San Juan 15:4 - Kaqchikel Santo Domingo (Xenacoj)

⁴ Rix jumul xe jun tibꞌanaꞌ wikꞌin, y riyin jumul ngikꞌojeꞌ pa iwánima. Porque kin achel ruqꞌaꞌ jun raqen uva maneq cheꞌel ruyon ta chuwech ndiwachin si ma jun ta rubꞌanun rikꞌin ri raqen uva, keriꞌ chuqaꞌ rix, maneq cheꞌel xtiwachin ri ikꞌaslen si ma jumul ta xe jun ibꞌanun wikꞌin.

Tuilleadh tionndaidhean

Kaqchikel Santa Maria de Jesus

⁴ Can quireꞌ quixcꞌujieꞌ viqꞌuin, chi quireꞌ inreꞌ nquicꞌujieꞌ jeꞌ iviqꞌuin. Ruma jun rukꞌaꞌ ri uva man nicovin ta nuyaꞌ roch, xa man cꞌo ta chirij ri rakan. Xa nicꞌatzin chi ri rukꞌaꞌ ri uva nicꞌujieꞌ chirij ri rakan, chi quireꞌ nuyaꞌ roch. Can quireꞌ jeꞌ ixreꞌ, can nicꞌatzin chi siempre nquixcꞌujieꞌ viqꞌuin.

Kaqchiquel Bible

⁴ Roma ri ruq'a' ri uva man niwachin ta wi nuch'er ri' rik'in ri juwi'. Kan keri' chuqa' rix, kan nik'atzin chi jantape' itunun-iwi' wik'in richin yixwachin chuqa' rix. Roma ri' kan jantape' k'a titunu-pe-iwi' wik'in, achi'el yin kan jantape' nutunun-wi' iwik'in.

Kaqchikel Central Guatemala

⁴ Can jantape' c'a quixc'oje' viq'uin, richin queri' yin can yic'oje' c'a chuka' iviq'uin. Roma ri ruk'a' ri uva man nivachin ta, vi xa man tiquil ta chuvech ri raken. Xa can nic'atzin chi jun ruk'a' uva tiquil chuvech ri raken, richin queri' nivachin. Can que c'a chuka' ri' rix, can nic'atzin chi jantape' quixc'oje' viq'uin.

Re C'ac'a Testamento pa Kach'abal

⁴ Can nojel tiempo c'a quixc'ue' viq'uin, chin quire' yen can yinc'ue' chuka' iviq'uin. Roma vo xa c'o jun ruk'a' uva re man chach-ta re rakan ndel-va-pa, man nivachin-ta. Xa can nic'atzin che jun ruk'a' uva chach re rakan ndel-va-pa, chin quire' nivachin. Can quire' chuka' yex, can nic'atzin che nojel tiempo quixc'ue' viq'uin.

Kaqchikel Western Solola

⁴ Can quixc'oje' c'a wuq'ui jurayil, riche (rixin) chi queri' riyin can yic'oje' c'a chuka' iwuq'ui riyix. Ruma ri ruk'a' ri uva ma niwachin ta, wi xa man c'o ta riq'ui ri ruchi'el. Can nic'atzin chi jun ruk'a' uva c'o riq'ui ri ruchi'el, riche (rixin) chi queri' niwachin. Can queri' chuka' riyix, rajawaxic chi can quixc'oje' wuq'ui.

San Juan 15:4 Iomraidhean Croise

San Mateo 12:33

Ri Jesús xubꞌij chuqaꞌ: Si jun cheꞌ utz, utz ruwech nduyaꞌ. Si jun cheꞌ ma utz ta, ma utz ta ruwech nduyaꞌ. Porque roma ri ruwech nduyaꞌ ndetamex si utz o ma utz ta ri cheꞌ.

San Lucas 8:15

Pero ri utzulej ulew apeꞌ xeqaqa jujun chik semilla, ja ri wineq ri ndikakꞌaxaj rutzij ri Dios y rikꞌin utzulej y chꞌajchꞌaj kánima ndikiyaꞌ qꞌij chare chi ndubꞌen qa ruxeꞌ pa kánima. Ri wineq riꞌ jumul ndikitij kiqꞌij chi ngebꞌiyin pa rubꞌey ri Dios y romariꞌ ndiwachin utz-utz ri kikꞌaslen.

San Juan 14:20

Y chupan ri qꞌij riꞌ, kin ndiqꞌalajin chiwech chi riyin xe jun nubꞌanun rikꞌin ri Nataꞌ, y rix xe jun ibꞌanun wikꞌin, y riyin iwikꞌin rix.

San Juan 17:23

Riyin ngikꞌojeꞌ pa kánima ri eꞌayoꞌon chuwa, y rat pa wánima riyin, chin keriꞌ nditzꞌaqet chi konojel xe jun kánima ndikibꞌen, chin keriꞌ ri wineq ri ma rat kitaqin ta ndiketamaj chi ja rat taqayon pe wichin, y chi ngaꞌawojoꞌ ri eꞌayoꞌon chuwa achel nganawojoꞌ riyin.

San Juan 6:56

Ri ndikꞌuxu ri nu-cuerpo y ndutij ri nukikꞌel, jumul xe jun rubꞌanun wikꞌin y riyin jumul ngikꞌojeꞌ pa ránima.

San Juan 8:31

Ja atoq riꞌ ri Jesús kereꞌ xubꞌij chake ri israelitas ri xetaqin achike chi achi rijaꞌ: Si rix ndibꞌen jumul ri nukꞌutun chiwech, qetzij ngixok nu-discípulos.

Hechos 11:23

Atoq ri Bernabé xbꞌeqaqa chiriꞌ, santienta xkikot atoq xutzꞌet chi ri Dios ruyoꞌon ri ru-favor pa kiwiꞌ ri hermanos. Y xerupixabꞌaj konojel chi rikꞌin nojel kánima, jumul kekꞌojeꞌ rikꞌin ri Ajaw.

Hechos 14:22

Y pa kibꞌey, ngekipixabꞌaj ri kitaqin ri Ajaw, chi tikikuqubꞌaꞌ más kikꞌuꞌx rikꞌin, y ndikibꞌilaꞌ kan chuqaꞌ chi roj ri qataqin ri Jesucristo ndikꞌatzin chi rikꞌin ndiqaqꞌasaj jalajaj teq kꞌayew ngojok pa ru-reino ri Dios.

2 Corintios 13:5

Tinikꞌoj utz-utz ri ikꞌaslen chin nditzꞌet si qetzij itaqin ri Jesucristo. ¿Ma ndiyaꞌ ta kꞌa cuenta chare chi rijaꞌ kꞌo pa iwánima? O rikꞌin jubꞌaꞌ atoq ndinikꞌoj ri ikꞌaslen, xa ndinaꞌ qa iwiꞌ chi ma itaqin ta rijaꞌ.

Gálatas 2:20

Romariꞌ ma yin chi ta ukꞌuayon ri nukꞌaslen, xa kin ja ri Cristo. Y chupan nojel ri nibꞌen pa nukꞌaslen chireꞌ chochꞌulew, kuqul nukꞌuꞌx rikꞌin ri Rukꞌajol ri Dios ri santienta xirajoꞌ, y xujech riꞌ pa kamik woma riyin.

Efesios 3:17

Nikꞌutuj chuqaꞌ chare chi ri Cristo ndikꞌojeꞌ jumul pa iwánima, roma kuqul ikꞌuꞌx rikꞌin, y chi ndikꞌojeꞌ chuqaꞌ ruxeꞌ ri ikꞌaslen chupan ri ajowabꞌel,

Filipenses 1:11

xa kin ngixuꞌilitej chi pa ruchojmil ibꞌanaloꞌon nojel, roma ri rubꞌanun ri Jesucristo pa ikꞌaslen. Y keriꞌ ndinimrisex y ndiyoꞌox ruqꞌij ri Dios.

Colosenses 1:23

Pero chin ndibꞌanatej keriꞌ rikꞌin ri ikꞌaslen, ndikꞌatzin chi jumul kuqul ikꞌuꞌx rikꞌin ri Ajaw, kaw rix peꞌel chiraqen, y ma ndiyaꞌ kan royobꞌexik ri sujun chupan ri utzulej teq tzij chin kolotajik ri iwakꞌaxan. Y ja utzulej teq tzij riꞌ ri nditzijox chake konojel wineq chochꞌulew, y riyin Pablo yin okuneq samajel chin ndibꞌa más rutzijol.

Colosenses 1:27

ri achoq chake ri Dios xrajoꞌ xukꞌut ri nimalej ruqꞌij ri bꞌeyomal rukꞌamon pe ri utzulej teq tzij ri ma kin ta qꞌalej rubꞌeyal ojer, y wokami ndajin ruqꞌalajrisaxik chikiwech konojel wineq. Y ri nimalej bꞌeyomal riꞌ ja ri ndikꞌojeꞌ ri Cristo pa iwánima, ri ndibꞌanun chi iwoyobꞌen ri qꞌij atoq ngixbꞌekꞌojeꞌ rikꞌin chupan ri nimalej ruqꞌij.

Colosenses 2:6

Romariꞌ, achel xitaqij yan pa iwánima ri Cristo Jesús ri Qajaw, tikꞌuaj ri ikꞌaslen achel ndirajoꞌ rijaꞌ roma xe jun ibꞌanun rikꞌin.

1 Tesalonicenses 3:5

Romariꞌ, riyin ma xinkachꞌ chi ta chi xinwojoꞌ xinwetamaj achike ibꞌanun, y romariꞌ xinteq ri Timoteo chiꞌitzꞌetik, roma niwojoꞌ niwetamaj si kꞌa kuqul ikꞌuꞌx rikꞌin ri Cristo. Ma kꞌateꞌ ri itzel xixrutaqchiꞌij chi xiyaꞌ kan ri Cristo, y xa ta xiyaꞌ kan, riꞌ ndubꞌij tzij chi ma jun ta utz xukꞌen pe ri samaj xqabꞌen chiꞌikajal.

Hebreos 10:39

Pero roj ma roj ta achel ri kiyoꞌon kan rokacheq chuwech ri Dios, y romariꞌ ebꞌaneq chupan ri bꞌey chin castigo. Roj, roj achel ri ebꞌaneq chupan ri bꞌey chin kolotajik, roma kuqul qakꞌuꞌx rikꞌin ri Ajaw.

1 Juan 2:6

Ri ndibꞌiꞌin chi jumul xe jun rubꞌanun rikꞌin ri Dios, ndikꞌatzin chi ri rukꞌaslen achel ri kꞌaslen xukꞌuaj ri Jesucristo chochꞌulew.

2 Juan 1:9

Xa achike na jun ri nduyaꞌ qa más ruwiꞌ ri tijonik chin ri Cristo, ma kꞌo ta ri Dios pa ránima. Jakꞌa ri jun ri jumul kꞌo chupan ri tijonik chin ri Cristo, kꞌo ri Tataꞌaj Dios y ri Rukꞌajol ri Dios pa ránima.