Apocalipsis 5:5 - Kaqchikel Santo Domingo (Xenacoj)

⁵ Ja atoq riꞌ jun chikikajal ri rijilej teq achiꞌaꞌ xubꞌij pe chuwa: Ma ngatoqꞌ chik. Tatzꞌetaꞌ, chikikajal ri santienta eriy-rumam ri Judá ilon jun ri achel koj porque tzꞌan ruchuqꞌaꞌ, jun riy-rumam kan ri rey David. Rijaꞌ xtiker xubꞌen nojel ri xubꞌij ri Dios chare, y rukꞌulun chi ngerelesaj ri wuquꞌ sellos tzꞌamayon richin ri bꞌoton wuj y ndujeq.

Tuilleadh tionndaidhean

Kaqchikel Santa Maria de Jesus

⁵ Y jun chiquivach ri chꞌitak mámix xuꞌej chuva: Man catuokꞌ, ruma cꞌo Jun ri nucꞌul nujak ri vuj y nralasaj-el ri siete (vukuꞌ) sellos, ruma ya xchꞌacuon; jajaꞌ can incheꞌl jun león (coj), rumáma can ri Judá y rumáma can jeꞌ ri David, xchaꞌ chuva.

Kaqchiquel Bible

⁵ Jari' toq jun chike ri achi'a' ri k'o kiq'ij xubij chuwe: Man chik k'a katoq', roma ri koj richin ri tzobaj richin Judá, ri riy-rumam kan ri rey David, ri ch'akowineq chik, kan ruk'amon richin nrelesaj ri wuqu' tz'apebel ri k'o chirij ri wuj y nujeq, xcha' chuwe.

Kaqchikel Central Guatemala

⁵ Y jun chique ri rijita'k tak achi'a' xubij chuve: Man chic c'a catok', roma ri vuj can c'o c'a Jun ri ruc'amon richin nrelesaj ri vuku' tz'apebel richin y nujek, roma ja rija' ri ch'acovinek y junan c'a riq'uin jun coj. Rija' can riy-rumam can ri Judá y riy-rumam can chuka' ri rey David, xcha' chuve.

Re C'ac'a Testamento pa Kach'abal

⁵ Y jun chique re rejeta'k tak achi'a' xubij chua: Man catok', roma re vuj can c'o c'a Jun re ruc'amon chin nulisaj re vuku' sello y nurec' ruchi', roma ja reja' re ch'aconak y can junan riq'uin jun león. Reja' can rey-rumam can re Judá y rey-rumam can chuka' re Rey David, xcha' chua.

Kaqchikel Western Solola

⁵ Y jun chique ri rijita'k tak achi'a' ri can c'o quik'ij, xubij chuwe: Ma catok' ta chic, tatz'eta' chi ri jun ri achi'el coj, ri riy rumam ca ri Judá y riy rumam ca chuka' ri rey David, Riya' can ch'aconek chic riche (rixin) chi nicowin nrelesaj ri wuku' sellos y nujek ri wuj, xcha' chuwe.

Apocalipsis 5:5 Iomraidhean Croise

San Lucas 23:28

Pero ri Jesús xerutzutzaꞌ pe y xubꞌij chake: Rix ixoqiꞌ aj Jerusalén, ma kixoqꞌ woma yin, kixoqꞌ iwoma rix y koma chuqaꞌ ri iwal.

San Lucas 7:13

Atoq ri Ajaw Jesús xutzꞌet ri ixaq, xujoyowaj ruwech y xubꞌij chare: Ma ngatoqꞌ.

San Lucas 8:52

Ri wineq ngeꞌoqꞌ y ngebꞌison roma ri xten, pero ri Jesús xubꞌij chake: Ma kixoqꞌ, porque ri xten ma kamineq ta, xa ndiwer.

San Juan 20:13

Y ri ángeles xkibꞌij chare ri ixaq: ¿Achike roma ngatoqꞌ? Y rijaꞌ xubꞌij chake: Roma xkikꞌuaj ru-cuerpo ri Wajaw Jesús, y ma wetaman ta apeꞌ xbꞌekiyaꞌ wi.

Romanos 1:3

Ri utzulej teq tzij chin kolotajik riꞌ, ndichꞌaꞌa pa ruwiꞌ ri Rukꞌajol ri Dios. Rijaꞌ atoq xalex chochꞌulew, xuꞌok riy-rumam ri rey David.

Romanos 15:12

Y jun chik apeꞌ chupan ri rutzij ri Dios, ri profeta Isaías kereꞌ xubꞌij: Ri Jesé kin xtalex jun riy-rumam Ri ndubꞌen reinar pa kiwiꞌ ri ma israelitas ta. Y rejeꞌ kin xtikoyobꞌej chi rikꞌin rijaꞌ ndikil ri rusujun kan ri Dios. Keriꞌ tzꞌibꞌan kan.

Hebreos 7:14

Y kin qꞌalej chi ri Qajaw Jesucristo jun riy-rumam kan ri Judá. Y ri ley xyoꞌox chare ri Moisés nixta jun achike ndubꞌij chi ngeꞌok sacerdotes ri eriy-rumam kan ri Judá.

Apocalipsis 1:1

Chupan re wuj reꞌ tzꞌibꞌan wi ri xuqꞌalajrisaj ri Dios chare ri Jesucristo, chin keriꞌ ri Jesucristo nduqꞌalajrisaj chikiwech ri rusamajelaꞌ nojel ri ndikꞌatzin chi ngebꞌanatej yan. Rijaꞌ xuteq pe ri ru-ángel chin xuqꞌalajrisaj nojel reꞌ chinuwech yin Juan, ri rusamajel ri Jesucristo.

Apocalipsis 22:16

Riyin Jesús, xinteq ri nu-ángel chin xbꞌeruqꞌalajrisaj nojel reꞌ chiwech rix ri bꞌotzaj teq ralkꞌuaꞌl ri Dios ri ndimal iwiꞌ pa rubꞌiꞌ. Y ja riyin ri ruxeꞌel kan ri rey David y ri riy-rumam kan chuqaꞌ; ja riyin ri chꞌumil ri ndiyikꞌan atoq ndiseqresan pe.

Apocalipsis 3:21

Ri xtitiker ndubꞌen ri nubꞌiꞌin kan, niyaꞌ qꞌij chare chi nditzꞌuyeꞌ wikꞌin pa nu-trono, achel riyin xitiker xinbꞌen ri xubꞌij ri Nataꞌ chuwa y xitzꞌuyeꞌ rikꞌin rijaꞌ pa ru-trono.

Apocalipsis 4:10

ri 24 rijilej teq achiꞌaꞌ ngexukeꞌ y ngelukeꞌ chuwech ri tzꞌuyul pa ru-trono, chin ndikiyaꞌ ruqꞌij rijaꞌ ri kin jumul wi kꞌo rukꞌaslen. Ndikiyalaꞌ apu ri ki-coronas chuwech y kereꞌ ndikibꞌilaꞌ chare:

Apocalipsis 4:4

Chirij ri trono riꞌ, kisiriren kiꞌ 24 tronos, y pa kiwiꞌ ri tronos riꞌ etzꞌuyul 24 rijilej teq achiꞌaꞌ kiweqon kiꞌ rikꞌin seq teq tzieq y pa kijolon kikusan coronas ebꞌanun chare qꞌanapueq.

Apocalipsis 5:4

Riyin Juan santienta nginoqꞌ, porque nixta jun xilitej ri rukꞌulun ta chin ndujeq ri bꞌoton wuj, nixta chin ndunikꞌoj ri tzꞌibꞌan chupan.

Apocalipsis 6:1

Riyin xintzꞌet atoq ri Alaj Karneꞌl xuraqꞌachꞌij ri nabꞌey chikiwech ri wuquꞌ sellos tzꞌamayon richin ri bꞌoton wuj, y jun chikikajal ri kajiꞌ kꞌo kikꞌaslen, xinwakꞌaxaj chi xchꞌaꞌa, y rikꞌin ruchꞌabꞌel achel rayo xubꞌij: ¡Katámpe!

Apocalipsis 7:13

Y jun chikikajal ri rijilej teq achiꞌaꞌ xubꞌij pe chuwa: Re kiweqon kiꞌ rikꞌin ri seq teq tzieq, ¿eꞌachike rejeꞌ y apeꞌ eꞌeleneq pe ndabꞌij rat?