San Juan 13:21 - Kaqchikel Santo Domingo (Xenacoj)

²¹ Atoq rubꞌiꞌin chik nojel reꞌ, ri Jesús axteq xunaꞌ chare roma ri bꞌis pa ránima y kereꞌ xubꞌij: Kin qetzij nibꞌij chiwa chi jun chiꞌikajal rix ngijacho e pa kiqꞌaꞌ ri itzel ngetzꞌeto wichin.

Tuilleadh tionndaidhean

Kaqchikel Santa Maria de Jesus

²¹ Y antok ri Jesús ruꞌeꞌn chic nojiel reꞌ, ri ránima can vor chica xunaꞌ. Jajaꞌ xuꞌej chica: Can ketzij, ketzij ri niꞌej chiva, chi jun chivach ixreꞌ ri xtijacho vichin, xchaꞌ chica.

Kaqchiquel Bible

²¹ Toq ri Jesús rubin chik qa ronojel re', ri ránima kan janila xq'axon y xubij: Kan qitzij k'a ninbij chiwe, chi jun chiwe rix nutijoxela' ri xkijacho-el pa kiq'a' ri winaqi', xcha'.

Kaqchikel Central Guatemala

²¹ Y tok ri Jesús rubin chic c'a ronojel re', ri ránima can achique la xuben xuna' rija', roma ri bis. Rija' can xuk'alajirisaj c'a achique roma tok janíla bis pa ránima y xubij c'a: Can kitzij c'a ri ninbij chive, chi jun chive rix nutijoxela' ri xquijachon-el pa quik'a' ri vinek, xcha' rija'.

Re C'ac'a Testamento pa Kach'abal

²¹ Y tak re Jesús rubin chic ronojel re', re ránma can anchique-la xuban xuna' reja', roma re bis. Reja' can xutzijoj anchique roma tak camas bis pa ránma y xubij: Can katzij nimbij chiva, che jun chiva yex nu-discípulos re xquinjacho-a pa quik'a' re vinak re ye'tzelan vichin.

Kaqchikel Western Solola

²¹ Y tek ri Jesús rubin chic c'a ronojel re', ri ránima can achique na c'a xuben xuna' Riya', ruma ri bis. Riya' can xuk'alajsaj c'a achique ruma tek sibilaj bis c'o pa ránima y xubij c'a: Kas kitzij c'a ri nbij chiwe, chi jun chiwe riyix ri xquijacho el pa quik'a' ri winek, xcha' chique.

San Juan 13:21 Iomraidhean Croise

San Mateo 26:21

Y atoq ngewaꞌ, ri Jesús xubꞌij: Kin qetzij nibꞌij chiwa chi jun chiꞌikajal rix ngijacho e pa kiqꞌaꞌ ri itzel ngetzꞌeto wichin.

San Mateo 26:38

Y xubꞌij chake: Achel ngiken ninaꞌ roma ri bꞌis kꞌo pa wánima. Kixkanej kan chireꞌ, y kixkꞌaseꞌ junan wikꞌin, xchajeꞌ.

Marcos 14:18

Y atoq etzꞌuyul chuchiꞌ mesa y ngewaꞌ, ri Jesús xubꞌij: Kin qetzij nibꞌij chiwa chi jun chiꞌikajal rix ri ndiwaꞌ wikꞌin, ngijacho e pa kiqꞌaꞌ ri itzel ngetzꞌeto wichin.

Marcos 3:5

Y ri Jesús yakatajneq royowal xerutzutzaꞌ, y santienta bꞌis xunaꞌ roma rukowil kánima. Rijaꞌ kereꞌ xubꞌij chare ri achi: Tayuquꞌ pe la aqꞌaꞌ. Y ri achi xuyuq apu ri ruqꞌaꞌ, y ja xkꞌachaj.

San Juan 11:33

Atoq ri Jesús xutzꞌet chi ri María ndoqꞌ y keriꞌ chuqaꞌ ngeꞌoqꞌ ri israelitas koqan, achel xa rijaꞌ ta ri kꞌo kamineq chuwech xunaꞌ chare y santienta xbꞌison qa.

San Juan 11:35

Y ri Jesús xoqꞌ.

San Juan 11:38

Ja atoq riꞌ ri Jesús ndibꞌison chik jumbꞌey xjel apu chuchiꞌ ri jul apeꞌ yoꞌon ri Lázaro. Ri jul riꞌ tzꞌapin ruchiꞌ rikꞌin jun abꞌej.

San Juan 12:27

Wokami santienta kꞌayew ninaꞌ pa wánima. Pero, ¿la utz kami nibꞌij chare ri Nataꞌ: Kanakoloꞌ chuwech re kꞌayew reꞌ, xu chin niqꞌasaj re kꞌayew reꞌ yinkꞌo chireꞌ re hora reꞌ?

San Juan 13:18

Ma chiwij ta rix iwonojel nibꞌij chi jabꞌel roꞌiqꞌij, porque riyin wetaman inoꞌoj iwonojel ri rix nuchaꞌon. Pero ndikꞌatzin chi ndibꞌanatej ri tzꞌibꞌan kan chupan ri rutzij ri Dios ri ndubꞌij: Ri ndiwaꞌ wikꞌin, xa xyakatej chuwij.

San Juan 13:22

Ri discípulos ndikitzulaꞌ kiwech, porque ma ketaman ta achoq chirij xchꞌaꞌa ri Jesús.

Hechos 17:16

Atoq ri Pablo eroyobꞌen ri Silas y ri Timoteo pa tinamit Atenas, tzꞌan ndibꞌison, porque ndutzꞌet chi ri tinamit nojneq kikꞌin tiox.

1 Juan 2:19

Rejeꞌ chiqakajal roj xeꞌel e, pero ma eqachibꞌil ta, porque xa ta eqachibꞌil, xekꞌojeꞌ ta jumul chiqakajal. Pero xeꞌel e chiqakajal, chin xqꞌalajin chi ma konojel ta eqachibꞌil.