1 Juan 4:3 - Kaqchikel Santo Domingo (Xenacoj)

³ Pero si jun ndubꞌij chi ri Jesús ma xuqaqa ta chochꞌulew, nixta xkꞌojeꞌ ru-cuerpo achel qa-cuerpo roj wineq, ri jun riꞌ ma ja ta ri Espíritu Santo ukꞌuayon richin, xa ja ri espíritu chin ri jun ri yakatajneq chirij ri Cristo. Y rix iwakꞌaxan pe chi ri itzel espíritu riꞌ nduqaqa wi, y wokami kꞌo chik chochꞌulew.

Tuilleadh tionndaidhean

Kaqchikel Santa Maria de Jesus

³ Y xa niquiꞌej chi ri Jesucristo man xuoc ta vinak incheꞌl ojreꞌ, kꞌalaj chi man ja ta ri Ru-Espíritu ri Dios yaꞌyuon ri tzij chica. Xa ja ri ru-espíritu ri anticristo ri yaꞌyuon ri tzij chica. Y ja espíritu reꞌ ri ivaxan chi nipa, y vacame cꞌo chic choch-ulief.

Kaqchiquel Bible

³ Jak'a wi man nikibij ta keri', niq'alajin k'a ri' chi man ja ta ri Loq'olej Espíritu richin ri Dios yoyon kich'abel. Xa ja ri espíritu richin ri itzel ri yoyon ri ch'abel ri' chike. Re espíritu re' etzelanel richin ri Jesucristo, y rix iwak'axan chi k'o na chi nipe, y wakami xoqaqa yan k'a chuwech re ruwach'ulew.

Kaqchikel Central Guatemala

³ Jac'a vi niquibij chi ri Jesucristo tok xpe vave' chuvech re ruvach'ulef man xoc ta achi'el roj vinek, nik'alajin chi man ja ta ri Lok'olej Espíritu richin ri Dios yoyon quich'abel. Xa ja ri espíritu richin ri itzel ri yoyon quich'abel. Ri espíritu ri netzelan richin ri Cristo y nuben chi can ja rija' ri Cristo. Jac'a espíritu re' ri ivac'axan chi c'o na chi nipe, y vacami xoka' yan c'a chuvech re ruvach'ulef.

Re C'ac'a Testamento pa Kach'abal

³ Jac'a vo xa niquibij che re Jesucristo tak xpa vova' chach re ruch'ulef man xoc-ta ancha'l yoj re yoj vinak, nik'alajin che mana-ta re Espíritu Santo chin re Dios ya'yon quich'abal, xa ja re espíritu chin re anticristo re ya'yon quich'abal. Jac'a espíritu re' re ic'axan che nipa, y vocame c'o chic chach re ruch'ulef.

Kaqchikel Western Solola

³ Yac'a wi niquibij chi ri Jesucristo tek xpe wawe' chuwech re ruwach'ulef ma xoc ta winek achi'el riyoj, nik'alajin chi ma ya ta ri Lok'olaj Espíritu riche (rixin) ri Dios ri yayon ri ch'abel chique. Xa ya ri espíritu riche (rixin) ri itzel ri yayon ri ch'abel chique. Ri espíritu ri netzelan riche (rixin) ri Cristo y nuben chi can ya riya' ri Cristo. Ya c'a espíritu re' ri iwac'axan ri c'o chi nipe na, y wacami xoka yan c'a chuwech re ruwach'ulef.

1 Juan 4:3 Iomraidhean Croise

San Mateo 24:5

Porque ekꞌiy ngetuqaqa ri ndikiqꞌabꞌaj kiꞌ chi ja yin xinuqaqa porque kereꞌ ndikibꞌilaꞌ: Ja riyin ri taqon pe roma ri Dios chukolik ri rutinamit, ngechajeꞌ. Y ekꞌiy wineq ngechꞌakatix koma rejeꞌ.

1 Juan 2:18

Rix ri kin achel chꞌuteq wíta akꞌolaꞌ keriꞌ, iwetaman chi rojkꞌo chik chupan ri rukꞌisibꞌel tiempo chin ri rochꞌulew. Y achel iwakꞌaxan chi nduqaqa ri jun ri ndiyakatej chirij ri Cristo, wokami ekꞌiy chik ri eyakatajneq chirij ri Cristo, romariꞌ qetaman chi xa rojkꞌo chik chupan ri rukꞌisibꞌel tiempo chin ri rochꞌulew.

1 Juan 2:22

¿Achike ri altíra tireqꞌon? Riꞌ ja ri ndibꞌiꞌin chi ri Jesús ma ja ta ri Jun taqon pe roma ri Dios chukolik ri rutinamit. Ri ndibꞌiꞌin keriꞌ ndiqꞌalajin chi yakatajneq chirij ri Cristo, porque ndubꞌij chi ri Dios ma Rutataꞌ ta ri Cristo, y ri Cristo ma Rukꞌajol ta ri Dios.

2 Juan 1:7

Porque wokami ekꞌiy ebꞌaneq chochꞌulew, ri ngebꞌiꞌin chi ri Jesucristo atoq xuqaqa chochꞌulew, ma xkꞌojeꞌ ta ru-cuerpo achel qa-cuerpo roj wineq. Ri keriꞌ ngebꞌiꞌin, xa echꞌakatinelaꞌ, y xa ejunan rikꞌin ri jun ri yakatajneq chirij ri Cristo.