Apocalipsis 21:4 - Kaqchikel Santo Domingo (Xenacoj)

⁴ Rijaꞌ ndusuꞌ nojel ruyiꞌal teq kiwech ri koqꞌej, y chiriꞌ maneq chik kamik, y ma ngeꞌoqꞌ chi ta, nixta ngejila chi bꞌis y ma jun chik qꞌaxon ndikinaꞌ, porque nojel ri richin ri nabꞌey kꞌaslen xekꞌis yan.

Tuilleadh tionndaidhean

Kaqchikel Santa Maria de Jesus

⁴ Y ri Dios xtisuꞌn ri ruyaꞌl quinakꞌavach, ruma manak chic camic, ni okꞌiej, ni jiluoj, ni kꞌaxomal. Ruma nojiel ri xaꞌcꞌujieꞌ naꞌay ya xaꞌkꞌax.

Kaqchiquel Bible

⁴ Y ri Dios kan xtusu' k'a el ri ruya'al runaq'-kiwech, roma kan xtuben chi xtik'is-el ri q'axo'n y ri jiloj. Kan xtik'is-el chuqa' ri kamik y ri oq'ej. Kan xkek'is k'a ronojel ri xek'oje' pa nabey, xcha'.

Kaqchikel Central Guatemala

⁴ Y ri Dios can xtusu' c'a el ri ruya'al tak runak'-quivech, roma can xtuben chi xtiq'uis el ri k'axomal y ri jiloj. Can xtiq'uis-el chuka' ri camic y ri ok'ej. Can xqueq'uis c'a ronojel. Ri xec'oje' rubanon can, man jun chic quetal, xcha'.

Re C'ac'a Testamento pa Kach'abal

⁴ Y re Dios can xtusu-a re ruyi'al-quivach, roma can xtuban che xtiq'uis-a re k'axomal y bis. Can xtiq'uis-a chuka' re camic y re ok'ej. Can xque'q'uis ronojel. Roma ronojel re xe'c'ue' nabey, can ni xe-ta chic qui-seña xque'c'ue' can, xcha'.

Kaqchikel Western Solola

⁴ Y ri Dios can xtusu' c'a el ri ruya'al runak' tak quiwech, y can xtuben chi xtiq'uis el ri camic, ri ok'ej, ri jiloj y ri k'axomal. Ruma ronojel ri xec'oje' ojer xeq'uis, xcha' ri ch'abel ri'.

Apocalipsis 21:4 Iomraidhean Croise

San Mateo 24:35

Ri kaj y ri rochꞌulew ngekꞌis, pero ri tzij enubꞌiꞌin, ma xe ta keriꞌ ngekꞌis, xa kin xkebꞌanatej wi nojel.

1 Corintios 15:26

Y chikiwech konojel ri itzel ngetzꞌeto ri Cristo, ri rukꞌisibꞌel ri ndelesex ri uchuqꞌaꞌ kꞌo pa ruqꞌaꞌ, ja ri kamik.

1 Corintios 7:31

Keriꞌ chuqaꞌ, ri kꞌo kꞌiy utz ndukꞌen pe chake ri achike ekꞌo chochꞌulew, ma jariꞌ tiqꞌato kichin chin ndikibꞌen ri ndirajoꞌ ri Ajaw. Porque ri rochꞌulew achel rubꞌanun wokami, xa kin xtikꞌis wi ruqꞌij.

2 Corintios 5:17

Romariꞌ, ri xe jun rubꞌanun rikꞌin ri Ajaw Jesucristo, jun kꞌakꞌakꞌ wineq bꞌanun chare roma ri Dios. Ri ojer rukꞌaslen xkanej kan, y wokami kin kꞌakꞌakꞌ yan chik ri rukꞌaslen.

2 Corintios 6:17

Romariꞌ, ri Ajaw ndubꞌij chuqaꞌ: Kixel pe chikikajal ri ma enutinamit ta y tijachaꞌ e iwiꞌ kikꞌin, Ma titzꞌen jun achike ri ndichꞌabꞌaqrisan ri ikꞌaslen, Y riyin nikꞌen apu iwech,

Hebreos 12:27

Y atoq ndubꞌij ri Dios chi xtubꞌen chik jumbꞌey chi ndiselon ri rochꞌulew y ri rokaj, riꞌ ndubꞌij tzij chi nojel ri kꞌo cheꞌel ngeselox ngeꞌelesex e, chin keriꞌ xaxe ri maneq cheꞌel ngeselox ngekanej kan.

2 Pedro 3:10

Pero achel jun eleqꞌon pa jumel ruwech ndok pa jun achoch, keriꞌ pa jumel ruwech nduqaqa ri tiempo atoq ndibꞌanatej nojel ri rubꞌiꞌin kan ri Ajaw. Chupan teq ri qꞌij riꞌ, ri kaj santienta ndiqꞌajan ndikꞌis, nojel ri ebꞌanun roma ri Dios ngekꞌis pa qꞌaqꞌ, y ri rochꞌulew y nojel ri achike ekꞌo chuwech, maneq apeꞌ ndikewaj kiꞌ, xa ndikꞌis ruqꞌij nojel.

1 Juan 2:17

Y ri wineq ri ngebꞌanun ri ma utz ta chochꞌulew xa kin xkekꞌis, y ngekꞌis chuqaꞌ nojel ri itzel teq kirayinik, pero si jun ndubꞌen pa rukꞌaslen ri rurayibꞌel ri Dios, ndiril ri kꞌaslen ma ndikꞌis ta.

Apocalipsis 20:13

Ri mar xerujech ri xeken chupan, keriꞌ chuqaꞌ ri kamik y ri lugar apeꞌ yoꞌon kánima ri animaꞌiꞌ, xekijech ri ekamineq ekꞌo kikꞌin. Y ri wineq riꞌ xqꞌat tzij pa kiwiꞌ chin xyoꞌox rajel-rukꞌexel chake achel xkibꞌanalaꞌ pa kikꞌaslen.

Apocalipsis 20:14

Ri kamik y ri lugar apeꞌ xkꞌojeꞌ kánima ri animaꞌiꞌ, xetorix qa chupan ri qꞌaqꞌ ri ndiraqa rikꞌin azufre. Ri qꞌaqꞌ riꞌ, jariꞌ ri rukan kamik.

Apocalipsis 21:1

Y xintzꞌet jun kꞌakꞌakꞌ kaj y jun kꞌakꞌakꞌ rochꞌulew, porque ri nabꞌey kaj y ri nabꞌey rochꞌulew emaneq chik, y ri mar maneq chik chuqaꞌ.

Apocalipsis 22:3

Y chiriꞌ pa tinamit nixta jun ndikꞌojeꞌ chuxeꞌ ruchuqꞌaꞌ royowal ri Dios. Ri ki-trono ri Dios y ri Alaj Karneꞌl ndikꞌojeꞌ pa tinamit, y ri rusamajelaꞌ ri Dios ndikiyaꞌ ruqꞌij rijaꞌ,

Apocalipsis 7:17

Porque ja ri Alaj Karneꞌl ri kꞌo apu apeꞌ kꞌo ri trono Ri ndiyuqꞌun kichin Y kin xkerukꞌuaj apeꞌ ndalex pe ri yaꞌ ri ndiyoꞌon kꞌaslen ma ndikꞌis ta, Y ja ri Dios ri ndisuꞌun e ri ruyiꞌal teq kiwech ri koqꞌej rejeꞌ.