Apocalipsis 2:3 - Kaqchikel Santo Domingo (Xenacoj)

³ Ma amalin ta kan nuwech, kin akochꞌon ri bꞌanun pe chawa roma yin ataqin y ma poyineq ta akꞌuꞌx.

Tuilleadh tionndaidhean

Kaqchikel Santa Maria de Jesus

³ Qꞌuiy sufrimientos icachꞌuon ruma cꞌo i-paciencia, y qꞌuiy samaj ibꞌanun ruma nquinivajoꞌ inreꞌ y man ix-cosnak ta.

Kaqchiquel Bible

³ Ik'owisan tijoj-poqonal, y janila ix samajineq woma yin y man jani ix q'itajineq ta.

Kaqchikel Central Guatemala

³ Icoch'on-ic'ovisan tijoj-pokonal, y janíla ix samajinek voma yin y man jani ix k'itajinek ta.

Re C'ac'a Testamento pa Kach'abal

³ Re hermanos can quicoch'on quik'asalon tijoj-pokonal, y camas je'samajenak nutzij yen y can man je'cosnak-ta chubanic.

Kaqchikel Western Solola

³ Icoch'on ik'axan tijoj pokonal, y sibilaj yix samajnek wuma riyin y ma yix k'itajnek ta.

Apocalipsis 2:3 Iomraidhean Croise

Marcos 15:21

Atoq kikꞌuan ri Jesús, xkikꞌul jun achi aj Cirene rubꞌiniꞌan Simón, ri tzolijneq pe pa qꞌas. Ri achi riꞌ, kitataꞌ ri Alejandro y ri Rufo, y ri soldados xkibꞌen chare chi xukꞌuaj ri cruz rukꞌuan ri Jesús.

San Lucas 14:27

Y jun wineq ri ndirajoꞌ ndok nu-discípulo, ndikꞌatzin chi ma ndupoqonaj ta nduqꞌasaj kꞌayew roma ngiroqaj, achel xa ta kin bꞌaneq chuxeꞌ ru-cruz chin ndekamisex. Jakꞌa ri wineq ri xa ndupoqonaj nduqꞌasaj kꞌayew roma ngiroqaj, ri jun riꞌ ma rukꞌulun ta chi ndok nu-discípulo.

San Lucas 18:1

Ri Jesús xutzijoj jun parábola chake ri discípulos chin ndukꞌut chi ndikꞌatzin ndikibꞌen orar jumul y ma tikꞌo kikꞌuꞌx chiroyobꞌexik ri ndikikꞌutuj.

San Lucas 21:19

Si ma xkixtzolij ta chiwij y jumul xtikachꞌ iwech hasta pa rukꞌisibꞌel, kin xtikolotej ri ikꞌaslen.

San Lucas 5:5

Ri Simón Pedro xubꞌij chare ri Jesús: Tijonel, roj junaqꞌaꞌ entéra xqatij qaqꞌij xojkarun, y nixta jun ker xqatzꞌen, pero roma ja rat ngabꞌiꞌin, niyaꞌ chik qa ri yaꞌl pa yaꞌ.

San Lucas 8:15

Pero ri utzulej ulew apeꞌ xeqaqa jujun chik semilla, ja ri wineq ri ndikakꞌaxaj rutzij ri Dios y rikꞌin utzulej y chꞌajchꞌaj kánima ndikiyaꞌ qꞌij chare chi ndubꞌen qa ruxeꞌ pa kánima. Ri wineq riꞌ jumul ndikitij kiqꞌij chi ngebꞌiyin pa rubꞌey ri Dios y romariꞌ ndiwachin utz-utz ri kikꞌaslen.

San Juan 15:21

Nojel reꞌ kin xtikꞌulwachij rix pa kiqꞌaꞌ ri wineq woma riyin, porque ma ketaman ta runoꞌoj ri taqayon pe wichin.

Romanos 12:12

Tzꞌan kixkikot chiroyobꞌexik ri favor nduyaꞌ ri Dios. Tikochꞌoꞌ ri kꞌayew ndiqꞌasaj pa ikꞌaslen, y jumul tibꞌanaꞌ orar.

Romanos 16:12

Tiyaꞌ ruxunaqil kiwech ri Trifena y ri Trifosa. Rejeꞌ ndikibꞌen rusamaj ri Ajaw. Tiyaꞌ ruxunaqil ruwech ri hermana Pérside ri tzꞌan ndiqajoꞌ. Rijaꞌ kꞌiy rusamaj ri Ajaw rubꞌanun.

Romanos 2:7

Kin xtuyaꞌ ri kꞌaslen ma ndikꞌis ta chake ri jumul ndikitij kiqꞌij chi ngekibꞌanalaꞌ ri utz. Rejeꞌ ndikibꞌen ri utz porque ndikajoꞌ chi ndikꞌojeꞌ kiqꞌij, ndinimrisex kibꞌiꞌ y ndikil ri kꞌaslen ri maneq ruqꞌaꞌ ri kamik chare.

Romanos 8:25

Pero si qoyobꞌen ri kꞌajani tuyaꞌ ri Dios chaqe, kin rikꞌin nojel qánima ndiqoyobꞌej y ma ndikꞌo ta qakꞌuꞌx chiroyobꞌexik.

1 Corintios 13:7

Ri ndojowan rikꞌin nojel ránima, ndukachꞌ nojel ri itzel ndibꞌan chare, ma chaꞌanin ta ndutaqij chi kꞌo ma utz ta ndajin rikꞌin jun chik, xa kin ndiroyobꞌej chi ri ndubꞌen jun chik, kin pa ruchojmil xtubꞌen chare chuwech ri Dios, y ndukachꞌ ri kꞌayew nduqaqa pa rukꞌaslen.

1 Corintios 16:16

Nichilabꞌej kꞌa chiwa hermanos, chi tinimaj kitzij ri eꞌachel rejeꞌ, y tinimaj chuqaꞌ kitzij konojel ri ngetoꞌon pa rusamaj ri Dios y kin ndikijech kiꞌ chupan chin ndikibꞌen.

2 Corintios 10:15

Y ma ndiqaqꞌabꞌaj ta qiꞌ chirij ri samaj kibꞌanun chꞌaqa chik chin ndiqayaꞌ qaqꞌij, porque xa ta keriꞌ ndiqabꞌen, roj eleneq ta e chupan ri rubꞌiꞌin ri Cristo chaqe chi ndiqabꞌen. Ri ndiqarayij, ja ri ndikꞌojeꞌ más ruchuqꞌaꞌ iwánima rikꞌin ri Dios, y rikꞌin riꞌ iwoma rix ndinimer ri apeꞌ nduyaꞌ qꞌij ri Dios chin ngojsamej, y keriꞌ ndibꞌanatej jun nimalej samaj.

2 Corintios 11:23

Rejeꞌ nim ndikinaꞌ chare roma ndikibꞌij chi erusamajelaꞌ ri Cristo. Pero riyin kꞌo cheꞌel más nim ninaꞌ chare porque kꞌo más samaj chin ri Cristo nubꞌanun ke chikiwech rejeꞌ, maske atoq keriꞌ nibꞌij, xa yin achel jun wineq ri ngerubꞌilaꞌ tzij ri ma erunojin ta. Riyin más nutijon nuqꞌij nibꞌen rusamaj ri Cristo, más kꞌiy mul yin tzꞌapin pa cheꞌ, más kꞌiy mul yin roqon y kꞌiy mul jubꞌama yin kamisan.

2 Corintios 4:1

Romariꞌ, roj roma rujoyowan qawech ri Dios, ma ndiqamalij ta qa qakꞌuꞌx chupan ri samaj ruyoꞌon rijaꞌ chiqaqꞌaꞌ.

2 Corintios 4:16

Romariꞌ, roj ma ndiqamalij ta qa qakꞌuꞌx. Pa rukꞌexel riꞌ, maske ri qa-cuerpo qꞌij-qꞌij ndijar qa, ri qánima qꞌij-qꞌij más utz rubꞌanun pe.

2 Corintios 5:9

Romariꞌ, ndiqatij qaqꞌij ndiqabꞌen ri ndurayij ri Ajaw chin ngojqaꞌ chuwech. Ndiqajoꞌ chi ngojqaꞌ chuwech atoq kꞌa kꞌo na ri qánima chupan re aj rochꞌulew qa-cuerpo, y atoq ma kꞌo ta chik chupan chuqaꞌ.

2 Corintios 6:5

qakochꞌon qaroqik, qakochꞌon atoq xojyoꞌox pa cheꞌ, qakochꞌon atoq santienta wineq xeyakatej chiqij, qakosisan qiꞌ pa samaj y qakochꞌon, qakochꞌon chi ma roj warneq ta, y qakochꞌon wayijal.

Gálatas 6:2

Titolaꞌ iwiꞌ chukꞌuaxik ri kꞌayew ndiqꞌasaj ri kin eꞌachel al teq eqaꞌ keriꞌ, porque si keriꞌ ndibꞌen, kin ndibꞌen ri ndubꞌij ri ley ruyoꞌon kan ri Cristo ri ndubꞌij chi tiqajoꞌ qiꞌ chiqawech.

Gálatas 6:9

Roma kꞌa riꞌ, ma qojkos chin ndiqabꞌen ri utz, porque nduqaqa jun qꞌij atoq ndiyoꞌox rajel-rukꞌexel chaqe, si ma ndiqamalij ta kan chi ndiqabꞌen ri utz.

Filipenses 2:16

Ma jumbꞌey tiyaꞌ kan rutaqixik ri utzulej teq tzij chin ri kꞌaslen ma ndikꞌis ta, chin keriꞌ chupan ri qꞌij atoq nduqaqa chik ri Cristo, riyin yalan ngikikot iwoma, porque ndiqꞌalajin chi kꞌo xkꞌatzin chi xintij nuqꞌij xinbꞌen rusamaj ri Dios chiꞌikajal.

Filipenses 4:3

Y rat ri rat wachibꞌil chubꞌanik rusamaj ri Dios, ri kin kuqul nukꞌuꞌx awikꞌin chi ndabꞌen ri nibꞌij, nikꞌutuj chawa chi kaꞌatoꞌ ri hermanas riꞌ, ri kin xkitij kiqꞌij junan wikꞌin chutzijoxik ri utzulej teq tzij chin kolotajik, junan rikꞌin ri hermano Clemente y ri chꞌaqa chik ri xinkitoꞌ chupan rusamaj ri Ajaw. Ri kibꞌiꞌ rejeꞌ tzꞌibꞌan chik chupan ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen ma ndikꞌis ta chake.

Colosenses 1:11

Ndiqakꞌutuj chi ri Dios rikꞌin ri santienta ruchuqꞌaꞌ ri kin nimalej ruqꞌij, kin ta xtuyaꞌ ruchuqꞌaꞌ ri iwánima, chin keriꞌ jumul kuqul ikꞌuꞌx rikꞌin ri Cristo, y ngixkochꞌon chupan ri kꞌayew ndiqꞌasaj pa ikꞌaslen.

1 Tesalonicenses 1:3

porque atoq ndiqabꞌen orar chuwech ri Qatataꞌ Dios, jumul ndiqakꞌuxlaꞌaj ri samaj ibꞌanun pe roma kuqul ikꞌuꞌx rikꞌin ri Ajaw y chi ngixsamej chikitoꞌik chꞌaqa chik roma ngixojowan, y chi kin ndikachꞌ ri kꞌayew ndiqꞌasaj roma iwoyobꞌen ri Qajaw Jesucristo.

1 Tesalonicenses 2:9

Keriꞌ nibꞌij chiwa hermanos, porque rix ndikꞌuxlaꞌaj chi xojsamej chi chaqꞌaꞌ chi paqꞌij, xojkos chuchꞌakik ri ndikꞌatzin chaqe pa qakꞌaslen, chin keriꞌ ma xojok ta jun eqaꞌ chiwa atoq xqatzijoj chiwa ri utzulej teq tzij chin kolotajik ri pataneq rikꞌin ri Dios.

1 Tesalonicenses 5:12

Hermanos, ndiqakꞌutuj chiwa chi kin kꞌo keqalen tibꞌanaꞌ chake ri eꞌukꞌuey bꞌey chiwech, ri eyoꞌon roma ri Ajaw chin ngesamej chiꞌikajal chin ngixkibꞌen cuenta y ngixkipixabꞌaj.

2 Tesalonicenses 3:13

Y chiwa rix hermanos, ndiqabꞌij chi ma kixkos ndibꞌen ri utz.

2 Tesalonicenses 3:5

Ja ta kꞌa ri Ajaw ndukꞌuan ri iwánima chin ngixojowan achel ndojowan ri Dios, y ndikachꞌ ri kꞌayew ndiqꞌasaj pa ikꞌaslen, achel ri Cristo xukachꞌ ri kꞌayew xuqꞌasaj.

2 Tesalonicenses 3:8

Ma jumbꞌey xqakꞌutuj chi xe ta keriꞌ xsipex jun rutzaꞌ qaway, pa rukꞌexel riꞌ xa kin chi chaqꞌaꞌ chi paqꞌij xqakosisaj qiꞌ pa samaj chin ma xojok ta jun eqaꞌ chiwa.

1 Timoteo 4:10

Romariꞌ ndiqatij qaqꞌij y ndiqakosisaj qiꞌ chin ndiqabꞌen rusamaj ri Dios. Porque qakuqubꞌan qakꞌuꞌx rikꞌin ri Kꞌaslik Dios chi nduyaꞌ chaqe ri qoyobꞌen. Xe wi rijaꞌ ri ndikolo kichin konojel wineq, y ja ri ngetaqin richin ri ngerukal.

1 Timoteo 5:17

Ri eꞌukꞌuey bꞌey chikiwech ri hermanos ri ndikibꞌen ri samaj pa rubꞌeyal, kin rukꞌulun chi ndinimrisex kibꞌiꞌ y ndiyoꞌox ri ndikꞌatzin chake koma ri hermanos. Y más ndikꞌatzin ndibꞌan keriꞌ chake ri ngetzijon ri rutzij ri Dios y ndikiyaꞌ tijonik pa ruwiꞌ.

Hebreos 10:36

Keriꞌ nibꞌij chiwa, porque ndikꞌatzin chi qꞌij-qꞌij ngixkochꞌon, chin keriꞌ rikꞌin ri ndibꞌen ri rurayibꞌel ri Dios, ndiyoꞌox chiwa ri sujun kan roma rijaꞌ.

Hebreos 12:1

Y roma kin ekꞌiy ri ojer teq qatit-qamamaꞌ ri xkikꞌut kan rikꞌin ri kikꞌaslen achike rubꞌeyal ri ndikuqeꞌ qakꞌuꞌx rikꞌin ri Dios, romariꞌ tiqelesaj e pa qakꞌaslen nojel ri ndubꞌen chaqe chi ma ngojan ta, y ri mak ri ndubꞌen chaqe chi ngojtzaq, tiqaxikꞌaꞌ qiꞌ, ma qojkos chin ndeqakꞌisaꞌ ri bꞌey kꞌa kꞌo na chiqawech.

Hebreos 13:13

Romariꞌ, ma tiqakuqubꞌaꞌ qakꞌuꞌx rikꞌin ri rusujik kikikꞌel awej teq chikap chin ta ndikuyutej qamak, xa kin tiqayaꞌ qánima rikꞌin ri Jesús ri xkamisex saqil e chin ri tinamit y ma tipoꞌ qakꞌuꞌx atoq ngojyoqꞌ roma qataqin rijaꞌ.

Hebreos 6:10

Porque ri Dios kin pa ruchojmil ndubꞌen nojel, romariꞌ ma ndumestaj ta ri samaj ibꞌanun pe pa rubꞌiꞌ, y ma ndumestaj ta chuqaꞌ chi rix ndiwojoꞌ rijaꞌ. Keriꞌ ndiqꞌalajin roma eꞌitoꞌon pe y kꞌa ngeꞌitoꞌ ri loqꞌolej teq ralkꞌuaꞌl.

Hebreos 6:12

Ma ndiqajoꞌ ta chi ngixqꞌorayaj, ndiqajoꞌ chi ndiwoqaj kikꞌaslen ri ndok kichin ri rusujun ri Dios porque kiyoꞌon kánima rikꞌin rijaꞌ y ma qꞌaxneq ta kikꞌuꞌx chiroyobꞌexik ri rusujun.

Hebreos 6:15

Y keriꞌ ri Abraham ma xkꞌo ta rukꞌuꞌx chiroyobꞌexik ri xsuj chare, y kin xyoꞌox wi chare.

2 Pedro 1:6

Y pa ruwiꞌ ngixkꞌoxoman utz-utz, ndiqꞌet chuqaꞌ iwiꞌ chuwech ri mak, y pa ruwiꞌ ndiqꞌet iwiꞌ chuwech ri mak, ngixkochꞌon, y pa ruwiꞌ ngixkochꞌon, ndikꞌuaj jun kꞌaslen achel ndirajoꞌ ri Dios,

Apocalipsis 1:9

Riyin Juan, yin i-hermano y iwachibꞌil chupan ri kꞌayew ndiqaqꞌasaj, y keriꞌ chuqaꞌ junan roj jun tinamit apeꞌ ri Dios ndubꞌen reinar pa qawiꞌ, y junan chuqaꞌ qakochꞌon qawech chupan ri ndiqaqꞌasaj roma xe jun qabꞌanun rikꞌin ri Jesús. Riyin Juan xibꞌeyoꞌox pa jun chꞌuti rochꞌulew rubꞌiniꞌan Patmos ri kꞌo pa mar, roma nitzijoj ri utzulej rutzij ri Dios y niyaꞌ rutzijol ri xuqꞌalajrisaj ri Jesús.

Apocalipsis 3:10

Y roma abꞌanun pe ri nubꞌiꞌin chawa chi takochꞌoꞌ ri ndaqꞌasaj pa akꞌaslen, riyin ngatinkal chuqaꞌ chuwech ri kꞌayew nduqaqa pa ruwiꞌ nojel ri rochꞌulew ri achoq chupan ngetojtobꞌex ri wineq.