Efesios 5:8 - Kaqchikel Santo Domingo (Xenacoj)

⁸ Jumbꞌey kan, pa qꞌequꞌ xkꞌojeꞌ ri ikꞌaslen, pero wokami roma xe jun ibꞌanun rikꞌin ri Ajaw, ri ikꞌaslen kꞌo pa luz, romariꞌ tikꞌuaj ri ikꞌaslen achel kikꞌaslen ri ekꞌo pa luz.

Tuilleadh tionndaidhean

Kaqchikel Santa Maria de Jesus

⁸ Ruma chupan ri tiempo rubꞌanun-pa, ixcꞌo chupan ri kꞌakuꞌn, pero vacame ixcꞌo chupan ri luz ruma ri Ajaf. Rumareꞌ tivucꞌuaj cꞌa ri cꞌaslien richin sakil.

Kaqchiquel Bible

⁸ Toq rubanon kan, rix ixk'o pa jun q'equ'm. Jak'a re wakami saqirisan chik ri ik'aslen roma ri Dios. Tik'uaj k'a ri ik'aslen achi'el ruk'amon.

Kaqchikel Central Guatemala

⁸ Tok rubanon can, k'ekumatajinek c'a ri ic'aslen. Jac'a re vacami sakirisan chic ri ic'aslen roma ri Ajaf. Tic'uaj c'a ri ic'aslen achi'el ruc'amon, roma c'o chic ri sakil iviq'uin.

Re C'ac'a Testamento pa Kach'abal

⁸ Tak rubanon can, re ic'aslen c'o pa k'oko'm. Jac'a vocame sekresan chic re ic'aslen roma re Ajaf. Otz tic'uaj re ic'aslen, roma c'o chic re sakil iviq'uin.

Kaqchikel Western Solola

⁸ Ruma tek rubanon ca, ri ic'aslen c'o pa k'eku'm. Yac'a re wacami yixc'o chic pa sakil ruma ri Ajaf. Rumari' tic'uaj c'a ri c'aslen riche (rixin) sakil.

Efesios 5:8 Iomraidhean Croise

San Mateo 3:8

Romariꞌ, chin ngixkolotej, ndikꞌatzin ndiqꞌalajin pa ikꞌaslen chi iyoꞌon kan ri mak y tzolijneq pe iwánima rikꞌin ri Dios.

San Mateo 4:16

Ri tinamit ekꞌo pa qꞌequꞌ, Xkitzꞌet jun nimalej luz, Y ri wineq ekꞌo pa rumochꞌochꞌil ri kamik Xyikꞌan jun nimalej luz pa kiwiꞌ.

San Lucas 1:79

Ri Jun riꞌ nduqaqa chin nduruyikꞌaj kikꞌaslen Ri ekꞌo pa qꞌequꞌ y chuxeꞌ ruchuqꞌaꞌ ri kamik, Y nduqaqa chuqaꞌ chin ndukꞌuaj bꞌey chiqawech Chin ndiqil uxlanen pa qánima, xchajeꞌ ri Zacarías.

San Lucas 16:8

Ri samajel ri ma pa ruchojmil ta xsamej, kin utz xchꞌaꞌa ri rajaw chirij, roma xkaney runoꞌoj xubꞌen. Porque ri ma ketaman ta ruwech ri Dios, kin más ndikaney kinoꞌoj chin ndikitoꞌ kiꞌ kikꞌin chꞌaqa chik ri eꞌachel rejeꞌ, ke chikiwech ri yikꞌan chik kikꞌaslen roma ri Dios.

San Juan 1:9

Y ri Jun ri qetzij ndiyikꞌan kikꞌaslen ri wineq xuqaqa chochꞌulew.

San Juan 12:35

Ri Jesús xubꞌij chake: Riyin ri ngiyikꞌan rubꞌey ri ikꞌaslen, kꞌa ngikꞌojeꞌ jubꞌaꞌ chiꞌikajal, romariꞌ, kixbꞌiyin chupan re yikꞌinik niyaꞌ riyin, utz kꞌa yinkꞌo chireꞌ, ma kꞌateꞌ tiqaqa qꞌequꞌ pa iwiꞌ. Porque ri ndibꞌiyin pa qꞌequꞌ, ndisach ri bꞌey chuwech.

San Juan 12:36

Pero utz kꞌa kꞌo re yikꞌinik reꞌ iwikꞌin, titaqij, chin keriꞌ ngixok wineq ri ngixyikꞌan pa ikꞌaslen achel riyin. Atoq rubꞌiꞌin chik keriꞌ ri Jesús, xeruyaꞌ kan ri wineq y xsacho riꞌ chikiwech.

San Juan 12:46

Ja riyin ri luz ri xinuqaqa chochꞌulew, chin keriꞌ ri nditaqin wichin, ma ndikanej ta pa qꞌequꞌ.

San Juan 8:12

Jumbꞌey chik ri Jesús xchꞌaꞌa chake ri wineq y xubꞌij: Ja riyin ri ngiyikꞌan kikꞌaslen ri wineq. Ri ndoqan wichin, ndikꞌojeꞌ pa ránima ri luz chin ri kꞌaslen ma ndikꞌis ta, y ri wineq riꞌ ma ndikꞌojeꞌ chi ta pa qꞌequꞌ.

Hechos 17:30

Ojer kan ri wineq xekiyalaꞌ kiqꞌij dioses, roma ma ketaman ta achike ri utz chin ndikiyaꞌ ruqꞌij, y ri Dios xukachꞌ kiwech. Pero wokami ndubꞌij chake konojel wineq nojel teq apeꞌ chi tikiyaꞌ kan ri mak y tikiyaꞌ kánima rikꞌin rijaꞌ.

Hechos 26:18

chin ndajeq kiwech, ngeꞌel pe pa qꞌequꞌ y ngekꞌojeꞌ pa luz, ngeꞌel pe chuxeꞌ ruchuqꞌaꞌ ri Satanás y ngeꞌok chuxeꞌ ruchuqꞌaꞌ ri Dios, chin nginikitaqij y ndikuyutej ri kimak. Y ndiyoꞌox chake ri sujun kan roma ri Dios chake ri chꞌajchꞌaj bꞌanun chare ri kikꞌaslen. Keriꞌ xubꞌij ri Ajaw chuwa.

Romanos 1:21

Y maske xketamaj chi kꞌo Dios, y kin rukꞌulun chi ndikiyaꞌ ruqꞌij, xa ma xkiyaꞌ ta, nixta xematioxin chare, xa xsach qa kinoꞌoj, y maneq rubꞌeyal ri ndikinojilaꞌ. Ri kánima xqꞌeqꞌumer qa y xenakanoꞌ.

Romanos 13:12

Ri qꞌequꞌ ndeqꞌax yan, y ja ndiseqresan pe. Romariꞌ tiqayaꞌ kan nojel ri itzel teq achike ngeqabꞌanalaꞌ ri kin chin wi ri qꞌequꞌ, y tiqaweqaꞌ qiꞌ rikꞌin ri luz ri kin achel jun tobꞌel nduyaꞌ ri Dios chaqe.

Romanos 2:19

y kin kuqul akꞌuꞌx chi rat ukꞌuey bꞌey chikiwech ri wineq ri ndikꞌatzin ndukꞌuꞌex bꞌey chikiwech, y chi ja rat ri ngayikꞌan bꞌey chikiwech ri ekꞌo pa qꞌequꞌ,

1 Corintios 1:30

Pero roma ri Dios, rix jun ibꞌanun rikꞌin ri Cristo Jesús ri achoq ikꞌin qilon ri nojibꞌel pataneq rikꞌin ri Dios, y roma ri Cristo nixta jun chik qamak qeqalen chuwech ri Dios, kin loqꞌolej bꞌanun chare ri qakꞌaslen y roj loqꞌon chin xojelesex pa ruqꞌaꞌ ri tzꞌamayon qichin.

2 Corintios 3:18

Y romariꞌ, roj ri qataqin ri Ajaw, maneq chik kꞌul tzꞌapiyon qawech, y ndiqatzꞌet rijaꞌ achel pa jun espejo apeꞌ ndiyikꞌan ruqꞌij, y qꞌij-qꞌij ndijalatej ri qakꞌaslen chin nderubꞌanaꞌ achel rukꞌaslen rijaꞌ, y riꞌ roma ri samaj ndubꞌen ri Ajaw pa qakꞌaslen, y ri Ajaw riꞌ, ja ri Espíritu.

2 Corintios 4:6

Porque ri Dios ri kereꞌ xubꞌij: Tiyikꞌiyoꞌ pe luz pa qꞌequꞌ, xubꞌen chuqaꞌ chi xyikꞌiyoꞌ pe luz pa qánima, chin keriꞌ roj rikꞌin ri luz riꞌ, ndiqayikꞌaj kánima chꞌaqa chik, chin ndiketamaj ri nimalej ruqꞌij ri Dios ri ndiyikꞌan chupalej ri Jesucristo.

2 Corintios 6:14

Rix ri itaqin chik ri Ajaw, ma tixim iwiꞌ kikꞌin ri ma kitaqin ta. Porque ri chojmilej kꞌaslen, ma chaj ta ndukꞌuaj riꞌ rikꞌin ri ma chojmilej ta kꞌaslen. Keriꞌ chuqaꞌ ri yikꞌan kikꞌaslen roma ri Dios, ma chaj ta ndikikꞌuaj kiꞌ kikꞌin ri kꞌa ekꞌo pa qꞌequꞌ.

Gálatas 5:25

Y roma ja ri Espíritu Santo yoyon kꞌakꞌakꞌ qakꞌaslen, tiqayaꞌ qꞌij chare chi tukꞌuaj chuqaꞌ ri qakꞌaslen.

Efesios 2:2

Xikꞌuaj jun itzel kꞌaslen achel kikꞌaslen ri wineq kꞌa bꞌaneq kánima chirij ri ndusuj ri rochꞌulew. Xikꞌuaj jun kꞌaslen achel xrajoꞌ ri itzel, ri ukꞌuayon kibꞌey ri itzel teq espíritu ekꞌo pa kaqiqꞌ, y ndisamej chuqaꞌ wokami pa kánima ri ma ngeniman ta chuwech ri Dios.

Efesios 4:18

Ri wineq riꞌ xqꞌeqꞌumer qa kinojibꞌal, maneq kiqꞌaꞌ chare ri kꞌaslen nduyaꞌ ri Dios, porque ma ndikajoꞌ ta ndiketamaj ri qetzij, roma kikowirisan ri kánima.

Efesios 5:2

Tikꞌuaj jun kꞌaslen ri ndukꞌut chi ndiwojoꞌ iwiꞌ chiwech, kin achel xojrajoꞌ ri Cristo y xusuj riꞌ pa kamik chuwech ri Dios pa qakꞌexel, y keriꞌ xok jun ofrenda jubꞌubꞌ ruxlaꞌ ri kin xqaꞌ chuwech ri Dios.

Efesios 6:12

Porque roj rojkꞌo pa guerra, pero ma wineq ta ri ngebꞌanun guerra chaqe, xa itzel teq espíritu ri ndikibꞌen reinar, ri espíritus ri kꞌo uchuqꞌaꞌ pa kiqꞌaꞌ, ri erajawal ri rochꞌulew ri eꞌukꞌuayon kikꞌaslen ri wineq qꞌequ-qꞌequꞌ kánima, y chuqaꞌ ri itzel teq espíritu ekꞌo pa kaqiqꞌ.

Colosenses 1:12

Ndiqakꞌutuj chuqaꞌ chi kin ta ngixkikot ngixmatioxin chare ri Tataꞌaj Dios, porque xubꞌen chiwa chi kin rukꞌulun ndiyoꞌox herencia chiwa junan kikꞌin ri loqꞌolej ralkꞌuaꞌl ri ekꞌo pa luz.

Colosenses 1:13

Rijaꞌ xojrukal pe pa ruqꞌaꞌ ri rajawal ri qꞌequꞌ, y xojruyaꞌ pa ru-reino ri Rukꞌajol ri tzꞌan ndirajoꞌ.

Tito 3:3

Porque jumbꞌey kan, roj chuqaꞌ ma jun qanoꞌoj, xetal xojtajiyaj rikꞌin. Ma xojniman ta chuwech ri Dios. Kin roj chꞌakatin. Xojkꞌojeꞌ chuqaꞌ pa ruqꞌaꞌ ri itzel teq rayinik ri xeqabꞌanalaꞌ y xkikot qánima kikꞌin. Chubꞌanik xqabꞌen itzel teq achike chake chꞌaqa wineq. Itzel xqanaꞌ chare roma utz kibꞌanun chꞌaqa chik, itzel xqatzꞌetelaꞌ qiꞌ chiqawech y xeqabꞌanalaꞌ itzel teq achike ri achoq roma ri wineq xmulu kikꞌuꞌx qikꞌin.

1 Juan 1:7

Pero si ndiqakꞌuaj qakꞌaslen pa luz achel rijaꞌ kꞌo pa luz, riꞌ ndubꞌen chaqe chi xe jun ndiqabꞌen chiqawech kikꞌin ri hermanos, y ri rukikꞌel ri Jesús ri Rukꞌajol, qꞌij-qꞌij ngojruchꞌajchꞌojrisaj chuwech nojel qamak.