Apocalipsis 12:9 - Kaqchikel Santo Domingo (Xenacoj)

⁹ Xelesex kꞌa e ri mama ojer itzel kumetz ri ndibꞌix chuqaꞌ Satanás chare. Ja rijaꞌ ri ndichꞌakatin kichin ri jalajaj kiwech wineq chochꞌulew. Y xetorix qa rijaꞌ y ri ru-ángeles chochꞌulew.

Tuilleadh tionndaidhean

Kaqchikel Santa Maria de Jesus

⁹ Y xcꞌak-pa ri dragón junan quiqꞌuin ri itziel tak ángeles ri i-richꞌilan, cꞌa choch-ulief. Quireꞌ xꞌan cha ri dragón, ri niꞌeꞌx diablo y Satanás cha. Jajaꞌ ri xuoc jun cumatz ojier can, y jajaꞌ ri nibꞌano maña chica quinojiel vinak ri icꞌo choch-ulief.

Kaqchiquel Bible

⁹ Ri nimalej itzel keq rij chikop ri' jari' ri Itzel-Wineq, ri Satanás, ri kumetz ri k'o-pe ojer y ri niq'olon kichin konojel winaqi'; kan xk'aq k'a pe chuwech ri ruwach'ulew e rachibilan ri itzel taq ru-ángel.

Kaqchikel Central Guatemala

⁹ Can xc'ak c'a pe ri itzel quek rij dragón e rachibilan ri itzel tak ru-ángeles c'a ri pa ruvi' ri ruvach'ulef. Xc'ak-pe ri dragón ri nibix chuka' itzel vinek y Satanás chire. Jac'a rija' ri xoc jun cumetz ojer can, y ja rija' ri niyojon (niyujun) ronojel ri utz chiquivech ri vinek chuvech ronojel ruvach'ulef.

Re C'ac'a Testamento pa Kach'abal

⁹ Y re itzel chicop quiak rij re nibex dragón cha chibil re ru-ángeles xe'ch'akex-pa pa rue' re ruch'ulef. Y ja cha re itzel chicop re' nibex-va diablo y Satanás. Ja reja' re xoc re jun cumatz ajuer can, y ja reja' re niyojo ronojel re otz chiquivach re vinak re jec'o chach ronojel re ruch'ulef.

Kaqchikel Western Solola

⁹ Can xc'ak c'a pe ri itzel dragón ri quek rij ye rachibilan ri itzel tak ru'ángeles c'a pa ruwi' ri ruwach'ulef. Xc'ak pe ri dragón ri nibix chuka' itzel winek y Satanás chare. Ya c'a riya' ri xoc jun cumatz ojer ca, y ya riya' ri nik'olo quiche (quixin) ri winek chuwech ronojel re ruwach'ulef.

Apocalipsis 12:9 Iomraidhean Croise

San Mateo 13:39

y ri yakatajneq royowal chare rajaw ri ulew ja ri itzel. Ri qꞌatoj trigo ndichꞌaꞌa pa ruwiꞌ ri ndibꞌanatej atoq ndikꞌis re tiempo rojkꞌo, y ri ngeqꞌaton ja ri ángeles.

San Mateo 24:24

Porque ngebꞌeqꞌalajin pe wineq ri ndikiqꞌabꞌaj kiꞌ chi etaqon pe roma ri Dios chukolik ri rutinamit, y chuqaꞌ wineq ri ndikiqꞌabꞌaj kiꞌ chi e-profetas, y ngekibꞌanalaꞌ nimalej teq achike ri nixta jumbꞌey etzꞌeton y milagros, chin ngekichꞌakatij wineq, y xa ta ngetiker, hasta ngekichꞌakatij ri echaꞌon roma ri Dios.

San Mateo 25:41

Jakꞌa chake ri ekꞌo pa nuxakan nibꞌij: Kixel e chinuwech rix ri bꞌiꞌin chik pa iwiꞌ chi ngixbꞌeqaqa chupan ri qꞌaqꞌ ri ma ndichup ta, ri bꞌanun chin ndeyoꞌox ri itzel y ri ru-ángeles.

San Mateo 4:1

Ja atoq riꞌ ri Jesús xukꞌuꞌex roma ri Espíritu Santo pa chaqiꞌj y tzꞌiran ulew, chin nditaqchiꞌix roma ri itzel ri ndirajoꞌ ndutzeq pa mak.

San Mateo 4:10

Pero ri Jesús xubꞌij chare: ¡Katel e chinuwech, Satanás! Porque chupan ri rutzij ri Dios kereꞌ tzꞌibꞌan kan: Ja ri Awajaw Dios tayaꞌ ruqꞌij, y kin xe wi ri ndirajoꞌ rijaꞌ tabꞌanaꞌ.

San Mateo 4:5

Ja atoq riꞌ ri itzel xukꞌuaj ri Jesús pa loqꞌolej tinamit Jerusalén, y pariꞌ ri lugar más nej jatal chin ri rachoch ri Dios xbꞌeruyaꞌ e,

San Mateo 4:8

Jumbꞌey chik ri itzel chin ndutaqchiꞌij ri Jesús, xukꞌuaj pariꞌ jun nimajuyuꞌ, y xukꞌut chuwech nojel ri reinos ekꞌo chochꞌulew y ri kibꞌeyomal.

San Lucas 10:18

Ri Jesús xubꞌij: Jaꞌn, kin qetzij ri ndibꞌij, porque yin kin xintzꞌet chi ri Satanás xunaꞌ yan chi xchꞌakatej, porque kin achel ndubꞌen ri koyopaꞌ ndiqaqa pe chikaj, keriꞌ xubꞌen rijaꞌ atoq xtzaq pe.

San Lucas 13:16

Y re ixaq reꞌ, jun riy-rumam kan ri Abraham ri ja 18 junaꞌ ximon chupan ri yabꞌil roma ri itzel. ¿Ma utz ta kami chi pa uxlanibꞌel qꞌij ndel libre?

San Lucas 22:3

Ja atoq riꞌ xok ri itzel pa ránima ri Judas, ri ndibꞌix Iscariote chare, jun chikikajal ri kabꞌlajuj discípulos.

San Lucas 22:31

Ri Ajaw xubꞌij chuqaꞌ: Simón, Simón, nibꞌij chawa chi ri itzel xixrukꞌutuj chin ngixrutakchiꞌij chin ngixrutzeq pa mak.

San Lucas 8:12

Ri ulew chuchiꞌ bꞌey apeꞌ xeqaqa jujun semilla, ja ri wineq ri ndikakꞌaxaj ri utzulej rutzijoxik rutzij ri Dios, pero nduqaqa paqiꞌ ri itzel y ndukꞌen e ri tzij xtik pa kánima, chin ma ndikitaqij ta ri Dios y ma ngekolotej ta.

San Juan 12:31

Wokami ja xuqaqa ri qꞌij chin ndiqꞌat tzij pa kiwiꞌ konojel wineq, y ri itzel ri rajawal re rochꞌulew ndelesex e ri uchuqꞌaꞌ kꞌo pa ruqꞌaꞌ.

San Juan 14:30

Ma kꞌiy chi ta tzij nibꞌij kan chiwa, porque ri itzel ri rajawal re rochꞌulew, jubꞌaꞌ chik ndirajoꞌ chin nduqaqa, pero xa ma jun ruqꞌaꞌ chuwa.

San Juan 16:11

Y nduruqꞌalajrisaj chikiwech ri wineq chi nderilaꞌ qꞌij atoq ndiqꞌat tzij pa kiwiꞌ, porque wokami qꞌaton chik tzij pa ruwiꞌ ri itzel ri rajawal ri rochꞌulew.

San Juan 8:44

Ri itataꞌ rix ja ri itzel. Rix, rix richin rijaꞌ, y ja ri rurayibꞌel rijaꞌ ri ndiwojoꞌ ndibꞌen. Rijaꞌ kamisanel xe jampeꞌ pa nabꞌey, y ma jumbꞌey roqan ri qetzij, porque pa ránima ma jun qetzij kꞌo. Y atoq ndireqꞌon, kin richin wi keriꞌ ndubꞌen, porque rijaꞌ reqꞌóta, y rikꞌin rijaꞌ nditzꞌukutej pe nojel ruwech aqꞌ.

Hechos 26:18

chin ndajeq kiwech, ngeꞌel pe pa qꞌequꞌ y ngekꞌojeꞌ pa luz, ngeꞌel pe chuxeꞌ ruchuqꞌaꞌ ri Satanás y ngeꞌok chuxeꞌ ruchuqꞌaꞌ ri Dios, chin nginikitaqij y ndikuyutej ri kimak. Y ndiyoꞌox chake ri sujun kan roma ri Dios chake ri chꞌajchꞌaj bꞌanun chare ri kikꞌaslen. Keriꞌ xubꞌij ri Ajaw chuwa.

Hechos 5:3

Pero ri Pedro kereꞌ xubꞌij chare ri Ananías: ¿Achike roma xayaꞌ qꞌij chi ri Satanás xunojisaj awánima chin xawojoꞌ xachꞌakatij ri Espíritu Santo? Porque xabꞌij chi xayaꞌ nojel ri méra rajel ri awulew y xa kꞌo jubꞌaꞌ rajel xakꞌen kan.

Romanos 16:18

Porque ri wineq ri keriꞌ ngekibꞌanalaꞌ, ma rusamaj ta ri Qajaw Jesucristo ngetajin chubꞌanik, xa ja ri itzel teq rayinik chin ri ki-cuerpo ri ngetajin rikꞌin. Rikꞌin chaꞌon teq tzij y rikꞌin tzij chin ndikiyaꞌ kiqꞌij wineq, ndikisuqꞌulaꞌ kinoꞌoj ri payaya ndiqasex kijolon.

Romanos 16:20

Xa jubꞌaꞌ chik tiempo ndirajoꞌ chi ri Dios ri ndiyoꞌon uxlanen pa qánima, ndubꞌen chare ri Satanás chi ndikꞌojeꞌ chuxeꞌ iwaqen. Ri favor ri nduyaꞌ ri Qajaw Jesús kin ta xtikꞌojeꞌ pa iwiꞌ.

2 Corintios 11:14

Pero rix ma tisach ikꞌuꞌx chirij ri ndikibꞌanalaꞌ rejeꞌ, porque iwetaman chi hasta ri Satanás nduqꞌabꞌaj riꞌ chi achel ta rijaꞌ jun ángel ri taqon pe roma ri Dios.

2 Corintios 11:3

Pero nuxibꞌin wiꞌ chi achel ri kumetz xkaney ma xkaney xubꞌen chin xuchꞌakatij ri Eva ojer kan, keriꞌ chuqaꞌ xkixchꞌakatix rix chin xtiyaꞌ qꞌij chare ri itzel chi xtujel ri inojibꞌal y ma rikꞌin chi ta chꞌajchꞌaj ikꞌaslen, nixta rikꞌin nojel iwánima xtiwoqaj ri Cristo.

2 Corintios 12:7

Kin nimalej teq achike ri xeqꞌalajrisex chinuwech chupan ri achel teq achikꞌ. Y chin ma tinyaꞌ más nuqꞌij, ri Ajaw xuyaꞌ qꞌij chare ri itzel chi xuyaꞌ jun achel kꞌix pa nu-cuerpo ri ngiruyaꞌ pa kꞌayew chin ma ninimrisaj ta más wiꞌ.

2 Corintios 2:11

chin keriꞌ ma tiqayaꞌ qꞌij chare ri itzel chi ndurujuꞌ rutzaꞌ chiqakajal, porque qetaman chi rijaꞌ kꞌo ta man kꞌo ngerubꞌanalaꞌ chin ta ngojtzaq pa ruqꞌaꞌ.

2 Corintios 4:4

Porque ja ri itzel ri rajawal ri rochꞌulew, tzꞌapiyon kinoꞌoj, chin ma tikitzꞌet ri luz nduyaꞌ ri utzulej teq tzij chin kolotajik, utzulej teq tzij ri ngekꞌutu ri nimalej ruqꞌij ri Cristo, ri achoq ikꞌin nditzꞌetetej achike qitz runoꞌoj ri Dios.

Efesios 4:14

Chin keriꞌ, ma roj chi ta achel ri ma ekꞌiyineq ta pa kikꞌaslen chiraqen ri Dios. Porque rejeꞌ xa achike na ndikitaqij, y ngeꞌukꞌuꞌex roma jalajaj teq tijonik ri ma eqetzij ta ri ngekiyaꞌ achiꞌaꞌ ri kin ketaman ndikikanoj rubꞌeyal chin ngechꞌakatin.

2 Tesalonicenses 2:3

Ma jun tichꞌakatin iwichin pa ruwiꞌ reꞌ, porque ri tiempo riꞌ, ma nduqaqa yan ta, kꞌa tibꞌanatej na chi ekꞌiy ngetzolij chikij y ndikiyaꞌ kan rokacheq chuwech ri Dios. Ja atoq riꞌ nduqꞌalajrisaj pe riꞌ ri jun itzel achi ri ma jun ley ndunimaj. Rijaꞌ kin chin wi ma ndikolotej ta.

1 Timoteo 2:14

Y chuqaꞌ ma ja ta ri Adán ri xchꞌakatix, xa ja ri ixaq ri xchꞌakatix, y keriꞌ xuqꞌej ri mandamiento xuyaꞌ ri Dios.

2 Timoteo 3:13

Pero ri wineq itzel kinoꞌoj y echꞌakatinelaꞌ, más itzel ndubꞌen qa ri kinoꞌoj. Ngekichꞌakatij ri wineq, y rejeꞌ chuqaꞌ ngechꞌakatix.

Hebreos 2:14

Y achel kꞌo ki-cuerpo y kikikꞌel ri eralkꞌuaꞌl ri Dios, keriꞌ chuqaꞌ ri Jesús xkꞌojeꞌ ru-cuerpo y rukikꞌel, chin keriꞌ, rikꞌin ri kamik xuqꞌasaj ndukꞌis ruqꞌij nojel ri uchuqꞌaꞌ kꞌo pa ruqꞌaꞌ ri rajawal ri kamik, y riꞌ ja ri itzel.

1 Pedro 5:8

Pa iwuxnaqil tibꞌanaꞌ nojel y tichajij utz-utz ri ikꞌaslen, porque ri itzel royowal chiwa, y achel jun koj ndisikꞌin ndukanoj achike ta jun nduqetzelaꞌ chi eyaj.

1 Juan 5:19

Roj qetaman chi roj richin ri Dios, y qetaman chuqaꞌ chi konojel wineq ri ma kitaqin ta ri Cristo, ekꞌo chuxeꞌ ruchuqꞌaꞌ ri itzel.

Judas 1:9

Pero nixta ri arcángel Miguel atoq ndikichuquchaꞌ kiꞌ chi tzij rikꞌin ri itzel pa ruwiꞌ ru-cuerpo ri Moisés, ma jun mal tzij xubꞌij chirij ri itzel, xaxe xubꞌij chare: Ja ri Ajaw pa awiꞌ.

Apocalipsis 12:12

Roma kꞌa riꞌ, kixkikot rix, Ri rixkꞌo chikaj, Pero, ¡juyo iwech rix ri rixkꞌo chochꞌulew y rix ri rixkꞌo pa mar! Porque ri itzel kin retaman chi xa jubꞌaꞌ chi ok qꞌij yoꞌon chare, Y santienta royowal qajneq qa chochꞌulew apeꞌ rixkꞌo, xchajeꞌ.

Apocalipsis 12:3

Y xtzꞌetetej chik jun etal chikaj, y ri etal riꞌ jun mama itzel kumetz keq rij. Ri kumetz riꞌ wuquꞌ rujolon, lajuj rukꞌaꞌ y pa teq rujolon rukꞌuan jujun corona.

Apocalipsis 12:7

Y xbꞌanatej chuqaꞌ jun guerra chikaj. Ri Miguel y ri ángeles ekꞌo chuxeꞌ rutzij xkibꞌen guerra chare ri itzel kumetz y ri ru-ángeles. Keriꞌ chuqaꞌ ri itzel kumetz y ri ru-ángeles xkipabꞌaꞌ kiꞌ chuwech ri Miguel,

Apocalipsis 12:8

pero ma xetiker ta pa ruqꞌaꞌ, y ma xyoꞌox chi ta qꞌij chake chi xekꞌojeꞌ chikaj.

Apocalipsis 13:14

Rikꞌin ri milagros ri xyoꞌox qꞌij chare chi ngerubꞌanalaꞌ chuwech ri nabꞌey itzel chikap, ngeruchꞌakatij ri wineq chochꞌulew. Xubꞌen mandar chi tikibꞌanaꞌ jun rachibꞌel ri nabꞌey itzel chikap ri xsokotej rikꞌin espada y ma xken ta.

Apocalipsis 16:14

Ri espíritus riꞌ, kin erichin wi ri itzel. Ngekibꞌanalaꞌ nimalej teq milagros, ngebꞌa chikimolik ri ki-ejército ri reyes chochꞌulew chin ndikibꞌen guerra chare ri Dios chupan ri nimalej qꞌij atoq nduyaꞌ castigo ri Dios ri achoq pa ruqꞌaꞌ kꞌo nojel uchuqꞌaꞌ.

Apocalipsis 18:2

Y rikꞌin kaw ruchꞌabꞌel xubꞌij: ¡Xkꞌis ruqꞌij! ¡Xkꞌis ruqꞌij ri nimalej tinamit Babilonia! Y xok qa kikꞌojlibꞌel itzel teq espíritu, Kachoch konojel kiwech seqꞌ teq espíritu, Kachoch seqꞌ aj xikꞌ teq chikap Y kachoch seqꞌ teq chikap ri ndimulu akꞌuꞌx kikꞌin.

Apocalipsis 18:23

Ma jun chik lámpara ndiyikꞌan chiriꞌ, Y ma jun chik nimaqꞌij chin kꞌulubꞌik ndakꞌaxex, xa ndikꞌis nojel, Porque kin ndikinimrisalaꞌ kiꞌ ri kꞌayinelaꞌ chin ri tinamit riꞌ, Y rikꞌin ri kisamaj ri aj itz ekꞌo chiriꞌ, xechꞌakatix nojel kiwech wineq chochꞌulew, xchajeꞌ ri ángel.

Apocalipsis 19:20

Y xtzꞌan ri itzel chikap y ri achi ri ruqꞌabꞌan riꞌ chi profeta, ri rubꞌanun pe nimalej teq milagros chuwech ri itzel chikap. Rikꞌin ri milagros xerubꞌanalaꞌ ri achi riꞌ, xeruchꞌakatij ri wineq ri xkiyaꞌ qꞌij chin xyoꞌox retal ru-sello ri nabꞌey itzel chikap chikiqꞌaꞌ o pa runikꞌajal kiwech, y xubꞌen chuqaꞌ chake chi xkiyaꞌ ruqꞌij rachibꞌel ri itzel chikap. Rijaꞌ junan rikꞌin ri itzel chikap, kꞌa keriꞌ na ekꞌes xetorix qa chupan ri qꞌaqꞌ ri ndiraqa rikꞌin azufre.

Apocalipsis 2:13

Riyin wetaman chi ri tinamit apeꞌ ratkꞌo, rubꞌanun rukꞌojlibꞌel ri itzel chare, pero rat ma jumbꞌey yin ayoꞌon kan, y ma axibꞌin ta awiꞌ ndabꞌij chi yinkꞌo pa awánima, nixta chupan teq ri qꞌij atoq xkamisex ri nusamajel Antipas, ri ma jumbꞌey xujel ruwech rutzij chi yin rutaqin. Y rijaꞌ kin chiriꞌ chiꞌikajal xkamisex wi, pa itinamit apeꞌ kꞌo rukꞌojlibꞌel ri itzel.

Apocalipsis 2:24

Jakꞌa rix y ri chꞌaqa chik ri ekꞌo chuqaꞌ pa tinamit Tiatira, ri ma ibꞌanun ta ri ndukꞌut ri ixaq Jezabel, y ma iwetaman ta ri ndibꞌix nimalej teq noꞌoj chin ri Satanás chare, chiwa rix iwonojel kereꞌ nibꞌij: Ma niyaꞌ chi ta jun eqaꞌ más chiwij.

Apocalipsis 2:9

Riyin wetaman ri kꞌayew ndaqꞌasaj y chi maneq ok achajin, pero pa nuwech riyin kin rat bꞌeyon. Wetaman chuqaꞌ chi ri ngebꞌiꞌin chi e-israelitas pero xa kiqꞌabꞌan kiꞌ, tzꞌan itzel teq tzij ndikibꞌilaꞌ chawij. Rejeꞌ xa jun bꞌotzaj wineq ri koqan rutijonik ri itzel.

Apocalipsis 20:10

Y ri itzel ri xchꞌakatin kichin ri jalajaj kiwech wineq, xtorix qa chupan ri qꞌaqꞌ ri ndiraqa rikꞌin azufre, apeꞌ ekꞌo ri itzel chikap y ri achi ri ruqꞌabꞌan riꞌ chi profeta. Chiriꞌ ngeyoꞌox pa qꞌaxomal chi chaqꞌaꞌ chi paqꞌij chin jumul.

Apocalipsis 20:8

Y ndibꞌa chin ngerutaqchiꞌij rikꞌin chꞌakatinik ri jalajaj kiwech wineq chin ngebꞌa pa guerra junan rikꞌin. Keriꞌ ndubꞌen chake ri ekꞌo chuwech ri kajiꞌ ruchiꞌ ri rochꞌulew, y riꞌ ja ri aj rochꞌulew Gog y ri aj rochꞌulew Magog. Y ri ngemol kiwech, esantienta. Kin eꞌachel ri sanayiꞌ chuchiꞌ ri mar keriꞌ.

Apocalipsis 3:9

Ri jun bꞌotzaj wineq ri kitaqin rutijonik ri Satanás, ri ndikibꞌij chi e-israelitas pero xa kiqꞌabꞌan kiꞌ, tayaꞌ cuenta chare, riyin nibꞌen chi jujun chikiwech rejeꞌ ngebꞌexukeꞌ y ndikiqasaj kijolon chiꞌawaqen, y ndiketamaj chi riyin ngatinwojoꞌ.

Apocalipsis 9:1

Atoq ri ruwoꞌ ángel xuxulaj ri trompeta yoꞌon chare, xintzꞌet chikaj jun chꞌumil tzaqineq qa chochꞌulew, y chare ri chꞌumil riꞌ xyoꞌox ri lawiꞌil chin ri rar siwan.

Apocalipsis 9:20

Ri wineq ri ma xeken ta pa ruqꞌaꞌ ri kꞌayew riꞌ, ma xkijel ta kinoꞌoj chin ta xkiyaꞌ kan ruyaꞌik kiqꞌij itzel teq espíritu y tiox ekibꞌanun chare qꞌanapueq, saqipueq, bronce, abꞌej y cheꞌ, tiox ri xa ma ngetzuꞌun ta, ma ngeꞌakꞌaxan ta y ma ngebꞌiyin ta.