San Juan 15:2 - Kaqchikel Santo Domingo (Xenacoj)

² Nojel teq ruqꞌaꞌ re raqen uva reꞌ ri ma ngewachin ta, rijaꞌ ngerelesaj e. Y nojel ruqꞌaꞌ ri ndiwachin, nduqꞌet rutzaꞌ chin ndujosqꞌij, chin keriꞌ más jabꞌel ndiwachin.

Tuilleadh tionndaidhean

Kaqchikel Santa Maria de Jesus

² Antok jun mata uva icꞌo rukꞌaꞌ ri man niquiyaꞌ ta quivach, ncaꞌlasas-el. Y ri rukꞌaꞌ ri can niquiyaꞌ quivach, ncaꞌjoskꞌis otz, chi quireꞌ niquiyaꞌ más quivach. Can quireꞌ jeꞌ inreꞌ. Ri Nataꞌ ncaꞌrutzꞌat quinojiel ri icꞌo viqꞌuin y ncaꞌralasaj-el ri man otz ta quicꞌaslien. Y ri otz quicꞌaslien, ncaꞌrujoskꞌij más, chi quireꞌ más otz nuꞌon ri quicꞌaslien.

Kaqchiquel Bible

² Roma toq ri juwi-uva ri ek'o ruq'a' ri xa man nikiya' ta kiwech, ye'elesex-el. Jak'a ri ruq'a' ri kan nikiya' kiwech, yejosq'ix jebel, richin más yewachin.

Kaqchikel Central Guatemala

² Roma tok juvi' uva ec'o ruk'a' ri xa man niquiya' ta quivech, ye'elesex-el. Jac'a ri ruk'a' ri can niquiya' quivech, yejosk'ix jebel, richin más utz yevachin. Can que c'a chuka' ri' yin. Ri Nata' yerutz'et conojel ri ec'o viq'uin y yerelesaj-el ri man nivachin ta ri quic'aslen. Jac'a ri nivachin ri quic'aslen, xqueruch'ajch'ojirisaj más, richin chi ri quic'aslen más nivachin.

Re C'ac'a Testamento pa Kach'abal

² Roma juvi' uva jec'o ruk'a' re xa man ye'vachin-ta, ye'lisas-a. Jac'a re ruk'a' re can ye'vachin, ye'josk'es jabal, chin más otz ye'vachin. Can quire' chuka' yen. Re Nata' ye'rutz'at conojel re jec'o viq'uin y ye'rulisaj-a re man nivachin-ta quic'aslen. Jac'a re nivachin quic'aslen, ye'rojosk'ij más, che re quic'aslen más nivachin.

Kaqchikel Western Solola

² Ruma tek juwi' uva yec'o ruk'a' ri xa ma yewachin ta, ye'elesex el. Yac'a ri ruk'a' ri can yewachin, yejosk'ix jabel, riche (rixin) chi yewachin jabel. Can que c'a chuka' ri' riyin. Ri Nata' yerutz'et quinojel ri yec'o wuq'ui y yerelesaj el ri ma niwachin ta ri quic'aslen. Yac'a ri niwachin ri quic'aslen, xqueruch'ajch'ojsaj, riche (rixin) chi sibilaj xtiwachin ri quic'aslen.

San Juan 15:2 Iomraidhean Croise

San Mateo 13:12

Porque ri kꞌo chik kikꞌoxoman, ndikikꞌoxomaj más, y ndikꞌiyer más ri ketaman, pero ri maneq ok kikꞌoxoman, hasta ri jubꞌaꞌ ok kikꞌoxoman, ndikꞌan e chikiwech.

San Mateo 13:33

Ri Jesús xutzijoj jun chik parábola chake, y xubꞌij: Ri ndibꞌanatej rikꞌin ru-reino ri aj chikaj Dios ndiqajunumaj rikꞌin ri xbꞌanatej atoq jun ixaq xutzꞌen levadura y xuyaꞌ chukajal oxiꞌ medida harina chin xubꞌen keꞌen. Ri levadura xukiraj riꞌ chupan nojel ri keꞌen.

San Mateo 15:13

Pero ri Jesús xubꞌij: Nojel tikoꞌ ri ma tikon ta roma ri Nataꞌ kꞌo chikaj, kin xtikꞌuq wi.

San Mateo 21:19

Xutzꞌet apu jun higuera chuchiꞌ ri bꞌey, xjel apu rikꞌin, pero xaxe ruxaq xril, y kereꞌ xubꞌij chare: ¡Ma jumbꞌey chik kawachin! Ja atoq riꞌ xchaqiꞌj qa ri higuera.

San Mateo 25:29

Porque ri rubꞌanun jun utz samaj rikꞌin ri jarupeꞌ jachon pa ruqꞌaꞌ, ndiyoꞌox más chare y más ndinimer chuwech, pero ri ma jun samaj rubꞌanun rikꞌin ri jachon pa ruqꞌaꞌ, hasta ri jubꞌaꞌ jachon pa ruqꞌaꞌ, ndikꞌan e chuwech.

San Mateo 3:10

Ri castigo ri nduyaꞌ ri Dios nduqaqa yan. Rijaꞌ kin achel ruyoꞌon chik ikej chikixeꞌ ri cheꞌ, romariꞌ ri cheꞌ ri ma utz ta kiwech ndikiyaꞌ, ngechoy y ngetorix pa qꞌaqꞌ.

San Mateo 3:12

Y kin xtubꞌen achel ndubꞌen jun achi ri rukꞌuan chik pa ruqꞌaꞌ jun cheꞌ kaꞌi-oxiꞌ rutzaꞌ y ndujech rij ri trigo rikꞌin ri ruwech. Ndumal ri trigo chin nderuyaꞌ pa rukꞌujay, pero nduporoj rij ri trigo pa qꞌaqꞌ. Keriꞌ chuqaꞌ ri Jun ri nduqaqa, kin xkerukal ri xketaqin richin y ngeruyaꞌ ri ma ngetaqin ta chupan ri qꞌaqꞌ ri ma jumbꞌey ndichuputej, xchajeꞌ.

San Mateo 7:19

Y nojel cheꞌ ri ma ndikiyaꞌ ta utzulej kiwech, ngechoy y ngetorix pa qꞌaqꞌ.

Marcos 4:20

Pero ekꞌo wineq eꞌachel ri utzulej ulew apeꞌ xeqaqa jujun chik semilla. Rejeꞌ ndikakꞌaxaj rutzij ri Dios y ndikiyaꞌ qꞌij chare chi ndubꞌen qa ruxeꞌ pa kánima y ndiwachin ri kikꞌaslen, achel ri tikoꞌ, ekꞌo ndikiyaꞌ a 30, ekꞌo ndikiyaꞌ a 60 y ekꞌo ndikiyaꞌ a 100 kiwech.

San Lucas 8:13

Ri ulew abꞌej ruxeꞌ apeꞌ xeqaqa jujun chik semilla, ja ri wineq ri ndikakꞌaxaj ri utzulej rutzijoxik rutzij ri Dios, ngekikot ndikikꞌen pa kánima, pero ri rutzij ri Dios ma ndibꞌa ta qa ruxeꞌ pa kánima, porque ri kánima kin achel abꞌej, y romariꞌ xa jubꞌaꞌ teq qꞌij ngekikot, y atoq nduqaqa jun kꞌayew pa kikꞌaslen, ndikiyaꞌ kan ri Dios.

San Juan 15:1

Y ri Jesús xubꞌij: Ja riyin ri qetzij raqen uva, y ja ri Nataꞌ Dios ri samajiy richin.

San Juan 15:16

Ma rix ta ri xixchaꞌon wichin, ja riyin ri xichaꞌon iwichin, y xixinchaꞌ chin ngixinteq chubꞌanik ri nusamaj chin más ngekꞌiyer ri ngetaqin wichin, y chin jumul ndikiyaꞌ kánima wikꞌin. Xixinchaꞌ chuqaꞌ, chin keriꞌ ri ndikꞌutuj chare ri Nataꞌ pa nubꞌiꞌ, rijaꞌ nduyaꞌ pe chiwa.

San Juan 15:3

Y rix xjosqꞌitej yan ri ikꞌaslen roma ri tzij nutzijon chiwa.

San Juan 15:6

Ri ma jumul ta xe jun rubꞌanun wikꞌin ndelesex e saqil, ndibꞌan chare achel ri ruqꞌaꞌ teq uva ri ma ngewachin ta, ngechoy, ngechaqiꞌj qa, y ngemol chin ngetorix pa qꞌaqꞌ y ngekꞌat.

San Juan 15:8

Rikꞌin ri santienta ndiwachin ikꞌaslen, ri Nataꞌ ndiyoꞌox nimalej ruqꞌij, y keriꞌ nditzꞌetetej chi rix nu-discípulos.

San Juan 17:12

Nojel teq qꞌij ri qachibꞌilan pe qiꞌ kikꞌin chochꞌulew, enuchajin pe pa abꞌiꞌ, y ma jun ri xel ta e pa abꞌey, xa kin xe ri jun ri kin chin wi ma ndikolotej ta, chin ndibꞌanatej ri ndubꞌij ri atzij tzꞌibꞌan kan.

Romanos 11:17

Ri ojer teq katit-kimamaꞌ ri israelitas eꞌachel ruxeꞌ ri cheꞌ rubꞌiniꞌan olivo, ri tikon y kin loqꞌolej wi. Pero ekꞌo ruqꞌaꞌ ri xejoqꞌ e. Y rat ri ma rat israelita ta, xa rat ruqꞌaꞌ jun aj pa qꞌayis olivo, ri xa ruyon xbꞌeꞌel pe. Pero xabꞌan injertar pa kikꞌexel ri ruqꞌaꞌ ri olivo ri xejoqꞌ e, chin xakꞌojeꞌ chikikajal ri ruqꞌaꞌ ri olivo tikon, y keriꞌ ri ruchuqꞌaꞌ ri rukꞌaslen ri olivo tikon ndeqꞌax pa akꞌaslen chuqaꞌ rat.

Romanos 11:22

Tatzꞌetaꞌ kꞌa chi ri Dios kin utz y jabꞌel runoꞌoj kikꞌin ri ngetaqin, pero ma ndupoqonaj ta kiwech ri ma ngetaqin ta. Ma xupoqonaj ta kiwech ri xetzaq, y kin utz y jabꞌel runoꞌoj xubꞌen chawa rat, pero si ma ngakꞌojeꞌ ta chupan ri favor nduyaꞌ rijaꞌ, ngarujaqꞌ e chuqaꞌ rat.

Romanos 8:28

Y roj ri ndiqajoꞌ ri Dios, qetaman chi nojel ri ngebꞌanatej pa qakꞌaslen, rijaꞌ ndubꞌen chare chi kꞌo utz ndukꞌen pe chaqe. Keriꞌ ndubꞌen chaqe roj ri roj royon, porque keriꞌ wi rubꞌanun pe ruwech pa qawiꞌ.

1 Corintios 13:1

Si riyin xkichꞌaꞌa ta rikꞌin jalajaj teq chꞌabꞌel ri ma nutijon ta wiꞌ kikꞌin y pa kichꞌabꞌel ri ángeles, pero si ma nginojowan ta, xa riyin achel jun chꞌichꞌ xe relik ndiqꞌajan, o riyin achel jun lep chꞌichꞌ qꞌojon rubꞌiniꞌan címbalo ri santienta ndiqꞌajan chuqaꞌ.

Tito 2:14

Rijaꞌ kin xujech riꞌ pa kamik qoma chin xojrelesaj pa ruqꞌaꞌ nojel ruwech mak ri tzꞌamayon qichin. Xuchꞌajchꞌojrisaj chuqaꞌ ri qakꞌaslen chin keriꞌ xojok jun tinamit ri kin richin wi rijaꞌ, jun tinamit ri ndibꞌa qánima chubꞌanik ri utz.

Hebreos 12:15

Titoꞌ iwiꞌ rix iwonojel, chin man ta kꞌo jun chiꞌikajal ri ma xtiril ta ri favor nduyaꞌ ri Dios. Ma kꞌateꞌ xtalex pe jun kꞌayilej noꞌoj chiꞌikajal ri ndukꞌen pe kꞌayew chiwa y xa nduchꞌabꞌaqrisaj kikꞌaslen ekꞌiy.

1 Juan 2:19

Rejeꞌ chiqakajal roj xeꞌel e, pero ma eqachibꞌil ta, porque xa ta eqachibꞌil, xekꞌojeꞌ ta jumul chiqakajal. Pero xeꞌel e chiqakajal, chin xqꞌalajin chi ma konojel ta eqachibꞌil.

Apocalipsis 3:19

Riyin nikꞌajisaj kiwech y nichojmirisaj kikꞌaslen konojel ri ngenwojoꞌ. Roma kꞌa riꞌ, ma kakanej lilaj, xa kin tatijaꞌ aqꞌij chi ndayaꞌ kan ri itzel teq achike ngaꞌabꞌanalaꞌ y titzolij pe awánima rikꞌin ri Dios.