Apocalipsis 3:19 - Kaqchikel Santo Domingo (Xenacoj)

¹⁹ Riyin nikꞌajisaj kiwech y nichojmirisaj kikꞌaslen konojel ri ngenwojoꞌ. Roma kꞌa riꞌ, ma kakanej lilaj, xa kin tatijaꞌ aqꞌij chi ndayaꞌ kan ri itzel teq achike ngaꞌabꞌanalaꞌ y titzolij pe awánima rikꞌin ri Dios.

Tuilleadh tionndaidhean

Kaqchikel Santa Maria de Jesus

¹⁹ Inreꞌ ncaꞌnchꞌolij y ncaꞌnꞌan castigar ri ncaꞌnvajoꞌ. Mareꞌ ixreꞌ riqꞌuin cꞌa nojiel ivuchukꞌaꞌ titzalaj chic pa ivánima viqꞌuin y tibꞌanaꞌ ri nivajoꞌ inreꞌ.

Kaqchiquel Bible

¹⁹ Yin kan yench'olij y yenpixabaj ri yenwajo'. Roma ri' rix kan rik'in k'a ronojel iwánima titzolej chik pe ik'u'x wik'in y tiya' kan ronojel ri imak.

Kaqchikel Central Guatemala

¹⁹ Y yin can ninbij c'a ri achique quibanon y yenya' chuka' pa c'ayef ri yenvajo'. Romari' rix can riq'uin c'a ronojel ivánima titzolej chic pe ic'u'x viq'uin.

Re C'ac'a Testamento pa Kach'abal

¹⁹ Y yen can nimbij re andex quibanon y can ye'mban corregir conojel re ye'njo'. Mare' re hermanos re jec'o pa Laodicea can riq'uin ronojel cánma titzolaj chic-pa quic'o'x viq'uin.

Kaqchikel Western Solola

¹⁹ Riyin can yichapon c'a chare jun winek y chuka' can nc'ajsaj ruwech tek ma utz ta ri yeruben, ruma can nwajo' wi ri winek ri'. Rumac'ari' riyix can riq'ui ronojel iwánima titzolin chic pe ic'u'x wuq'ui.

Apocalipsis 3:19 Iomraidhean Croise

San Mateo 25:7

Ja atoq riꞌ xekꞌastej pe konojel ri qꞌopojiꞌ y xkibꞌanalaꞌ rukꞌojlen ri ki-lámparas.

San Juan 2:17

Y roma keriꞌ xbꞌanatej chirachoch ri Dios, ri ru-discípulos xkikꞌuxlaꞌaj ri tzꞌibꞌan kan chupan ri rutzij ri Dios: Ri ma utz ta ndikibꞌen ri wineq chiꞌawachoch, tzꞌan ruqꞌaxomal wánima nduyaꞌ. Keriꞌ tzꞌibꞌan kan.

Romanos 12:11

Titijaꞌ iqꞌij chi ndibꞌen ri samaj ruyoꞌon ri Ajaw chiwa, y ma kixqꞌoran, xa kin rikꞌin nojel iwánima tibꞌanaꞌ.

1 Corintios 11:32

Y si ndiyoꞌox castigo chaqe, xa chin ndikꞌajisex qawech, chin keriꞌ ma ndikꞌis ta qaqꞌij junan kikꞌin ri ma kitaqin ta ri Ajaw.

2 Corintios 6:9

Ndibꞌan chaqe chi ma etaman ta qawech, xu xa etaman wi. Achel ja ta ngojken keriꞌ, pero kꞌa roj kꞌes. Roj bꞌanun castigar, pero ma roj kamineq ta pa ruqꞌaꞌ ri castigo.

2 Corintios 7:11

¡Tiyaꞌ cuenta chare ri jarupeꞌ utz xukꞌen pe chiwa ri bꞌis ri xuyaꞌ qꞌij ri Dios chi xiqꞌasaj! Xubꞌen chi xichojmirisaj ri ma utz ta xbꞌanatej chiꞌikajal, chi xikꞌut chi ma ja ta rix ri kꞌo imak rikꞌin ri xbꞌanatej, chi ma xqaꞌ ta chiwech ri xbꞌanatej, chi xixibꞌij qa iwiꞌ. Xubꞌen chuqaꞌ chi xiwojoꞌ xinitzꞌet, chi ma xixkꞌojeꞌ ta chupan ri xbꞌanatej, y chi xiyaꞌ castigo chare ri xbꞌanun mak chin xkꞌaj ruwech. Y rikꞌin ri keriꞌ xibꞌen, xixqꞌalajin chi rix maneq imak rikꞌin ri xbꞌanatej chiꞌikajal.

Gálatas 4:18

Utz wi chi ndibꞌa ránima jun chiwij, pero chin ta kꞌo utz ndukꞌen pe chiwa, y kin ta jumul xtubꞌen keriꞌ rikꞌin nojel ránima, y ma xe ta atoq yinkꞌo riyin chiꞌikajal.

Tito 2:14

Rijaꞌ kin xujech riꞌ pa kamik qoma chin xojrelesaj pa ruqꞌaꞌ nojel ruwech mak ri tzꞌamayon qichin. Xuchꞌajchꞌojrisaj chuqaꞌ ri qakꞌaslen chin keriꞌ xojok jun tinamit ri kin richin wi rijaꞌ, jun tinamit ri ndibꞌa qánima chubꞌanik ri utz.

Santiago 1:12

Kin jabꞌel roruqꞌij ri ndikochꞌon ri kꞌayew nduqꞌasaj, porque atoq xukachꞌ yan, nditzꞌetetej chi qetzij kuqul rukꞌuꞌx rikꞌin ri Dios, y ndiyoꞌox chare jun nimalej rajel-rukꞌexel y riꞌ ja ri kꞌaslen ma ndikꞌis ta, ri rusujun ri Dios chake ri ngeꞌojowan richin.

Apocalipsis 2:5

Romariꞌ takꞌuxlaꞌaj ri kꞌaslen akꞌuan pa nabꞌey, tajalaꞌ anoꞌoj y titzolij pe awánima wikꞌin, y tabꞌanaꞌ achel xabꞌen pa nabꞌey. Si ma ke ta riꞌ xtabꞌen, ngibꞌa qa apeꞌ ratkꞌo, y niwelesaj e ri a-candelero pa rukꞌojlibꞌel.