Gálatas 2:2 - Kaqchikel Santo Domingo (Xenacoj)

² Xibꞌa e pa tinamit Jerusalén roma ri Dios xuqꞌalajrisaj chinuwech chi ndikꞌatzin ngibꞌa e, y xaxe kikꞌin ri kꞌo kiqꞌij pa kiwech ri hermanos xinmal wiꞌ y xinqꞌasaj chikiwech ri achike rubꞌixik nibꞌen chare ri utzulej teq tzij chin kolotajik ri nutzijon chake ri ma israelitas ta, porque ma kꞌateꞌ xa ma pa rubꞌeyal ta ri nutzijon y romariꞌ xtiqasex reqalen ri samaj nubꞌanun.

Tuilleadh tionndaidhean

Kaqchikel Santa Maria de Jesus

² Y inreꞌ xiꞌa, ruma ja ri Dios ri xꞌeꞌn chuva. Y joꞌc inreꞌ y ri hermanos líderes ri xkamol-kiꞌ, y xinꞌej cꞌa chiquivach chica modo nitzijuoj ri evangelio chica ri vinak ri man israelitas ta, chi quireꞌ ijejeꞌ ncaꞌeꞌn xa otz o man otz ta ri nusamaj.

Kaqchiquel Bible

² Y yin xibe roma kan ja ri Dios ri xq'alajirisan chinuwech. Toq xinapon, xaxe ri achi'a' ri k'o kiq'ij chikikojol ri qach'alal y yin ri xqamol-qi'. Y xintzijoj k'a chike ri achike rubanik ri utzilej ch'abel richin kolotajik ri nintzijola' chike ri man e qawinaq ta, richin keri' tiketamaj chi ri samaj ri ninben yin kan k'o-wi rejqalen.

Kaqchikel Central Guatemala

² Y yin xibe, roma can ja ri Dios ri xk'alajirisan chinuvech. Y xaxe ri kach'alal ri c'o quik'ij y yin ri xkamol-ki'. Y xinbij c'a chique ri achique rubanic ri utzilej ch'abel richin colotajic ri nintzijola' chique ri vinek ri man e israelitas ta. Richin queri' tiquibij c'a, vi c'o nic'atzin-vi ri nusamaj o xa man jun nic'atzin-vi.

Re C'ac'a Testamento pa Kach'abal

² Y yen ximba, roma can ja re Dios re xsekresan chinoch. Y xaxe yen y re hermanos re c'o quik'ij xkamol-ki' chire'. Y ximbij chique re andex rubanic re utzulaj ch'abal chin re Dios re nibex evangelio cha re nintzijoj chique re vinak re man je israelitas-ta. Chin quire' tiquibij, vo xa c'o ndoc-va re nusamaj o xa man jun ndoc-va.

Kaqchikel Western Solola

² Y riyin xibe, ruma can ya ri Dios ri xk'alajsan chinuwech chi yibe. Y xaxu (xaxe wi) ri kach'alal ri c'o quik'ij y riyin ri xkamol ki'. Y xinbij c'a chique ri achique rubanic ri lok'olaj ch'abel ri niya'o colotajic ri ntzijoj chique ri winek ri ma ye israelitas ta. Queri' xinben ruma nwajo' chi man ta jun nibano chare ri samaj ri nbanon pe y ri yitajin chubanic chi xa majun nic'atzin wi.

Gálatas 2:2 Iomraidhean Croise

San Mateo 10:16

Wokami ngixinteq achel karneꞌl chikikajal wineq ri eꞌachel salilej teq utiwaꞌ, ri kin xtiyakatej koyowal chiwij. Romariꞌ kꞌes inoꞌoj tibꞌanaꞌ, achel kumetz ri ndikijekꞌ kiꞌ atoq ndikinabꞌej chi ndibꞌan jun achike chake, y achel palomas ri maneq itzel ndikibꞌen.

Hechos 15:12

Y konojel ma jun chik achike xkibꞌij. Y xekakꞌaxaj ri Bernabé y ri Pablo, ri ngekitzijoj ri nimalej teq achike ri nixta jumbꞌey etzꞌeton, y ri nimalej teq retal ruchuqꞌaꞌ ri Dios ri xebꞌanatej chikiqꞌaꞌ chikikajal ri ma israelitas ta.

Hechos 15:2

Riꞌ xubꞌen chi ri Pablo y ri Bernabé ndikichuquchaꞌ kiꞌ chi tzij kikꞌin rejeꞌ, y hasta xmeqꞌeꞌ qa chake ri ndikibꞌilaꞌ. Y roma keriꞌ xbꞌanatej, ri hermanos pa tinamit Antioquía xekichaꞌ ri Pablo y ri Bernabé y jujun chik hermanos chin xekiteq e pa tinamit Jerusalén apeꞌ ekꞌo ri apóstoles y ri eꞌukꞌuey bꞌey chikiwech ri hermanos, chin ndikikanoj rubꞌeyal nojel reꞌ.

Hechos 15:4

Y atoq ri etaqon xebꞌeqaqa e pa tinamit Jerusalén, jabꞌel xkꞌan apu kiwech koma ri apóstoles, koma ri hermanos y koma ri eꞌukꞌuey bꞌey chikiwech ri hermanos. Ja atoq riꞌ ri Pablo y ri Bernabé xkitzijoj chake ri janipeꞌ samaj xubꞌen ri Dios chikiqꞌaꞌ.

Hechos 18:9

Pa jun tokoqꞌaꞌ, pa jun achel achikꞌ, ri Ajaw kereꞌ xubꞌij chare ri Pablo: Ma taxibꞌij awiꞌ, ma kataneꞌ chutzijoxik ri utzulej teq tzij chin kolotajik.

Hechos 23:11

Chukan aqꞌaꞌ, ri Ajaw xuqꞌalajrisaj riꞌ chuwech ri Pablo y xubꞌij chare: ¡Tikꞌojeꞌ ruchuqꞌaꞌ ri awánima! Porque achel xayaꞌ utzulej nutzijol chireꞌ pa tinamit Jerusalén, keriꞌ ndikꞌatzin ndabꞌen chuqaꞌ pa tinamit Roma, xchajeꞌ.

Hechos 5:34

Pero chikikajal ri bꞌotzaj achiꞌaꞌ riꞌ, kꞌo jun fariseo rubꞌiniꞌan Gamaliel, tijonel chin ri ley xyoꞌox chare ri Moisés. Ri Gamaliel kin kꞌo reqalen rutzij chikiwech ri tinamit. Rijaꞌ xyakatej y xubꞌij chi keꞌelesex e jubꞌaꞌ ri apóstoles.

Romanos 9:16

Y rikꞌin ri keriꞌ xubꞌij, nditzꞌetetej chi ma roma ta jun wineq ndirajoꞌ o nduxikꞌ riꞌ, roma ta riꞌ ndijoyowex ruwech roma ri Dios. Ndijoyowex ruwech xa kin xe roma ri Dios ndirajoꞌ ndujoyowaj ruwech.

1 Corintios 1:23

Pero roj ndiqatzijoj rukamik ri Jesús cho cruz. Ja rijaꞌ ri xtaq pe roma ri Dios chukolik ri rutinamit, y ri kamik ri xuqꞌasaj, chake ri israelitas xa ma jun rubꞌeyal, porque pa kiwech rejeꞌ ri Jun nditaq pe ma ndiken ta, y chake ri ma israelitas ta, ri rutzijoxik ri kamik riꞌ xa chꞌujulej teq tzij.

1 Corintios 2:2

Riyin atoq kꞌajani kibꞌeqaqa chiꞌikajal, xinyaꞌ pa wánima chi ma jun chik achike más netzijoj chiwa, xa kin xe ri Jesucristo y ri rukamik cho cruz.

1 Corintios 9:24

Rix iwetaman chi pa jun maratón, konojel ndikitij kiqꞌij chin ndikichꞌek ri premio ndiyoꞌox, pero xaxe jun ri ndichꞌakon richin. Keriꞌ kꞌa chuqaꞌ rix, titijaꞌ iqꞌij chi pa ruchojmil tikꞌuaj ri ikꞌaslen, chin keriꞌ ndichꞌek ri nduyaꞌ ri Dios chiwa chikaj.

1 Corintios 9:26

Roma kꞌa riꞌ, riyin ma nibꞌen ta achel jun ri kꞌo pa jun maratón ri ma retaman ta apeꞌ kꞌo ri meta, pa rukꞌexel riꞌ, kin nuchꞌikon nuwech chirij ri meta ruyoꞌon ri Dios chuwa. Y ma nibꞌen ta achel jun ri xe pa kaqiqꞌ ndeqꞌax wi ruqꞌaꞌ atoq ndikichꞌey kiꞌ rikꞌin jun chik.

2 Corintios 12:1

Hermanos, riyin wetaman chi nixta jun utz ndukꞌen pe si niyaꞌ nuqꞌij, pero roma rix kin ndiqaꞌ chiwech ngeꞌiwakꞌaxaj ri ndikiyalaꞌ kiqꞌij, riyin chuqaꞌ niyaꞌ jubꞌaꞌ nuqꞌij y ngichꞌaꞌa pa ruwiꞌ ri achel teq achikꞌ y ri nojel teq achike ruqꞌalajrisan ri Ajaw.

Gálatas 1:12

Porque riyin ma jun ta wineq waweꞌ chochꞌulew xbꞌiꞌin chuwa o xirutijoj rikꞌin. Xa kin ja ri Jesucristo ri xqꞌalajrisan chinuwech.

Gálatas 1:16

xuqꞌalajrisaj ri Rukꞌajol chinuwech, chin netzijoj ri kolotajik ri nduyaꞌ rijaꞌ chake ri ma israelitas ta. Y atoq keriꞌ xbꞌanatej, ma jun achoq chare xinkꞌutuj razón achike ri utz chi nibꞌen,

Gálatas 1:6

Riyin ndisach nukꞌuꞌx chiwij, porque ja yan paqiꞌ ndiwoqaj jun chik tijonik ri pa itzij ndukꞌen pe kolotajik chiwa y xa ndiyaꞌ kan ri Dios ri xoyon iwichin roma ri favor nduyaꞌ ri Cristo.

Gálatas 2:6

Y ri hermanos ri ngetzꞌetetej chi kꞌo kiqꞌij nixta jun rutzꞌaqat ri utzulej teq tzij chin kolotajik ri nitzijoj riyin xkiyaꞌ, aunque si kꞌo kiqꞌij o maneq, ma jun ndubꞌen chuwa riyin, porque ri Dios ma nduyaꞌ ta pa cuenta si jun wineq kꞌo ruqꞌij o maneq ruqꞌij pa kiwech ri wineq.

Gálatas 2:9

Ri Santiago, ri Cefas y ri Juan, ri más kꞌo kiqꞌij pa kiwech ri eralkꞌuaꞌl ri Dios, atoq xkiyaꞌ cuenta chare chi ja ri Dios yoyon ri samaj riꞌ chuwa, xkiyaꞌ kiqꞌaꞌ chuwa riyin y chare ri Bernabé, retal chi xojok kachibꞌil pa rusamaj ri Dios chin ndeqatzijoj ri utzulej teq tzij chin kolotajik chake ri ma israelitas ta, y rejeꞌ chake ri israelitas.

Gálatas 5:7

Rix pa nabꞌey utz bꞌaneq ri ikꞌaslen chuwech ri Dios, pero wokami, ¿achike kꞌa xqasan ijolon chi ma ndiwojoꞌ chi ta ndinimaj ri qetzij?

Filipenses 2:16

Ma jumbꞌey tiyaꞌ kan rutaqixik ri utzulej teq tzij chin ri kꞌaslen ma ndikꞌis ta, chin keriꞌ chupan ri qꞌij atoq nduqaqa chik ri Cristo, riyin yalan ngikikot iwoma, porque ndiqꞌalajin chi kꞌo xkꞌatzin chi xintij nuqꞌij xinbꞌen rusamaj ri Dios chiꞌikajal.

Filipenses 2:29

Y atoq ndeqaqa apeꞌ rixkꞌo, kixkikot tikꞌamaꞌ apu ruwech achel rukꞌulun chi ndibꞌen roma itaqin ri Ajaw, y ri hermanos eꞌachel rijaꞌ, kin ta kꞌo kiqꞌij pa iwech.

1 Tesalonicenses 3:5

Romariꞌ, riyin ma xinkachꞌ chi ta chi xinwojoꞌ xinwetamaj achike ibꞌanun, y romariꞌ xinteq ri Timoteo chiꞌitzꞌetik, roma niwojoꞌ niwetamaj si kꞌa kuqul ikꞌuꞌx rikꞌin ri Cristo. Ma kꞌateꞌ ri itzel xixrutaqchiꞌij chi xiyaꞌ kan ri Cristo, y xa ta xiyaꞌ kan, riꞌ ndubꞌij tzij chi ma jun ta utz xukꞌen pe ri samaj xqabꞌen chiꞌikajal.

2 Timoteo 4:7

Jumul nutijon pe nuqꞌij chi nibꞌen chi ndichꞌakon ri qetzij richin ri Dios, y xinkꞌis yan rubꞌanik nojel ri samaj ri yoꞌon chuwa chi nibꞌen. Jumul nubꞌanun chi ri utzulej tijonik ri nutaqin ma jalatajneq ta.

Hebreos 12:1

Y roma kin ekꞌiy ri ojer teq qatit-qamamaꞌ ri xkikꞌut kan rikꞌin ri kikꞌaslen achike rubꞌeyal ri ndikuqeꞌ qakꞌuꞌx rikꞌin ri Dios, romariꞌ tiqelesaj e pa qakꞌaslen nojel ri ndubꞌen chaqe chi ma ngojan ta, y ri mak ri ndubꞌen chaqe chi ngojtzaq, tiqaxikꞌaꞌ qiꞌ, ma qojkos chin ndeqakꞌisaꞌ ri bꞌey kꞌa kꞌo na chiqawech.