San Juan 10:28 - Kaqchikel Santo Domingo (Xenacoj)

²⁸ Y riyin niyaꞌ ri kꞌaslen ma ndikꞌis ta chake, y ma ngebꞌa ta chupan ri kamik ri kin chin jumul, y nixta jun nditiker ngerumej e pa nuqꞌaꞌ.

Tuilleadh tionndaidhean

Kaqchikel Santa Maria de Jesus

²⁸ Inreꞌ niyaꞌ chica ri cꞌaslien ri man niqꞌuis ta y man jun chiquivach xtisach ta can. Y man jun xtitiquir xcaꞌralasaj-el pa nukꞌaꞌ.

Kaqchiquel Bible

²⁸ Rije' man xkeken ta k'a richin jantape'; wik'in yin kan xtikil-wi kik'aslen ri man k'isel ta. Ni man jun chuqa' ri xtitikir xke'elesan-el pa nuq'a'.

Kaqchikel Central Guatemala

²⁸ Man c'a xquesach ta can, xa can xtiquil-vi quic'aslen ri man q'uisel ta, viq'uin yin. Ni man jun c'a chuka' ri xtitiquir xque'elesan-el pa nuk'a'.

Re C'ac'a Testamento pa Kach'abal

²⁸ Man c'a xque'satz-ta can, xa can xtiquivel-va quic'aslen re man niq'uis-ta viq'uin yen. Y man jun chuka' xtitiquir xque'lisan-a pa nuk'a'.

Kaqchikel Western Solola

²⁸ Riyin xa can xtinya' quic'aslen riche (rixin) xtibe k'ij xtibe sek. Y majun bey xquesach ta ca. Ni majun achique ta ri xticowin xque'elesan ta el pa nuk'a'.

San Juan 10:28 Iomraidhean Croise

Marcos 13:22

Porque ngebꞌeqꞌalajin pe wineq ri ndikiqꞌabꞌaj kiꞌ chi etaqon pe roma ri Dios chukolik ri rutinamit, y chuqaꞌ wineq ri ndikiqꞌabꞌaj kiꞌ chi e-profetas, y ngekibꞌanalaꞌ nimalej teq achike ri nixta jumbꞌey etzꞌeton y milagros, chin ngekichꞌakatij wineq, y xa ta ngetiker, hasta jajun ri echaꞌon roma ri Dios, ngekichꞌakatij.

San Lucas 23:46

Y ri Jesús, rikꞌin nojel ruchuqꞌaꞌ xsikꞌin chubꞌixik: Nataꞌ Dios, pa aqꞌaꞌ nijech ri nu-espíritu, xchajeꞌ. Y atoq xubꞌij keriꞌ, ja xken.

San Juan 10:29

Ri eruyoꞌon ri Nataꞌ Dios chuwa, más nim keqalen ke chuwech nojel ri achike ekꞌo chochꞌulew, y nixta jun nditiker ngerumej pa ruqꞌaꞌ chuqaꞌ rijaꞌ.

San Juan 11:25

Ri Jesús xubꞌij: Ja riyin ri ngikꞌastajbꞌan e kichin ri animaꞌiꞌ, y ja riyin ri ngiyoꞌon ri kꞌaslen ma ndikꞌis ta. Ri nditaqin wichin, maske xtiken, kin ndikꞌastajbꞌex pe.

San Juan 14:19

Jubꞌaꞌ chik qꞌij ndirajoꞌ chi ri wineq ri ma nginikitaqij ta ma nginikitzꞌet ta chik, pero rix kꞌa nginitzꞌet. Y roma kꞌo nukꞌaslen riyin, rix chuqaꞌ ndikꞌojeꞌ ikꞌaslen chin jumul.

San Juan 17:2

Porque ajachon uchuqꞌaꞌ pa nuqꞌaꞌ chin ngikꞌojeꞌ pa kiwiꞌ konojel wineq, chin keriꞌ niyaꞌ ri kꞌaslen ma ndikꞌis ta chake konojel ri eꞌayoꞌon chuwa.

San Juan 18:9

Keriꞌ xubꞌij ri Jesús chin ndibꞌanatej ri tzij rubꞌiꞌin pe: Nataꞌ, ri eꞌayoꞌon chuwa ma jun xinsech kan, xchajeꞌ.

San Juan 3:36

Ri nditaqin chi ja ri Rukꞌajol ri Dios ri Kolonel, kꞌo ri kꞌaslen ma ndikꞌis ta rikꞌin. Pero jun ri ma ndunimaj ta ri ndubꞌij ri Rukꞌajol ri Dios, ma ndikꞌojeꞌ ta ri kꞌaslen ma ndikꞌis ta rikꞌin, xa kꞌa keriꞌ kꞌo chuxeꞌ ri nimalej royowal ri Dios.

San Juan 4:14

Pero ri nditijo ri yaꞌ ri niyaꞌ yin chare, ma jumbꞌey chik xtichaqiꞌj ruchiꞌ, porque ri yaꞌ ri niyaꞌ yin kin ndubꞌen chare ri ránima achel jun alaxbꞌel yaꞌ apeꞌ ndichoxin pe ri yaꞌ. Y ri yaꞌ riꞌ ndukꞌuan chupan ri kꞌaslen ma ndikꞌis ta.

San Juan 5:24

Kin qetzij nibꞌij chiwa chi ri ndakꞌaxan ri tzij nibꞌij y ndutaqij ri taqayon pe wichin, kin kꞌo chik ri kꞌaslen ma ndikꞌis ta rikꞌin. Pa ruwiꞌ rijaꞌ ma ndiqaqa ta ri castigo nduyaꞌ ri Dios, xa kin kolotajneq chi pe chuwech ri kamik y qꞌaxneq chi apu chupan ri kꞌaslen ma ndikꞌis ta.

San Juan 6:27

Titijaꞌ iqꞌij, pero ma xe ta chin ndiwil ri rikil ri xa ndikꞌis. Titijaꞌ iqꞌij chin ndiwil ri rikil iway ri ndiyoꞌon chiwa ri kꞌaslen ma ndikꞌis ta. Y ri rikil wey riꞌ niyaꞌ chiwa riyin ri aj chikaj ri xinuꞌalex chiꞌikajal, roma ja yin ri chaꞌon roma ri Tataꞌaj Dios chin niyaꞌ chiwa.

San Juan 6:37

Konojel ri ngeruyaꞌ ri Nataꞌ Dios chuwa, ngepuꞌun y ndikiyaꞌ kánima wikꞌin, y riyin ma ngenwoqotaj ta e.

San Juan 6:47

Kin qetzij nibꞌij chiwa: Ri ngirutaqij, kin kꞌo ri kꞌaslen ma ndikꞌis ta rikꞌin.

San Juan 6:68

Ri Simón Pedro xubꞌij chare ri Jesús: Ajaw, ¿achike chik kꞌa jun utz chin ta xtiqoqaj? Porque awikꞌin rat pataneq ri tzij ri ndukꞌen pe kꞌaslen ma ndikꞌis ta.

Hechos 7:59

Y atoq ri wineq ndikikꞌeq ri Esteban chi abꞌej, rijaꞌ xubꞌij: Ajaw Jesús, takꞌamaꞌ apu ri wánima awikꞌin.

Romanos 5:17

Porque si rikꞌin ri mak ri xubꞌen ri Adán, roj qonojel xojok chuxeꞌ ruchuqꞌaꞌ ri kamik, kin más ndiqꞌalajin chi chupan ri kꞌakꞌakꞌ kꞌaslen xtiqabꞌen reinar roj ri yoꞌon chaqe ri nimalej ru-favor ri Dios y ri sipanik chi nixta jun qamak ndiqeqalej chuwech, y riꞌ roma ri xubꞌen ri Jesucristo pa qakꞌexel.

Romanos 5:2

Y roma qataqin ri Qajaw Jesucristo, xuyaꞌ qꞌij chaqe chi xojok chupan ri favor nduyaꞌ ri Dios, ri achoq chupan qꞌij-qꞌij kaw roj peꞌel y ngojkikot qoyobꞌen ri qꞌij atoq ndikꞌojeꞌ qaqꞌij chupan ri nimalej ruqꞌij ri Dios.

Romanos 5:21

Chin keriꞌ, achel ri mak xkꞌojeꞌ ruchuqꞌaꞌ pa kiwiꞌ ri wineq chin ngerukꞌuaj pa kamik, keriꞌ chuqaꞌ ri nimalej ru-favor ri Dios ndikꞌojeꞌ ruchuqꞌaꞌ pa kiwiꞌ ri wineq, y ndubꞌen chake chi nixta jun kimak ndikeqalej chin ngerukꞌuaj chupan ri kꞌaslen ma ndikꞌis ta roma ri xubꞌen ri Qajaw Jesucristo pa kikꞌexel.

Romanos 5:9

Romariꞌ, roj ri xbꞌan yan chaqe chi nixta jun qamak qeqalen chuwech ri Dios roma xbꞌiyin rukikꞌel ri Cristo qoma, kin más ndiqꞌalajin chi roma ri xubꞌen ri Cristo qoma, ngojkolotej chuqaꞌ chuwech ri castigo nduyaꞌ ri Dios chupan ri qꞌij atoq ndiqaqa royowal pa kiwiꞌ ri wineq.

Romanos 6:23

Porque ri tojik ndukꞌen pe ri mak, ja ri kamik, jakꞌa ri Dios ndusipaj ri kꞌaslen ma ndikꞌis ta, y riꞌ roma xe jun qabꞌanun rikꞌin ri Qajaw Cristo Jesús.

Romanos 8:1

Wokami, roj ri xe jun qabꞌanun rikꞌin ri Cristo Jesús, ma jun castigo ndiqaqa pa qawiꞌ.

Romanos 8:29

Porque rijaꞌ xe jampeꞌ pa nabꞌey kin retaman wi pe kiwech ri eruchaꞌon chin ngeꞌok loqꞌolej achel ri Rukꞌajol, chin keriꞌ ja ri Rukꞌajol ri nimalaꞌtz chikiwech ekꞌiy ruchaqꞌ.

Filipenses 1:6

Y kin kuqul nukꞌuꞌx chi ri utzulej samaj rutzꞌukun pe ri Dios pa iwánima, qꞌij-qꞌij ndajin rikꞌin, y ndutzꞌaqatisaj hasta chupan ri qꞌij atoq nduqaqa ri Cristo Jesús.

2 Tesalonicenses 2:13

Pero roj ndikꞌatzin chi jumul ngojmatioxin chare ri Dios iwoma rix hermanos, ri santienta rix ojowan roma ri Ajaw, porque xe jampeꞌ pa nabꞌey rix ruchaꞌon ri Dios chin nduyaꞌ kolotajik chiwa. Ngixrukal roma rusamaj ri Espíritu Santo ri ndubꞌen loqꞌolej chare ri ikꞌaslen y roma chuqaꞌ itaqin ri qetzij.

1 Timoteo 1:16

Pero maske santienta numak, ri Cristo Jesús xujoyowaj nuwech y xukuy numak. Y keriꞌ ndukusaj chi ejemplo ri nukꞌaslen chin ndukꞌut chikiwech ri wineq ri xketaqin richin, chi layaj eroyobꞌen chin ndikiyaꞌ kan ri kimak y ndikiyaꞌ kánima rikꞌin, chin keriꞌ nduyaꞌ ri kꞌaslen ma ndikꞌis ta chake.

2 Timoteo 1:12

Romariꞌ niqꞌasaj kꞌayew waweꞌ pa cheꞌ, pero ma ngikꞌix ta yinkꞌo chireꞌ, porque kin wetaman ri utzulej runoꞌoj ri achoq ikꞌin nukuqubꞌan nukꞌuꞌx y kin kuqul nukꞌuꞌx chi rijaꞌ kꞌo ruchuqꞌaꞌ chin nduchajij ri ruyoꞌon chuwa hasta kꞌa nduqaqa na ri qꞌij atoq nditzolij pe.

Hebreos 7:25

Romariꞌ, nditiker ngerukal chin jumul ri ngetaqin richin chin ngebꞌeqaqa rikꞌin ri Dios, porque jumul kꞌo rukꞌaslen chin ndukꞌutuj ru-favor ri Dios pa kiwiꞌ.

1 Pedro 1:5

Y roma kuqul ikꞌuꞌx rikꞌin ri Dios, rijaꞌ ngixruchajij rikꞌin ri nimalej ruchuqꞌaꞌ, chin keriꞌ ndiwil ri kolotajik ri runabꞌan chik chin nduqꞌalajrisaj chupan ri rukꞌisibꞌel teq qꞌij.

1 Juan 1:2

Ri Jun ri ndiyoꞌon kꞌaslen, xuruqꞌalajrisaj riꞌ chochꞌulew y roj rikꞌin qawech xqatzꞌet, y ndiqatzijoj chi qetzij porque xqatzꞌet. Y ri kꞌaslen nduyaꞌ rijaꞌ, ja ri kꞌaslen ma ndikꞌis ta. Y ri ndiyoꞌon ri kꞌaslen riꞌ, kin xixkꞌo wi rikꞌin ri Tataꞌaj Dios, y xuruqꞌalajrisaj riꞌ chiqawech.

1 Juan 2:19

Rejeꞌ chiqakajal roj xeꞌel e, pero ma eqachibꞌil ta, porque xa ta eqachibꞌil, xekꞌojeꞌ ta jumul chiqakajal. Pero xeꞌel e chiqakajal, chin xqꞌalajin chi ma konojel ta eqachibꞌil.

1 Juan 2:25

Y si jumul xe jun qabꞌanun rikꞌin, kin qichin wi ri kꞌaslen ma ndikꞌis ta ri rusujun kan rijaꞌ chaqe.

1 Juan 5:11

Y jareꞌ ri ruqꞌalajrisan ri Dios chiqawech: Ruyoꞌon ri kꞌaslen ma ndikꞌis ta chaqe, y ri kꞌaslen riꞌ yoꞌon chaqe roma xe jun qabꞌanun rikꞌin ri Rukꞌajol.

Judas 1:1

Riyin Judas, rusamajel ri Jesucristo y qachaqꞌ-qanimal qiꞌ rikꞌin ri Santiago, niteq e ruxunaqil iwech rix ri rix oyon roma ri Tataꞌaj Dios ri kin ngixrajoꞌ, y rix chajin chuqaꞌ chin ngixjach chare ri Jesucristo atoq nduqaqa chik.

Judas 1:21

Ma tiwelesaj e iwiꞌ chuxeꞌ rajowabꞌel ri Dios, y tiwoyobꞌej apu ri rujoyowaxik iwech ndubꞌen ri Qajaw Jesucristo chin nduyaꞌ ri kꞌaslen ma ndikꞌis ta chiwa.

Judas 1:24

Kin nimalej ruqꞌij ri Dios ri nditiker ngixruchajij chin ma ngixtzaq pa mak, y nditiker chuqaꞌ ndubꞌen chiwa chi chꞌajchꞌaj ikꞌaslen ngixbꞌekꞌojeꞌ chuwech rijaꞌ ri kin nimalej ruqꞌij, apeꞌ santienta ngixbꞌekikot.