Apocalipsis 17:16 - Kaqchikel Santo Domingo (Xenacoj)

¹⁶ Ri lajuj teq ukꞌaꞌ y ri itzel chikap ri xaꞌatzꞌet, itzel ndikitzꞌet ruwech ri ixaq ri ndukꞌayilaꞌ riꞌ chake achiꞌaꞌ; ndikimej e nojel ri achoq chare ruweqon riꞌ y ndikichꞌanabꞌaꞌ kan, ndikikꞌux ri ruchꞌakul y ri rubꞌaqil ndikiporoj.

Tuilleadh tionndaidhean

Kaqchikel Santa Maria de Jesus

¹⁶ Y ri diez (lajuj) ucꞌaꞌ ri xatzꞌat ri rucꞌuan ri bestia, itziel xtiquitzꞌat ri ixok reꞌ, rumareꞌ xcaꞌpalaj chirij y nojiel ri cꞌo riqꞌuin xtiquimaj cha; y xtiquichꞌanabꞌaꞌ can. Y xtiquitej nicꞌaj ri ru-cuerpo y nicꞌaj chic ri ru-cuerpo xa xtiquiparuoj.

Kaqchiquel Bible

¹⁶ Ri lajuj uk'a' ri xatz'et y ri chikop, xa xtiketzelaj k'a ri ixoq ri xa man utz ta ruk'aslen. Xtikelesaj ronojel chire y nikich'anaba' kan. Y ri ruch'akul ri ixoq ri', xtikitej y ri xtikolotej kan xtikiporoj pa q'aq'.

Kaqchikel Central Guatemala

¹⁶ Y ri lajuj uc'a' ri xatz'et chi ruc'uan ri chicop, xa xtiquetzelaj c'a ri ixok ri xa man utz ta ruc'aslen. Y xtiquiya' c'a can ruyon. Can niquich'anaba-vi can. Y ri ruch'acul ri ixok ri', c'o c'a xtiquitej, y c'o xa xtiquiporoj pa k'ak'.

Re C'ac'a Testamento pa Kach'abal

¹⁶ Y re lajuj ec'ua' re xatz'at che ruc'uan re chicop, xa xtiquitzelaj re ixok re man otz-ta ruc'aslen, y xtiquiya' can rion. Can xtiquich'anaba' can. Y re ru-cuerpo re ixok re' xtiquitaj, y c'o partes xa xtiquiparoj pa k'ak'.

Kaqchikel Western Solola

¹⁶ Y ri lajuj ruc'a' ri chicop ri xatz'et, xa xtiquetzelaj c'a ri ixok ri xa ma utz ta ruc'aslen. Y xtiquiya' c'a ca ruyon. Rumari' xqueyacatej chrij y ronojel ri c'o riq'ui xtiquelesaj chare. Can niquich'anaba' ca. Y ri ruch'acul ri ixok ri', c'o nic'aj ri xtiquitij, y c'o nic'aj ri xtiquiporoj pa k'ak'.

Apocalipsis 17:16 Iomraidhean Croise

Apocalipsis 12:3

Y xtzꞌetetej chik jun etal chikaj, y ri etal riꞌ jun mama itzel kumetz keq rij. Ri kumetz riꞌ wuquꞌ rujolon, lajuj rukꞌaꞌ y pa teq rujolon rukꞌuan jujun corona.

Apocalipsis 16:12

Ri ruwaq ángel xbꞌa, y pa ruwiꞌ ri nimalej raqen yaꞌ rubꞌiniꞌan Éufrates xbꞌeruwoxij ri kꞌo chupan ri copa rukꞌuan, y ri raqen yaꞌ riꞌ xchaqiꞌj qa chin xbꞌan kan rukꞌojlen ri bꞌey apeꞌ ngeꞌeqꞌax ri reyes ri ngeꞌel pe apeꞌ ndalex ri qꞌij.

Apocalipsis 17:10

Ewoꞌoꞌ chikiwech ri reyes riꞌ ma ndikibꞌen chi ta reinar, jun ndubꞌen reinar wokami, y jun kꞌajani tubꞌen reinar, y atoq nderubꞌanaꞌ reinar, xa chi jubꞌaꞌ ok tiempo ndubꞌen reinar.

Apocalipsis 18:19

Ri wineq riꞌ, ndikijopij ulew pa kijolon, ndikibꞌisoj ri tinamit, y ngesikꞌin chi oqꞌej ndikibꞌilaꞌ: ¡Juyo ruwech! ¡Juyo ruwech ri nimalej tinamit, Porque xe pa jumel xkꞌis ruqꞌij! Chirij rubꞌeyomal xebꞌeyomer Konojel kajaw ri barcos.

Apocalipsis 18:8

Roma kꞌa riꞌ, kꞌateꞌ ruwech ndiqaqa jalajaj kꞌayew pa ruwiꞌ, Y ri kꞌayew riꞌ, ja ri wayijal, ri bꞌis y ri kamik, Y ndikꞌis ruqꞌij pa qꞌaqꞌ. Porque kin nim wi ruchuqꞌaꞌ ri Ajaw Dios ri xuqꞌet tzij pa ruwiꞌ.

Apocalipsis 19:18

chin ndikꞌux kichꞌakul reyes, kichꞌakul ri eꞌukꞌuey kibꞌey soldados más nim kiqꞌij, kichꞌakul ri kꞌo uchuqꞌaꞌ pa kiqꞌaꞌ, kichꞌakul kej y ri etzꞌuyul chikij, kichꞌakul chuqaꞌ nojel kiwech wineq, chi loqꞌon teq samajelaꞌ chi e-libre, chi chꞌutiꞌq chi nimaꞌq, xchajeꞌ.