Apocalipsis 21:3 - Kaqchikel Santo Domingo (Xenacoj)

³ Y xinwakꞌaxaj jun chꞌabꞌel xsikꞌin pe apeꞌ kꞌo ru-trono ri Dios ri kereꞌ xubꞌij: ¡Tatzꞌetaꞌ! Ri Dios ndubꞌen rachoch chikikajal ri wineq. Ja rejeꞌ ri rutinamit, y ja rijaꞌ ri ki-Dios y ndikꞌojeꞌ chikikajal.

Tuilleadh tionndaidhean

Kaqchikel Santa Maria de Jesus

³ Y xinvaꞌxaj jun ri nichꞌo-pa cof chicaj y nuꞌej: Tatzꞌataꞌ, vacame ri Dios chiquicajol ri vinak cꞌo-ve. Y ri vinak reꞌ xcaꞌuoc rutanamit, y jajaꞌ ri Qui-Dios. Can junan xcaꞌcꞌujieꞌ.

Kaqchiquel Bible

³ Jari' k'a toq xinwak'axaj chi k'o jun ri kan rik'in uchuq'a' nich'on-pe akuchi k'o-wi ri tz'uyubel ri chila' chikaj y nubij: Wakami ri Dios kan chikikojol ri winaqi' k'o-wi, kan xtik'ase' chikikojol jantape' y rije' xke'ok rutinamit y rija' xtok ki-Dios.

Kaqchikel Central Guatemala

³ Y jac'ari' tok xinvac'axaj chi c'o jun ri can riq'uin uchuk'a' nich'on-pe c'a chila' chicaj y nubij c'a: Tatzu' na pe', vacami ri Dios can chiquicojol la vinek c'o-vi. Ja rije' ri e rutinamit, y ja rija' ri qui-Dios. Can junan c'a xquec'oje'.

Re C'ac'a Testamento pa Kach'abal

³ Y jare' tak xinc'axaj che c'o jun re cof nich'o-pa chila' chicaj y nubij: Tatzu-na-pa', vocame re Dios can chiquicojol la vinak c'o-va. Ja reje' re je rutenemit, y ja reja' re qui-Dios. Can junan xque'c'ue' chin nojel tiempo.

Kaqchikel Western Solola

³ Y yac'ari' tek xinwac'axaj chi c'o jun ri can riq'ui ruchuk'a' nich'o pe chila' chicaj y nubij c'a: Tatzu' na pe' chi ri Dios c'o quiq'ui ri winek, wacami ri Dios can nic'oje' chiquicojol. Yec'a riye' ri ye'oc rutinamit, y ya c'a Riya' ri qui-Dios.

Apocalipsis 21:3 Iomraidhean Croise

San Juan 1:14

Ri Jun ri ndiqꞌalajrisan runoꞌoj ri Dios xuqaqa chochꞌulew, xkꞌojeꞌ jun ru-cuerpo achel qa-cuerpo roj wineq y rijaꞌ xkꞌojeꞌ chiqakajal. Roj xqatzꞌet ri nimalej ruqꞌij ri kin chin wi ri junayon Rukꞌajol ri Tataꞌaj Dios ri nojneq ránima rikꞌin ri qetzij y rikꞌin ri ru-favor ri Dios.

San Juan 14:23

Y ri Jesús xubꞌij chare: Si jun wineq qetzij ngirajoꞌ, ndubꞌen ri nubꞌiꞌin kan y ndojowex roma ri Nataꞌ. Y ri Nataꞌ y riyin ngojuqaqa chin ndiqabꞌen qachoch chare ri ránima.

2 Corintios 6:16

Keriꞌ chuqaꞌ roj ri ndiqayaꞌ ruqꞌij ri Dios, roj rachoch ri Kꞌaslik Dios, y romariꞌ ma utz ta chi ndiqakꞌuaj qiꞌ kikꞌin ri ndikiyaꞌ kiqꞌij tiox, achel xubꞌij ri Dios chupan ri rutzij tzꞌibꞌan kan: Ri yin kitaqin, nibꞌen wachoch chare ri kánima y ngikꞌojeꞌ chikikajal, Riyin nginok ki-Dios, Y rejeꞌ ngeꞌok nutinamit.

2 Corintios 6:18

Y kin xkinok Tataꞌaj pa iwiꞌ, Y rix ngixok nukꞌajol y numiꞌal. Keriꞌ ndubꞌij ri Ajaw ri kꞌo nojel uchuqꞌaꞌ pa ruqꞌaꞌ.

1 Tesalonicenses 3:11

Ja ta kꞌa ri Qatataꞌ Dios y ri Qajaw Jesús ngeꞌukꞌuan qabꞌey chin ngixbꞌeqatzꞌetaꞌ chik jumbꞌey.

Hebreos 11:16

Pero xkirayij jun lugar más yalan, y ri lugar riꞌ ja ri kꞌo chikaj. Romariꞌ ri Dios ma ndikꞌix ta ndubꞌij chi rijaꞌ ki-Dios, porque rubꞌanun rukꞌojlen jun kitinamit.

Hebreos 8:10

Romariꞌ nibꞌen jun kꞌakꞌakꞌ pacto kikꞌin ri israelitas, Atoq qꞌaxneq chik ri tiempo chin ri nabꞌey pacto, Y jareꞌ rubꞌeyal, ndichajeꞌ ri Ajaw: Niyaꞌ ri nu-ley pa kinojibꞌal, Y nitzꞌibꞌaj pa kánima, Riyin nginok ri ki-Dios, Y rejeꞌ ngeꞌok nutinamit.

Hebreos 8:2

Y riꞌ, ja ri Jesús ri ndubꞌen ri loqꞌolej samaj chin sacerdote chupan ri qetzij rachoch ri Dios, achoch ri ma wineq ta ebꞌanayon, xa kin ja ri Ajaw Dios.

Apocalipsis 10:4

Atoq xechꞌaꞌa pe ri wuquꞌ rayos, riyin Juan ja nitzꞌuk qa kitzꞌibꞌaxik ri xkibꞌij, atoq xinwakꞌaxaj jun chꞌabꞌel chikaj ri xubꞌij chuwa: Tayakaꞌ pa awánima ri xkibꞌij ri wuquꞌ rayos y ma tatzꞌibꞌaj.

Apocalipsis 10:8

Y ri aj chikaj chꞌabꞌel ri xinwakꞌaxaj xchꞌaꞌa chi pe chuwa y xubꞌij: Kaxuleꞌ qa apeꞌ kꞌo ri ángel peꞌel pariꞌ ri mar y ri rochꞌulew y takꞌamaꞌ apu pa ruqꞌaꞌ ri bꞌoton wuj jaqel.

Apocalipsis 12:10

Ja atoq riꞌ xinwakꞌaxaj jun nim chꞌabꞌel chikaj ri xubꞌij: Wokami ri qa-Dios jabꞌel ruqꞌalajrisan chi ngerukal ri rutinamit, Chi kꞌo nimalej ruchuqꞌaꞌ, chi ja rijaꞌ ri ndubꞌen reinar, Y chi kin kꞌo uchuqꞌaꞌ pa ruqꞌaꞌ ri Jun ri xuteq chochꞌulew chukolik ri rutinamit; Porque ja xsututex e ri sujunel kichin ri qa-hermanos, Ri ngerusujuj chi chaqꞌaꞌ chi paqꞌij Chuwech ri qa-Dios.

Apocalipsis 21:7

Chare ri xtitiker ndubꞌen ri nubꞌiꞌin kan, kin niyaꞌ nojel reꞌ chare, y kin xtiqꞌalajin chi ja riyin ri ru-Dios y ja rijaꞌ ri walkꞌuaꞌl.

Apocalipsis 22:3

Y chiriꞌ pa tinamit nixta jun ndikꞌojeꞌ chuxeꞌ ruchuqꞌaꞌ royowal ri Dios. Ri ki-trono ri Dios y ri Alaj Karneꞌl ndikꞌojeꞌ pa tinamit, y ri rusamajelaꞌ ri Dios ndikiyaꞌ ruqꞌij rijaꞌ,

Apocalipsis 7:15

Romariꞌ, ekꞌo apu chuwech ru-trono ri Dios, Y ndikibꞌen rusamaj chi chaqꞌaꞌ chi paqꞌij, Y ri Dios ri tzꞌuyul pa ru-trono, Ndikꞌojeꞌ pa kinikꞌajal chin ngeruchajij.