1 Juan 5:13 - Kaqchikel Santo Domingo (Xenacoj)

¹³ Nojel reꞌ nitzꞌibꞌaj e chiwa rix ri itaqin chi ja ri Jesús ri Rukꞌajol ri Dios, chin kuqul ikꞌuꞌx chi kꞌo ri kꞌaslen ma ndikꞌis ta iwikꞌin.

Tuilleadh tionndaidhean

Kaqchikel Santa Maria de Jesus

¹³ Nitzꞌibꞌaj nojiel reꞌ chiva ixreꞌ ri iniman chic ri Rucꞌajuol ri Dios, chi ntinaꞌiej chi cꞌo chic iviqꞌuin ri cꞌaslien ri man niqꞌuis ta y chi más tinimaj ri Rucꞌajuol ri Dios.

Kaqchiquel Bible

¹³ Rix ri ikuquban chuqa' ik'u'x rik'in ri Ruk'ajol ri Dios, nintz'ibaj k'a ronojel re' chiwe richin niwetamaj chi k'o chik ik'aslen ri man k'isel ta.

Kaqchikel Central Guatemala

¹³ Rix ri iniman chic ri rubi' ri Ruc'ajol ri Dios, nintz'ibaj c'a ronojel re' chive richin nivetamaj chi c'o chic ic'aslen ri man q'uisel ta y chi can ta cukul ic'u'x riq'uin ri Ruc'ajol ri Dios.

Re C'ac'a Testamento pa Kach'abal

¹³ Nintz'ibaj ronojel re' chiva yex re junan kaniman re Ruc'ajol re Dios iviq'uin, chin nitamaj che c'o chic ic'aslen re man niq'uis-ta, y can-ta ibanon confiar-ivi' riq'uin re Ruc'ajol re Dios.

Kaqchikel Western Solola

¹³ Riyin ntz'ibaj c'a ronojel re' chiwe riyix ri yixniman pa rubi' ri Ruc'ajol ri Dios, riche (rixin) chi niwetamaj chi c'o chic ic'aslen riche (rixin) xtibe k'ij xtibe sek y riche (rixin) chi nicuke' ic'u'x riq'ui ri Ruc'ajol ri Dios.

1 Juan 5:13 Iomraidhean Croise

San Juan 1:12

Pero ri xekꞌamo apu ruwech y xkitaqij, xuyaꞌ chake chi kꞌo kiqꞌaꞌ chin ngeꞌok ralkꞌuaꞌl ri Dios.

San Juan 2:23

Atoq ri Jesús kꞌo pa nimaqꞌij rubꞌiniꞌan Pascua, pa tinamit Jerusalén, santienta wineq xkitaqij achike chi achi rijaꞌ, porque xkitzꞌet ri retal ruchuqꞌaꞌ ri Dios ri ngerubꞌanalaꞌ chiriꞌ.

San Juan 20:31

Pero ri retal ruchuqꞌaꞌ ri Dios ri xetzꞌibꞌex kan chupan re wuj reꞌ, xetzꞌibꞌex chin nditaqij chi ja ri Jesús ri taqon pe roma ri Dios chukolik ri rutinamit y chi ja rijaꞌ ri Rukꞌajol ri Dios. Y xetzꞌibꞌex chuqaꞌ chin keriꞌ rix ri ngixtaqin, ndikꞌojeꞌ ikꞌaslen rikꞌin rijaꞌ.

San Juan 21:24

Y ja discípulo riꞌ ri ndiyoꞌon rutzijol nojel reꞌ, y rutzꞌibꞌan chuqaꞌ nojel ri kꞌo chupan re wuj reꞌ, y kin qetaman chi qetzij ri ruyoꞌon kan rutzijol chupan.

San Juan 3:18

Ri castigo ri nduyaꞌ ri Dios ma ndiqaqa ta pa ruwiꞌ jun wineq ri xtutaqij chi ja ri Rukꞌajol ri Dios ri rukolonel, pero ri ma xtutaqij ta, kin kꞌo chik ri castigo pa ruwiꞌ, porque ma rutaqin ta chi rukolonel ri junayon Rukꞌajol ri Dios.

San Juan 5:24

Kin qetzij nibꞌij chiwa chi ri ndakꞌaxan ri tzij nibꞌij y ndutaqij ri taqayon pe wichin, kin kꞌo chik ri kꞌaslen ma ndikꞌis ta rikꞌin. Pa ruwiꞌ rijaꞌ ma ndiqaqa ta ri castigo nduyaꞌ ri Dios, xa kin kolotajneq chi pe chuwech ri kamik y qꞌaxneq chi apu chupan ri kꞌaslen ma ndikꞌis ta.

Hechos 3:16

Ri xbꞌanun chi re achi reꞌ xkꞌachaj y xkꞌojeꞌ pe ruchuqꞌaꞌ, ja chi qakuqubꞌan kakꞌuꞌx rikꞌin ri Jesús. Y roma keriꞌ, kin xkꞌachaj wi chin jumul ri raqen, achel nditzꞌet rix.

Hechos 4:12

Y xa kin xe rikꞌin ri Jesús ndilitej kolotajik, porque maneq chik jun ri taqon pe roma ri Dios chochꞌulew chin ngerukal ri wineq, xa kin xe ri Jesús, xchajeꞌ ri Pedro.

2 Corintios 5:1

Porque si ri aj rochꞌulew qa-cuerpo ndikꞌis ruqꞌij, qetaman chi ri Dios runabꞌan chi apu jun aj chikaj qa-cuerpo, jun achoch ri ma ndikꞌis ta ruqꞌij y ma wineq ta ebꞌanayon richin.

Gálatas 4:6

Y wokami ke roj ralkꞌuaꞌl chik ri Dios, rijaꞌ xuteq pe ri Espíritu chin ri Rukꞌajol pa qánima. Y ri Espíritu riꞌ ndubꞌij ¡Nataꞌ! chare ri Dios.

1 Pedro 5:12

Ri Silvano xirutoꞌ chin xintzꞌibꞌaj e re wuj reꞌ chiwa. Rijaꞌ jun hermano ri kin kuqul nukꞌuꞌx rikꞌin. Chupan re wuj reꞌ ma kꞌiy ta ok achike nutzꞌibꞌan e chiwa, pero ri achike nutzꞌibꞌan e, kin chin ngixinpixabꞌaj y chin chuqaꞌ nibꞌij chiwa chi ri favor iwilon ndikꞌutu chi qetzij ri Dios ngixrajoꞌ. Roma kꞌa riꞌ, ma jumbꞌey kixel e chuxeꞌ ri favor riꞌ.

1 Juan 1:4

Nojel reꞌ ndiqatzꞌibꞌaj chiwa, chin keriꞌ tzꞌaqet ndikikot qánima roj qonojel.

1 Juan 2:1

Rix ri kin achel rix walkꞌuaꞌl keriꞌ, nitzꞌibꞌaj e nojel reꞌ chiwa, chin ma ngixtzaq pa mak, pero si kꞌo jun ndubꞌen mak, kꞌo jun ndichꞌaꞌa pa qakꞌexel chare ri Tataꞌaj Dios, y riꞌ ja ri Jesucristo ri kin chojmilej rukꞌaslen.

1 Juan 2:21

Nitzꞌibꞌaj e reꞌ chiwa, ma roma ta chi man ta iwetaman ruchojmil ri qetzij, xa kin roma iwetaman ruchojmil, y roma chuqaꞌ iwetaman chi nixta jun aqꞌ nditzꞌukutej pe rikꞌin ri qetzij.

1 Juan 2:25

Y si jumul xe jun qabꞌanun rikꞌin, kin qichin wi ri kꞌaslen ma ndikꞌis ta ri rusujun kan rijaꞌ chaqe.

1 Juan 2:26

Riyin nitzꞌibꞌaj e reꞌ chiwa, chin ma ngixqaqa pa kiqꞌaꞌ ri wineq ri ndikajoꞌ ngixkichꞌakatij.

1 Juan 3:23

Y ri mandamiento ruyoꞌon kan ri Dios chaqe, jareꞌ: Tiqataqij ri Jesucristo ri Rukꞌajol, y tiqajoꞌ qiꞌ chiqawech achel xubꞌen kan mandar chaqe.

1 Juan 4:9

Y ri Dios xukꞌut chi santienta ngojrajoꞌ, porque xuteq pe ri junayon Rukꞌajol chochꞌulew, chin keriꞌ roma rijaꞌ kꞌo kꞌakꞌakꞌ qakꞌaslen.

1 Juan 5:10

Ri kitaqin ri Rukꞌajol ri Dios, ndikinaꞌ chi ri ruqꞌalajrisan ri Dios pa ruwiꞌ ri Rukꞌajol kin qetzij wi. Pero ri ma kitaqin ta ri Dios ndikibꞌen chare achel xa jun reqꞌóta keriꞌ, porque ma ndikitaqij ta ri ruqꞌalajrisan pa ruwiꞌ ri Rukꞌajol.

1 Juan 5:11

Y jareꞌ ri ruqꞌalajrisan ri Dios chiqawech: Ruyoꞌon ri kꞌaslen ma ndikꞌis ta chaqe, y ri kꞌaslen riꞌ yoꞌon chaqe roma xe jun qabꞌanun rikꞌin ri Rukꞌajol.

1 Juan 5:20

Qetaman chuqaꞌ chi ri Rukꞌajol ri Dios xuqaqa chochꞌulew, y xuyaꞌ etamabꞌel chaqe chin ndiqetamaj runoꞌoj ri qetzij Dios. Y roj xe jun qabꞌanun rikꞌin ri qetzij Dios, porque xe jun qabꞌanun rikꞌin ri Jesucristo ri Rukꞌajol. Ja rijaꞌ ri qetzij Dios, y ja rijaꞌ ri ndiyoꞌon ri kꞌaslen ma ndikꞌis ta.