San Juan 13:27 - Kaqchikel Santo Domingo (Xenacoj)

²⁷ Y atoq ri Judas Iscariote rukꞌuxun chi qa ri kaxlan wey xyoꞌox chare, xok ri itzel pa ránima. Romariꞌ ri Jesús xubꞌij chare: Ri ndawojoꞌ ndabꞌen, tabꞌanaꞌ paqiꞌ.

Tuilleadh tionndaidhean

Kaqchikel Santa Maria de Jesus

²⁷ Y antok ri Judas Iscariote xucꞌux-ka ri simíta reꞌ, ja xuoc ri Satanás pa ránima. Y ri Jesús xuꞌej cha: Ri abꞌanun chic pensar chi naꞌan, tabꞌanaꞌ chaꞌnin, xchaꞌ cha.

Kaqchiquel Bible

²⁷ Toq ri Judas xuk'ul ri kaxlan-wey ri', kan xpe-wi k'a ri Itzel-Wineq pa ránima. K'ari' ri Jesús xubij chire ri Judas: Ri ach'obon chi naben, tabana' chi'anin, xcha' chire.

Kaqchikel Central Guatemala

²⁷ Y tok ri Judas Iscariote ruq'uison chic c'a ka ri jucach' caxlan-vey ri', can xpe-vi c'a ri Satanás pa ránima. C'ari' ri Jesús xubij chire: Ri ach'obon chic chi naben, caniman chubanic, xcha-el chire.

Re C'ac'a Testamento pa Kach'abal

²⁷ Y tak re Judas Iscariote ruq'uison chic-ka re jun pedazo xcana-vay re', can xoc-va re Satanás pa ránma. C'are' re Jesús xubij cha: Re anojin chic che naban, tabana' c'a cha'nin, xcha-a cha.

Kaqchikel Western Solola

²⁷ Y tek ri Judas Iscariote ruq'uison chic c'a ka ri juwech' caxlan wey ri', can xoc wi c'a ri Satanás pa ránima. C'ac'ari' tek ri Jesús xubij chare: Ri ach'obon chic chi naben, tabana' c'a chanin, xcha' el chare.

San Juan 13:27 Iomraidhean Croise

San Mateo 12:45

Ja atoq riꞌ ndibꞌa, ngebꞌerukꞌamaꞌ wuquꞌ teq espíritu más eꞌitzel chuwech rijaꞌ y konojel ngeꞌok pa rukꞌaslen ri jun wineq riꞌ chin ndikibꞌen kachoch chare. Y ri rukꞌaslen ri jun wineq riꞌ más pior ndubꞌen qa ke chuwech ri rubꞌanun pa nabꞌey. Kin keriꞌ xtibꞌanatej kikꞌin ri wineq aj wokami ri kin eꞌitzel chikibꞌanik.

San Mateo 4:10

Pero ri Jesús xubꞌij chare: ¡Katel e chinuwech, Satanás! Porque chupan ri rutzij ri Dios kereꞌ tzꞌibꞌan kan: Ja ri Awajaw Dios tayaꞌ ruqꞌij, y kin xe wi ri ndirajoꞌ rijaꞌ tabꞌanaꞌ.

Marcos 6:25

Ri xten kin juꞌanin paqiꞌ xtzolij apu apeꞌ kꞌo ri rey Herodes, y xubꞌij chare: Niwojoꞌ chi wokami yan pa jun bꞌambꞌel ndayaꞌ rujolon ri Juan ri Bautista chuwa.

San Lucas 22:3

Ja atoq riꞌ xok ri itzel pa ránima ri Judas, ri ndibꞌix Iscariote chare, jun chikikajal ri kabꞌlajuj discípulos.

San Juan 13:28

Nixta jun chikiwech ri etzꞌuyul apu rikꞌin ri Jesús chuchiꞌ ri mesa xukꞌoxomaj achike roma keriꞌ xubꞌij ri Jesús chare ri Judas.

San Juan 6:70

Y ri Jesús xubꞌij chake ri ru-discípulos: Ja riyin ri xichaꞌon iwichin rix kabꞌlajuj discípulos, pero nibꞌij chiwa chi jun chiꞌikajal rix kin itzel wi.

Hechos 5:3

Pero ri Pedro kereꞌ xubꞌij chare ri Ananías: ¿Achike roma xayaꞌ qꞌij chi ri Satanás xunojisaj awánima chin xawojoꞌ xachꞌakatij ri Espíritu Santo? Porque xabꞌij chi xayaꞌ nojel ri méra rajel ri awulew y xa kꞌo jubꞌaꞌ rajel xakꞌen kan.