Efesios 4:10 - Kaqchikel Santo Domingo (Xenacoj)

¹⁰ Y ri Jun ri xqaqa qa, jariꞌ ri xtzolij e chin xbꞌekꞌojeꞌ pa kiwiꞌ nojel teq ri kaj, y keriꞌ nojel apeꞌ kꞌo wi.

Tuilleadh tionndaidhean

Kaqchikel Santa Maria de Jesus

¹⁰ Xpa cꞌa choch-ulief y xtzalaj chic el chicaj, chi quireꞌ nicꞌujieꞌ pa quiveꞌ quinojiel ri icꞌo chicaj y ri icꞌo choch-ulief.

Kaqchiquel Bible

¹⁰ Xoqaqa chuwech re ruwach'ulew y xtzolin chik el chila' chikaj richin chi nutz'aqatisaj ronojel.

Kaqchikel Central Guatemala

¹⁰ Xoka' chuvech re ruvach'ulef y xtzolin chic el chila' chicaj richin chi nutz'akatisaj ronojel. Can nim vi c'a ruk'ij.

Re C'ac'a Testamento pa Kach'abal

¹⁰ Xpa chach re ruch'ulef y xtzolaj chic-a chila' chicaj, chin che reja' nic'ue' ronojel lugar y nic'ue' pa quive' conojel re jec'o chila' chicaj, y pa quive' conojel re jec'o vova' chach re ruch'ulef.

Kaqchikel Western Solola

¹⁰ Ri xpe c'a chuwech re ruwach'ulef xa can ya chuka' ri' ri xtzolin chic el chila' chicaj ri acuchi (achique) xbec'oje' pa ruwi' ronojel. Queri' xuben riche (rixin) chi queri' can ronojel lugar c'o wi y runojsan ronojel.

Efesios 4:10 Iomraidhean Croise

San Mateo 24:34

Y kin qetzij nibꞌij chiwa chi nojel ri nubꞌiꞌin pe ngebꞌanatej nabꞌey chi ngekꞌis e chochꞌulew ri wineq aj wokami.

San Lucas 24:44

Y xubꞌij chake: Atoq kꞌa yinkꞌo iwikꞌin pa nabꞌey, nubꞌiꞌin wi pe chiwa, chi kin ndikꞌatzin chi ndibꞌanatej ri tzꞌibꞌan kan chupan ri ley xyoꞌox chare ri Moisés, ri tzꞌibꞌan kan koma ri profetas, y ri tzꞌibꞌan kan chupan ri Salmos pa nuwiꞌ.

San Juan 1:16

Y roma nojneq ránima ri Rukꞌajol ri Dios rikꞌin ri qetzij y ru-favor ri Dios, santienta favor roqaloꞌon riꞌ yoꞌon pe pa qawiꞌ chuqaꞌ roj.

San Juan 19:24

Ja atoq riꞌ ri soldados ndikibꞌilaꞌ chikiwech: Ma tiqaretz re kꞌul reꞌ, xa qojetzꞌan chuchꞌakik, chin keriꞌ achike na ri xtichꞌakon, jariꞌ xtukꞌuan, xechajeꞌ. Y rikꞌin ri keriꞌ xkibꞌen, xbꞌanatej ri ndubꞌij ri rutzij ri Dios tzꞌibꞌan kan: Xekijachalaꞌ ri nutziaq chikiwech y xkiyaꞌ pa etzꞌanin ri nukꞌul niqꞌuꞌuj. Keriꞌ tzꞌibꞌan kan. Y jariꞌ ri xkibꞌen ri soldados.

San Juan 19:28

Atoq xbꞌanatej yan reꞌ, ri Jesús roma retaman chi xukꞌis yan rubꞌanik ri samaj yoꞌon pe pa ruqꞌaꞌ y chin ndibꞌanatej ri tzꞌibꞌan kan chupan ri rutzij ri Dios, xubꞌij: Ndichaqiꞌj nuchiꞌ.

San Juan 19:36

Porque nojel re xbꞌanatej, kin chin wi xbꞌanatej ri tzꞌibꞌan kan chupan ri rutzij ri Dios ri ndubꞌij: Nixta jun rubꞌaqil ndiqꞌajloꞌox. Keriꞌ tzꞌibꞌan kan.

Hechos 1:11

y ri kaꞌiꞌ achiꞌaꞌ riꞌ xkibꞌij: Achiꞌaꞌ aj Galilea, ¿achike roma ngixtzuꞌun e chikaj? Ri Jesús ri xitzꞌet rix wokami ri xukꞌamer qa chiꞌikajal chin xukꞌuꞌex e chikaj, nduqaqa chik jumbꞌey, y achel xitzꞌet chi xbꞌa, keriꞌ chik nduqaqa.

Hechos 1:9

Y atoq xukꞌis rubꞌixik reꞌ, ri kimolon kiꞌ ndikitzutzaꞌ ri Jesús atoq xukꞌuꞌex e chikaj y jun nube xewan richin y ma xkitzꞌet chi ta.

Hechos 2:33

Y roma ri Jesús xukꞌuꞌex e chikaj y xnimrisex ruqꞌij pa rikiqꞌaꞌ ri Dios, y xyoꞌox uchuqꞌaꞌ pa ruqꞌaꞌ roma ri Tataꞌaj Dios chin xuteq pe ri Espíritu Santo rusujun kan, romariꞌ ndajin ri nditzꞌet y ndiwakꞌaxaj rix wokami.

Hechos 3:18

Pero rikꞌin ri xuqꞌasaj ri Jesús pa rukꞌaslen, ri Dios xubꞌen ri ruqꞌalajrisan kan pa kichiꞌ konojel ri profetas ojer, ri kibꞌiꞌin kan chi ri Jun nditaq pe chukolik ri rutinamit ri Dios kin xtuqꞌasaj wi kꞌayew.

2 Corintios 12:2

Ja laꞌeq jun 14 junaꞌ wokami, chi jun achi ri xe jun rubꞌanun rikꞌin ri Cristo Jesús, xukꞌuꞌex e kꞌa pa rox kaj y xtzolij chi pe jumbꞌey. Riyin wetaman ruwech ri achi riꞌ. Ri ma wetaman ta, ja si xukꞌuꞌex pa ru-cuerpo o xaxe ri ránima, riꞌ kin xe ri Dios etamayon.

Efesios 3:19

Y keriꞌ ndikꞌoxomaj janipeꞌ ngixrajoꞌ ri Cristo, maske ri rajowabꞌel rijaꞌ más nim ke chuwech ri ngojtiker ndiqakꞌoxomaj. Keriꞌ nikꞌutuj pa iwiꞌ chare ri Tataꞌaj Dios, chin keriꞌ ri inoꞌoj rix nderubꞌanaꞌ achel ri utzulej runoꞌoj rijaꞌ.

Colosenses 1:19

Kin xqaꞌ chuwech ri Tataꞌaj Dios chi ri Cristo qitz achel rijaꞌ. Romariꞌ ri Cristo kin Dios wi.

Colosenses 2:9

Porque nojel ri qitz méra ri Dios nditzꞌetetej pa ru-cuerpo ri Cristo, roma rijaꞌ kin Dios wi.

1 Timoteo 3:16

Y kin qetzij chi santienta reqalen ri qataqin, ri ewan pe rubꞌeyal ojer kan, pero wokami qꞌalajrisan chiqawech roma ri Dios pa ruwiꞌ ri Cristo. Y jareꞌ ri rukꞌuꞌx: Ri Cristo xqꞌalajrisex chiqawech rikꞌin jun cuerpo achel qa-cuerpo roj wineq. Xqꞌalajrisex chiqawech roma ri Espíritu Santo chi kin chojmilej ri rukꞌaslen. Xtzꞌetetej koma ángeles. Xyoꞌox utzulej rutzijol chake ri ma israelitas ta, Xtaqix koma wineq chochꞌulew, Xukꞌuꞌex e y xkꞌan ruwech chikaj rikꞌin nimalej ruqꞌij.

Hebreos 4:14

Ri Jesús ri Rukꞌajol ri Dios, ja rijaꞌ ri más nimalej ruqꞌij qa-Sacerdote ri xbꞌa e chikaj y xbꞌekꞌojeꞌ rikꞌin ri Dios. Romariꞌ, tiqatijaꞌ qaqꞌij chi jumul kuqul qakꞌuꞌx rikꞌin ri achike qataqin pa ruwiꞌ rijaꞌ.

Hebreos 7:26

Y keriꞌ kꞌa, ja ri Jesús ri más nimalej ruqꞌij Sacerdote ri ndikꞌatzin chaqe, porque rijaꞌ kin loqꞌolej wi, ma jumbꞌey rubꞌanun mak, y nixta jun itzel kꞌo pa ránima. Ma junan ta rukꞌaslen kikꞌin ri wineq, porque ri wineq kin eꞌaj mak wi, y rijaꞌ kin más nim ruqꞌij bꞌanun chare chikaj.

Hebreos 8:1

Ri rukꞌuꞌx nojel ri ngojtajin chubꞌixik chiwa, jareꞌ: Pa qawiꞌ roj kꞌo jun más nimalej ruqꞌij Sacerdote tzꞌuyul pa rikiqꞌaꞌ ri ru-trono ri nimalej Dios chikaj.