San Juan 1:14 - Kaqchikel Santo Domingo (Xenacoj)

¹⁴ Ri Jun ri ndiqꞌalajrisan runoꞌoj ri Dios xuqaqa chochꞌulew, xkꞌojeꞌ jun ru-cuerpo achel qa-cuerpo roj wineq y rijaꞌ xkꞌojeꞌ chiqakajal. Roj xqatzꞌet ri nimalej ruqꞌij ri kin chin wi ri junayon Rukꞌajol ri Tataꞌaj Dios ri nojneq ránima rikꞌin ri qetzij y rikꞌin ri ru-favor ri Dios.

Tuilleadh tionndaidhean

Kaqchikel Santa Maria de Jesus

¹⁴ Y ri Chꞌabꞌal xalka choch-ulief y xuoc vinak incheꞌl ojreꞌ. Jajaꞌ xcꞌujieꞌ chikacajol y xkatzꞌat chi joꞌc jajaꞌ ri Rucꞌajuol ri Dios, ruma can xkatzꞌat ri namalaj ru-gloria. Y jajaꞌ nojnak riqꞌuin ri ketzij y nojnak riqꞌuin ri ru-favor ri Dios.

Kaqchiquel Bible

¹⁴ Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

Kaqchikel Central Guatemala

¹⁴ Y ri Cristo ri Ch'abel xoka' c'a chuvech re ruvach'ulef y can xoc c'a chuka' achi'el roj vinek. Y can xkatz'et c'a chi xaxe vi rija' ri Ruc'ajol ri Dios, roma can c'o ruk'ij-ruc'ojlen. Y can nojinek c'a riq'uin ri kitzij y janíla chuka' ri rutzil.

Re C'ac'a Testamento pa Kach'abal

¹⁴ Y re Cristo re Ch'abal re nisekresan chin re Dios, xbeka chach re ruch'ulef y can xoc chuka' ancha'l yoj re yoj vinak. Y xkatz'at che can xe-va reja' re Ruc'ajol re Dios, roma c'o ruk'ij y camas otz runa'oj kaq'uin y can xe-va re katzij ch'abal c'o riq'uin.

Kaqchikel Western Solola

¹⁴ Y ri Ch'abel, ya ri Cristo, ri xoka c'a chuwech re ruwach'ulef y can xoc c'a winek achi'el riyoj. Y can xkatz'et c'a chi xaxu (xaxe) wi Riya' ri Ruc'ajol ri Dios, ruma can xkatz'et chi c'o ruk'ij ruc'ojlen. Y Riya' can nojnek c'a riq'ui utzil y chuka' riq'ui ri kitzij.

San Juan 1:14 Iomraidhean Croise

San Mateo 1:16

Ri Jacob xralkꞌualaj ri José ri xok rachijil ri María, ri achoq chuqꞌaꞌ xalex ri Jesús. Y ri Jesús jariꞌ ri Jun taqon pe roma ri Dios chukolik ri rutinamit.

San Lucas 2:11

Porque chupan re qꞌij reꞌ, pa rutinamit ri rey David, xalex jun Kolonel, y riꞌ ja ri Ajaw ri taqon pe roma ri Dios chukolik ri rutinamit.

San Lucas 2:7

Y roma maneq chik apeꞌ ngekꞌojeꞌ chupan ri posada, ri José y ri María xekꞌojeꞌ pa jun jay bꞌanun chin ngekꞌojeꞌ awej chupan, y chiriꞌ xalex ri nabꞌey ral ri María, jun chꞌuti alaꞌ, y xubꞌatz pa ruchiꞌ teq kꞌul y xulibꞌaꞌ pa jun kiwayibꞌal awej.

San Lucas 9:32

Ri Pedro y ri erachibꞌilan tzꞌan kiwaran, pero atoq xtzoropitej pe kiwech, xkitzꞌet ri nimalej ruqꞌij ri Jesús y ri ekaꞌiꞌ ngetzijon rikꞌin.

San Juan 1:1

Atoq xtzꞌukutej pe nojel, kin xixkꞌo wi ri Jun ri ndiqꞌalajrisan runoꞌoj ri Dios, y ri Jun riꞌ kin kꞌo wi rikꞌin ri Dios y kin Dios wi chuqaꞌ.

San Juan 11:40

Pero ri Jesús xubꞌij chare ri Marta: ¿Ma nubꞌiꞌin ta kꞌa chawa si ngataqin, kin ndatzꞌet ri nimalej ruqꞌij ri Dios?

San Juan 14:6

Y ri Jesús xubꞌij: Ja riyin ri bꞌey, ja riyin ri qetzij y ja riyin ri kꞌaslen, nixta jun nditiker ndeqaqa apeꞌ kꞌo ri Tataꞌaj Dios, si ma ngirutaqij ta riyin.

San Juan 14:9

Y ri Jesús xubꞌij: Felipe, riyin santienta chik qꞌij kikꞌojeꞌ iwikꞌin, ¿y kꞌajani tawetamaj achike riyin? Ri yin rutzꞌeton riyin, rutzꞌeton chuqaꞌ ruwech ri Tataꞌaj Dios. ¿Achike roma ndabꞌij chi ndawojoꞌ nikꞌut ri Tataꞌaj Dios chiwech?

San Juan 17:22

Kin achel ri abꞌanun chuwa yin chi kin kꞌo nuqꞌij, keriꞌ chuqaꞌ nubꞌanun chake rejeꞌ, chin keriꞌ jun kánima ndikibꞌen, achel roj jun qánima qabꞌanun.

San Juan 17:24

Nataꞌ, ri eꞌayoꞌon chuwa, niwojoꞌ chi ngekꞌojeꞌ apeꞌ ngikꞌojeꞌ riyin, chin ndikitzꞌet ri nimalej nuqꞌij ayoꞌon, porque yin awojowan pe xe jampeꞌ kꞌajani tibꞌan ri rochꞌulew.

San Juan 18:37

Romariꞌ ri Pilato kereꞌ xukꞌutuj razón chare: ¿Rat ndabꞌij chi rat rey? Y ri Jesús xubꞌij: Ja rat ri ngabꞌiꞌin chi yin rey. Riyin chin wi reꞌ xinuqaqa y xinuꞌalex chochꞌulew, chin nitzijoj ri qetzij chikiwech ri wineq. Konojel ri ndikajoꞌ ndikibꞌen ri qetzij, ndikibꞌen ri ndubꞌij ri nutzij.

San Juan 2:11

Jariꞌ ri nabꞌey retal ruchuqꞌaꞌ ri Dios xubꞌen ri Jesús, y xbꞌanatej pa tinamit Caná chin ri rochꞌulew Galilea. Y re jun etal ruchuqꞌaꞌ ri Dios reꞌ xukꞌut chi rijaꞌ kin kꞌo ruqꞌij, y ri ru-discípulos más xkikuqubꞌaꞌ kikꞌuꞌx rikꞌin ri Jesús.

San Juan 3:16

Porque ri Dios santienta xerajoꞌ ri wineq, y romariꞌ xuteq pe ri junayon Rukꞌajol chochꞌulew, chin keriꞌ xa achike na wineq ri xtitaqin chi ja rijaꞌ ri rukolonel, ma ndibꞌa ta chupan ri kamik, xa kin ndiril ri kꞌaslen ma ndikꞌis ta.

San Juan 3:18

Ri castigo ri nduyaꞌ ri Dios ma ndiqaqa ta pa ruwiꞌ jun wineq ri xtutaqij chi ja ri Rukꞌajol ri Dios ri rukolonel, pero ri ma xtutaqij ta, kin kꞌo chik ri castigo pa ruwiꞌ, porque ma rutaqin ta chi rukolonel ri junayon Rukꞌajol ri Dios.

San Juan 6:51

Ja riyin ri kꞌaslik kaxlan wey ri qajneq pe chikaj. Ri ndikꞌuxu re kaxlan wey reꞌ, ndikꞌojeꞌ rukꞌaslen chin jumul. Y ri kaxlan wey ri nibꞌij chiwa, ja ri nu-cuerpo, ri nijech pa kamik chin ndukꞌen pe kꞌaslen ma ndikꞌis ta chake ri wineq.

San Juan 8:32

Y keriꞌ ndiwetamaj achike ri qetzij, y ri qetzij ndubꞌen chiwa chi ngixel libre.

Hechos 13:33

y ja pa qakꞌaslen roj ri kiy-kimam kan rejeꞌ ndibꞌanatej, porque xukꞌastajbꞌaꞌ pe ri Jesús chikikajal ri animaꞌiꞌ, achel tzꞌibꞌan kan chupan ri rukan salmo, ri ndubꞌij: Ja rat ri Nukꞌajol, y wokami niqꞌalajrisaj chi jumul wi rat Nukꞌajol. Keriꞌ tzꞌibꞌan kan.

Romanos 8:3

Porque rikꞌin ri xqatij qaqꞌij chin xqabꞌen ri ndubꞌij ri ley ruyoꞌon pe ri Dios, ma xkꞌis ta ruchuqꞌaꞌ ri mak, porque nixta jun wineq nditiker ndubꞌen nojel ri ndubꞌij ri ley, pero ri Dios chin xojrukal xuteq pe ri Rukꞌajol chochꞌulew y xuyaꞌ jun cuerpo chare achel qa-cuerpo roj wineq ri roj aj mak, pero rijaꞌ kin ma aj mak ta, y ri Dios xujech pa kamik chutojik ri qamak y keriꞌ xukꞌis ruchuqꞌaꞌ ri mak.

Romanos 9:5

Rejeꞌ ekiy-kimam kan ri Abraham, ri Isaac y ri Jacob, y chikikajal xuꞌalex ri Jun ri xtaq pe roma ri Dios chukolik ri rutinamit. Riꞌ ja ri Jesucristo ri kin Dios wi pa ruwiꞌ nojel. ¡Kin ta jumul xtiyoꞌox ruqꞌij! Amén.

1 Corintios 15:47

Ri nabꞌey achi Adán, rikꞌin ulew xbꞌan, romariꞌ kin aj rochꞌulew. Pero ri rukan Adán, kin aj chikaj, y riꞌ ja ri Jesucristo.

2 Corintios 12:9

Pero ri Ajaw rubꞌiꞌin chuwa: Kelaꞌ na tubꞌanaꞌ ri akꞌaslen. Maske maneq ok awuchuqꞌaꞌ, xa kin kꞌo ri nu-favor pa awiꞌ. Keriꞌ nibꞌij chawa porque ri wuchuqꞌaꞌ ndiqꞌalajin pa kikꞌaslen ri maneq ok kuchuqꞌaꞌ, xchajeꞌ. Romariꞌ, si niyaꞌ jubꞌaꞌ nuqꞌij, niyaꞌ nuqꞌij rikꞌin ri nuqꞌasan pa nukꞌaslen ri ngekꞌutu chi xa yin relik wineq y maneq ok wuchuqꞌaꞌ, chin keriꞌ nditzꞌetetej ruchuqꞌaꞌ ri Cristo pa nukꞌaslen.

Gálatas 4:4

Pero atoq xuqaqa ri tiempo ri rubꞌanun pe ruwech ri Dios, rijaꞌ xuteq pe ri Rukꞌajol chin xuꞌalex chochꞌulew chiruqꞌaꞌ jun xten, y xukꞌojeꞌ chuxeꞌ ruchuqꞌaꞌ ri ley ri xyoꞌox chare ri Moisés,

Efesios 3:8

Y riyin maske maneq ok weqalen ke chuwech ri más maneq ok ruqꞌij chikikajal ri loqꞌolej rutinamit rijaꞌ, chuwa riyin yoꞌon ri favor chi nitzijoj chake ri ma israelitas ta ri utzulej teq tzij chin kolotajik ri kin jun bꞌeyomal rukꞌamon pe ri Cristo, jun bꞌeyomal ri ma ngojtiker ta ndiqakꞌoxomaj janipeꞌ reqalen.

Colosenses 1:19

Kin xqaꞌ chuwech ri Tataꞌaj Dios chi ri Cristo qitz achel rijaꞌ. Romariꞌ ri Cristo kin Dios wi.

Colosenses 2:3

Porque rikꞌin ri Cristo ndilitej nojel utzulej nojibꞌel y etamabꞌel chin ri Dios, ri kin jun nimalej bꞌeyomal.

Colosenses 2:9

Porque nojel ri qitz méra ri Dios nditzꞌetetej pa ru-cuerpo ri Cristo, roma rijaꞌ kin Dios wi.

1 Timoteo 3:16

Y kin qetzij chi santienta reqalen ri qataqin, ri ewan pe rubꞌeyal ojer kan, pero wokami qꞌalajrisan chiqawech roma ri Dios pa ruwiꞌ ri Cristo. Y jareꞌ ri rukꞌuꞌx: Ri Cristo xqꞌalajrisex chiqawech rikꞌin jun cuerpo achel qa-cuerpo roj wineq. Xqꞌalajrisex chiqawech roma ri Espíritu Santo chi kin chojmilej ri rukꞌaslen. Xtzꞌetetej koma ángeles. Xyoꞌox utzulej rutzijol chake ri ma israelitas ta, Xtaqix koma wineq chochꞌulew, Xukꞌuꞌex e y xkꞌan ruwech chikaj rikꞌin nimalej ruqꞌij.

Hebreos 1:3

Rikꞌin ri Rukꞌajol ndiqꞌalajin ri nimalej ruqꞌij ri Dios, y rikꞌin rijaꞌ nditzꞌetetej achike qitz runoꞌoj ri Dios. Ja ri ruchuqꞌaꞌ ri rutzij ri Rukꞌajol tzꞌamayon kichin nojel ri achike ekꞌo, chin keriꞌ ekꞌo pa kikꞌojlibꞌel y ma ngebꞌojbꞌoꞌ ta. Y atoq ri Rukꞌajol xuqꞌasaj yan ri kamik chin ndichꞌajchꞌojir ri qakꞌaslen roj wineq chuwech ri mak, xbꞌetzꞌuyeꞌ e chikaj pa rikiqꞌaꞌ ri nimalej Rey Dios.

Hebreos 1:5

Porque ri Dios ma jumbꞌey rubꞌiꞌin kereꞌ chare jun ángel: Ja rat ri Nukꞌajol, Y wokami niqꞌalajrisaj chi jumul wi rat Nukꞌajol. Y ma jumbꞌey chuqaꞌ ri Dios kereꞌ ta rubꞌiꞌin pa ruwiꞌ jun ángel: Riyin nginok rutataꞌ Y rijaꞌ ndok nukꞌajol.

Hebreos 10:5

Romariꞌ, atoq ri Cristo ja nduꞌalex chochꞌulew, kereꞌ xubꞌij chare ri Dios: Rat ma ndarayij ta chi ngesuj kikikꞌel awej teq chikap y jalajaj teq sipanik chawech, Romariꞌ, xanabꞌaꞌ jun aj rochꞌulew cuerpo chuwa chin nisuj chawech.

Hebreos 2:11

Porque ri Jesús ri ndichꞌajchꞌojrisan kꞌaslen, kin richin wi ri Dios, y erichin chuqaꞌ ri Dios ri ndichꞌajchꞌojrisex kikꞌaslen. Romariꞌ ri Rukꞌajol ri Dios ma ndikꞌix ta ndubꞌij chi eruchaqꞌ,

Hebreos 5:5

Keriꞌ chuqaꞌ ri Cristo, ma ruyon ta chuwech xok ri más nimalej ruqꞌij Sacerdote, xa kin ja ri Dios xchaꞌon richin, porque kereꞌ xubꞌij chare: Ja rat ri Nukꞌajol, Y wokami niqꞌalajrisaj chi jumul wi rat Nukꞌajol.

1 Juan 4:14

Y roj rikꞌin qawech qatzꞌeton ri Rukꞌajol ri Dios y ndiqatzijoj chi ja ri Tataꞌaj Dios taqayon pe chin xuꞌok Kolonel qichin roj wineq.

1 Juan 4:9

Y ri Dios xukꞌut chi santienta ngojrajoꞌ, porque xuteq pe ri junayon Rukꞌajol chochꞌulew, chin keriꞌ roma rijaꞌ kꞌo kꞌakꞌakꞌ qakꞌaslen.

2 Juan 1:7

Porque wokami ekꞌiy ebꞌaneq chochꞌulew, ri ngebꞌiꞌin chi ri Jesucristo atoq xuqaqa chochꞌulew, ma xkꞌojeꞌ ta ru-cuerpo achel qa-cuerpo roj wineq. Ri keriꞌ ngebꞌiꞌin, xa echꞌakatinelaꞌ, y xa ejunan rikꞌin ri jun ri yakatajneq chirij ri Cristo.

Apocalipsis 19:13

Ri rutziaq muꞌul pe pa kikꞌ, y ri rubꞌiꞌ ndibꞌix chare, jareꞌ: Ri ndiqꞌalajrisan runoꞌoj ri Dios.

Apocalipsis 21:3

Y xinwakꞌaxaj jun chꞌabꞌel xsikꞌin pe apeꞌ kꞌo ru-trono ri Dios ri kereꞌ xubꞌij: ¡Tatzꞌetaꞌ! Ri Dios ndubꞌen rachoch chikikajal ri wineq. Ja rejeꞌ ri rutinamit, y ja rijaꞌ ri ki-Dios y ndikꞌojeꞌ chikikajal.