San Juan 14:12 - Kaqchikel Santo Domingo (Xenacoj)

¹² Kin qetzij nibꞌij chiwa: Ri ngirutaqij, kin xkerubꞌanalaꞌ chuqaꞌ ri nimalej teq achike ngenbꞌen yin, y más nimalej teq achike ri xkerubꞌanalaꞌ, porque riyin ngibꞌa apeꞌ kꞌo ri Tataꞌaj Dios.

Tuilleadh tionndaidhean

Kaqchikel Santa Maria de Jesus

¹² Can ketzij, ketzij ri niꞌej chiva: Ri xquirunimaj inreꞌ, xcaꞌruꞌon ri samaj ri xinꞌan inreꞌ; y can más nimaꞌk tak samaj xcaꞌruꞌon, ruma inreꞌ nquiꞌa riqꞌuin ri Nataꞌ chicaj,

Kaqchiquel Bible

¹² Kan qitzij wi k'a ninbij chiwe: Ri kan xtukuquba' ruk'u'x wik'in, kan xkerubanala' k'a chuqa' ri samaj ri' ri xenben yin. Y kan más k'a nima'q taq samaj xkerubanala', roma jari' toq yin ink'o chik rik'in ri nata' chila' chikaj.

Kaqchikel Central Guatemala

¹² Can kitzij vi c'a ri ninbij chive: Ri can xtucukuba' c'a ruc'u'x viq'uin, can xquerubanala' c'a chuka' ri samaj xenben yin; can más c'a nima'k tak samaj xquerubanala'. Roma jari' tok yin inc'o chic c'a riq'uin ri Nata' chila' chicaj,

Re C'ac'a Testamento pa Kach'abal

¹² Tic'axaj jabal re xtimbij chiva: Re can xtuban confiar-ri' viq'uin, can xque'rubanala' chuka' re samaj xe'mban yen, y camas c'a nima'k tak samaj xque'rubanala'. Roma jare' tak yinc'o chic chila' chicaj riq'uin re Nata',

Kaqchikel Western Solola

¹² Can kitzij wi c'a ri nbij chiwe: Ri can yirunimaj c'a riyin, can xtiyatej wi c'a chare chi can xquerubanala' c'a chuka' ri samaj ri xenben riyin; y más c'a nima'k tak samaj ri xquerubanala', que chuwech ri xinben riyin, ruma riyin xa yibe riq'ui ri Nata' chila' chicaj,

San Juan 14:12 Iomraidhean Croise

San Mateo 21:21

Y ri Jesús xubꞌij chake: Kin qetzij nibꞌij chiwa si rix kuqul ikꞌuꞌx rikꞌin ri Dios, y ma kakaꞌ ta ikꞌuꞌx ndibꞌen pa ruwiꞌ jun achike ndiwojoꞌ, ma xe ta ri achel xinbꞌen yin rikꞌin la higuera ngixtiker ndibꞌen, ngixtiker chuqaꞌ ndibꞌij chare re juyuꞌ reꞌ: Katel e chireꞌ y taꞌatorij awiꞌ pa mar. Y kin ndibꞌanatej wi.

Marcos 11:13

Y xutzꞌet apu chi nej jun higuera ri jabꞌel ruxaq, xbꞌa apu chuxeꞌ chin ta xril jun ruwech xrajoꞌ, pero xaxe ruxaq xril, porque ma tiempo ta chin ndiwachin.

Marcos 16:17

Y ri retal chin ngeqꞌalajin ri achike yin kitaqin, jareꞌ: Pa nubꞌiꞌ riyin ngekelesaj e itzel teq espíritu pa kikꞌaslen ri wineq, y ngechꞌaꞌa pa chꞌaqa chik chꞌabꞌel ri ma kitijon ta kiꞌ rikꞌin.

San Juan 14:28

Rix xiwakꞌaxaj chi riyin nubꞌiꞌin chiwa chi ngibꞌa, y nginuqaqa chik jumbꞌey iwikꞌin. Xa ta rix nginiwojoꞌ, ngixkikot ta roma xinbꞌij chiwa chi ngibꞌa rikꞌin ri Tataꞌaj Dios, porque rijaꞌ más nimalej ruqꞌij ke chinuwech riyin.

San Juan 16:7

Pero riyin ja ri qetzij nibꞌij: Chiwa rix más kꞌo utz ndukꞌen pe ri ngibꞌa riyin, porque si ma xkibꞌa ta, ma nduqaqa ta ri Bꞌochinel. Pero si ngibꞌa, niteq pe iwikꞌin.

San Juan 4:37

Rikꞌin riꞌ ndiqꞌalajin chi qetzij wi ri ndubꞌij ri jun tzij: Jun wi ri nditikon, y jun wi ri ndichꞌupu ruwech ri tikoꞌ. Keriꞌ ndibꞌix.

San Juan 5:20

Porque ri Tataꞌaj Dios santienta ngirajoꞌ riyin ri Rukꞌajol, y ndukꞌut chinuwech nojel ri ndubꞌen. Y más nimaꞌq teq achike ke chuwech re itzꞌeton rix ndukꞌut chinuwech ri más chiqawech apu, chin keriꞌ, rix santienta ndisach ikꞌuꞌx.

San Juan 7:33

Romariꞌ, ri Jesús xubꞌij: Xe chik jubꞌaꞌ qꞌij ngikꞌojeꞌ chiꞌikajal, kꞌateriꞌ ngitzolij e apeꞌ kꞌo ri taqayon pe wichin.

San Juan 7:39

Atoq ri Jesús xubꞌij keriꞌ, xchꞌaꞌa pa ruwiꞌ ri Espíritu Santo, ri xa jubꞌaꞌ chik qꞌij ndirajoꞌ chin ndiyoꞌox pa kánima ri kitaqin ri Jesús. Keriꞌ xubꞌij, porque ri Espíritu Santo kꞌajani tiqape, roma ri Jesús kꞌajani titzolij e chikaj chin ndiqꞌalajin chik ri nimalej ruqꞌij.

Hechos 10:46

Porque ngekakꞌaxaj ri ma israelitas ta chi ngechꞌaꞌa pa jalajaj teq chꞌabꞌel ri ma kitijon ta kiꞌ rikꞌin, y ndikiyalaꞌ ruqꞌij ri Dios.

Hechos 16:18

Y kꞌiy qꞌij keriꞌ xubꞌanalaꞌ, pero jun qꞌij ri Pablo ma xukachꞌ chi ta, romariꞌ xuyaꞌ vuelta, y kereꞌ xubꞌij chare ri itzel espíritu: ¡Pa rubꞌiꞌ ri Jesucristo nibꞌij chawa chi katel e pa rukꞌaslen re xten reꞌ! Y ja atoq riꞌ ri itzel espíritu xel e.

Hechos 19:12

Hasta ri pañuelos o ri rukꞌul ri Pablo ri nduyaꞌ chirij ri rutziaq atoq ndisamej, ngekikꞌuaj ri wineq chake ri ngeyawej, y ri ngeyawej ngekꞌachaj y ri itzel teq espíritu kꞌo pa kikꞌaslen ngeꞌel e.

Hechos 2:33

Y roma ri Jesús xukꞌuꞌex e chikaj y xnimrisex ruqꞌij pa rikiqꞌaꞌ ri Dios, y xyoꞌox uchuqꞌaꞌ pa ruqꞌaꞌ roma ri Tataꞌaj Dios chin xuteq pe ri Espíritu Santo rusujun kan, romariꞌ ndajin ri nditzꞌet y ndiwakꞌaxaj rix wokami.

Hechos 2:41

Y keriꞌ kꞌa, ri xkitaqij ri xubꞌij ri Pedro, xebꞌan bautizar, y chupan ri qꞌij riꞌ, jun laꞌeq 3,000 ri xkitaqij ri Ajaw y xeꞌok kachibꞌil ri kitaqin chik ri Ajaw.

Hechos 4:16

Y kereꞌ ndikibꞌilaꞌ chikiwech: ¿Achike ndiqabꞌen chake ri achiꞌaꞌ riꞌ? Porque qetzij wi chi chikiqꞌaꞌ rejeꞌ xbꞌanatej jun nimalej etal, y xkitzꞌet konojel ri ekꞌo pa tinamit Jerusalén, y roj maneq cheꞌel ndiqabꞌij chi ma ke ta riꞌ.

Hechos 4:33

Rikꞌin nimalej ruchuqꞌaꞌ ri Dios, ri apóstoles ndikitzijoj chi xkꞌastajbꞌex pe ri Ajaw Jesús chikikajal ri animaꞌiꞌ. Kin nditzꞌetetej chi ri ru-favor ri Dios kꞌo pa kiwiꞌ konojel ri kitaqin rijaꞌ.

Hechos 4:4

Pero ekꞌiy chikiwech ri xeꞌakꞌaxan rutzij ri Dios ri xkitzijoj ri Pedro y ri Juan, xkitaqij ri Ajaw. Y keriꞌ xekꞌiyer y xkibꞌen qa jun laꞌeq 5,000 achiꞌaꞌ ri kitaqin chik ri Ajaw.

Hechos 5:15

Y ri wineq hasta ngekelesaj pe pa bꞌey chuwech teq chꞌat y warabꞌel ri ngeyawej, chin keriꞌ atoq ndeqꞌax ri Pedro, maske xe ta ok rumochꞌochꞌil ndeqꞌax pa kiwiꞌ jujun ri ngeyawej chin ngekꞌachaj.

Hechos 6:7

Y ri rutzij ri Dios bꞌaneq más rutzijol, y qꞌij-qꞌij pa tinamit Jerusalén ngekꞌiyer más ri kitaqin ri Ajaw, y ekꞌiy chuqaꞌ sacerdotes israelitas ngeniman chuwech ri Dios roma ndikitaqij ri Jesús.

Hechos 8:7

Porque kꞌiy wineq ri kꞌo itzel teq espíritu pa kikꞌaslen ngekꞌachojrisex, y ri itzel teq espíritu ngesikꞌin ngeꞌel e pa kikꞌaslen. Keriꞌ chuqaꞌ kꞌiy wineq kamineq kiqꞌa-kaqen, y ri ngejetzꞌmaꞌy ngebꞌiyin, ngekꞌachojrisex.

Hechos 9:34

Ri Pedro kereꞌ xubꞌij chare: ¡Eneas! Ri Ajaw Jesucristo ngarukꞌachojrisaj. Kayakatej y tabꞌanaꞌ rukꞌojlen la awarabꞌel, xchajeꞌ. Y kin ja paqiꞌ xyakatej pe ri Eneas.

Hechos 9:40

Ja atoq riꞌ ri Pedro xerelesaj pe konojel saqil, y xxukeꞌ qa chin xubꞌen orar. Xtzuꞌun apu rikꞌin ri ámna, y xubꞌij: ¡Tabitá, kayakatej! xchajeꞌ chare. Ja atoq riꞌ ri ixaq xujeq ruwech y atoq xutzꞌet ri Pedro, xtzꞌuyeꞌ pe.

Romanos 15:19

Y ri samaj riꞌ, ndiqꞌalajin rikꞌin nimalej teq retal ruchuqꞌaꞌ ri Dios y nimalej teq achike ri ma jumbꞌey etzꞌeton, ri erubꞌanun pe ri ruchuqꞌaꞌ ri Espíritu Santo chinuqꞌaꞌ. Riyin pa tinamit Jerusalén nutzꞌukun pe rutzijoxik ri utzulej teq tzij chin kolotajik ri ndichꞌaꞌa pa ruwiꞌ ri Cristo, y nojel teq apeꞌ yin qꞌaxneq wi, nuyoꞌon pe rutzijol hasta pa rochꞌulew Iliria.