Efesios 2:5 - Kaqchikel Santo Domingo (Xenacoj)

⁵ Keriꞌ ndiqꞌalajin, porque atoq kꞌa roj kamineq pa mak xubꞌen chaqe achel xubꞌen chare ri Cristo. Xuyaꞌ chik rukꞌaslen ri Cristo y xuyaꞌ chuqaꞌ kꞌakꞌakꞌ qakꞌaslen roj ri roj kamineq pa qamak. Kin roma ri favor ruyoꞌon ri Dios pa iwiꞌ, rix kolotajneq.

Tuilleadh tionndaidhean

Kaqchikel Santa Maria de Jesus

⁵ Xojrajoꞌ mesque oj-quiminak chupan ri ka-pecados, y xuyaꞌ kacꞌaslien incheꞌl rucꞌaslien ri Cristo ruma jun kabꞌanun riqꞌuin. Xojcolotaj-pa chupan ri ka-pecados ruma ri ru-favor ri Dios.

Kaqchiquel Bible

⁵ Xojrajo' stape' k'a oj kaminaqi' na chupan ri qamak. Y roma ruya'on ruk'aslen ri Cristo, keri' chuqa' xuben qik'in roj. Xojkolotej k'a pe chupan ri qamak roma ri rutzil ri Dios.

Kaqchikel Central Guatemala

⁵ Xojrajo' tok c'a oj caminaki' na chupan ri kamac, y roma ruyo'on ruc'aslen ri Cristo, que chuka' ri' xuben kiq'uin roj, xuya' kac'aslen. Xojcolotej c'a pe chupan ri kamac roma ri rutzil ri Dios.

Re C'ac'a Testamento pa Kach'abal

⁵ Xojrajo' tak c'a yoj quiminak chupan re kamac, y roma ruyi'on ruc'aslen re Jesucristo, quire' chuka' xuban kaq'uin yoj, xuya' kac'aslen. Xojcolotaj-pa chupan re kamac roma camas yojrajo'.

Kaqchikel Western Solola

⁵ Astape' c'a yoj caminek na c'a chupan ri kamac, xojrajo' y xuya' kac'aslen achi'el ruc'aslen ri Cristo, quec'ari' xuben ri Dios kiq'ui, xuya' kac'aslen. Y can ruma c'a ri rutzil Riya' tek xojcolotej pe chupan ri kamac.

Efesios 2:5 Iomraidhean Croise

San Lucas 15:24

Porque re jun nukꞌajol reꞌ xa achel kamineq chik, y wokami achel xkꞌojeꞌ chik rukꞌaslen; sachineq y wokami xilitej, xchajeꞌ ri rutataꞌ. Y keriꞌ, ja xkitzꞌuk qa ri nimaqꞌij.

San Juan 5:21

Keriꞌ nibꞌij chiwa porque achel ri Tataꞌaj Dios ngerukꞌastajbꞌaꞌ ri animaꞌiꞌ y nduyaꞌ chik kikꞌaslen, keriꞌ chuqaꞌ yin ri Rukꞌajol, niyaꞌ kikꞌaslen ri achoq chake niwojoꞌ niyaꞌ.

San Juan 6:63

Ri ndiyoꞌon ri kꞌaslen ma ndikꞌis ta ja ri Espíritu Santo. Ri cuerpo chin jun wineq ma nduyaꞌ ta ri kꞌaslen riꞌ. Ri tzij ri nubꞌiꞌin pe chiwa, kin rikꞌin ri Espíritu epataneq wi y kin ndikiyaꞌ ri kꞌaslen ma ndikꞌis ta.

Hechos 15:11

Ma utz ta chi ndiqabꞌen keriꞌ, porque roj qataqin chi xe roma ri ru-favor ri Ajaw Jesús ngojkolotej roj israelitas, y keriꞌ chuqaꞌ ri ma israelitas ta, xchajeꞌ ri Pedro.

Romanos 16:20

Xa jubꞌaꞌ chik tiempo ndirajoꞌ chi ri Dios ri ndiyoꞌon uxlanen pa qánima, ndubꞌen chare ri Satanás chi ndikꞌojeꞌ chuxeꞌ iwaqen. Ri favor ri nduyaꞌ ri Qajaw Jesús kin ta xtikꞌojeꞌ pa iwiꞌ.

Romanos 3:24

Pero roma ri favor rusipan pe ri Dios, wokami ri wineq nixta jun kimak ndikeqalej chuwech, y riꞌ roma ri Cristo Jesús xerulaqꞌ chin xerelesaj pa ruqꞌaꞌ ri tzꞌamayon kichin.

Romanos 4:16

Romariꞌ, ja ri ngetaqin ri ndubꞌij ri Dios, kin ja chake rejeꞌ ndiyoꞌox ri rusujun rijaꞌ, chin keriꞌ ndiqꞌalajin chi roma ri ru-favor ri Dios ndiyoꞌox ri rusujun chake konojel ri eriy-rumam ri Abraham, ma xe ta chake ri ekꞌo chuxeꞌ rutzij ri ley, xa kin chake chuqaꞌ ri kitaqin chi kin ndiyoꞌox wi ri rusujun ri Dios, achel xutaqij ri Abraham, ri tataꞌatz pa qawiꞌ roj qonojel ri ngojtaqin.

Romanos 5:10

Keriꞌ nibꞌij chiwa, porque atoq kꞌa rojkꞌo contra ri Dios, rijaꞌ xrelesaj ri qamak jachayon qawech rikꞌin y xukꞌen apu qawech, y riꞌ roma ri kamik xuqꞌasaj ri Rukꞌajol. Y kami ke elesan ri mak jachayon qawech rikꞌin, kin más ndiqꞌalajin chi ngojkolotej roma rukꞌaslen ri Rukꞌajol.

Romanos 5:6

Porque chupan ri tiempo atoq xkꞌojeꞌ ruchuqꞌaꞌ ri mak pa qawiꞌ, xuqaqa ri qꞌij chi ri Cristo xken qoma roj qonojel wineq ri kin ma utz ta qakꞌaslen chuwech ri Dios.

Romanos 5:8

Pero ri Dios ndukꞌut chiqawech chi kin ngojrajoꞌ, porque ri Cristo xken qoma atoq kꞌa rojkꞌo chuxeꞌ ruchuqꞌaꞌ ri mak.

Romanos 8:2

Porque ukꞌuan qakꞌaslen roma ri Espíritu Santo ri ndiyoꞌon kꞌaslen, y ja rijaꞌ kꞌisiyon ruqꞌij ruchuqꞌaꞌ ri mak ri xa kamik ndukꞌen pe chaqe. Y riꞌ roma xe jun qabꞌanun rikꞌin ri Cristo Jesús.

Efesios 2:1

Rubꞌanun kan, rix kamineq chupan ri imak y ri itzel teq achike xeꞌibꞌanalaꞌ.

Efesios 2:8

Porque rix, roma ri favor ruyoꞌon ri Dios pa iwiꞌ, xixkolotej roma xitaqij ri Cristo, y ma jun achike xibꞌen chin xixkolotej, porque reꞌ rusipan ri Dios chiwa.

Efesios 5:14

Y keriꞌ kꞌo cheꞌel ndikiyaꞌ kan ri mak ngekibꞌanalaꞌ chin ngeꞌok ralkꞌuaꞌl ri Dios ri kin luz wi. Romariꞌ kereꞌ ndibꞌix: Kakꞌastej rat ri ngawer; Kayakatej pe chikikajal ri ekamineq pa mak, Y ri Cristo nduyikꞌaj ri akꞌaslen. Keriꞌ ri ndibꞌix.

Colosenses 2:13

Rubꞌanun kan rix kamineq pa mak chuwech ri Dios, y kꞌajani kixelesex chuxeꞌ ruchuqꞌaꞌ ri itzel teq rayinik chin ri i-cuerpo ri ximiyon iwichin, pero wokami ri Dios xuyaꞌ ikꞌaslen rikꞌin ri Cristo, roma xukuy nojel qamak.

Tito 2:11

Porque xuqꞌalajin chikiwech konojel wineq ri favor nduyaꞌ ri Dios ri rukꞌamon pe kolotajik.

Tito 3:5

xojrukal pe pa ruqꞌaꞌ ri mak. Y keriꞌ xubꞌen, pero ma roma ta kꞌo utz qabꞌanaloꞌon pe, xa kin roma xujoyowaj qawech, y xubꞌen chꞌajchꞌaj chaqe roma xuyaꞌ jun kꞌakꞌakꞌ qalaxik, y xujel ri qakꞌaslen roma ri samaj ndubꞌen ri Espíritu Santo pa qánima.

Apocalipsis 22:21

Ri favor ri nduyaꞌ ri Ajaw Jesús kin ta xtikꞌojeꞌ pa iwiꞌ rix iwonojel.