Apocalipsis 7:15 - Kaqchikel Santo Domingo (Xenacoj)

¹⁵ Romariꞌ, ekꞌo apu chuwech ru-trono ri Dios, Y ndikibꞌen rusamaj chi chaqꞌaꞌ chi paqꞌij, Y ri Dios ri tzꞌuyul pa ru-trono, Ndikꞌojeꞌ pa kinikꞌajal chin ngeruchajij.

Tuilleadh tionndaidhean

Kaqchikel Santa Maria de Jesus

¹⁵ Y rumareꞌ icꞌo-apa choch ri Dios, y chi pakꞌij chi chakꞌaꞌ niquiꞌan servir; y ri Dios tzꞌuyul pa ru-trono ncaꞌruꞌon cuenta ruma quiqꞌuin cꞌo-ve.

Kaqchiquel Bible

¹⁵ Roma ri' ek'o-apo rik'in ri Dios, chupan ri rachoch y chi paq'ij chi chaq'a' nikisamajij. Y ri Dios ri tz'uyul chupan ri rutz'uyubal xtik'ase' chikikojol y xkeruchajij re winaqi' re'.

Kaqchikel Central Guatemala

¹⁵ Y romari' ec'o-apo riq'uin ri Dios, chupan ri rachoch, y chi pak'ij chi chak'a' niquiben rusamaj. Y ri Dios tz'uyul c'a chupan ri lok'olej ruch'acat e ruchajin, roma quiq'uin c'o-vi.

Re C'ac'a Testamento pa Kach'abal

¹⁵ Y mare' can jec'o-apo riq'uin re Dios, y can ja pa rachoch re Dios jec'o-va, y che pak'ij che chak'a' niquiban rusamaj. Y re Dios tz'uyul chach re lok'olaj ch'acat je'ruchajin, roma quiq'uin c'o-va.

Kaqchikel Western Solola

¹⁵ Y rumari' yec'o apo riq'ui ri Dios, chupan ri rachoch, y chi pak'ij chi chak'a' niquiben rusamaj. Y ri Dios tz'uyul c'a chupan ri lok'olaj ruch'acat ye ruchajin, ruma can quiq'ui c'o wi.

Apocalipsis 7:15 Iomraidhean Croise

San Juan 1:14

Ri Jun ri ndiqꞌalajrisan runoꞌoj ri Dios xuqaqa chochꞌulew, xkꞌojeꞌ jun ru-cuerpo achel qa-cuerpo roj wineq y rijaꞌ xkꞌojeꞌ chiqakajal. Roj xqatzꞌet ri nimalej ruqꞌij ri kin chin wi ri junayon Rukꞌajol ri Tataꞌaj Dios ri nojneq ránima rikꞌin ri qetzij y rikꞌin ri ru-favor ri Dios.

1 Corintios 3:16

¿Ma iwetaman ta kꞌa chi rix ri itaqin ri Cristo, rix rachoch ri Dios y ri Espíritu chin ri Dios kꞌo pa iwánima?

2 Corintios 6:16

Keriꞌ chuqaꞌ roj ri ndiqayaꞌ ruqꞌij ri Dios, roj rachoch ri Kꞌaslik Dios, y romariꞌ ma utz ta chi ndiqakꞌuaj qiꞌ kikꞌin ri ndikiyaꞌ kiqꞌij tiox, achel xubꞌij ri Dios chupan ri rutzij tzꞌibꞌan kan: Ri yin kitaqin, nibꞌen wachoch chare ri kánima y ngikꞌojeꞌ chikikajal, Riyin nginok ki-Dios, Y rejeꞌ ngeꞌok nutinamit.

Hebreos 12:2

Y jumul tiqayaꞌ qawech chirij ri Jesús ri xjaqo bꞌey chiqawech chin ndiqakuqubꞌaꞌ qakꞌuꞌx rikꞌin ri Dios y nditoꞌon qichin chin jumul kuqul qakꞌuꞌx hasta pa rukꞌisibꞌel. Ri Jesús roma retaman chi kin xtikikot, ma xupoqonaj ta riꞌ xuqꞌasaj ri kꞌix xukꞌen pe ri kamik xuqꞌasaj cho cruz, xa kin xukachꞌ. Y xbꞌetzꞌuyeꞌ e pa rikiqꞌaꞌ ri Dios ri tzꞌuyul pa ru-trono.

Hebreos 8:1

Ri rukꞌuꞌx nojel ri ngojtajin chubꞌixik chiwa, jareꞌ: Pa qawiꞌ roj kꞌo jun más nimalej ruqꞌij Sacerdote tzꞌuyul pa rikiqꞌaꞌ ri ru-trono ri nimalej Dios chikaj.

Apocalipsis 11:19

Y xjaqatej chikaj ri puerta chin ri rachoch ri Dios, y chiriꞌ xtzꞌetetej ri káxa ri achoq chupan yakel ri pacto ri xubꞌen ri Dios rikꞌin ri rutinamit. Xetiker pe koyopaꞌ y rayos ri santienta ngeqꞌajan, xbꞌanatej jun nim kobꞌraqen y xubꞌen chuqaꞌ santienta saqbꞌach.

Apocalipsis 13:6

Y ri itzel chikap xchꞌaꞌa, y xuyaqꞌ ri Dios, y xerubꞌilaꞌ yoqꞌonik teq tzij chirij rubꞌiꞌ ri Dios, chirij ri rachoch ri Dios, y chuqaꞌ chikij ri ekꞌo chiriꞌ.

Apocalipsis 20:10

Y ri itzel ri xchꞌakatin kichin ri jalajaj kiwech wineq, xtorix qa chupan ri qꞌaqꞌ ri ndiraqa rikꞌin azufre, apeꞌ ekꞌo ri itzel chikap y ri achi ri ruqꞌabꞌan riꞌ chi profeta. Chiriꞌ ngeyoꞌox pa qꞌaxomal chi chaqꞌaꞌ chi paqꞌij chin jumul.

Apocalipsis 21:22

Y chupan ri tinamit, ma jun achoch apeꞌ ndiyoꞌox ruqꞌij ri Dios xintzꞌet, porque ja ri Ajaw Dios ri kꞌo nojel uchuqꞌaꞌ pa ruqꞌaꞌ y ri Alaj Karneꞌl ri eꞌokuneq rachoch ri Dios chiriꞌ.

Apocalipsis 22:3

Y chiriꞌ pa tinamit nixta jun ndikꞌojeꞌ chuxeꞌ ruchuqꞌaꞌ royowal ri Dios. Ri ki-trono ri Dios y ri Alaj Karneꞌl ndikꞌojeꞌ pa tinamit, y ri rusamajelaꞌ ri Dios ndikiyaꞌ ruqꞌij rijaꞌ,

Apocalipsis 22:5

Chiriꞌ ma ndichaqꞌaꞌ chi ta qa y ma ndikꞌatzin ta ruyikꞌinik lámparas nixta ruyikꞌinik ri qꞌij chake ri ngekꞌojeꞌ chiriꞌ, porque chiriꞌ ja ri Ajaw Dios ri ndiyikꞌan kichin, y rejeꞌ ndikibꞌen reinar chin jumul.

Apocalipsis 4:4

Chirij ri trono riꞌ, kisiriren kiꞌ 24 tronos, y pa kiwiꞌ ri tronos riꞌ etzꞌuyul 24 rijilej teq achiꞌaꞌ kiweqon kiꞌ rikꞌin seq teq tzieq y pa kijolon kikusan coronas ebꞌanun chare qꞌanapueq.

Apocalipsis 4:8

Ri kajiꞌ kꞌo kikꞌaslen, chikijununal kꞌo waqiꞌ kixikꞌ, y ri kixikꞌ nojneq rij-ruxeꞌ rikꞌin runaqꞌ teq kiwech. Y chi chaqꞌaꞌ chi paqꞌij ma ngeꞌuxlan ta ndikibꞌilaꞌ: Kin loqꞌolej, kin loqꞌolej, kin loqꞌolej ri Ajaw Dios Ri achoq pa ruqꞌaꞌ kꞌo nojel uchuqꞌaꞌ. Ja rijaꞌ ri kin xixkꞌo wi pe, kꞌo wokami y kin xtuqaqa wi.

Apocalipsis 4:9

Y nojel mul atoq ri kajiꞌ kꞌo kikꞌaslen ndikinimrisaj rubꞌiꞌ ri Dios tzꞌuyul pa ru-trono ri kin jumul wi kꞌo rukꞌaslen, y ndikiyaꞌ chuqaꞌ ruqꞌij y ngematioxin chare,

Apocalipsis 7:9

Y atoq xbꞌanatej yan reꞌ, xentzꞌet santienta wineq ri nixta jun nditiker ndajilan kichin. Ri wineq riꞌ jalajaj kirochꞌulew, jalajaj katit-kimamaꞌ, jalajaj kitinamit y kichꞌabꞌel. Rejeꞌ kikusaloꞌon seq teq tzieq y kikꞌuan ruqꞌaꞌ teq palma pa kiqꞌaꞌ, epeꞌel apu chuwech ri trono y chuwech ri Alaj Karneꞌl.