San Juan 14:26 - Kaqchikel Santo Domingo (Xenacoj)

²⁶ Y ri Espíritu Santo ri Bꞌochinel ri nditaq pe roma ri Tataꞌaj Dios pa nubꞌiꞌ, ngixurutijoj rikꞌin nojel y ndurukꞌuxlaꞌaj nojel ri nubꞌiꞌin kan chiwa.

Tuilleadh tionndaidhean

Kaqchikel Santa Maria de Jesus

²⁶ Y antok inreꞌ man incꞌo ta chic iviqꞌuin, ri Nataꞌ xtutak-pa ri Espíritu Santo ri xtitoꞌn ivichin. Y jajaꞌ ri xticꞌujieꞌ iviqꞌuin pa nucꞌaxiel inreꞌ. Y jajaꞌ jeꞌ xquixrutijuoj y xtunataj chiva nojiel ri chꞌabꞌal ri i-nuꞌeꞌn can inreꞌ chiva.

Kaqchiquel Bible

²⁶ Y toq yin man ink'o ta chik iwik'in, ri nata' xtuteq-pe ri Loq'olej Espíritu richin yixruto'. Y ja rija' ri xtik'oje' iwik'in pa nuk'exel. Y kan jak'a chuqa' rija' xkixtijon y xtunataj ronojel ri ch'abel ri e nubin kan yin chiwe.

Kaqchikel Central Guatemala

²⁶ Y tok yin man chic c'a inc'o ta iviq'uin, ri Nata' xtutek-pe ri Lok'olej Espíritu richin yixruto'. Y ja rija' ri xtic'oje' iviq'uin pa nuq'uexel. Y can jac'a chuka' rija' xquixtijon y xtunataj ronojel ri ch'abel ri e nubin can yin chive.

Re C'ac'a Testamento pa Kach'abal

²⁶ Y tak yen man chic yinc'o-ta iviq'uin, re Nata' xtutak-pa re Espíritu Santo chin yixruto'. Y ja reja' re xtic'ue' iviq'uin pa nuq'uixel. Y can jac'a chuka' reja' xquixtijon y xtunataj ronojel re ch'abal re je'mbin can yen chiva.

Kaqchikel Western Solola

²⁶ Y tek riyin ma yinc'o ta chic iwuq'ui, ri Nata' xtutek pe ri Lok'olaj Espíritu riche (rixin) chi yixruto'. Y ya Riya' ri xtic'oje' iwuq'ui pa nuq'uexel riyin. Y can ya c'a chuka' Riya' xquixtijon, y xquerunataj ronojel ri ch'abel ri nbin ca chiwe.

San Juan 14:26 Iomraidhean Croise

San Mateo 1:18

Atoq xalex ri Jesucristo, kereꞌ xbꞌanatej: Ri María ruteꞌ ri Jesús, kꞌutun chik roma ri José chin ndok rixjayil; pero atoq kꞌajani tikikꞌuaj kiꞌ, xqꞌalajin chi ri María royobꞌen akꞌual, y riꞌ rusamaj ri Espíritu Santo.

San Mateo 1:20

Pero atoq kꞌaja ndunojilaꞌ nojel reꞌ, jun ángel chin ri Ajaw xuqꞌalajrisaj riꞌ chuwech pa rachikꞌ y xubꞌij chare: José, rukꞌajol ri David, ma taxibꞌij awiꞌ ndakꞌen ri María chin ndok awixjayil, porque ri akꞌual royobꞌen, riꞌ rusamaj ri Espíritu Santo.

San Mateo 28:19

Romariꞌ kixbꞌiyin, y keꞌitijoj nojel kiwech wineq chochꞌulew chin ngeꞌok nu-discípulos. Keꞌibꞌanaꞌ bautizar pa rubꞌiꞌ ri Tataꞌaj Dios, pa nubꞌiꞌ riyin ri Rukꞌajol, y pa rubꞌiꞌ ri Espíritu Santo.

San Mateo 3:11

Qetzij wi chi riyin chare yaꞌ ngixinbꞌen bautizar, retal chi iyoꞌon kan ri mak y tzolijneq pe iwánima rikꞌin ri Dios. Pero chuwij riyin nduqaqa Jun ri más kꞌo uchuqꞌaꞌ pa ruqꞌaꞌ ke chinuwech riyin y nixta rukꞌulun chi ja ok riyin nginelesan e ri ruxajabꞌ chiraqen. Rijaꞌ kin xkixrubꞌen bautizar chare ri Espíritu Santo y chare qꞌaqꞌ.

Marcos 12:36

Xu ja mismo ri David chuxeꞌ ruchuqꞌaꞌ ri Espíritu Santo kereꞌ xubꞌij: Ri Ajaw xubꞌij chare ri Wajaw: Katzꞌuyeꞌ pa wikiqꞌaꞌ, y chireꞌ kakꞌojeꞌ Kꞌa kenyaꞌ na chuxeꞌ awaqen konojel ri itzel ngetzꞌeto awichin. Keriꞌ xubꞌij.

Marcos 13:11

Y atoq ngixukꞌuꞌex chin ngixbꞌejach pa kiqꞌaꞌ ri kꞌo uchuqꞌaꞌ pa kiqꞌaꞌ, ma tichꞌujrisaj iwiꞌ chunojixik achike ndibꞌij apu. Rix ja ri tzij ndiyoꞌox pa iwánima ri hora riꞌ, jariꞌ tibꞌij, porque ma ja ta rix ri ngixchꞌaꞌa apu, xa kin ja ri Espíritu Santo ri ndiyoꞌon tzij pa ichiꞌ chin ndibꞌij.

San Lucas 1:15

Porque ri akꞌual riꞌ nim ruqꞌij chuwech ri Dios. Ma jumbꞌey xtutij vino y nixta jun ruwech yaꞌ ri ndiqꞌabꞌarisan, y kꞌajani talex, ja nojneq chik ránima rikꞌin ri Espíritu Santo.

San Lucas 1:35

Y ri ángel xubꞌij chare: Ri Espíritu Santo rikꞌin ruchuqꞌaꞌ ri nimalej Dios kin xtuqaqa pa awiꞌ, romariꞌ ri chꞌuti alaꞌ ri ndikꞌojeꞌ chiꞌaqꞌaꞌ, kin xtubꞌiniꞌaj Loqꞌolej y Rukꞌajol ri Dios.

San Lucas 1:41

Atoq ri Elisabet xrakꞌaxaj ri ruxunaqil ruwech xuyaꞌ ri María, xunaꞌ chi ri chꞌuti akꞌual ri kꞌo chupan xropin. Y ri Elisabet xnoj ránima rikꞌin ri Espíritu Santo.

San Lucas 1:67

Ri Zacarías, ri rutataꞌ ri akꞌual, kin xnoj ránima rikꞌin ri Espíritu Santo, y xuqꞌalajrisaj ri xubꞌij pe ri Dios pa ránima y xubꞌij:

San Lucas 11:13

Y si rix ri ma utz ta inoꞌoj iwetaman ndiyaꞌ utzulej teq achike chake ri iwalkꞌuaꞌl, ¡kin más wi retaman ri aj chikaj Tataꞌaj Dios. Rijaꞌ kin xtuyaꞌ pe ri Espíritu Santo chake ri ngekꞌutun chare!

San Lucas 2:25

Chupan ri tiempo riꞌ pa tinamit Jerusalén kꞌo jun achi rubꞌiniꞌan Simeón. Rijaꞌ kin kꞌo ri Espíritu Santo pa ruwiꞌ, chojmilej rukꞌaslen y kin nduyaꞌ wi ruqꞌij ri Dios. Rijaꞌ royobꞌen ri qꞌij chin nduqaqa ri Jun nditaq pe roma ri Dios chukolik ri rutinamit.

San Lucas 24:49

Y riyin niteq pe pa iwiꞌ ri rusujun ri Nataꞌ Dios, y riꞌ ja ri Espíritu Santo. Pero kixkꞌojeꞌ pa tinamit Jerusalén, kꞌa tuqaqa na pa iwiꞌ ri Espíritu Santo ri nduruyaꞌ uchuqꞌaꞌ chin chikaj chiwa.

San Lucas 3:22

Y ri Espíritu Santo xqaqa pe pariꞌ achel jun paloma, y xakꞌaxex jun chꞌabꞌel chikaj ri kereꞌ xubꞌij: Ja rat ri Nukꞌajol, y tzꞌan ngatinwojoꞌ. Riyin santienta ngikikot awoma, xchajeꞌ.

San Juan 1:33

Y rubꞌanun kan yin ma wetaman ta chi ja rijaꞌ ri taqon pe roma ri Dios chukolik ri rutinamit, pero ri Dios ri taqayon pe wichin chin ngenbꞌen bautizar ri wineq pa yaꞌ, rubꞌiꞌin pe chuwa: Ri achoq pariꞌ ndatzꞌet chi ndiqaqa y ndikꞌojeꞌ ri Espíritu, ja rijaꞌ ri ndibꞌanun bautizar kichin ri wineq rikꞌin ri Espíritu Santo.

San Juan 12:16

Nabꞌey, nojel reꞌ ma xkikꞌoxomaj ta ri discípulos, kꞌaja na atoq ri Jesús xbꞌa chikaj chin xkꞌojeꞌ chik nimalej ruqꞌij, xkikꞌuxlaꞌaj chi re xkibꞌen ri wineq chare ri Jesús, kin tzꞌibꞌan wi kan chupan ri rutzij ri Dios.

San Juan 14:16

Y riyin kin xtinkꞌutuj chare ri Tataꞌaj Dios, y rijaꞌ nduteq pe jun chik Bꞌochinel chin ndikꞌojeꞌ jumul iwikꞌin.

San Juan 14:25

Nojel re ngitajin chubꞌixik chiwa, nubꞌiꞌin utz kꞌa yinkꞌo iwikꞌin.

San Juan 15:26

Pero atoq nduqaqa ri Bꞌochinel ri niteq pe riyin pa rubꞌiꞌ ri Tataꞌaj Dios, nduruqꞌalajrisaj achike riyin. Y ri Bꞌochinel riꞌ, ja ri Espíritu Santo ri ndiqꞌalajrisan ri qetzij. Rijaꞌ rikꞌin ri Tataꞌaj Dios ndel wi pe.

San Juan 16:7

Pero riyin ja ri qetzij nibꞌij: Chiwa rix más kꞌo utz ndukꞌen pe ri ngibꞌa riyin, porque si ma xkibꞌa ta, ma nduqaqa ta ri Bꞌochinel. Pero si ngibꞌa, niteq pe iwikꞌin.

San Juan 2:22

Romariꞌ, atoq ri Jesús xkꞌastajbꞌex yan pe chikikajal ri animaꞌiꞌ, ri ru-discípulos xkikꞌuxlaꞌaj ri rubꞌiꞌin kan, y xkitaqij ri tzꞌibꞌan kan chupan ri rutzij ri Dios y chuqaꞌ ri rubꞌiꞌin kan ri Jesús.

San Juan 20:22

Y atoq rubꞌiꞌin chik keriꞌ, xerupuj ri discípulos y xubꞌij chake: Tikꞌamaꞌ pa iwánima ri Espíritu Santo.

San Juan 6:45

Chupan ri kitzꞌibꞌan kan ri profetas ndubꞌij: Konojel ngetijox roma ri Dios. Keriꞌ tzꞌibꞌan kan. Romariꞌ, konojel ri ndikakꞌaxaj y ndiketamaj ri xubꞌij ri Nataꞌ Dios, ngepuꞌun wikꞌin chin nginikitaqij.

San Juan 7:39

Atoq ri Jesús xubꞌij keriꞌ, xchꞌaꞌa pa ruwiꞌ ri Espíritu Santo, ri xa jubꞌaꞌ chik qꞌij ndirajoꞌ chin ndiyoꞌox pa kánima ri kitaqin ri Jesús. Keriꞌ xubꞌij, porque ri Espíritu Santo kꞌajani tiqape, roma ri Jesús kꞌajani titzolij e chikaj chin ndiqꞌalajin chik ri nimalej ruqꞌij.

Hechos 1:2

hasta kꞌa xuqaqa na ri qꞌij atoq xukꞌuꞌex e chikaj. Pero atoq kꞌajani tibꞌa e, xchꞌaꞌa chake ri apóstoles eruchaꞌon. Y chuxeꞌ ruchuqꞌaꞌ ri Espíritu Santo xubꞌij rubꞌeyal ri achike ndikꞌatzin ndikibꞌen kan.

Hechos 1:4

Y jun qꞌij atoq ri Jesús kꞌa kꞌo na kikꞌin ri apóstoles, kereꞌ xubꞌij chake: Ma kixel yan e pa tinamit Jerusalén, xa kin tiwoyobꞌej ri rusujun ri Tataꞌaj Dios, achel ri nubꞌiꞌin pe riyin chiwa.

Hechos 1:8

Pero atoq nduqaqa ri Espíritu Santo pa iwiꞌ, ndiyoꞌox uchuqꞌaꞌ chiwa chin ndiyaꞌ utzulej nutzijol pa tinamit Jerusalén, pa nojel teq tinamit chin ri rochꞌulew Judea y chin ri rochꞌulew Samaria, y pa teq tinamit ri kꞌa más nej ekꞌo chuwech ri rochꞌulew, xchajeꞌ ri Jesús.

Hechos 11:16

Ja atoq riꞌ xinkꞌuxlaꞌaj ri rubꞌiꞌin kan ri Ajaw Jesús, atoq kereꞌ xubꞌij chaqe: Kin qetzij chi ri Juan ri Bautista, xixrubꞌen bautizar rikꞌin yaꞌ, pero ngixbꞌan chuqaꞌ bautizar rikꞌin ri Espíritu Santo, xchajeꞌ.

Hechos 13:2

Kꞌo jun qꞌij atoq ri hermanos ndikiyaꞌ ruqꞌij ri Ajaw y ndikibꞌen ayunar, ri Espíritu Santo xubꞌij: Ri Bernabé y ri Saulo enuchaꞌon chin ndikibꞌen jun samaj, romariꞌ rix keꞌiyaꞌ chin ndikibꞌen ri samaj achoq roma ewoyon.

Hechos 13:4

Y keriꞌ kꞌa, ri Bernabé y ri Saulo xetaq roma ri Espíritu Santo, xebꞌa qa pa tinamit Seleucia, y chiriꞌ xeꞌok e pa jun barco chin xebꞌa pa rochꞌulew Chipre, jun rochꞌulew ri kꞌo pa mar.

Hechos 15:28

Porque chare ri Espíritu Santo y chaqe chuqaꞌ roj, utz chi ma ndiqayaꞌ eqaꞌ chiwij, xa kin xe ndiqayaꞌ rubꞌeyal jujun teq achike ri ma utz ta chi ndibꞌen.

Hechos 15:8

Y ri Dios ri kin retaman ri kꞌo pa kánima ri wineq, xuqꞌalajrisaj chi ndirajoꞌ ngerukal chuqaꞌ ri ma israelitas ta, roma xuyaꞌ ri Espíritu Santo chake achel xuyaꞌ chaqe roj israelitas pa nabꞌey.

Hechos 16:6

Ri Espíritu Santo ma xuyaꞌ ta qꞌij chake ri Pablo y ri erachibꞌilan chin ta xkitzijoj ri rutzij ri Dios pa rochꞌulew Asia, romariꞌ rejeꞌ xeꞌeqꞌax pa rochꞌulew Frigia y pa rochꞌulew Galacia.

Hechos 2:33

Y roma ri Jesús xukꞌuꞌex e chikaj y xnimrisex ruqꞌij pa rikiqꞌaꞌ ri Dios, y xyoꞌox uchuqꞌaꞌ pa ruqꞌaꞌ roma ri Tataꞌaj Dios chin xuteq pe ri Espíritu Santo rusujun kan, romariꞌ ndajin ri nditzꞌet y ndiwakꞌaxaj rix wokami.

Hechos 2:4

Konojel xnoj kánima rikꞌin ri Espíritu Santo, y xkitzꞌuk ngechꞌaꞌa pa jalajaj teq chꞌabꞌel ri ma kitijon ta kiꞌ rikꞌin, chꞌabꞌel ri xuyaꞌ ri Espíritu Santo chake.

Hechos 20:28

Tichajij utz-utz ri ikꞌaslen, y keꞌichajij chuqaꞌ ri eralkꞌuaꞌl ri Dios, porque rejeꞌ eꞌachel jun bꞌotzaj karneꞌl ri xerulaqꞌ ri Ajaw rikꞌin ri rukikꞌel, y ri Espíritu Santo rix ruyoꞌon pa kiwiꞌ chin ngeꞌiyuqꞌuj utz-utz.

Hechos 20:35

Rikꞌin nojel ri xinbꞌen pa nukꞌaslen, xinkꞌut chiwech chi ndikꞌatzin ngojsamej chin ngeqatoꞌ ri ndikiqꞌasaj kꞌayew. Tikꞌuxlaꞌaj ri tzij ri xubꞌij kan ri Ajaw Jesús: Más jabꞌel roruqꞌij ri ndiyoꞌon jun achike, ke chuwech ri ndiyoꞌox jun achike chare. Keriꞌ rubꞌiꞌin kan, xchajeꞌ ri Pablo.

Hechos 28:25

Y roma ma junan ta kitzij xkibꞌen pa ruwiꞌ ri ndubꞌij ri Pablo, xa ja ngeꞌel e chin ngebꞌa, pero nabꞌey ri Pablo xubꞌij e chake: Kin qetzij ri tzij xuyaꞌ ri Espíritu Santo chare ri profeta Isaías, chin xubꞌij chake ri ojer teq iwatit-imamaꞌ. Rijaꞌ xubꞌij:

Hechos 5:3

Pero ri Pedro kereꞌ xubꞌij chare ri Ananías: ¿Achike roma xayaꞌ qꞌij chi ri Satanás xunojisaj awánima chin xawojoꞌ xachꞌakatij ri Espíritu Santo? Porque xabꞌij chi xayaꞌ nojel ri méra rajel ri awulew y xa kꞌo jubꞌaꞌ rajel xakꞌen kan.

Hechos 7:51

Pero rix xa ma ngixkꞌoxoman ta, y ma iyoꞌon ta qꞌij chare ri Espíritu Santo chi ndubꞌen samaj pa iwánima. Ri ndiwakꞌaxaj ndok pa jun ixikin y ndel chi e chupan ri jun, jumul ma ndiwojoꞌ ta ndibꞌen ri ndubꞌij ri Espíritu, xa junan inoꞌoj kikꞌin ri ojer teq iwatit-imamaꞌ.

Hechos 7:55

Pero ri Esteban nojneq ránima rikꞌin ri Espíritu Santo, xtzuꞌun e chikaj, xutzꞌet ri nimalej ruqꞌij ri Dios, y xutzꞌet chuqaꞌ chi ri Jesús peꞌel pa rikiqꞌaꞌ ri Dios.

Romanos 14:17

Porque rukꞌuꞌx ri utz chi ndiqabꞌen roj ri rojkꞌo pa ru-reino ri Dios, ma ja ta ri achike ndiqakꞌux o ndiqatij, xa kin ja ri ndiqakꞌuaj jun chojmilej kꞌaslen, ri ndikꞌojeꞌ uxlanen chiqakajal kikꞌin konojel, y ri ngojkikot roma kꞌo ri Espíritu Santo pa qánima.

Romanos 15:13

Y ri Dios ri nditoꞌon kichin ri wineq chin ndikoyobꞌej ri rusujun kan, kin ta xtubꞌen chiwa chi ngixkikot y kin ta xtuyaꞌ chuqaꞌ uxlanen pa iwánima roma itaqin rijaꞌ. Y keriꞌ rikꞌin ri ruchuqꞌaꞌ ri Espíritu Santo, rix rikꞌin nojel iwánima ndiwoyobꞌej ri rusujun kan ri Dios.

Romanos 15:16

chi yin okuneq jun sacerdote rusamajel ri Cristo Jesús chin ngenjech ri ma israelitas ta pa ruqꞌaꞌ ri Dios. Ndikꞌatzin nitzijoj ri utzulej teq tzij chin kolotajik chake, utzulej tzij ri pataneq rikꞌin ri Dios, chin keriꞌ ngeꞌok jun ofrenda ri ndiqaꞌ chuwech rijaꞌ, jun ofrenda chꞌajchꞌojrisan roma ri Espíritu Santo.

Romanos 5:5

Y kin ma xqojkꞌixbꞌisex ta rikꞌin ri keriꞌ qoyobꞌen, porque ri Dios rikꞌin ri Espíritu Santo ri ruyoꞌon pa qánima, rukꞌutun chiqawech chi santienta ngojrajoꞌ.

1 Corintios 12:3

Romariꞌ nibꞌij chiwa: Nixta jun wineq ri ukꞌuan roma ri Espíritu chin ri Dios ndubꞌij itzel teq tzij chirij ri Jesús y keriꞌ chuqaꞌ, nixta jun wineq ndubꞌij Ajaw chare ri Jesús, si ma ja ta ri Espíritu Santo ukꞌuayon richin chin ndubꞌij.

1 Corintios 6:19

Tikꞌuxlaꞌaj kꞌa chi ri i-cuerpo rachoch ri Espíritu Santo, y ja ri Dios yoyon pe ri Espíritu Santo pa iwánima. Y romariꞌ, rix ma rix rajaw chi ta ri i-cuerpo,

2 Corintios 6:6

Qatijon chuqaꞌ qaqꞌij chi titzꞌetetej chi roj rusamajelaꞌ ri Dios rikꞌin chꞌajchꞌaj chi kꞌaslen qakꞌuan, rikꞌin qetaman rubꞌeyal ri qetzij, rikꞌin qakochꞌon ri kibꞌanun ri wineq chaqe, rikꞌin rupoqonaxik kiwech ri wineq ngeqabꞌen, rikꞌin chuqaꞌ chi ukꞌuan qakꞌaslen roma ri Espíritu Santo, rikꞌin ri ngojojowan,

Efesios 1:13

Keriꞌ chuqaꞌ rix ri ma israelitas ta, atoq xiwakꞌaxaj rutzijol ri qetzij, ri utzulej teq tzij ri rukꞌamon pe kolotajik chiwa, xitaqij ri Cristo, y xe jun xibꞌen rikꞌin, romariꞌ ri Dios xuyaꞌ pe ri Espíritu Santo pa iwánima, achel rubꞌiꞌin kan chi nduyaꞌ. Y ri Espíritu Santo, ja rijaꞌ ri etal chi rix richin ri Dios.

Efesios 1:17

Nikꞌutuj chare ri Tataꞌaj Dios ri kin nimalej ruqꞌij, ri ru-Dios ri Qajaw Jesucristo, chi tusipaj nojibꞌel pataneq rikꞌin ri Espíritu Santo chiwa y tuqꞌalajrisaj chiwech ri utzulej runoꞌoj chin ndiwetamaj utz-utz achike rijaꞌ.

Efesios 4:30

Y ma tibꞌen chare ri Espíritu Santo chin ri Dios chi ndibꞌison qa, porque ja ri Espíritu riꞌ, ri etal ruyoꞌon ri Dios pa iwánima chi atoq nduqaqa chik ri Cristo, kin xkixkolotej wi e.

1 Tesalonicenses 4:8

Romariꞌ, si kꞌo jun ri ma ndirajoꞌ ta ndunimaj re tijonik reꞌ, ma chikiwech ta wineq nduyaꞌ kan roracheq, xa kin chuwech ri Dios ri yoyon pe ri Espíritu Santo pa iwánima.

2 Timoteo 1:14

Y rikꞌin ri toꞌonik nduyaꞌ ri Espíritu Santo ri kꞌo pa qánima, tabꞌanaꞌ cuenta ri utzulej tijonik ruyoꞌon kan ri Dios pa aqꞌaꞌ.

Tito 3:5

xojrukal pe pa ruqꞌaꞌ ri mak. Y keriꞌ xubꞌen, pero ma roma ta kꞌo utz qabꞌanaloꞌon pe, xa kin roma xujoyowaj qawech, y xubꞌen chꞌajchꞌaj chaqe roma xuyaꞌ jun kꞌakꞌakꞌ qalaxik, y xujel ri qakꞌaslen roma ri samaj ndubꞌen ri Espíritu Santo pa qánima.

Hebreos 10:15

Keriꞌ chuqaꞌ ri Espíritu Santo nduyaꞌ rutzij chi qetzij ri ngojtajin chubꞌixik, rikꞌin ri kereꞌ ndubꞌij:

Hebreos 2:4

Y re kolotajik reꞌ kin qetzij wi. Keriꞌ xqꞌalajin, porque ri Dios xuqꞌalajrisaj rikꞌin nimalej teq retal ruchuqꞌaꞌ y nimalej teq achike ri ma jumbꞌey etzꞌeton, rikꞌin jalajaj teq milagros, y rikꞌin chuqaꞌ chi ri Espíritu Santo xuyaꞌ jalajaj loqꞌolej teq sipanik chake ri rusamajelaꞌ ri Dios achel xrajoꞌ rijaꞌ.

Hebreos 3:7

Romariꞌ achel ndubꞌij ri Espíritu Santo chupan ri rutzij ri Dios tzꞌibꞌan kan: Si wokami ndiwakꞌaxaj ri ndubꞌij ri Dios chiwa,

Hebreos 9:8

Y rikꞌin ri keriꞌ ndibꞌanatej chupan ri aj rochꞌulew rachoch ri Dios, ri Espíritu Santo nduqꞌalajrisaj chi mientras kꞌa kꞌo ri aj rochꞌulew rachoch ri Dios, kꞌajani tijaqeꞌ ri bꞌey chin ngeꞌok ri wineq chupan ri kꞌojlibꞌel más loqꞌolej apeꞌ kꞌo ri Dios.

1 Pedro 1:12

Pero ri Dios xuqꞌalajrisaj chake ri profetas chi ri favor ndikitzijoj, ma pa ki-tiempo ta rejeꞌ ndiyoꞌox, xa kꞌa pa i-tiempo rix. Y ja favor riꞌ ri iwakꞌaxan pa kichiꞌ ri ngetzijon ri utzulej teq tzij chin kolotajik, rikꞌin ruchuqꞌaꞌ ri Espíritu Santo taqon pe chikaj. ¡Y hasta ri ángeles chuqaꞌ ndikajoꞌ ndiketamaj rubꞌeyal ri favor riꞌ!

2 Pedro 1:21

Porque ri xkiqꞌalajrisaj ri profetas ojer, ma kiyon ta chikiwech xkitzꞌuk qa. Xa kin ja ri Espíritu Santo ukꞌuayon kichin chubꞌixik ri ruyoꞌon ri Dios pa kánima.

1 Juan 2:20

Pero rix, rix ukꞌuan roma ruchuqꞌaꞌ ri Espíritu ri yoꞌon chiwa roma ri Cristo ri kin loqꞌolej wi, y romariꞌ rix iwonojel iwetaman chik ri qetzij ruqꞌalajrisan ri Dios.

1 Juan 2:27

Pero rix kꞌo ruchuqꞌaꞌ ri Espíritu Santo pa iwánima ri ruyoꞌon ri Jesucristo chiwa, y ma ndikꞌatzin ta chi ri wineq riꞌ ngixkitijoj, porque ja ri Espíritu Santo nditijon iwichin pa ruwiꞌ nojel ri ruqꞌalajrisan ri Dios, y nojel ri ndukꞌut rijaꞌ kin qetzij, ma aqꞌ ta. Romariꞌ jumul xe jun tibꞌanaꞌ rikꞌin ri Cristo, achel rukꞌutun ri Espíritu Santo chiwech.

1 Juan 5:7

Eꞌoxiꞌ ri ngeqꞌalajrisan chikaj chi ja ri Jesús ri rukꞌajol ri Dios: Ri Tataꞌaj Dios, ri Jun ri ndiqꞌalajrisan runoꞌoj ri Dios y ri Espíritu Santo. Y re eꞌoxiꞌ reꞌ xe jun ruwech kitzij kibꞌanun.

Judas 1:20

Pero rix ri tzꞌan ngixinwojoꞌ, tikꞌiytisaj ri ikꞌaslen chupan ri loqꞌolej tijonik itaqin, tijonik ri pataneq rikꞌin ri Dios, y tiyaꞌ qꞌij chi ri Espíritu Santo ndukꞌuan iwichin pa oración.

Apocalipsis 2:11

¡Ri ndirajoꞌ ndukꞌoxomaj, tukꞌoxomaj ri ndubꞌij ri Espíritu Santo chake ri bꞌotzaj teq ralkꞌuaꞌl ri Dios! Ri xtitiker ndubꞌen ri nubꞌiꞌin kan, nixta jun ruqꞌaꞌ ri rukan kamik chare.