikꞌin ri qetzij Dios, porque xe jun qabꞌanun rikꞌin ri Jesucristo ri Rukꞌajol. Ja rijaꞌ ri qetzij Dios, y ja rijaꞌ ri ndiyoꞌon ri kꞌaslen ma ndikꞌis ta.

Apocalipsis 2:13

Riyin wetaman chi ri tinamit apeꞌ ratkꞌo, rubꞌanun rukꞌojlibꞌel ri itzel chare, pero rat ma jumbꞌey yin ayoꞌon kan, y ma axibꞌin ta awiꞌ ndabꞌij chi yinkꞌo pa awánima, nixta chupan teq ri qꞌij atoq xkamisex ri nusamajel Antipas, ri ma jumbꞌey xujel ruwech rutzij chi yin rutaqin. Y rijaꞌ kin chiriꞌ chiꞌikajal xkamisex wi, pa itinamit apeꞌ kꞌo rukꞌojlibꞌel ri itzel.

Apocalipsis 3:10

Y roma abꞌanun pe ri nubꞌiꞌin chawa chi takochꞌoꞌ ri ndaqꞌasaj pa akꞌaslen, riyin ngatinkal chuqaꞌ chuwech ri kꞌayew nduqaqa pa ruwiꞌ nojel ri rochꞌulew ri achoq chupan ngetojtobꞌex ri wineq.

Apocalipsis 3:8

Riyin wetaman ri ngaꞌabꞌanalaꞌ. Tatzꞌetaꞌ chi nujaqon jun puerta chawech ri nixta jun nditiker nditzꞌapin richin. Rat maske jubꞌaꞌ ok awuchuqꞌaꞌ, kin abꞌanun wi pe ri nubꞌiꞌin y ma awewan ta chi yin ataqin.