San Juan 12:43 - Kaqchikel Santo Domingo (Xenacoj)

⁴³ Porque más ndikirayij chi ndinimrisex kibꞌiꞌ koma ri wineq ke chuwech ndinimrisex kibꞌiꞌ roma ri Dios.

Tuilleadh tionndaidhean

Kaqchikel Santa Maria de Jesus

⁴³ Ruma ijejeꞌ más nika chiquivach chi niyoꞌx quikꞌij cuma ri vinak, que choch niyoꞌx quikꞌij ruma ri Dios.

Kaqchiquel Bible

⁴³ Rije' xa más k'a xkich'ob achike xtikibij ri winaqi', y man ja ta ri nuch'ob ri Dios.

Kaqchikel Central Guatemala

⁴³ Rije' xa más c'a xquich'ob achique xtiquibij ri vinek, y man xoka' ta chiquic'u'x ri Dios ri can más ruk'ij que chiquivech ri vinek ri'.

Re C'ac'a Testamento pa Kach'abal

⁴³ Reje' xa más xquinojij andex xtiquibij re vinak, y man xbeka-ta chiquic'o'x che re Dios c'o más ruk'ij que chiquivach re vinak re'.

Kaqchikel Western Solola

⁴³ Queri' xquiben, ruma riye' más nika chiquiwech ri quik'ij ri niya'ox (nya') cuma ri winek, que chuwech ri quik'ij ri niya'ox (nya') ruma ri Dios.

San Juan 12:43 Iomraidhean Croise

San Mateo 6:2

Romariꞌ, atoq ngaꞌatoꞌ ri wineq ri nixta jun ok kichajin, ma tawelesaj rutzijol, achel ndikibꞌen ri wineq kaꞌiꞌ kipalej. Rejeꞌ pa teq sinagogas, y pa teq bꞌey ndikelesaj rutzijol ri utz ngetajin rikꞌin, xe chin ndiyoꞌox kiqꞌij. Kin qetzij nibꞌij chiwa, chi ri kiqꞌij ndiyoꞌox, xa kin xe ok riꞌ ri rajel-rukꞌexel ndiyoꞌox chake.

San Lucas 16:15

Y ri Jesús xubꞌij chake: Rix chikiwech ri wineq kin ndibꞌananej chi rix utzulej teq wineq, pero ri Dios retaman ri kꞌo pa iwánima. Porque ri kin utz pa kiwech ri wineq, pa ruwech ri Dios ma ke ta riꞌ, xa ndimulu rukꞌuꞌx rikꞌin.

San Lucas 19:17

Y ri rey xubꞌij chare: Utz xabꞌen, utzulej samajel. Rat roma utz xasamajij ri jubꞌaꞌ méra nujachon pa aqꞌaꞌ, romariꞌ niyaꞌ uchuqꞌaꞌ pa aqꞌaꞌ pa kiwiꞌ lajuj tinamit.

San Juan 12:26

Si kꞌo jun ndirajoꞌ ndubꞌen ri nusamaj, kiroqaj kꞌa, y apeꞌ yinkꞌo riyin, chiriꞌ chuqaꞌ ndikꞌojeꞌ ri nusamajel. Y ri ndibꞌanun ri nusamaj, ri Tataꞌaj Dios kin xtubꞌen chare chi ndikꞌojeꞌ ruqꞌij.

San Juan 5:41

Rikꞌin re nibꞌij chiwa, ma tinojij chi yin nikanoj chi ri wineq ndikiyaꞌ nuqꞌij.

San Juan 5:44

¿Achike modo xkinitaqij rix? Porque xa ndiwojoꞌ chi ndinimrisex ibꞌiꞌ koma ri wineq, y ma ndikanoj ta chi ndinimrisex ibꞌiꞌ roma ri qetzij Dios ri kin xe wi jun.

San Juan 7:18

Ri wineq ri ruyon ndutzꞌuk qa jun tijonik, xa ndukanoj chi ndiyoꞌox ruqꞌij, pero ri ndirajoꞌ chi ndiyoꞌox ruqꞌij ri taqayon pe richin, kin qetzij ri ndubꞌij y maneq chꞌakatinik pa ránima.

San Juan 8:54

Ri Jesús xubꞌij chake: Si riyin nuyon ta chinuwech niyaꞌ nuqꞌij, xa maneq wi reqalen, pero ri ndiyoꞌon nuqꞌij riyin, ja ri Nataꞌ ri ndibꞌij i-Dios chare rix.

Romanos 2:29

Ri qetzij israelita chuwech ri Dios, ja ri ruchꞌajchꞌojrisan ránima, y ri qetzij circuncisión ja ri samaj ndubꞌen ri Espíritu Santo pa ránima jun wineq, ma ja ta ri circuncisión ri ndubꞌij ri ley xyoꞌox chare ri Moisés. Ri chꞌajchꞌojrisan ránima roma ri Espíritu Santo, maske ma ndinimrisex ta rubꞌiꞌ koma ri wineq, xa kin ja ri Dios ndinimrisan rubꞌiꞌ.

Romanos 2:7

Kin xtuyaꞌ ri kꞌaslen ma ndikꞌis ta chake ri jumul ndikitij kiqꞌij chi ngekibꞌanalaꞌ ri utz. Rejeꞌ ndikibꞌen ri utz porque ndikajoꞌ chi ndikꞌojeꞌ kiqꞌij, ndinimrisex kibꞌiꞌ y ndikil ri kꞌaslen ri maneq ruqꞌaꞌ ri kamik chare.

1 Corintios 4:5

Romariꞌ, rix ma xetal tibꞌij chi jun rusamajel ri Cristo utz ndubꞌen chare ri samaj y jun chik ma utz ta. Atoq nduqaqa ri Ajaw, ja rijaꞌ ndiqꞌalajrisan nojel ri kꞌo pa qꞌequꞌ y nduruqꞌalajrisaj chuqaꞌ achike xnimo richin jun samajel chin xubꞌen ri samaj xjach pa ruqꞌaꞌ. Chupan ri qꞌij riꞌ, kꞌaja na ri Dios xtibꞌiꞌin chaqe chiqajununal achike ri utz xqabꞌen.

2 Corintios 10:18

Porque ma ja ta ri ruyon chuwech ndubꞌij qa chi utz ndubꞌen chare ri samaj, ja ta riꞌ ri utz, xa kin xe wi ri achoq chirij ndubꞌij ri Ajaw chi utz rubꞌanun chare ri samaj, jariꞌ ri utz ndubꞌen chare ri samaj.

1 Tesalonicenses 2:6

Nixta ndiqakanoj chi ri wineq utz ngechꞌaꞌa chiqij; nixta rix, nixta chꞌaqa chik.

1 Pedro 3:4

Ri iweqbꞌel ndikꞌatzin, ja ri ndikꞌuaj jun jabꞌel yalan noꞌoj y ki-kiꞌ iwánima. Jun weqbꞌel keriꞌ, kin santienta reqalen chuwech ri Dios.