Apocalipsis 12:1 - Kaqchikel Santo Domingo (Xenacoj)

¹ Y xtzꞌetetej jun nimalej etal chikaj. Ri etal riꞌ jun ixaq ruweqon riꞌ chare ri qꞌij, y chuxeꞌ qa ri raqen kꞌo ri raqen ikꞌ y pa rujolon rukusan jun corona ruchajin kabꞌlajuj chꞌumil.

Tuilleadh tionndaidhean

Kaqchikel Santa Maria de Jesus

¹ Y xkꞌalajin-pa chicaj jun señal nem; jun ixok can incheꞌl kꞌij ri rutziak, can nichꞌichꞌan, paꞌl paroꞌ ri icꞌ. Cꞌo jun corona pa rujaluon, y ri corona reꞌ rucꞌuan doce (cabꞌalajuj) estrellas (chꞌumil).

Kaqchiquel Bible

¹ K'ari' xintz'et chi ri chikaj xbeq'alajin-pe jun nimalej retal; xintz'et k'a jun ixoq ri rupison ri' chupan ri q'ij achi'el xa ta jari' ri rutziaq. Ri ik' k'o qa chuxe' ri raqen y pa rujolon k'o jun corona ri ek'o kablajuj ch'umila' chuwech.

Kaqchikel Central Guatemala

¹ Y c'ari' ri chicaj xk'alajin c'a pe jun ixok. Y ri rubanic c'a ri ixok ri', can man jun bey c'a tz'eton, roma can achi'el k'ij nitzu'un ri rutziak y ja ri ic' ri oquinek rupalibel. C'o c'a jun corona rucusan, y re corona re' e ruc'uan c'a cablajuj ch'umila'.

Re C'ac'a Testamento pa Kach'abal

¹ Y c'are' chicaj xk'alajim-pa jun ixok. Y re ru-forma re ixok re', can man jun bey tz'eton, roma can ancha'l nitzu'un re k'ij quire' titzu'un re rutziak y ja re ic' re aconak rupilibal. C'o c'a jun corona rucusan, y re corona re' ruc'uan doce ch'umil.

Kaqchikel Western Solola

¹ Y c'o c'a jun retal ri xbanatej chuwech ri caj. Xk'alajin c'a pe jun ixok ri can achi'el k'ij nitzu'un ri rutziak y ya ri ic' ri oconek rupalbel. C'o c'a jun corona rucusan, y ri corona ri' ye ruc'uan c'a cablajuj ch'umila'.

Apocalipsis 12:1 Iomraidhean Croise

San Mateo 12:38

Ja atoq riꞌ jujun tijonelaꞌ chin ri ley xyoꞌox chare ri Moisés y jujun fariseos, kereꞌ xkibꞌij chare ri Jesús: Tijonel, roj ndiqajoꞌ ndabꞌen jun retal ruchuqꞌaꞌ ri Dios chiqawech, ri ndikꞌutu chi rat taqon pe roma rijaꞌ.

San Mateo 24:30

Ja atoq riꞌ chikaj nditzꞌetetej ri etal wichin riyin ri aj chikaj ri xinuꞌalex chiꞌikajal, y ri jalajaj kiwech wineq santienta kixibꞌin kiꞌ ngeꞌoqꞌ roma ri xtibꞌanatej kikꞌin, y nginikitzꞌet riyin ri aj chikaj ri xinuꞌalex chiꞌikajal, chi yin pataneq pa kiwiꞌ teq nube cho kaj, rikꞌin nimalej uchuqꞌaꞌ y nimalej nuqꞌij.

Marcos 13:25

Ri chꞌumilaꞌ ngetzaq e chuwech ri kaj, y ri nimalej teq uchuqꞌaꞌ ekꞌo chikaj ngeꞌelesex pa teq kikꞌojlibꞌel.

San Lucas 21:11

Jalajaj teq apeꞌ ngebꞌanatej nimaꞌq teq kobꞌraqen, ndipuꞌun wayijal y yabꞌil. Y cho kaj kꞌo chuqaꞌ ngebꞌanatej ri ndaxibꞌij awiꞌ rikꞌin y kꞌo nimaꞌq teq etal xtitzꞌetetej ri ma jumbꞌey etzꞌeton.

San Lucas 21:25

Y ngetzꞌetetej etal chuwech ri qꞌij, chuwech ri raqen ikꞌ y chikiwech ri chꞌumilaꞌ, y chochꞌulew ri jalajaj kiwech wineq kixibꞌin kiꞌ y ma ndikil ta rubꞌeyal achike ndikibꞌen porque ri mar santienta ndiwujuj y santienta ndibꞌolqotilan,

San Juan 3:29

Pa jun kꞌulubꞌik ri kꞌajol ndikꞌuleꞌ jariꞌ ri ndok rachijil ri xten, y ri kꞌajol peyon chin ndikꞌojeꞌ pa ruwiꞌ ri nimaqꞌij chin ri kꞌulubꞌik, santienta ndikikot atoq ndirakꞌaxaj chi ri aj kꞌulubꞌel ngetzeyaj chikiwech. Keriꞌ kꞌa chuqaꞌ riyin santienta ngikikot roma niwakꞌaxaj chi wokami santienta wineq ngebꞌa apu apeꞌ kꞌo ri Jun taqon pe roma ri Dios chukolik ri rutinamit.

Hechos 2:19

Chikaj nibꞌen nimalej teq achike ri nixta jumbꞌey etzꞌeton, Y chochꞌulew nibꞌen nimalej teq retal ri wuchuqꞌaꞌ ri ndisach ikꞌuꞌx nditzꞌet. Nditzꞌetetej kikꞌ, qꞌaqꞌ y sibꞌ ri ndibꞌuqubꞌut achel nubes.

Romanos 13:14

Xa kin tiyaꞌ qꞌij chare ri Ajaw Jesucristo chi ndisamej pa ikꞌaslen chin keriꞌ ri inoꞌoj ndubꞌen qa achel runoꞌoj rijaꞌ. Ma tibꞌen ruwech chi ndibꞌen ri itzel teq rayinik chin ri i-cuerpo.

Romanos 3:22

Y ri modo riꞌ ndubꞌij chi ja ri Dios ndibꞌanun chake ri wineq ri ndikitaqij ri Jesucristo chi nixta jun kimak ndikeqalej, y riꞌ chake konojel ri ngetaqin, porque ri Dios junan kiwech ngerutzꞌet konojel,

2 Corintios 11:2

Porque ri santienta ngixinbꞌen cuenta, riꞌ rikꞌin ri Dios pataneq wi. Riyin nuyoꞌon nutzij chare ri Ajaw achel jun tataꞌatz nduyaꞌ rutzij chare jun kꞌajol chi ndikꞌuleꞌ ri rumiꞌal rikꞌin. Yin xinyaꞌ nutzij chare ri Jun ri ndok iwachijil chi ngixkꞌuleꞌ rikꞌin, y ri jun riꞌ ja ri Cristo. Niwojoꞌ chi chꞌajchꞌaj ngixbꞌenjachaꞌ pa ruqꞌaꞌ, achel jun qꞌopoj ri kꞌajani tikꞌojeꞌ rikꞌin achi.

Gálatas 3:27

Porque roj qonojel ri qabꞌanun bautizar qiꞌ pa rubꞌiꞌ ri Cristo, xe jun qabꞌanun rikꞌin. Y kin ndiqꞌalajin ri Cristo pa qakꞌaslen, achel qaweqon ta qiꞌ rikꞌin ri rukꞌaslen rijaꞌ.

Gálatas 4:26

Pero ri teꞌej rubꞌiniꞌan Sara ri kin libre wi, ndiqajunumaj rikꞌin ri aj chikaj Jerusalén, y ja rijaꞌ ri kin achel jun teꞌej chaqe roj ri qataqin ri Jesús y roj libre chuwech ruchuqꞌaꞌ ri ley.

Gálatas 6:14

Pero riyin ma ninimrisaj ta wiꞌ roma ri achike nubꞌanaloꞌon, xa kin ja ri rukamik ri Qajaw Jesucristo cho cruz ri ninimrisaj. Porque ri rukamik ri Cristo xubꞌen chuwa chi maneq chik reqalen chinuwech ri achike ndusuj ri rochꞌulew. Keriꞌ chuqaꞌ ri wineq ri ma kitaqin ta ri Jesucristo maneq reqalen chikiwech ri kin kꞌo wi reqalen chinuwech riyin.

Efesios 5:32

Re jun tzij reꞌ nimalej reqalen y ma qꞌalej ta nojel rubꞌeyal ojer kan, pero ndichꞌaꞌa chuqaꞌ pa ruwiꞌ ri Cristo y pa qawiꞌ roj, ri roj ralkꞌuaꞌl ri Dios.

Apocalipsis 1:20

Ri xatzꞌet yan y ma kin ta qꞌalej rubꞌeyal chawech, ja niqꞌalajrisaj chawech: Ri wuquꞌ chꞌumil xatzꞌet pa wikiqꞌaꞌ jareꞌ: Ri wuquꞌ chꞌumil, ewuquꞌ nusamajelaꞌ ri ekꞌo pa kiwiꞌ wuquꞌ bꞌotzaj ralkꞌuaꞌl ri Dios ri ndikimal kiꞌ pa rubꞌiꞌ rijaꞌ pa rochꞌulew Asia, y ri wuquꞌ candeleros ebꞌanun chare qꞌanapueq, ja ri wuquꞌ bꞌotzaj ralkꞌuaꞌl ri Dios riꞌ.

Apocalipsis 11:19

Y xjaqatej chikaj ri puerta chin ri rachoch ri Dios, y chiriꞌ xtzꞌetetej ri káxa ri achoq chupan yakel ri pacto ri xubꞌen ri Dios rikꞌin ri rutinamit. Xetiker pe koyopaꞌ y rayos ri santienta ngeqꞌajan, xbꞌanatej jun nim kobꞌraqen y xubꞌen chuqaꞌ santienta saqbꞌach.

Apocalipsis 12:3

Y xtzꞌetetej chik jun etal chikaj, y ri etal riꞌ jun mama itzel kumetz keq rij. Ri kumetz riꞌ wuquꞌ rujolon, lajuj rukꞌaꞌ y pa teq rujolon rukꞌuan jujun corona.

Apocalipsis 15:1

Riyin Juan xintzꞌet jun chik nimalej etal chikaj ri ndisach akꞌuꞌx ndatzꞌet: Ri etal riꞌ, wuquꞌ ángeles kikꞌuan wuquꞌ rukꞌisibꞌel teq kꞌayew. Y kikꞌin ri kꞌayew riꞌ nditzꞌaqet rukꞌusaxik ri royowal ri Dios pa kiwiꞌ ri wineq.

Apocalipsis 21:14

Ruxeꞌel ri xan chin ri tinamit kabꞌlajuj abꞌej okuneq, y chikij chikijununal ri abꞌej, tzꞌibꞌan jun bꞌiꞌaj kichin ri kabꞌlajuj ru-apóstoles ri Alaj Karneꞌl.

Apocalipsis 21:23

Y ma ndikꞌatzin chi ta chi ri qꞌij y ri raqen ikꞌ ngeyikꞌan richin ri tinamit. Porque ja ri nimalej ruqꞌij ri Dios ndiyikꞌan richin, y ri Alaj Karneꞌl ndiyikꞌan chuqaꞌ richin ri tinamit.