Gálatas 1:4 - Kaqchikel Santo Domingo (Xenacoj)

⁴ Ri Ajaw Jesucristo xujech riꞌ pa kamik roma ri qamak chin xojrukal pa ruqꞌaꞌ ri itzel teq rayinik ekꞌo chochꞌulew wokami. Keriꞌ xubꞌen porque jariꞌ rurayibꞌel ri Qatataꞌ Dios.

Tuilleadh tionndaidhean

Kaqchikel Santa Maria de Jesus

⁴ Ri Jesucristo xujach-riꞌ chi xquimisas ruma ri ka-pecados, chi quireꞌ nkojrucol choch ri itziel tak kax ri ncaꞌbꞌanataj ri choch-ulief chupan ri tiempo vacame. Xuꞌon quireꞌ ri Jesucristo pa ka-cuenta ojreꞌ, ruma quireꞌ xrajoꞌ ri Katataꞌ Dios.

Kaqchiquel Bible

⁴ roma ri Jesucristo xuya-ri' richin xkamisex richin xojrukol chuwech ri qamak y ri etzelal ri k'o wawe' chuwech re ruwach'ulew. Ronojel re' xuben roma kan ja wi ri' ri rurayibel ri qatata' Dios,

Kaqchikel Central Guatemala

⁴ Roma ri Jesucristo xuya' c'a ri' richin xcamisex roma ri kamac, richin queri' yojrucol chuvech ri etzelal c'o vave' chuvech re ruvach'ulef re tiempo re'. Ronojel re' xuben ri Jesucristo koma roj, roma can ja vi ri' ri rurayibel ri Katata' Dios.

Re C'ac'a Testamento pa Kach'abal

⁴ Roma re Jesucristo xujach-ri' chin xquimisas roma re kamac, chin quire' xojrulisaj-pa chupan re etzelal re c'o vova' chach re ruch'ulef. Ronojel re' xuban re Jesucristo koma yoj, roma can ja-va re' re nrajo' re Karta' Dios che xbanataj.

Kaqchikel Western Solola

⁴ Ruma ri Jesucristo xuya' c'a ri' riche (rixin) chi xcamisex ruma ri kamac, riche (rixin) chi queri' yojrucol chuwech ri etzelal ri c'o wawe' chuwech re ruwach'ulef re tiempo re'. Ronojel ri' xuben ri Jesucristo kuma riyoj, ruma can queri' wi xrajo' ri Katata' Dios chi xbanatej.

Gálatas 1:4 Iomraidhean Croise

San Mateo 13:22

Ekꞌo wineq eꞌachel ri ulew kꞌo kꞌixlej teq qꞌayis chuwech apeꞌ xeqaqa jujun chik semilla. Rejeꞌ ndikakꞌaxaj rutzij ri Dios, pero roma ndibꞌa kánima chirij ri ndikꞌatzin chake qꞌij-qꞌij y chirij aj rochꞌulew bꞌeyomal, riꞌ ndubꞌen chi ndikꞌis qa ri rutzij ri Dios ri xtik pa kánima, y ri tzij riꞌ ma ndiwachin ta pa kikꞌaslen.

San Mateo 20:28

Achel riyin ri aj chikaj ri xinuꞌalex chiꞌikajal, ma chin ta nginilix xinuqaqa. Riyin xinuqaqa chin ngenwilij ri wineq, y niyaꞌ nukꞌaslen pa kikꞌexel ekꞌiy chin ngekolotej.

San Mateo 26:28

Jareꞌ ri nukikꞌel ri ndibꞌiyin koma santienta wineq chin ndikuyutej kimak. Y ri nukikꞌel, jariꞌ rajel ri nitaj riyin chin nditzꞌukutej e ri kꞌakꞌakꞌ pacto ri ndubꞌen ri Dios kikꞌin ri wineq.

San Mateo 26:42

Y ri Jesús xbꞌa chi apu pa rukan mul apeꞌ ndubꞌen orar, y kereꞌ xubꞌij: Nataꞌ Dios, si maneq cheꞌel man ta niqꞌasaj ri kꞌayew pataneq pa nuwiꞌ, tibꞌanatej kꞌa ri ndawojoꞌ rat.

San Mateo 6:9

Rix atoq ndibꞌen orar, kereꞌ tibꞌij: Qatataꞌ Dios ri ratkꞌo chikaj, Kin jumul tinimrisex ri loqꞌolej abꞌiꞌ.

Marcos 10:45

Porque riyin ri aj chikaj ri xinuꞌalex chiꞌikajal, ma chin ta nginilix xinuqaqa. Riyin xinuqaqa chin ngenwilij ri wineq, y niyaꞌ nukꞌaslen pa kikꞌexel ekꞌiy chin ngekolotej.

San Lucas 22:19

Y xutzꞌen chuqaꞌ ri kaxlan wey y atoq rumatioxin chik chare ri Dios, xuper, xuyaꞌ chake y xubꞌij: Jareꞌ ri nu-cuerpo ri ndijach pa kamik chin ndukꞌen pe utz chiwa. Tikꞌuxuꞌ y kereꞌ tibꞌanaꞌ chin ndikꞌuxlaꞌaj chi xiken iwoma.

San Lucas 22:42

y kereꞌ ndubꞌij: Nataꞌ Dios, si ndawojoꞌ, kanakoloꞌ chuwech ri kꞌayew pataneq pa nuwiꞌ, pero ma tibꞌanatej ri niwojoꞌ yin, xa kin ja ri ndawojoꞌ rat.

San Juan 10:11

Ja riyin ri utzulej Yuqꞌunel. Ri utzulej Yuqꞌunel nduyaꞌ rukꞌaslen koma ri rukarneꞌl.

San Juan 12:31

Wokami ja xuqaqa ri qꞌij chin ndiqꞌat tzij pa kiwiꞌ konojel wineq, y ri itzel ri rajawal re rochꞌulew ndelesex e ri uchuqꞌaꞌ kꞌo pa ruqꞌaꞌ.

San Juan 5:30

Y xubꞌij chuqaꞌ: Riyin maneq cheꞌel chi nuyon chinuwech nibꞌen jun achike. Kin achel ndibꞌix pe chuwa roma ri Nataꞌ jariꞌ ri nibꞌen, y pa ruchojmil niqꞌet tzij pa kiwiꞌ ri wineq, porque ma ja ta ri niwojoꞌ riyin nibꞌen, xa kin ja ri ndirajoꞌ ri Nataꞌ ri taqayon pe wichin.

San Juan 6:38

Porque riyin ri yin qajneq pe chikaj, ma xinuqaqa ta chin nibꞌen ri nurayibꞌel riyin, xinuqaqa chin nibꞌen ri rurayibꞌel ri taqayon pe wichin.

Romanos 1:7

Nitzꞌibꞌaj e re wuj reꞌ chiwa rix iwonojel hermanos ri rixkꞌo pa tinamit Roma, ri tzꞌan ngixojowex roma ri Dios, y rix oyon chin ngixok loqꞌolej teq ralkꞌuaꞌl. Ri Qatataꞌ Dios y ri Qajaw Jesucristo kin ta xtikiyaꞌ ki-favor pa iwiꞌ y xtikiyaꞌ chuqaꞌ uxlanen pa iwánima.

Romanos 12:2

Ma tibꞌen rix achel ndikibꞌen ri wineq bꞌaneq kánima chirij ri ndusuj ri rochꞌulew, xa kin tiyaꞌ qꞌij chare ri Dios chi tuyaꞌ jun kꞌakꞌakꞌ nojibꞌel chiwa chin ndijalatej ri ikꞌaslen, y keriꞌ ndiwetamaj ri rurayibꞌel ri Dios, rayibꞌel ri kin utz, kin tzꞌaqet y kin ndiqaꞌ chuwech chi ndibꞌan.

Romanos 4:25

Ri Qajaw Jesús xjach pa kamik chutojik ri mak qabꞌanaloꞌon, y xkꞌastajbꞌex pe chikikajal ri animaꞌiꞌ, chin nixta jun qamak ndiqeqalej chuwech ri Dios.

Romanos 8:27

Y ri Dios ri ndinikꞌon kánima ri wineq, kin retaman ri ndirajoꞌ ndubꞌij ri Espíritu Santo pa qakꞌexel, porque kin ja ri rurayibꞌel ri Dios ri ndukꞌutuj pa qawiꞌ roj ri loqꞌolej rutinamit ri Dios.

Romanos 8:3

Porque rikꞌin ri xqatij qaqꞌij chin xqabꞌen ri ndubꞌij ri ley ruyoꞌon pe ri Dios, ma xkꞌis ta ruchuqꞌaꞌ ri mak, porque nixta jun wineq nditiker ndubꞌen nojel ri ndubꞌij ri ley, pero ri Dios chin xojrukal xuteq pe ri Rukꞌajol chochꞌulew y xuyaꞌ jun cuerpo chare achel qa-cuerpo roj wineq ri roj aj mak, pero rijaꞌ kin ma aj mak ta, y ri Dios xujech pa kamik chutojik ri qamak y keriꞌ xukꞌis ruchuqꞌaꞌ ri mak.

Romanos 8:32

Ri Dios hasta ri Rukꞌajol ma xupoqonaj ta xuteq pe chochꞌulew chin xken chujoyowaxik qawech roj ri qataqin rijaꞌ. Y si xuteq yan pe ri Rukꞌajol, ¿ruyon kꞌa ma xtuyaꞌ ta pe ri chꞌaqa chik ru-favor chaqe?

1 Corintios 15:3

Y achel ri xqꞌalajrisex chinuwech, kin jariꞌ ri xinbꞌij kan chiwa, y ri rukꞌuꞌx ri xinbꞌij kan chiwa jareꞌ: Ri Cristo xken roma ri qamak, achel ndubꞌij ri rutzij ri Dios tzꞌibꞌan kan,

2 Corintios 4:4

Porque ja ri itzel ri rajawal ri rochꞌulew, tzꞌapiyon kinoꞌoj, chin ma tikitzꞌet ri luz nduyaꞌ ri utzulej teq tzij chin kolotajik, utzulej teq tzij ri ngekꞌutu ri nimalej ruqꞌij ri Cristo, ri achoq ikꞌin nditzꞌetetej achike qitz runoꞌoj ri Dios.

Gálatas 2:20

Romariꞌ ma yin chi ta ukꞌuayon ri nukꞌaslen, xa kin ja ri Cristo. Y chupan nojel ri nibꞌen pa nukꞌaslen chireꞌ chochꞌulew, kuqul nukꞌuꞌx rikꞌin ri Rukꞌajol ri Dios ri santienta xirajoꞌ, y xujech riꞌ pa kamik woma riyin.

Gálatas 6:14

Pero riyin ma ninimrisaj ta wiꞌ roma ri achike nubꞌanaloꞌon, xa kin ja ri rukamik ri Qajaw Jesucristo cho cruz ri ninimrisaj. Porque ri rukamik ri Cristo xubꞌen chuwa chi maneq chik reqalen chinuwech ri achike ndusuj ri rochꞌulew. Keriꞌ chuqaꞌ ri wineq ri ma kitaqin ta ri Jesucristo maneq reqalen chikiwech ri kin kꞌo wi reqalen chinuwech riyin.

Efesios 1:11

Y roj ri xe jun qabꞌanun rikꞌin ri Cristo, ri Dios roj ruchaꞌon pe xe jampeꞌ pa nabꞌey chin ngojok rutinamit, porque rubꞌanun pe ruwech chi keriꞌ ndubꞌen chaqe roma ja wi riꞌ ri rurayibꞌel.

Efesios 2:2

Xikꞌuaj jun itzel kꞌaslen achel kikꞌaslen ri wineq kꞌa bꞌaneq kánima chirij ri ndusuj ri rochꞌulew. Xikꞌuaj jun kꞌaslen achel xrajoꞌ ri itzel, ri ukꞌuayon kibꞌey ri itzel teq espíritu ekꞌo pa kaqiqꞌ, y ndisamej chuqaꞌ wokami pa kánima ri ma ngeniman ta chuwech ri Dios.

Efesios 5:16

Utz rukusaxik tibꞌanaꞌ ri tiempo, porque ri tiempo rojkꞌo wokami, santienta itzel teq achike ngebꞌanaloꞌox.

Efesios 5:2

Tikꞌuaj jun kꞌaslen ri ndukꞌut chi ndiwojoꞌ iwiꞌ chiwech, kin achel xojrajoꞌ ri Cristo y xusuj riꞌ pa kamik chuwech ri Dios pa qakꞌexel, y keriꞌ xok jun ofrenda jubꞌubꞌ ruxlaꞌ ri kin xqaꞌ chuwech ri Dios.

Efesios 6:12

Porque roj rojkꞌo pa guerra, pero ma wineq ta ri ngebꞌanun guerra chaqe, xa itzel teq espíritu ri ndikibꞌen reinar, ri espíritus ri kꞌo uchuqꞌaꞌ pa kiqꞌaꞌ, ri erajawal ri rochꞌulew ri eꞌukꞌuayon kikꞌaslen ri wineq qꞌequ-qꞌequꞌ kánima, y chuqaꞌ ri itzel teq espíritu ekꞌo pa kaqiqꞌ.

Filipenses 4:20

¡Kin ta jumul ndiyoꞌox ruqꞌij ri Qatataꞌ Dios! Amén.

1 Tesalonicenses 1:3

porque atoq ndiqabꞌen orar chuwech ri Qatataꞌ Dios, jumul ndiqakꞌuxlaꞌaj ri samaj ibꞌanun pe roma kuqul ikꞌuꞌx rikꞌin ri Ajaw y chi ngixsamej chikitoꞌik chꞌaqa chik roma ngixojowan, y chi kin ndikachꞌ ri kꞌayew ndiqꞌasaj roma iwoyobꞌen ri Qajaw Jesucristo.

1 Tesalonicenses 3:11

Ja ta kꞌa ri Qatataꞌ Dios y ri Qajaw Jesús ngeꞌukꞌuan qabꞌey chin ngixbꞌeqatzꞌetaꞌ chik jumbꞌey.

1 Tesalonicenses 3:13

chin keriꞌ ndiwil ruchuqꞌaꞌ ri iwánima chin ndibꞌen nojel pa ruchojmil, y keriꞌ loqꞌolej nditzꞌetetej ri ikꞌaslen y nixta jun mak ndilitej chiwij chuwech ri Tataꞌaj Dios atoq nduqaqa chik jumbꞌey ri Ajaw Jesús, junan kikꞌin ri loqꞌolej teq oqey richin. Amén.

2 Tesalonicenses 2:16

Y ri Qajaw Jesucristo y ri Qatataꞌ Dios ri xojowan qichin, ri ruyoꞌon ruchuqꞌaꞌ qánima chin jumul, y rubꞌanun chuqaꞌ chaqe chi qoyobꞌen ri kꞌaslen ma ndikꞌis ta ri nduyaꞌ rijaꞌ roma ri ru-favor,

1 Timoteo 2:6

Rijaꞌ xuyaꞌ ri rukꞌaslen pa kamik chin xutaj ri qamak roj qonojel wineq, y ri kamik riꞌ ndukꞌut chi xuqaqa ri tiempo ri rubꞌanun pe ruwech ri Dios chin xuqꞌalajrisaj chi ri rurayibꞌel ja ri ngekolotej ri wineq.

Tito 2:14

Rijaꞌ kin xujech riꞌ pa kamik qoma chin xojrelesaj pa ruqꞌaꞌ nojel ruwech mak ri tzꞌamayon qichin. Xuchꞌajchꞌojrisaj chuqaꞌ ri qakꞌaslen chin keriꞌ xojok jun tinamit ri kin richin wi rijaꞌ, jun tinamit ri ndibꞌa qánima chubꞌanik ri utz.

Hebreos 2:5

Keriꞌ nibꞌij chiwa, porque ri Dios ma pa kiqꞌaꞌ ta ángeles ndujech ri kꞌakꞌakꞌ rochꞌulew ri ndikꞌojeꞌ más chiqawech apu, rochꞌulew ri ndiqayaꞌ rutzijol chiwa.

Hebreos 6:5

y xkinaꞌ yan rukiꞌil ri utzulej rutzij ri Dios, y rukiꞌil chuqaꞌ ri nimalej teq uchuqꞌaꞌ ri nditzꞌetetej chupan ri tiempo más chiqawech apu,

Hebreos 9:14

Y si keriꞌ ngetiker ndikibꞌen ri kikikꞌel y ri kichajil ri chikap, ¡kin más wi nditiker ndubꞌen ri rukikꞌel ri Cristo! Porque ri rukikꞌel ri xbꞌiyin cho cruz, nduchꞌajchꞌojrisaj ri qánima chuwech ri itzel teq achike eqabꞌanaloꞌon ri xa pa kamik ngojrukꞌuaj. Keriꞌ xubꞌen ri Cristo chin ndiqayaꞌ ruqꞌij ri Kꞌaslik Dios. Ri Cristo rikꞌin ri ruchuqꞌaꞌ ri Espíritu ri jumul kꞌo rukꞌaslen, xusuj riꞌ chi chꞌajchꞌaj ofrenda chuwech ri Dios.

Santiago 4:4

¡Rix ma xe ta chare ri Dios iyoꞌon ri iwánima! ¿La ma iwetaman ta kꞌa si ndibꞌa iwánima chirij ri ndusuj ri rochꞌulew, rix yakatajneq chirij ri Dios? Romariꞌ konojel ri ndibꞌa kánima chirij ri ndusuj ri rochꞌulew, kin eyakatajneq chirij ri Dios.

1 Pedro 2:24

Ri Cristo xreqalej ri qamak pa ru-cuerpo cho cruz, chin keriꞌ ngojken chuwech ri qamak y ndiqakꞌuaj jun chojmilej kꞌaslen. Ri Cristo xsokotej chin keriꞌ roj xojkꞌachꞌojrisex.

1 Pedro 3:18

Tikꞌuxlaꞌaj chi ri Cristo xe jumbꞌey xkꞌatzin xken chin xutaj ri qamak. Rijaꞌ nixta jun mak rubꞌanun, y xuqꞌasaj kꞌayew qoma roj ri roj aj mak, chin xujeq bꞌey chiqawech chin kꞌo cheꞌel ngojok rikꞌin ri Dios. Ri aj rochꞌulew ru-cuerpo ri Cristo xken, pero ri ru-espíritu kin kꞌes wi.

1 Juan 2:2

Rijaꞌ xujech rukꞌaslen pa kamik pa qakꞌexel chin xkꞌis royowal ri Dios pa qawiꞌ roma ri qamak, y ma xe ta roma ri qamak roj, xa kin roma chuqaꞌ kimak konojel wineq chochꞌulew.

1 Juan 3:16

Y rikꞌin ri xuyaꞌ rukꞌaslen ri Jesucristo qoma, xqetamaj achike rubꞌeyal ri qetzij ngojojowan. Qojojowan kꞌa roj achel ngojojowex roma ri Dios, tiqayaꞌ qakꞌaslen chikitoꞌik ri hermanos.

Apocalipsis 1:5

Keriꞌ chuqaꞌ ri Ajaw Jesucristo ri ma jumbꞌey rujalon ruwech ri ruqꞌalajrisan, kin ta xtuyaꞌ ru-favor pa iwiꞌ y xtuyaꞌ chuqaꞌ uxlanen pa iwánima. Ja rijaꞌ ri nabꞌey xkꞌastej pe chikikajal ri animaꞌiꞌ y ma ndiken chi ta. Ja rijaꞌ ri nimalej Ajaw pa kiwiꞌ konojel reyes chochꞌulew. Rijaꞌ ngojrajoꞌ y xojrukal chuwech ri qamak rikꞌin ri rukikꞌel.

Apocalipsis 5:9

Rejeꞌ ndikibꞌixaj jun kꞌakꞌakꞌ bꞌix ri kereꞌ ndubꞌij: Ja rat ri kin rukꞌulun chi xakꞌen apu ri bꞌoton wuj y ndawelesaj ri wuquꞌ sellos tzꞌamayon richin, Porque altíra xasokotej atoq xakamisex. Y rikꞌin ri akikꞌel xaꞌalaqꞌ jalajaj kiwech wineq, ri jalajaj kichꞌabꞌel, kitinamit y kirochꞌulew chin xeꞌok ralkꞌuaꞌl ri Dios.

Apocalipsis 7:9

Y atoq xbꞌanatej yan reꞌ, xentzꞌet santienta wineq ri nixta jun nditiker ndajilan kichin. Ri wineq riꞌ jalajaj kirochꞌulew, jalajaj katit-kimamaꞌ, jalajaj kitinamit y kichꞌabꞌel. Rejeꞌ kikusaloꞌon seq teq tzieq y kikꞌuan ruqꞌaꞌ teq palma pa kiqꞌaꞌ, epeꞌel apu chuwech ri trono y chuwech ri Alaj Karneꞌl.