3 Juan 1:6 - Kaqchikel Santo Domingo (Xenacoj)

⁶ Rejeꞌ xukibꞌij chaqe roj ri ndiqamal qiꞌ pa rubꞌiꞌ ri Dios chi rat tzꞌan ngatojowan, y utz ndabꞌen chi ndayaꞌ chik e ri ndikꞌatzin chake chin ndikitzꞌen chi e kibꞌey apejeꞌ na ngebꞌa. Pero tabꞌanaꞌ achel kin ta ja ri Dios ndiyoꞌon e chake.

Tuilleadh tionndaidhean

Kaqchikel Santa Maria de Jesus

⁶ Y ijejeꞌ xquitzijuoj chica ri hermanos antok icꞌo pan iglesia. Xquitzijuoj chi can ncaꞌvajoꞌ ri hermanos. Rumareꞌ inreꞌ nicꞌutuj favor chava chi nojiel mul antok ncaꞌkꞌax aviqꞌuin, taya-el ri nicꞌatzin chica, chi quireꞌ ijejeꞌ niquiꞌan ri rusamaj ri Dios.

Kaqchiquel Bible

⁶ Toq rije' xe'apon qik'in, xkitzijoj chiqe chi kan janila ajowabel xak'ut chikiwech. Kan utz wi k'a chi ronojel bey toq yeq'ax awik'in, taya-el ri nik'atzin chike, achi'el ri niqa' chuwech ri Dios.

Kaqchikel Central Guatemala

⁶ Y rije' can xquitzijoj chique ri kach'alal tok quimolon-qui'. Xquitzijoj ri ajovabel ri c'o pan avánima. Romari' yin ninc'utuj c'a utzil chave chi ronojel bey tok yek'ax aviq'uin, taya-el ri nic'atzin chique. Roma can niquiben ri rusamaj ri Dios.

Re C'ac'a Testamento pa Kach'abal

⁶ Y reje' can xquitzijoj chique re hermanos tak quimalon-qui'. Xquitzijoj che re avánma camas nijovan. Mare' yen ninc'utuj utzil chava che ronojel bey tak ye'k'ax aviq'uin, taya-a re nic'atzin chique. Roma can niquiban re rusamaj re Dios.

Kaqchikel Western Solola

⁶ Y riye' can xquitzijoj c'a chique ri kach'alal tek quimolon qui'. Xquitzijoj ri ajowabel ri c'o pan awánima. Rumari' riyin nc'utuj c'a jun utzil chawe chi ronojel mul tek yek'ax awuq'ui, taya' el ri nic'atzin chique. Can utz wi chi queri' naben ruma riye' can niquiben wi ri rusamaj ri Dios.

3 Juan 1:6 Iomraidhean Croise

Hechos 15:29

Ma tikꞌux ri sujun chik chikiwech tiox, ma tikꞌamalaꞌ qa iwiꞌ xa achoq na ikꞌin chin ndibꞌen mak, ma tikꞌux tiꞌij ri kꞌo kikꞌ warneq chupan, nixta kikꞌ. Si ndibꞌen cuenta iwiꞌ chuwech nojel reꞌ, kin utz ri ndibꞌen. Ri Dios kin ta xtuyaꞌ ri ru-favor pa iwiꞌ.

Hechos 15:3

Y ri ndikimal kiꞌ pa rubꞌiꞌ ri Dios pa tinamit Antioquía xkiyaꞌ e chake nojel ri ndikꞌatzin chin xkitzꞌen e bꞌey, y pa kibꞌey xeꞌeqꞌax pa rochꞌulew Fenicia y chuqaꞌ pa rochꞌulew Samaria, ndikitzijolaꞌ ri achike modo ekꞌiy ma israelitas ta xkitaqij ri Ajaw, y konojel ri hermanos chupan teq ri tinamit riꞌ tzꞌan xekikot atoq xkakꞌaxaj keriꞌ.

Hechos 21:5

Atoq xeqꞌax ri wuquꞌ qꞌij, xojel e chuchiꞌ ri tinamit, y konojel ri hermanos, ri kixjayil y ri kalkꞌuaꞌl xojbꞌekiyaꞌ chuchiꞌ ri mar. Chiriꞌ xojxukeꞌ chin xqabꞌen orar.

Romanos 15:24

nunojin chi atoq nitzꞌen bꞌey chin ngibꞌa pa rochꞌulew España, ngineqꞌax iwikꞌin pa nubꞌey y atoq xikikot yan kaꞌi-oxiꞌ qꞌij junan iwikꞌin, niwojoꞌ chi nginitoꞌ e rikꞌin ri ndikꞌatzin chuwa, chin nitzꞌen chik nubꞌey.

2 Corintios 1:16

Riyin xinbꞌen ruwech chi ngiqꞌax iwikꞌin nabꞌey atoq ngibꞌa pa rochꞌulew Macedonia, y atoq xkitzolij pe, ngineqꞌax chi pe jumbꞌey iwikꞌin, chin keriꞌ nginitoꞌ e atoq nitzꞌen nubꞌey ngibꞌa pa rochꞌulew Judea.

Filipenses 4:14

Pero kin utz ri xibꞌen chi xinitoꞌ pe rikꞌin ri ndikꞌatzin chuwa, porque riꞌ ndubꞌij tzij chi junan iwánima ibꞌanun wikꞌin chupan ri kꞌayew niqꞌasaj.

Colosenses 1:10

Chin keriꞌ ndikꞌuaj jun kꞌaslen achel ndirajoꞌ ri Ajaw, y nojel ri ndibꞌen kin ta ndiqaꞌ chuwech, kin ta kꞌiy utz ngeꞌibꞌanalaꞌ chake chꞌaqa chik, kin achel jun cheꞌ ri yalan ndiwachin, y kin ta más ngixkꞌiy pa ikꞌaslen roma ndiwetamaj ri utzulej runoꞌoj ri Dios.

Tito 3:13

Tabꞌanaꞌ nojel ri ngatiker ndabꞌen chin ndayaꞌ e ri ndikꞌatzin chake ri Zenas ri jabꞌel retaman rubꞌeyal ri leyes y ri Apolos, chin keriꞌ kin kꞌo kikꞌin nojel ri ndikꞌatzin chin ri kibꞌey.

1 Pedro 2:20

Porque, ¿kꞌo kami reqalen ndiwil chuwech ri Dios si roma imak ngixchꞌay y ndikachꞌ? Ma jun. Pero si roma ndibꞌen ri utz ndiqꞌasaj keriꞌ y kin ndikachꞌ, reꞌ kin kꞌo reqalen chuwech ri Dios.

3 Juan 1:12

Konojel hermanos ndikibꞌij chi ri hermano Demetrio jun utzulej hermano, porque kin ukꞌuan rukꞌaslen roma ri qetzij. Roj chuqaꞌ utz rutzijol ndiqayaꞌ ri Demetrio, y rat awetaman chi ri ndiqabꞌij kin qetzij wi.