Efesios 3:9 - Kaqchikel Santo Domingo (Xenacoj)

⁹ Xyoꞌox chuqaꞌ qꞌij chuwa chi nitzijoj chake konojel ri rubꞌeyal ri favor ri rubꞌanun pe ruwech chi nduyaꞌ ri Dios, favor ri xe ojer kan tiempo ewan rubꞌeyal y wokami xqꞌalajrisex roma rijaꞌ ri bꞌanayon nojel.

Tuilleadh tionndaidhean

Kaqchikel Santa Maria de Jesus

⁹ Y ri Dios xuyaꞌ jeꞌ ri ru-favor chi nitzijuoj chiquivach quinojiel ri ranun-pa pensar ojier can chi nuꞌon. Antok cꞌa majaꞌ tuꞌon ri roch-ulief y nojiel ri icꞌo, can ya ranun pensar ri chica nuꞌon. Jajaꞌ can ojier can tiempo man ruꞌeꞌn ta pa, xa cꞌajaꞌ vacame xuꞌej.

Kaqchiquel Bible

⁹ Kan xiruya' k'a chupan ri rusamaj richin ninq'alajirisaj chiwech rix ri ruch'obon-pe ri Dios chi nuben. Toq ri Dios man jani tuben re ruwach'ulew y ronojel ri ek'o, kan ja yan ri' toq xuch'ob ri achike nuben. Janila k'a k'iy q'ij ewatel-pe rik'in rija', jak'a xa k'a juba' tuq'alajirisaj.

Kaqchikel Central Guatemala

⁹ Can xiruya' c'a chupan ri rusamaj richin nink'alajirisaj chiquivech ri vinek ri ruch'obon-pe ri Dios chi nuben. Tok ri Dios man jani tuben re ruvach'ulef y ronojel ri ec'o, can ja yan ri' tok xuch'ob ri achique nuben. Pero xa c'a juba' re' xuk'alajirisaj. Janíla c'a q'uiy tiempo evatel-pe riq'uin rija'.

Re C'ac'a Testamento pa Kach'abal

⁹ Can xinruya' chupan re rusamaj chin nintzijoj chiquivach re vinak, re andex runojim-pa re Dios che nuban. Tak re Dios c'amaje-na tuban re ruch'ulef y ronojel re ye'katz'at re jec'o vocame, can jare' tak xunojij re andex nuban. Re Dios camas c'a q'uiy tiempo tunojij-va-pa re andex nuban, pero xa c'a ba' c'a tiempo tusekresaj-va.

Kaqchikel Western Solola

⁹ Y ruya'on chuka' chuwe riche (rixin) chi nk'alajsaj chiquiwech ri winek ri can ojer chic ruch'obon pe ri Dios chi nuben. Tek ri Dios c'a ma jane tuben re ruwach'ulef y ronojel ri yec'o, can yari' tek xuch'ob yan ri achique nuben. Y xa c'a ma jane q'uiy ta tiempo tuk'alajsaj.

Efesios 3:9 Iomraidhean Croise

San Mateo 10:27

Ri nibꞌij chiwa chilaqꞌel, tiwelesaj rutzijol rix, y ri ndiwakꞌaxaj wikꞌin chilaqꞌel, kixsikꞌin chutzijoxik pariꞌ teq jay.

San Mateo 13:35

Y reꞌ xbꞌanatej, chin xbꞌanatej ri rubꞌiꞌin kan ri Dios pa ruchiꞌ ri profeta ojer atoq xubꞌij: Rikꞌin parábolas ngichꞌaꞌa chake ri wineq. Y kꞌo ngenqꞌalajrisaj ri ma eqꞌalajrisan ta Xe jampeꞌ tzꞌukutajneq pe ri rochꞌulew.

San Mateo 25:34

Y ja atoq riꞌ riyin ri Rey nibꞌij chake ri ekꞌo pa wikiqꞌaꞌ: Kixámpe rix ri kꞌo ru-favor ri Nataꞌ Dios pa iwiꞌ, kixok chupan ri reino bꞌanun ruwech chi ndok iwichin xe jampeꞌ xbꞌan pe ri rochꞌulew roma ri Dios.

San Mateo 28:19

Romariꞌ kixbꞌiyin, y keꞌitijoj nojel kiwech wineq chochꞌulew chin ngeꞌok nu-discípulos. Keꞌibꞌanaꞌ bautizar pa rubꞌiꞌ ri Tataꞌaj Dios, pa nubꞌiꞌ riyin ri Rukꞌajol, y pa rubꞌiꞌ ri Espíritu Santo.

San Lucas 24:47

y ndubꞌij chuqaꞌ chi pa nubꞌiꞌ riyin ndetzijox chake nojel kiwech wineq chi ndikꞌatzin ndikiyaꞌ kan ri mak y ndikiyaꞌ kánima rikꞌin ri Dios chin ndikuyutej ri kimak. Y chireꞌ pa tinamit Jerusalén nditzꞌukutej e rutzijoxik.

San Juan 10:30

Riyin y ri Tataꞌaj Dios, xe jun rubꞌanun ri qánima.

San Juan 5:17

Pero ri Jesús xubꞌij chake: Ri Nataꞌ Dios ndisamej re qꞌij reꞌ, y keriꞌ chuqaꞌ riyin ngisamej, xchajeꞌ.

San Juan 5:19

Ri Jesús xubꞌij chake: Kin qetzij nibꞌij chiwa chi yin ri Rukꞌajol ri Dios maneq cheꞌel chi nuyon chinuwech nibꞌen jun achike, xa kin ja ri nitzꞌet chi ndubꞌen ri Tataꞌaj Dios nibꞌen, y kin achel ndubꞌen rijaꞌ, nibꞌen chuqaꞌ riyin.

Hechos 15:18

Keriꞌ ndubꞌij ri Ajaw, Ri xe jampeꞌ pa nabꞌey Ruqꞌalajrisan kan nojel reꞌ.

Romanos 11:25

Hermanos, riyin niwojoꞌ chi ndikꞌoxomaj ri ma kin ta qꞌalej rubꞌeyal ojer kan chupan ri tiempos eqꞌaxneq pe, pero wokami xqꞌalajrisex, chin keriꞌ ma ndinimrisaj iwiꞌ. Y ri xqꞌalajrisex, jareꞌ: Chiqakajal roj israelitas ekꞌo ekꞌiy kikowirisan ri kánima, y keriꞌ xtubꞌen ri kánima hasta kꞌa ngekolotej na konojel ri ma israelitas ta ri echaꞌon chin ngekolotej.

1 Corintios 2:7

Ri nojibꞌel ri ndiqatzijoj roj, ja ri nimalej nojibꞌel pataneq rikꞌin ri Dios, ri ewan rubꞌeyal jumbꞌey kan. Ri nimalej nojibꞌel riꞌ, ri Dios rubꞌanun wi pe ruwech xe atoq kꞌajani titzꞌukutej pe ri rochꞌulew chin nduqꞌalajrisaj chiqawech roj qonojel ri qataqin rijaꞌ, chin ndikꞌojeꞌ qaqꞌij rikꞌin.

Efesios 1:4

Porque ri Dios xojruchaꞌ xe jampeꞌ pa nabꞌey atoq kꞌajani tubꞌen ri rochꞌulew chin xubꞌen chaqe chi xe jun xqabꞌen rikꞌin ri Cristo chin ngojok chꞌajchꞌaj y loqꞌolej chuwech. Y roma santienta roj rojowan pe,

Efesios 3:2

Y riyin ninaꞌ pa wánima chi rix iwakꞌaxan chi ri Dios pa nuqꞌaꞌ ruyoꞌon chi nitzijoj ri utzulej rutzij chiwa, chin ndiwil ri favor nduyaꞌ.

Efesios 6:19

Tikꞌutuj chuqaꞌ chare ri Dios woma riyin, chi nduyaꞌ tzij pa nuchiꞌ chin niqꞌalajrisaj chikiwech ri wineq ri utzulej teq tzij chin kolotajik ri ma kin ta qꞌalej rubꞌeyal rubꞌanun kan, y man ta nixibꞌij wiꞌ chubꞌixik.

Colosenses 1:23

Pero chin ndibꞌanatej keriꞌ rikꞌin ri ikꞌaslen, ndikꞌatzin chi jumul kuqul ikꞌuꞌx rikꞌin ri Ajaw, kaw rix peꞌel chiraqen, y ma ndiyaꞌ kan royobꞌexik ri sujun chupan ri utzulej teq tzij chin kolotajik ri iwakꞌaxan. Y ja utzulej teq tzij riꞌ ri nditzijox chake konojel wineq chochꞌulew, y riyin Pablo yin okuneq samajel chin ndibꞌa más rutzijol.

Colosenses 1:26

Ri tzij riꞌ ewan rubꞌeyal ojer kan chikiwech ri wineq chupan ri tiempos eqꞌaxneq pe, pero wokami xqꞌalajrisex chikiwech ri loqꞌolej teq ralkꞌuaꞌl ri Dios,

Colosenses 3:3

Porque rix xixken yan chuwech ri itzel teq rayinik ekꞌo chochꞌulew, y roma ri xubꞌen ri Cristo, ri ikꞌaslen kꞌo pa ruqꞌaꞌ ri Dios.

Colosenses 4:3

Tikꞌutuj chuqaꞌ chare ri Dios pa qawiꞌ roj chi nduyaꞌ qꞌij chaqe ndiqatzijoj ri rutzij, chin keriꞌ ndiqaqꞌalajrisaj ri ma kin ta qꞌalej rubꞌeyal ojer kan, ri ndichꞌaꞌa pa ruwiꞌ ri achike ri Cristo y ri rukꞌamon pe chaqe. Y riyin roma niyaꞌ rutzijoxik ri utzulej teq tzij riꞌ yin tzꞌapel pa cheꞌ wokami.

2 Tesalonicenses 2:13

Pero roj ndikꞌatzin chi jumul ngojmatioxin chare ri Dios iwoma rix hermanos, ri santienta rix ojowan roma ri Ajaw, porque xe jampeꞌ pa nabꞌey rix ruchaꞌon ri Dios chin nduyaꞌ kolotajik chiwa. Ngixrukal roma rusamaj ri Espíritu Santo ri ndubꞌen loqꞌolej chare ri ikꞌaslen y roma chuqaꞌ itaqin ri qetzij.

1 Timoteo 3:16

Y kin qetzij chi santienta reqalen ri qataqin, ri ewan pe rubꞌeyal ojer kan, pero wokami qꞌalajrisan chiqawech roma ri Dios pa ruwiꞌ ri Cristo. Y jareꞌ ri rukꞌuꞌx: Ri Cristo xqꞌalajrisex chiqawech rikꞌin jun cuerpo achel qa-cuerpo roj wineq. Xqꞌalajrisex chiqawech roma ri Espíritu Santo chi kin chojmilej ri rukꞌaslen. Xtzꞌetetej koma ángeles. Xyoꞌox utzulej rutzijol chake ri ma israelitas ta, Xtaqix koma wineq chochꞌulew, Xukꞌuꞌex e y xkꞌan ruwech chikaj rikꞌin nimalej ruqꞌij.

2 Timoteo 1:9

Ri Dios xojrukal, y xojroyoj chin ndiqakꞌuaj jun chꞌajchꞌaj kꞌaslen. Rijaꞌ xojroyoj ma roma ta chi kꞌo utz qabꞌanun. Xa kin roma ri nimalej ru-favor rijaꞌ, y roma chuqaꞌ keriꞌ runojin pe xe pa nabꞌey atoq kꞌajani tubꞌen ri rochꞌulew. Xe jampeꞌ atoq riꞌ runojin chi nduyaꞌ ru-favor chaqe roj ri xe jun qabꞌanun rikꞌin ri Cristo Jesús.

2 Timoteo 4:17

Pero ri Ajaw ma xiruyaꞌ ta kan, xa kin xirutoꞌ y xuyaꞌ wuchuqꞌaꞌ chin keriꞌ xintzijoj ri utzulej teq tzij chin kolotajik, y keriꞌ xkakꞌaxaj konojel ri ma israelitas ta ri utzulej teq tzij riꞌ. Y ri Ajaw xirukal chuwech ri kamik.

Tito 1:2

Ri rukꞌuꞌx ri kꞌaslen riꞌ, ja ri ndoyobꞌex ri kꞌaslen ma ndikꞌis ta. Y ja kꞌaslen riꞌ rusujun ri Dios chi nduyaꞌ xe jampeꞌ atoq kꞌajani titzꞌukutej pe ri tiempo ojer kan. Y kin nduyaꞌ wi ri rusujun, porque ri Dios ma ndireqꞌon ta.

1 Pedro 1:20

Ri Cristo kin bꞌiꞌin wi pe pa ruwiꞌ chi nduken pa kikꞌexel ri wineq, y riꞌ kin xe atoq kꞌajani tibꞌan ri rochꞌulew. Pero kꞌaja chupan re rukꞌisibꞌel teq tiempo rojkꞌo, xtaq pe chin xukꞌen pe utz chiwa.

Apocalipsis 13:8

Ri ngeyoꞌon ruqꞌij ri itzel chikap, ja ri wineq ri ekꞌo chochꞌulew ri xe jampeꞌ pa nabꞌey atoq kꞌajani titzꞌukutej pe ri rochꞌulew ma tzꞌibꞌan ta kibꞌiꞌ chupan ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen ma ndikꞌis ta chake. Ri wuj riꞌ chin ri Alaj Karneꞌl ri altíra sokotajneq roma ri kamik xuqꞌasaj.

Apocalipsis 14:6

Y xintzꞌet jun chik ángel ndirapap pa runikꞌajal ri kaj rukꞌuan ri utzulej teq tzij chin ri kolotajik chin jumul, chin nderuyaꞌ rutzijol chake ri ekꞌo chochꞌulew, chake konojel wineq jalajaj kirochꞌulew, jalajaj katit-kimamaꞌ, kichꞌabꞌel y kitinamit.

Apocalipsis 17:8

Ri itzel chikap xatzꞌet, xa jun ri xkꞌojeꞌ yan rukꞌaslen, y ma kꞌo chi ta, pero maske ma kꞌo ta, xa jubꞌaꞌ chik ndirajoꞌ chin ndel pe chupan ri rar siwan, nabꞌey chi ndeyoꞌox apeꞌ ngeyoꞌox ri ma ngekolotej ta. Y ri wineq ekꞌo chochꞌulew, ri xe jampeꞌ pa nabꞌey atoq kꞌajani tibꞌan ri rochꞌulew ma tzꞌibꞌan ta kibꞌiꞌ chupan ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen ma ndikꞌis ta chake, rejeꞌ ndisach kikꞌuꞌx chirij ri itzel chikap ri xkꞌojeꞌ yan y ma kꞌo chi ta, y ndekꞌojeꞌ chik jumbꞌey.

Apocalipsis 4:11

Ajaw y qa-Dios, Ja rat ri kin rukꞌulun chi ndiyoꞌox aqꞌij, y ndinimrisex abꞌiꞌ, Ja rat ri kin rukꞌulun chi achajin nojel ruwech uchuqꞌaꞌ. Porque xe wi rat bꞌanayon nojel ri ebꞌanun, Y roma arayibꞌel rat ekꞌo.