San Juan 1:29 - Kaqchikel Santo Domingo (Xenacoj)

²⁹ Chukan qꞌij, ri Juan xutzꞌet chi ri Jesús tzalan apu apeꞌ kꞌo rijaꞌ, y xubꞌij: ¡Titzꞌetaꞌ kꞌa, chiwech rix kꞌo ri Alaj Karneꞌl taqon pe roma ri Dios chin ndirelesaj ri mak keqalen konojel wineq!

Tuilleadh tionndaidhean

Kaqchikel Santa Maria de Jesus

²⁹ Chucaꞌn kꞌij, antok ri Juan el Bautista xutzꞌat chi ri Jesús choj patanak riqꞌuin, xuꞌej: Ja-la ri Alaj Oveja ri takuon-pa ruma ri Dios, chi nralasaj qui-pecados ri vinak ri icꞌo choch-ulief.

Kaqchiquel Bible

²⁹ Pa ruka'n q'ij, ri Juan xutz'et chi choj peteneq ri Jesús k'a rik'in rija', y jari' toq xubij chike ri winaqi' ri ek'o chiri': Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel.

Kaqchikel Central Guatemala

²⁹ Pa ruca'n k'ij tok ri Juan ri Bautista xutz'et chi choj petenek ri Jesús c'a riq'uin, xubij: Jare' xoka' ri achi'el Alaj Carne'l ri takon-pe roma ri Dios, richin chi nrelesaj ri quimac ri vinek ri ec'o chuvech re ruvach'ulef.

Re C'ac'a Testamento pa Kach'abal

²⁹ Y pa ruca'n k'ij tak re Juan Bautista xutz'at che choj pitinak re Jesús riq'uin, xubij: Ja xbeka re ache re nibex ru-Cordero re Dios cha. Reja' takom-pa roma re Dios, chin nulisaj quimac re vinak re jec'o chach re ruch'ulef.

Kaqchikel Western Solola

²⁹ Pa ruca'n k'ij tek ri Juan ri Bautista xutz'et chi petenak ri Jesús c'a riq'ui riya', xubij: Yare' xoka ri achi'el Alaj Carne'l ri takon pe ruma ri Dios, riche (rixin) chi nrelesaj quimac ri winek ri yec'o chuwech re ruwach'ulef.

San Juan 1:29 Iomraidhean Croise

San Mateo 1:21

Y jun chꞌuti ral alaꞌ xtalex, y Jesús ndabꞌen chare ri rubꞌiꞌ, porque rijaꞌ ngerukal ri aj rutinamit chuwech ri kimak.

San Mateo 20:28

Achel riyin ri aj chikaj ri xinuꞌalex chiꞌikajal, ma chin ta nginilix xinuqaqa. Riyin xinuqaqa chin ngenwilij ri wineq, y niyaꞌ nukꞌaslen pa kikꞌexel ekꞌiy chin ngekolotej.

San Juan 1:35

Chukan qꞌij, ekꞌo chik chiriꞌ jumbꞌey ri Juan y ekaꞌiꞌ ru-discípulos.

San Juan 1:36

Atoq ri Juan xutzꞌet chi ri Jesús ndeqꞌax chiriꞌ, xubꞌij: Titzꞌetaꞌ kꞌa, ja laꞌ ri Alaj Karneꞌl taqon pe roma ri Dios.

San Juan 1:43

Chukan qꞌij, ri Jesús xubꞌen ruwech ndibꞌa pa rochꞌulew Galilea, y xukꞌul jun achi rubꞌiniꞌan Felipe, ri achoq chare xubꞌij: Kanawoqaj.

San Juan 2:1

Atoq qꞌaxneq chik oxiꞌ qꞌij, kꞌo jun kꞌulubꞌik xbꞌanatej pa tinamit Caná chiriꞌ pa rochꞌulew Galilea. Ri ruteꞌ ri Jesús kꞌo apu ri pa kꞌulubꞌik.

San Juan 3:16

Porque ri Dios santienta xerajoꞌ ri wineq, y romariꞌ xuteq pe ri junayon Rukꞌajol chochꞌulew, chin keriꞌ xa achike na wineq ri xtitaqin chi ja rijaꞌ ri rukolonel, ma ndibꞌa ta chupan ri kamik, xa kin ndiril ri kꞌaslen ma ndikꞌis ta.

San Juan 4:42

Y ndikibꞌilaꞌ chare ri ixaq: Wokami roj qetaman chi ja rijaꞌ ri Kolonel kichin ri wineq chochꞌulew y ndiqataqij roma xqakꞌaxaj ri ndubꞌij rijaꞌ, y ma xe ta roma ri xabꞌij rat chaqe, xechajeꞌ.

San Juan 6:51

Ja riyin ri kꞌaslik kaxlan wey ri qajneq pe chikaj. Ri ndikꞌuxu re kaxlan wey reꞌ, ndikꞌojeꞌ rukꞌaslen chin jumul. Y ri kaxlan wey ri nibꞌij chiwa, ja ri nu-cuerpo, ri nijech pa kamik chin ndukꞌen pe kꞌaslen ma ndikꞌis ta chake ri wineq.

Hechos 13:39

Wokami xa achike na jun ri ndutaqij ri Jesús, ri Dios ndubꞌen chare chi nixta jun rumak ndireqalej.

Hechos 8:32

Ri rutzij ri Dios ri ndubꞌen leer, jareꞌ: Achel jun karneꞌl ndukꞌuꞌex apeꞌ ndikamisex, keriꞌ xbꞌan chare. Y achel jun alaj karneꞌl ma ndiqꞌajan ta chikiwech ri ngeqꞌaton rusmal, Keriꞌ xubꞌen rijaꞌ, nixta jun tzij xubꞌij chin ta xutoꞌ riꞌ.

1 Corintios 15:3

Y achel ri xqꞌalajrisex chinuwech, kin jariꞌ ri xinbꞌij kan chiwa, y ri rukꞌuꞌx ri xinbꞌij kan chiwa jareꞌ: Ri Cristo xken roma ri qamak, achel ndubꞌij ri rutzij ri Dios tzꞌibꞌan kan,

2 Corintios 5:21

Nixta jun rumak xubꞌen ri Cristo, pero qoma roj ri Dios xubꞌen chare chi ja rijaꞌ xeqalen ri qamak, chin keriꞌ roj ri xe jun qabꞌanun rikꞌin ri Cristo, nojel ri qamak eqabꞌanaloꞌon ma ndiqeqalej chi ta chuwech.

Gálatas 1:4

Ri Ajaw Jesucristo xujech riꞌ pa kamik roma ri qamak chin xojrukal pa ruqꞌaꞌ ri itzel teq rayinik ekꞌo chochꞌulew wokami. Keriꞌ xubꞌen porque jariꞌ rurayibꞌel ri Qatataꞌ Dios.

Gálatas 3:13

Ri Cristo xojrulaqꞌ atoq kꞌa rojkꞌo pa ruqꞌaꞌ ri castigo ruqꞌaton ri ley pa qawiꞌ, roma ja rijaꞌ xkꞌojeꞌ chuxeꞌ ri castigo riꞌ pa qakꞌexel roj ri roj aj mak. Kin qꞌalej chi xkꞌojeꞌ chuxeꞌ ri castigo porque chupan ri rutzij ri Dios tzꞌibꞌan kan ndubꞌij: Xa achike na jun ri nditzeqebꞌex chuwech jun cheꞌ, ri castigo ri nduyaꞌ ri Dios kin qꞌalej chi qajneq pa ruwiꞌ.

1 Timoteo 2:6

Rijaꞌ xuyaꞌ ri rukꞌaslen pa kamik chin xutaj ri qamak roj qonojel wineq, y ri kamik riꞌ ndukꞌut chi xuqaqa ri tiempo ri rubꞌanun pe ruwech ri Dios chin xuqꞌalajrisaj chi ri rurayibꞌel ja ri ngekolotej ri wineq.

Tito 2:14

Rijaꞌ kin xujech riꞌ pa kamik qoma chin xojrelesaj pa ruqꞌaꞌ nojel ruwech mak ri tzꞌamayon qichin. Xuchꞌajchꞌojrisaj chuqaꞌ ri qakꞌaslen chin keriꞌ xojok jun tinamit ri kin richin wi rijaꞌ, jun tinamit ri ndibꞌa qánima chubꞌanik ri utz.

Hebreos 1:3

Rikꞌin ri Rukꞌajol ndiqꞌalajin ri nimalej ruqꞌij ri Dios, y rikꞌin rijaꞌ nditzꞌetetej achike qitz runoꞌoj ri Dios. Ja ri ruchuqꞌaꞌ ri rutzij ri Rukꞌajol tzꞌamayon kichin nojel ri achike ekꞌo, chin keriꞌ ekꞌo pa kikꞌojlibꞌel y ma ngebꞌojbꞌoꞌ ta. Y atoq ri Rukꞌajol xuqꞌasaj yan ri kamik chin ndichꞌajchꞌojir ri qakꞌaslen roj wineq chuwech ri mak, xbꞌetzꞌuyeꞌ e chikaj pa rikiqꞌaꞌ ri nimalej Rey Dios.

Hebreos 2:17

Y chin xtiker xubꞌen keriꞌ, xkꞌatzin chi xuꞌok wineq achel ri wineq ri ngerukal e, chin xok ri más nimalej ruqꞌij Sacerdote ri ndujoyowaj kiwech ri wineq ri ngeꞌok ruchaqꞌ, y kin jumul wi ndubꞌen rusamaj ri Dios pa ruchojmil, chin keriꞌ roma ri kamik xuqꞌasaj, ndikuyutej kimak ri wineq chuwech ri Dios.

Hebreos 9:28

keriꞌ chuqaꞌ ri Cristo, xe jumbꞌey xkꞌatzin xusuj rukꞌaslen pa kamik chin xkuyutej kimak santienta wineq. Y nduruqꞌalajrisaj chik riꞌ, pero ma chin chi ta ndukuy kimak wineq, xa kin chin ngeturukꞌamaꞌ ri nojel kánima koyobꞌen chi ngerukal.

1 Pedro 1:19

Rix xixloqꞌ rikꞌin ri nimalej reqalen rukikꞌel ri Cristo ri xsuj chuwech ri Dios, achel ndisuj rukikꞌel jun alaj karneꞌl tzꞌaqet ruqꞌa-raqen y jabꞌel chꞌajchꞌaj.

1 Pedro 2:24

Ri Cristo xreqalej ri qamak pa ru-cuerpo cho cruz, chin keriꞌ ngojken chuwech ri qamak y ndiqakꞌuaj jun chojmilej kꞌaslen. Ri Cristo xsokotej chin keriꞌ roj xojkꞌachꞌojrisex.

1 Pedro 3:18

Tikꞌuxlaꞌaj chi ri Cristo xe jumbꞌey xkꞌatzin xken chin xutaj ri qamak. Rijaꞌ nixta jun mak rubꞌanun, y xuqꞌasaj kꞌayew qoma roj ri roj aj mak, chin xujeq bꞌey chiqawech chin kꞌo cheꞌel ngojok rikꞌin ri Dios. Ri aj rochꞌulew ru-cuerpo ri Cristo xken, pero ri ru-espíritu kin kꞌes wi.

1 Juan 2:2

Rijaꞌ xujech rukꞌaslen pa kamik pa qakꞌexel chin xkꞌis royowal ri Dios pa qawiꞌ roma ri qamak, y ma xe ta roma ri qamak roj, xa kin roma chuqaꞌ kimak konojel wineq chochꞌulew.

1 Juan 3:5

Rix iwetaman chi ri Jesucristo xuqaqa chochꞌulew chin xurelesaj ri mak qeqalen, pero rijaꞌ nixta jun rumak.

1 Juan 4:10

Ri rukꞌuꞌx ri ajowabꞌel jareꞌ: Ri Dios xojrajoꞌ nabꞌey, y ma ja ta roj ri xojojowan richin rijaꞌ. Y roma xojrajoꞌ, xuteq pe ri Rukꞌajol chin xujech rukꞌaslen pa kamik pa qakꞌexel, chin xkꞌis royowal ri Dios ri yakatajneq pa qawiꞌ roma ri qamak.

Apocalipsis 1:5

Keriꞌ chuqaꞌ ri Ajaw Jesucristo ri ma jumbꞌey rujalon ruwech ri ruqꞌalajrisan, kin ta xtuyaꞌ ru-favor pa iwiꞌ y xtuyaꞌ chuqaꞌ uxlanen pa iwánima. Ja rijaꞌ ri nabꞌey xkꞌastej pe chikikajal ri animaꞌiꞌ y ma ndiken chi ta. Ja rijaꞌ ri nimalej Ajaw pa kiwiꞌ konojel reyes chochꞌulew. Rijaꞌ ngojrajoꞌ y xojrukal chuwech ri qamak rikꞌin ri rukikꞌel.

Apocalipsis 12:11

Y ri qa-hermanos riꞌ xetiker chirij ri itzel, Roma rukikꞌel ri Alaj Karneꞌl Y roma chuqaꞌ xkiyaꞌ rutzijol chi kitaqin rijaꞌ. Ma xkipoqonaj ta ri kikꞌaslen, maske xekamisex.

Apocalipsis 13:8

Ri ngeyoꞌon ruqꞌij ri itzel chikap, ja ri wineq ri ekꞌo chochꞌulew ri xe jampeꞌ pa nabꞌey atoq kꞌajani titzꞌukutej pe ri rochꞌulew ma tzꞌibꞌan ta kibꞌiꞌ chupan ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen ma ndikꞌis ta chake. Ri wuj riꞌ chin ri Alaj Karneꞌl ri altíra sokotajneq roma ri kamik xuqꞌasaj.

Apocalipsis 14:1

Atoq xitzuꞌun chi apu, kꞌateꞌ ruwech xintzꞌet ri Karneꞌl peꞌel pariꞌ ri juyuꞌ rubꞌiniꞌan Sión, y rikꞌin rijaꞌ ekꞌo 144 mil wineq ri tzꞌibꞌan ri rubꞌiꞌ ri Alaj Karneꞌl y ri rubꞌiꞌ ri Rutataꞌ Dios pa runikꞌajal kiwech.

Apocalipsis 14:10

ri wineq riꞌ kin xtutij nojel ruchuqꞌaꞌ ri castigo nduyaꞌ ri Dios, castigo ri kꞌo chupan ri copa chin ri royowal. Ndiyoꞌox kꞌayew chare pa qꞌaqꞌ ri ndiraqa rikꞌin azufre, y chikiwech ri loqꞌolej ángeles y chuwech ri Alaj Karneꞌl ndibꞌan wi.

Apocalipsis 14:4

Jareꞌ ri ma xekꞌojeꞌ ta kikꞌin ixoqiꞌ y kin chꞌajchꞌaj wi ri kikꞌaslen. Rejeꞌ ndikoqaj ri Alaj Karneꞌl apejeꞌ na ndibꞌa wi. Xeloqꞌ wi pe chikikajal ri wineq chochꞌulew, y eꞌachel ri nabꞌey teq ruwech tikoꞌ ndisuj chare ri Dios y chare ri Alaj Karneꞌl.

Apocalipsis 15:3

Y ndikibꞌixaj ri bꞌix ri xubꞌixaj ri Moisés rusamajel ri Dios y ri bꞌix chin ndiyoꞌox ruqꞌij ri Alaj Karneꞌl, y kereꞌ ndikibꞌij: Ajaw Dios, pa aqꞌaꞌ rat kꞌo nojel uchuqꞌaꞌ. Ndisach qakꞌuꞌx roma ri nimalej teq asamaj abꞌanun, Kin qetzij y chojmilej wi ri ngaꞌabꞌanalaꞌ. Ja rat ri Rey pa kiwiꞌ ri wineq jalajaj kirochꞌulew.

Apocalipsis 17:14

Y ndikibꞌen guerra chare ri Alaj Karneꞌl, pero ri Alaj Karneꞌl nditiker pa kiqꞌaꞌ, porque rijaꞌ Rey pa kiwiꞌ konojel reyes y Ajaw pa kiwiꞌ konojel ajaw. Y ri ekꞌo rikꞌin ri Alaj Karneꞌl, jariꞌ ri eꞌoyon, echaꞌon y ma jumbꞌey kiyoꞌon kan rijaꞌ.

Apocalipsis 19:7

Y qojkikot, Tiqabꞌanaꞌ nimaqꞌij y tiqayaꞌ ruqꞌij ri Dios, Porque ja xuqaqa ri qꞌij Chin ndikꞌuleꞌ ri Alaj Karneꞌl, Y ri xten ri ndok rixjayil rubꞌanun chik rukꞌojlen riꞌ.

Apocalipsis 19:9

Y kereꞌ xubꞌij ri ángel chuwa: Tatzꞌibꞌaj reꞌ: ¡Kin jabꞌel rokiqꞌij ri xeꞌoyox chin ngewaꞌ chupan ri nimaqꞌij chin rukꞌulubꞌik ri Alaj Karneꞌl! Y xubꞌij chuqaꞌ chuwa: Re tzij re xinbꞌij chawa kin eqetzij wi, porque erutzij ri Dios.

Apocalipsis 21:14

Ruxeꞌel ri xan chin ri tinamit kabꞌlajuj abꞌej okuneq, y chikij chikijununal ri abꞌej, tzꞌibꞌan jun bꞌiꞌaj kichin ri kabꞌlajuj ru-apóstoles ri Alaj Karneꞌl.

Apocalipsis 21:27

Pero ri wineq ri ngekibꞌanalaꞌ seqꞌ teq achike, ma jumbꞌey xkeꞌok chupan ri tinamit riꞌ, nixta ri wineq ri ngebꞌanun chi ndimulu rukꞌuꞌx ri Dios, nixta ri ereqꞌóta. Xa kin xe ngeꞌok chiriꞌ ri kꞌo kibꞌiꞌ chupan ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen ma ndikꞌis ta chake. Ri wuj riꞌ chin ri Alaj Karneꞌl.

Apocalipsis 21:9

Y ri apeꞌ yinkꞌo, xjel pe jun chikiwech ri wuquꞌ ángeles ri xeqꞌijo ri wuquꞌ rukꞌisibꞌel teq kꞌayew pa ruwiꞌ ri rochꞌulew, kꞌayew ri ekikꞌuan pa teq copas, y ri ángel riꞌ xubꞌij chuwa: ¡Katámpe! Nikꞌut chawech ri xten ndok rixjayil ri Alaj Karneꞌl.

Apocalipsis 5:6

Y atoq xitzuꞌun apu apeꞌ kꞌo ri trono, pa kinikꞌajal ri kajiꞌ kꞌo kikꞌaslen y ri 24 rijilej teq achiꞌaꞌ, xintzꞌet jun Alaj Karneꞌl peꞌel apu chiriꞌ, y ndiqꞌalajin chi altíra sokotajneq roma ri kamik xuqꞌasaj. Xintzꞌet chi kꞌo wuquꞌ rukꞌaꞌ y wuquꞌ runaqꞌ teq ruwech, y riꞌ ja ri wuquꞌ teq espíritu chin ri Dios etaqon chuwech nojel ri rochꞌulew.

Apocalipsis 5:8

Y atoq xukꞌen apu ri bꞌoton wuj, ri kajiꞌ kꞌo kikꞌaslen y ri 24 rijilej teq achiꞌaꞌ, xexukeꞌ y xelukeꞌ chuwech ri Alaj Karneꞌl. Chikijununal kikꞌuan jujun arpa y jujun mixixára bꞌanun chare qꞌanapueq ri enojneq rikꞌin pon. Ri pon riꞌ, ja ri ki-oraciones ri loqꞌolej rutinamit ri Dios.

Apocalipsis 6:1

Riyin xintzꞌet atoq ri Alaj Karneꞌl xuraqꞌachꞌij ri nabꞌey chikiwech ri wuquꞌ sellos tzꞌamayon richin ri bꞌoton wuj, y jun chikikajal ri kajiꞌ kꞌo kikꞌaslen, xinwakꞌaxaj chi xchꞌaꞌa, y rikꞌin ruchꞌabꞌel achel rayo xubꞌij: ¡Katámpe!

Apocalipsis 6:16

Y kereꞌ ndikibꞌij chake ri nimaꞌq teq abꞌej y ri juyuꞌ: Kixtzaq pe chiqij y qojiwewaj chuwech ri Dios ri tzꞌuyul pa ru-trono y chuwech ri nimalej royowal ri Alaj Karneꞌl.

Apocalipsis 7:14

Y riyin xinbꞌij chare: Táta, rat etamayon. Y rijaꞌ xubꞌij chuwa: Rejeꞌ ja ri eꞌeleneq pe chupan ri nimalej kꞌayew y kichꞌajchꞌojrisan pe kiꞌ chupan rukikꞌel ri Alaj Karneꞌl, achel ndubꞌen jun ri nduchꞌej rutziaq y kin puchupuj ndubꞌen chare.

Apocalipsis 7:17

Porque ja ri Alaj Karneꞌl ri kꞌo apu apeꞌ kꞌo ri trono Ri ndiyuqꞌun kichin Y kin xkerukꞌuaj apeꞌ ndalex pe ri yaꞌ ri ndiyoꞌon kꞌaslen ma ndikꞌis ta, Y ja ri Dios ri ndisuꞌun e ri ruyiꞌal teq kiwech ri koqꞌej rejeꞌ.