San Juan 14:20 - Kaqchikel Santo Domingo (Xenacoj)

²⁰ Y chupan ri qꞌij riꞌ, kin ndiqꞌalajin chiwech chi riyin xe jun nubꞌanun rikꞌin ri Nataꞌ, y rix xe jun ibꞌanun wikꞌin, y riyin iwikꞌin rix.

Tuilleadh tionndaidhean

Kaqchikel Santa Maria de Jesus

²⁰ Y chupan ri kꞌij reꞌ, xtikꞌalajin otz chivach chi inreꞌ incꞌo riqꞌuin ri Nataꞌ, ixreꞌ ixcꞌo viqꞌuin inreꞌ y inreꞌ incꞌo iviqꞌuin ixreꞌ.

Kaqchiquel Bible

²⁰ Y chupan k'a ri q'ij ri' xtiq'alajin jebel chiwech chi yin kan ink'o-wi rik'in ri nata', rix ixk'o wik'in y yin iwik'in rix.

Kaqchikel Central Guatemala

²⁰ Y chupan c'a ri k'ij ri' tok xtik'alajin jebel chivech chi yin can inc'o-vi c'a riq'uin ri Nata', rix ixc'o viq'uin yin y yin iviq'uin rix.

Re C'ac'a Testamento pa Kach'abal

²⁰ Y chupan re k'ij re' tak xtik'alajin jabal chivach che yen can yinc'o-va riq'uin re Nata', yex yixc'o viq'uin yen y yen iviq'uin yex.

Kaqchikel Western Solola

²⁰ Y chupan c'a ri k'ij ri' tek xtik'alajin jabel chiwech chi riyin can yinc'o wi c'a riq'ui ri Nata', y riyix yixc'o wuq'ui riyin y riyin iwuq'ui riyix.

San Juan 14:20 Iomraidhean Croise

San Juan 10:38

Pero si nibꞌen ri samaj rubꞌiꞌin pe ri Dios chuwa, maske ma nditaqij ta achike riyin, kinitaqij roma ri samaj nibꞌen, chin keriꞌ ndiwetamaj y nditaqij chi ri Tataꞌaj Dios jun rubꞌanun wikꞌin y riyin jun nubꞌanun rikꞌin rijaꞌ.

San Juan 14:10

¿Ma ndataqij ta chi riyin jun nubꞌanun rikꞌin ri Tataꞌaj Dios, y rijaꞌ jun rubꞌanun wikꞌin? Ri tzij ri nibꞌij chiwa, ma nuyon ta chinuwech enutzꞌukun qa, y keriꞌ chuqaꞌ ja ri Tataꞌaj Dios ri jun ránima rubꞌanun wikꞌin ri ndikusan wichin chin ngerubꞌen ri nimalej teq achike eꞌitzꞌeton pe.

San Juan 14:11

Kinitaqij kꞌa chi riyin jun nubꞌanun rikꞌin ri Tataꞌaj Dios, y rijaꞌ jun rubꞌanun wikꞌin. Y si ma nditaqij ta re nibꞌij chiwa, kinitaqij roma ri nimalej teq achike ngenbꞌen chiwech.

San Juan 16:23

Chupan ri qꞌij riꞌ, ma chuwa chi ta riyin ndikꞌutuj ri ndiwojoꞌ. Pero kin qetzij nibꞌij chiwa chi nojel ri achike ndikꞌutuj pa nubꞌiꞌ chare ri Tataꞌaj Dios, rijaꞌ nduyaꞌ pe chiwa.

San Juan 16:26

Chupan ri qꞌij riꞌ, ma kꞌaja ta na riyin ri ndikꞌatzin nikꞌutuj iwoma, xa kin ja rix mismo ndikꞌutuj chare ri Tataꞌaj Dios pa nubꞌiꞌ.

San Juan 17:11

Loqꞌolej Nataꞌ, pa aqꞌaꞌ rat ngenjech kan ri xaꞌayaꞌ chuwa. Kaꞌachajij pa abꞌiꞌ, chin keriꞌ xe jun kánima ndikibꞌen chikiwech achel qabꞌanun roj awikꞌin. Kaꞌachajij kꞌa, porque rejeꞌ kꞌa ngekꞌojeꞌ kan chochꞌulew, y yin ngitzolij yan e chikaj chin ngibꞌekꞌojeꞌ e awikꞌin.

San Juan 17:26

Riyin nuqꞌalajrisan achike rat chikiwech, y kꞌa ngatinqꞌalajrisaj más chikiwech, chin keriꞌ ri ajowabꞌel ri achoq ikꞌin nganawojoꞌ, ndikꞌojeꞌ pa kánima rejeꞌ y riyin chuqaꞌ ngikꞌojeꞌ pa kánima.

San Juan 17:7

Wokami ketaman chi nojel ri ayoꞌon pe chuwa, kin awikꞌin rat pataneq.

San Juan 6:56

Ri ndikꞌuxu ri nu-cuerpo y ndutij ri nukikꞌel, jumul xe jun rubꞌanun wikꞌin y riyin jumul ngikꞌojeꞌ pa ránima.

Romanos 16:7

Tiyaꞌ ruxunaqil ruwech ri Andrónico y ri Junias, ri enuwinaqul ri junan xqachibꞌilaj qiꞌ pa cheꞌ kikꞌin. Rejeꞌ kin kꞌo kiqꞌij chikikajal ri apóstoles, y nabꞌey xkitaqij ri Jesucristo ke chinuwech riyin.

Romanos 8:1

Wokami, roj ri xe jun qabꞌanun rikꞌin ri Cristo Jesús, ma jun castigo ndiqaqa pa qawiꞌ.

1 Corintios 1:30

Pero roma ri Dios, rix jun ibꞌanun rikꞌin ri Cristo Jesús ri achoq ikꞌin qilon ri nojibꞌel pataneq rikꞌin ri Dios, y roma ri Cristo nixta jun chik qamak qeqalen chuwech ri Dios, kin loqꞌolej bꞌanun chare ri qakꞌaslen y roj loqꞌon chin xojelesex pa ruqꞌaꞌ ri tzꞌamayon qichin.

2 Corintios 12:2

Ja laꞌeq jun 14 junaꞌ wokami, chi jun achi ri xe jun rubꞌanun rikꞌin ri Cristo Jesús, xukꞌuꞌex e kꞌa pa rox kaj y xtzolij chi pe jumbꞌey. Riyin wetaman ruwech ri achi riꞌ. Ri ma wetaman ta, ja si xukꞌuꞌex pa ru-cuerpo o xaxe ri ránima, riꞌ kin xe ri Dios etamayon.

2 Corintios 13:5

Tinikꞌoj utz-utz ri ikꞌaslen chin nditzꞌet si qetzij itaqin ri Jesucristo. ¿Ma ndiyaꞌ ta kꞌa cuenta chare chi rijaꞌ kꞌo pa iwánima? O rikꞌin jubꞌaꞌ atoq ndinikꞌoj ri ikꞌaslen, xa ndinaꞌ qa iwiꞌ chi ma itaqin ta rijaꞌ.

2 Corintios 5:17

Romariꞌ, ri xe jun rubꞌanun rikꞌin ri Ajaw Jesucristo, jun kꞌakꞌakꞌ wineq bꞌanun chare roma ri Dios. Ri ojer rukꞌaslen xkanej kan, y wokami kin kꞌakꞌakꞌ yan chik ri rukꞌaslen.

2 Corintios 5:19

Reꞌ ndubꞌij tzij, chi atoq xken ri Cristo, ja kamik riꞌ xukusaj ri Dios chin xrelesaj ri mak jachayon qawech roj wineq rikꞌin rijaꞌ, y ma xuyaꞌ chi ta pa cuenta ri mak qabꞌanun chin xukꞌen apu qawech. Y pa qaqꞌaꞌ roj xuyaꞌ chi ndiqayaꞌ rutzijol ri achike xubꞌen ri Dios chin keriꞌ ndelesex chuqaꞌ ri mak jachayon kiwech ri wineq rikꞌin rijaꞌ.

Gálatas 2:20

Romariꞌ ma yin chi ta ukꞌuayon ri nukꞌaslen, xa kin ja ri Cristo. Y chupan nojel ri nibꞌen pa nukꞌaslen chireꞌ chochꞌulew, kuqul nukꞌuꞌx rikꞌin ri Rukꞌajol ri Dios ri santienta xirajoꞌ, y xujech riꞌ pa kamik woma riyin.

Efesios 2:10

Porque ja ri Dios bꞌanayon kꞌakꞌakꞌ chare ri qakꞌaslen roj ri xe jun qabꞌanun rikꞌin ri Cristo Jesús, chin keriꞌ ndiqabꞌanalaꞌ ri utz ri runabꞌan pe ri Dios chin ndiqabꞌen.

Colosenses 1:19

Kin xqaꞌ chuwech ri Tataꞌaj Dios chi ri Cristo qitz achel rijaꞌ. Romariꞌ ri Cristo kin Dios wi.

Colosenses 1:27

ri achoq chake ri Dios xrajoꞌ xukꞌut ri nimalej ruqꞌij ri bꞌeyomal rukꞌamon pe ri utzulej teq tzij ri ma kin ta qꞌalej rubꞌeyal ojer, y wokami ndajin ruqꞌalajrisaxik chikiwech konojel wineq. Y ri nimalej bꞌeyomal riꞌ ja ri ndikꞌojeꞌ ri Cristo pa iwánima, ri ndibꞌanun chi iwoyobꞌen ri qꞌij atoq ngixbꞌekꞌojeꞌ rikꞌin chupan ri nimalej ruqꞌij.

Colosenses 2:9

Porque nojel ri qitz méra ri Dios nditzꞌetetej pa ru-cuerpo ri Cristo, roma rijaꞌ kin Dios wi.

1 Juan 4:12

Ri Dios ma jumbꞌey tzꞌeton ruwech roma jun wineq, pero si ndiqajoꞌ qiꞌ chiqawech, rijaꞌ jumul xe jun rubꞌanun qikꞌin, y keriꞌ qetaman chi tzꞌaqet ngojojowan.